مني الشاذلي مع عم احمد فؤاد نجم

.

سلام عليكم

الصراحه الي بعت الرساله دي عندوا حق
وزاد احترامي لمدام مني اكتر و اكتر و اكتر لما عرفت الخبر ده دلوقتي
انا شفت الي حد ما معظم الحلقه دي بس ما شفتش اللقطه دي

وانا الصراحه في اشعار لاحمد فؤاد نجم بتعجبني زي القصيده الي قالها عن بنته نواره الي بجد كانت رائعه حتي قعدت ادور عليها بعد الحلقه علي النت بس للاسف ملقتهاش و عاجبني قوي التتر الي عملوا لمسلسل حضره المتهم ابي كان بجد رائع

...

شكرا يا جنه علي المقال
وانا فعلا لحظت الرساله دي لما مدام مني قالتها وسط الرسايل وبعدين ضحكت ومكملتش عم نجم قالها متكملي قالت لا دي مش لحضرتك دي غالبا للكاميرا

ايوا انا شفت الحلقة كلها كانت جميلة اويييييييييييي وعجبتني وطبعا شفت الرسالة انا ضحكت موت لما وقفت وقالها اكملي يا مني راحت ضحكت وقالتلة لا دي مش لحاضرتك دي غالبا للكاميرا مان وضحكت تاني ففهمت انها معاكسة وحد بيعاكس القمر

سلام عليكم

دي يا جماعه قصيده نواره لاحمد فؤاد نجم انا عملت بحث و لقتها يارب تعجبكم و انا بجد حبيتها قوي




نواره بنتي النهارده تبقي
بتخطي عتبه
ليوم جديد
يارب خلى
يارب حافظ
يارب بارك
يارب زيد
يارب كبر
نواره تكبر
وتبقي أكبر
فى كل عيد
لا كل جمعه
لا كل يوم
لا كل ساعه
لا كل لحظه
تنول وتخطي
وتزيد نباهه
وتزيد ملاحظه
وتخطى مصر السعيده بيهم
ويبقوا ليها
وتبقي ليهم
غيطانها جنه
وترابها حنه
والنسمه خمره
ف قزازه حمرا
والنيل نجاشي
ما فيش ما جاشي
تمللى بيجي
أخضر مليجي
دايما يوفي
دايما يكفي
كل الخلايق
يصبح صباحه
فلاحه يمشي
على شطه عايق
والدنيا صافيه
والجو رايق
ما فيش معاكسه
مافيش مضايق
ما فيش عساكر وقهر تاني
كل الاماني بقت حقائق
يارب وفق
يارب وأفق
يارب ريد
واكتب عليهم
فى كل لحظه
فرح وعيد
بسكوته بابا
حاضر يا ماما
وتقوم تدوسني
عشان تبوسني
وتنام فى حضني
وتقوم ف حضنى
وتعمل العمله
وتملا حضني
الله يجازي البعيد شيطانك
حماره كلبه
مش عيب يا ماما
كده البيحاما
مش بابا قايل
وماما قالت
من طول ما حطت
وطول ما شالت
ساعه ما تبقي الحكايه
كخه
يقولوا إا ح
قوام يا ماما ؟
بسكوته بابا
بسكوت في عينك
ما فيش معامله
بيني وما بينك
ياللا امشي قومي
حماره كلبه
باظت هدومي
ماتقومش طبعا
ولا أي حاجه
وكانه مثلا
ما حصلش حاجه
تقعد تكلضم
وتلوي بوزها
وتتجاهلني
كاني جوزها
خاصماك يا بابا
ماتكلمنيش
طظ ف عظمتك
ما يهمينش
ديتها بوسه
أو تهشيكاته
أو بسكوتايه
أو بمبونايه
حتسوقي شغل النداله طبعا
وتروحي جارّة الكلام معايا
وبوسه بابا
أديكي بوسه
سكر يا بابا
تديني بوسه
كده اصطلحنا خلاص يا بابتي ؟
كده اصطلحنا يا نوارايه
مش دي الحكايه
ولا انتي يعني
لا
يعني أيه ما تخرفيش
دي تبقي يعني
الحكايه يعنى
ملعون أبوكي
ما تاخذينيش
لو كان فى قصدك
أو ربع قصدك
أو كنتي حتي
ما تقصديش
ان انتي يعني
خاصماك يا بابا
ح تخصمني
أطلع ما فيش
أبوكي أيوه
ما كانش حاجه
لكنه حاول يعيش لحاجه
وجيل أبوكي
كان يعني حاجه
وجيلك انتي
حيبقي حاجه
ومصر تبقي ألنهارده حاجه
وبكره حتما
حتبقي حاجه
وأي حاجه
وماتكونيش حاجه
إلا وسببها
فى الاصل حاجه
وبكره لمن
قمر كو يطلع
والشمس تسطع
فوق كل حاجه
حتقولوا
كان فى المكان دا ناس
فيهم طيابه
فيهم حماس
وفى الحماس
بعضش عباطه
وكانوا اخر الامر
ناس
وكان زمانهم سجون
وكانوا
مابين سجونه وامريكانه
وبين ضباب الطريق حياري
ما حد قادر يشوف مكان
حتقولوا كانوا
وياما كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه
ويا ما ناس فى المسيره
مشيت
وناس ف نص المسيره خانوا
حتقولوا كانوا
لكن يبقي فى الامر حاجه
ان اللى عربد
ما سابش حاجه
وساب كلابه
على كل حاجه
تهبش وتنهش
فى كل حاجه
ما قدرش يقتل فى أي حاجه
روح التفاؤل
بكل حاجه
ما حد قادر يشوف مكان
حتقولوا كانوا
وياما كانوا
وياما كانوا
وياما شربوا
وياما عانوا
وياما جالهم
وياما جيلهم دفع
وكان التمن أمانه


سلام ويارب تعجبكم

...

لا شكر علي واجب يا جنه

شكرا جنة على المقال
سلم ايدك يا جميل

ميرسي يا جنة علي المقالة ويا ريهام علي القصيدة

good job