ربنا يخليك

موضوع: ربنا يخليك الإثنين أبريل 05, 2010 10:38 pm

دعاء نحبه ونرغب فيه جميعا ولكن السؤال نحب ربنا يخليك لغاية امتى ؟

تحب ربنا يخليك لغاية امتى ؟

دعنى اخلع قبعتى وانحنى امام سؤلك الخطير

الاجابة :عندما لا استطيع عمل الخير

ربنا يخليك 35n3qbn

سؤال خطير يا مدام عزة ، والإجابة عليه بسيطة
نفسى أعيش طول ما أهلى وأحبابى بخير وطول ما أنا على طاعة
قال رسول الله صلى الله عليه وسلم (خيركم من طال عمره وحسن عمله)صدق رسول الله
وإذا أذن الله بعباده فتنة فأدعوه مخلصا أن يعجل بى إلى جواره غير مفتون
وياريت حضرتك تزيدينا من علمك الوافر
شكرا يا مدام عزة
على مواضيعك الرائعة0

سؤال ذكي وهينخدع فيه المشرفيين ههههههههه
لاني افتكرتك كاتبة ربنا يخليك لحد قدم لكي حاجة في الموقع ههههههههههههههههه يعني علي اساس ان التشكرات الشخصية بتكون علي الخاص مش موضوع منفصل علي العام

المهم

لا بجد اعتقد ان هذا القول قليلة الفاظه ولكنه كبير المعني

ربنا يخليك قد تكون مجاملة او رد نتيجة موقف طيب من شخص تجاهك

ولكن عندما نحسه ونشعر به ونعنيه حقا يكون معناه ليس مجرد رد عابر

نقولها للام والاب ونحن ننظر اليهم في حيرة عن كيفية رد الجميل لهم ونتمنا من الله ان يخليهم لينا ولا يحرمنا منه ابدا

نقوله لاخ حنون ويقف بجانبك واخت حنونة قريبة لنفسي

نقوله لصديق حنون يمسح دمعتك ولا يجعلها دمعتين

نقوله لشخص أثر فينا ورسخ معاني جميلة ومبادئ عظيمة امثال جويدة والشاذلي وقنديل

نقوله لشخص مثلك استاذ عزة اثرنا وقتنا بموضوع قيم او فكرة جيدة او لحظة طيبة

اعتقد قول ربنا يخليك ندين به لكثيرين ممن حوالينا من اناس حبونا وكان اهتمامهم بينا اولا وبدورنا علينا الاهتمام بيهم

واعتقد اننا سنذكرك بالخير كثيرا من الان في الموقع لاننا نحب بعضنا البعض ونتمنا ان ربنا يخلينا لبعض اسرة واحدة

تحياتي لكي موضوع مميز واختم يومي به واذهب للنوم لاصحي باكرا واذهب الي مدرستي التي يوجد بها معلم ومعلمة يستحقوا ان ادعي لهم ....ربنا يخليك

سؤال غاية فى الذكاء يا استاذه عزه كلنا بنقول ربنا يخليك لاشخاص نعزهم ونحبهم واحيانا تكون مجرد كلمة شكر على فعل قام به اخر
اما سؤال تحب ربنا يخليك لغاية امتى؟؟؟
فالاجابه عليه صعبه بالنسبه ليا طول ما اهلى وصحابى بخير فانا سعيده ولكن لا اتخيل حياتى بعدهم واتمنى ان يكون موتى قبل حدوث اى مكروه لهم
وبرضو لا احب ان يكون عمرى طويل بدون بركه فى العمل او تقصير فى علاقتى بربنا نفسى ربنا يخلينى لحد الوقت اللى حسناتى في تكون منقذ لى من عذاب الاخره والقبر
اشكرك جدا يا استاذه عزه على هذا الموضوع فوق الرائع سلمت يداكى

