ما وراء رسومات اطفالنا...!!!

لغة الرسم
من خلالها نقدر نحلل رسومات اطفالنا
اكيد كل شخص منا عنده طفل قريب منه سواء ابنه او اخوه الصغير او ابن اخوه او اخته اوقريبه
الاطفال بيعشقوا مسك اى قلم وررقه ويدخلوا فعالم تانى يعبروا من خلاله عن احساسيهم
ومشاعرهم تجاه الاشخاص حولهم
يمكن كتير ممن الاشخاص بيعتبروا ان الرسم مش شئ ذا اهميه باعتباره مجرد شخبطه بيعملها
الطفل الموضوع عكس كده تماما اذا كنا احنا الكبار بنعبر عن انفسنا من خلال الكلام
او الكتابه فالطفل بيعبر عن نفسه من خلال الرسم ولكنه متحتاج الشخص اللى يفهم اللى رسمه
كنت بقرا كتاب عن فنون الاطفال وفجزء منه كان بيتكلم عن تحليل رسومات الاطفال حبيت
اشاركم معايا وان شاء الله تستفيدوا حتى لو كان شخص واحد هيستفيد من الموضوع انا هكون مبسوطه انى قدرت افيده

اولا الالوان:

لما يختار الطفل اللون الاسود او الرمادى ده تعبير عن شعوره بالحزن او الغضب نتيجة
معاملة الكبار له بقسوه فى فتره سابقه.
اما اذا كان الطفل فى حالة ارتياح ويشعر بالفرحه نجده يستخدم الالوان البراقه مثل
الاخضر والاصفر.
بعض الاطفال يلونوا باللون اللى يفضله والده او والدته مثل الازرق مثلا فهو يعبر عن
حبه لوادته من خلال محبته نفس اللون الذى تفضله .

ثانيا تفسير الشخصيه من خلال تحليل الرسوم:

الطفل العدوانى يميل الى الالوان الصارخه القويه مثل الاحمر.
على عكس الطفل الهادئ فهو يميل الى الالوان الحالمه الهادئه كالازرق.
غياب اللون فى بعض الرسومات يعبر عن فراغ عاطفى او شعور سلبى تجاه المجتمع حواله.

ثالثا:دلالات حجم الافراد فى رسوم الطفل:

عندما يرسم الطفل فرد من عائلته فى صوره سئيه مثل الوحش مثلا فهم يعبر عن موقف سئ حدث مع
هذا الشخص وشعور سلبى تجاهه.

عندرسم الطفل لنفسه بحجم صغير على عكس باقى شخصيات اللوحه هذا يعبر عن عدم ثقته بنفسه
وعن ضعف شخصيته.

عندما يرسم الطفل عائلته ونجد صورة الام متضخمه بعكس الاب فيرسمه بشكل ضغير فان هذا
الطفل يرى سيطرة شخصية امه وتسلطها على والده او انه يرى ان الام هى المسيطره فى
المنزل وصغر دور الاب فى تربية الابناء وتعليمهم.

عندما يرسم الطفل نفسه بحجم كبير عكس باقى شخصيات اللوحه او رقبته طويله او رسم راسه
بحجم كبير فانه يعتز بنفسه كثيرا لدرجة الغرور.

عندمايرسم الطفل حيوان صغير وامه تحتضنه وتحنو عليه فان هذا الطفل يفتقد لحنان الامومه
ويحتاج لمزيد من الاهتمام.

رابعا دلالات ملامح الشكل الانسانى فى رسومات الاطفال:

رسم شخص بحجم ضخم يدل على عدوانية الطفل.

رسم شخص ضئيل جدا يدل على مشاعر النقص وعدم الثقه بالنفس والقلق والخجل والاعتماد على
الغير والانطوائيه لدى الطفل.

الاطفال كثيرى التحدث او العدوانين يرسمون فم كبير جد وباسنان واضحه.

الاطفال اللذين يشعرون بانهم مراقبون باستمرار او متحكم فيهم غالبا ما يرسمون عيونا كبيره
اما رسم الطفل العين بشكل صغير للغايه يدل على الاعتماديه وعندما يحذف الطفل العين
نهائيا فهذا يدل على عدم الرغبه بالاختلاط بالاخرين والانطوائيه.

