الاعلان العاشرة مساء الجديد :العاشرة مساء في ثلاث كلمات : الثقة قبل الخبر

هاي يا جماعة شوفتوا اعلان العاشرة الجديد

جميل اووووووووووووووووووووووووي
هو صحيح كان يبقي اجمل لو الضيوف اللي حطنهم في الاعلان يتكلموا اقصد جايبيبن صورهم وهما بيتكلموا زي اول اعلان خالص للعاشرة فاكرينة اللي مني كانت بتقول فية
تحيتي و مساء الخير في العاشرة مساء
وبتنهية ب
شكرا ضيوفي والاقاكم الساعة عشرة يوم السبت

وكمان لو يبقي اطول لانة قصير بتهيقلي مقارنة بالاعلانين بتوع السنين اللي فاتت
بس بردو الاعلان دة جديد وشكلة حلو
اما احلي ما فية واللي شدني لية بد و لفت انتباهي هو اخر الاعلان وهي جملة فعلا معبرة وجميلة


الثقة قبل الخبر

وهو دة العاشرة بجد الثقة قبل الخبر مش الخبر و بس لا الثقة قبل الخبر مايذيعوش حاجة الا ما يكونوا متاكدين منها 100% ولا معلومة تتقال الا ما تكون صح او ان مني علي طول بتعترف و تقل انا غلطت انا اسفة دي معلومة مش صح
هي دي بجد صناعة الاعلام المحترم الاعلام اللي مبني علي الثقة والدقة
المبني علي الثقة المتبادلة بين الطرفين المشاهد و البرنامج
ودة الفرق بين البرامج التانية و العاشرة مساء
الثقة هي فعلا اساس النجاح
الثقة و الدقة هي الي خلت العاشرة برنامج ناجح لية شعبية من المحيط للخليج
وهو دة طبعا الاساس لو مفيش ثقة بين الطرفين
لو مفيش ثقة ودقة في المعلومات وفي اهمال وتكبير للمشاهد
عمر ماهيكون في نجاح
الثقة والتاكد و احترام الامانة اللي هي عقلية المشاهد اللي بيشوف البرنامج ووقتة كمان هي اساس نجاح العاشرة
فعلا جملة بليغة ومعبرة وجميلة ولسان حال البرنامج او العاشرة في ثلاث كلمات
الثقة قبل الخبر
انا اري انها ابلغ جملة ممكن ان يصف بها العاشرة مساء فهي جملة تحمل الكثير والكثير تحمل مجهود فريق عمل يحترمون ويتعبون من اجل احترام عقلية المشاهد فهم يعرفون وبحق كيف يصونون الامانة اللي هي عقل المشاهد ووقتة فهم لا يجرون وراء صناعة الخبر و الاثارة والفرقعة اللي بعض البرامج بتتبعها عشان تجذب المشاهد لا فهدفهم اسمي وانبل هدفهم الثقة المتابدلة بين المشاهد وبينهم ودة في رايي ارقي و ارفع انواع الاعلام وياريت كل البرامج تتعلم منهم


ياريت احنا كمان يا جماعة في منتدانا نكون مراة لذلك الصرح العظيم الذي نعمل من اجلة ونعمل علي اسمة الا وهو العاشرة مساء ومني الشاذلي
ياريت يكون شعار منتدانا زي بالضبط شعار البرنامج الثقة قبل الخبر

يا ريت نعمل بالضبط زي البرنامج نخلي بالنا اننا نحمل مسؤلية كبيرة وهي عقل ووقت اي انسان بيسجل اسمة وبيعمل اكونت علي الموقع دة هنا لازم زي ما هو اعطانا امانة وشيلنا المسؤلية احنا نصون الامانة ونديلو معلومات واخبار صح وموكدة 100%
انا عارفة اننا فعلا ملتزمين وبنحاول ان كل معلوماتنا تبقي دقيقة بس بردو لازم نحرص اكتر من كدة
عارفة ان الموضوع عايز وقت وخبرة بس ان شاء اللة هنوصل ونبقي احسن منتدي في العالم
بس اللي لازم نتاكد منة ان دي مسؤلية والمسؤلية موضوع كبير مش حاجة صغيرة ولا تافهة مادمنا عايزين نبقي احسن منتدي في العالم ومادمنا ارتضينا ان نحمل اسم برنامج عظيم زي العاشرة مساء واسم اعلامية محترمة وهي مني الشاذلي
الاسمين دول في حد ذاتهم مسؤلية عظيمة لازم تؤ رقنا دائما
ولازم تخلينا باستمرار نحط امام اعينا عبارة

الثقة قبل الخبر

كلامك جميل قوي يا ساره .. و يارب دايما يفضل برنامج العاشره مساءا احسن برنامج في

الدنيا ..

امير

هو فيه اعلان جديد غير اعلان :
( يجعلك تفكر بم بم يجعلك تتأمل يأتي لك بكل الاخبار بمنتهى الدقة شئ تاني مختلف بيناقش قضايا مهمة احنا عايشين في البلد دي كله كلام نظري هاطيح في البشرية كلها أعوذ بالله يا شيخ انما في النهاية تجدوا ما يسركم)

أي خدمة كتبتلكم الاعلان كله فيه اعلان تاني غير ده جديد

هاي اديب حمدنا للة علي سلماتك اة دة الاعلان اللي تغير فية اعلان جديد غير دة انت لسة غالبا لم تراة بعد
اللي انت كتبتة دة هو الاعلان القديم مش الجديد

.

ازيك يا سارة وازيك يا جنة الله يسلمكم

وفعلا مشفتش الاعلان الجديد هحاول أشوفه