الايدى:
تدل الايدى الممتده للخارج على الرغبه فى التواصل مع الاخرين والتفاعل معهم
ومساعدتهم.

الايدى الكبيره توجد غالبا فى رسمومات الاطفال اللذين يسرقون اما الايدى الصغيره تدل على
شعور الطفل بعدم الامن وقلة الحيله كذلك الطفل العاجز او المنطوى ربما ينسى رسم
الايدى باستمرار.

ان شاء الله الموضوع ينال اعجابكم ونستفيد منه واعتذر لو كان طويل شويه

موضوع جميل يارنا وكلنا محتاجينه فعلا
لأن أولادنا طول وقتهم فى إيديهم الكراريس والألوان
وجميل جدا إن يبقى فيه تواصل مع حالاتهم النفسية من هذا المنطلق
شكرا يا رنا على مجهودك وجديتك0

جميل جدا يارنا ان امهات المستقبل يكون عندهم تلك المعلومات وغيرها من المعلومات القيمه التى تعينهم على التعامل مع اطفالهم فالامل انشاء الله فى الاجيال القادمه ونشكرك على تلك المعلومات المفيده

الحمد لله انا عديت المرحلة دي ههههههههههههههههههههههههههههههههههه
بجد معلومات مهمة جدا ومفيدة جدا

شكرا يا رنا ما وراء رسومات اطفالنا...!!! Icon_biggrin

حلو قوي الموضوع ده .. الف شكر يا رنا ..

ياسلام يارنا مواضيعك ديما فيها تميز ربنا يرزقك بااجمل الاولاد بس متنسيش تطبقي الحاجات عليهم

الموضوع جميل وفعلا كل التحليلات اللي فيه صحيحة
شكرا ياريري

الحمدلله ان الموضوع نال اعجابكم فرحتونى بجد ما وراء رسومات اطفالنا...!!! Icon_biggrin

استاذ طلعت ربنا يخليلك اولادك ويكونوا فى احسن حال باذن الله
استاذه عزه ده كان قصدى من الموضوع بجد انى افيد زى ما استفدت
ياه يا ايات ده انا كنت عمله الموضوع ده مخصصوص عشانك ههههههههههههههه لأ طبعا انتى صغيره اه بس مش اوى كده ما وراء رسومات اطفالنا...!!! Icon_wink

استاذ امير سعيده ان الموضوع عجبك حضرتك
ربنا يخليكى يا نونه ربنا يكرم الجميع بالذريه الصالحه
اشكركم جداااا على مروركوا الرائع وتعليقاتكم الجميله ما وراء رسومات اطفالنا...!!! Icon_biggrin

الطفل العدوانى يميل الى الالوان الصارخه القويه مثل الاحمر.

ياه على كده انا كنت مجرم وwantedكمان

هههههههههه

بجد شكرا رنا على كل الجمال ده

اجمل اللغات هى اللغة التى ليس فيها حروف
اى لغة المشاعر بها نرقى ونرتقى

معلومات تهتم بها كبيرات الدول المتقدمة لانها تهم النشئ عماد الامم وثروتها الحقيقة

ولكن اطفالنا مظلومين معانا اوى

شكرا مرة تانية

اشكرك جد يا محمود على مرورك
يارب يكون الموضوع نال اعجاب الجميع...

شكرا يارنا انك مهتمه بالجميع صغير وكبير

انا اخويا الصغير بيموت فى الرسم وبقيت اتابعه واشوف هو بيفكر فى ايه ميرسى خلتينى انتبه
ميرسى بجد

انا اللى بشكرك جدا يا مشمش مرحلة الطفوله مرحله مهمه جدا فى حياة اى فرد ولازم كلنا ناخد بالنا انهم يمروا بالمرحله دى بشكل سليم وسوى
شكرا مره تانيه...

» ما وراء النقد
» ما وراء شعارات الحكومه...
» هل تحاور الاعلامية منى الشاذلى السالفين من وراء حجاب ام بحجاب؟
» اصداء برنامج العاشره مساء / فيديو مجهول يتهم نجل رئيس الحكومة بالوقوف وراء مقتل ابنة ليلى غفران