محبش افضل كتير ونفسى امشى بدرى يعنى من 30 ل 35

تعب كلها الحياه

مش عارف أجاوب على السؤال يا مدام / عزه

ممكن اختيارات؟
هقول بصراحه
لغاية سن الأربعين تقريبا لم يخطر على بالي الاجابه على هكذا سؤال
مش عارف ليه
المهم
وبعد سن الاربعين بدأت افكر كل يوم في الاجابه على هذا السؤال
وعلمت السر حيث قرأت قول الله تعالى (حتى إذا بلغ أربعين سنة قال رب أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت إليك وإني من المسلمين ) صدق الله العظيم
هنا فقط عرفت الاجابه
وهي أن الانسان يعطي ولا يتمنى الموت حتى يأتيه القدر المحتوم
شكرا للفاضلة عزه على مواضيعها الجميله

زائر

أولآ أنا ذعلان من حضرتك وأستاذ طلعت
بقى تخلينى أقعدأدورعلى معنى يؤدى لنفس الغرض وفى نفس الوقت لاتهتمى وتبدى رأيك
الموضوع إستبدلت كلمة الضغط العالى أوعى يكون عندك ضغط زى حلاتى هأهأ

أولاأحيكى على السؤال فى صيغة طرحه أستاذتى الغالية/عزة
ولكن ومع إحترامى الشديدلحضرتك ولكل من أبدى ودون تعليق قبلى
أرى إن هذا السؤال تخيلى لاأجابة عليه
لاحيلة فى الموت ولاشفاعة فى الرزق
لأن هذة الأمور يعتبر الأنسان مسيرفيها لامخيروهودعاء المقصودمنه ربنا يخليك لأولادك
يخليك بصحتك وهكذا وليس الغرض منه أختيارالوقت لرحيل الأنسان
وهذا هورأى أشكرك أستاذتى الغالية

اشكر حضراتكم جميعا على تلك المشاركه التى استمتعنا من خلالها بأسمى المعنى التى توجد بداخل كل منكم من حب للخير والاهل والاحباب ولكنى اهمس فى اذن الجميله مريم ان نصف الكوب المملوء اجمل من النصف الفارغ ياعزيزتى
استاذ ممدوح لأ انا عندى سكر بس والحمد لله
متزعلش بس هى فين الكلمه البديله ديه ؟
طبعا السؤال تخيلى يا استاذ ممدوح يعنى حينما نسأل شخص تحب تاكل ايه يعنى اكيد هو حيأكله طبعا لأ فالمسأله كلها رزق لأن احتمال هذا الشخص يتوفاه الله قبل ان يتناول هذا الطعام الذى احب ان يأكله
الاستاذ طلعت كما عودنا يدرك مابين السطور واستنتج ان للحديث بقيه وطلبها فى آخر جمله وفعلا للحديث بقيه

زائر

الكلمة التى تسألى عنها فى موضوع لوحة مفاتيح أنسانية

موضوع: رد: ربنا يخليك الخميس أبريل 08, 2010 2:49 am

في إطار كشف أسرار طول العمر لإهدائها إلى الأحياء، سلط علماء البيولوجيا بجامعة "ليتشه" الإيطالية

القنديل الخالد.. كائن بحري لا تصيبه الشيخوخة

الضوء على نوع جديد من قناديل البحر تغزو المحيطات بكثرة ويجدد شبابها باستمرار في دورة حياتية لا نهائية.

ووصفت صحيفة "كورييري ديلا سيرا" الإيطالية في عددها الصادر بتاريخ 29 يناير 2009 هذا النوع من القناديل البحرية بأنه "خالد" بما تحمل هذه الكلمة من معنى؛ لأنه قادر على إلغاء الدورة البيولوجية الطبيعية، وبالتالي الهروب من المرحلة النهائية من عملية الشيخوخة، التي يعقبها الموت

موضوع: رد: ربنا يخليك السبت أبريل 17, 2010 7:42 pm

ربنا يخليك نستخدمها للدعاء لشخص عمل اوقالنا حاجة جميلة
وكمان لما عاوزين حاجة نتوسل اننا ناخذها فطريقة من طرق التوسل بنقول الله يخليك للترجي

مبحبش اعيش كثير وبخاف من العمر الطويل اللي يوصل الى ارذل العمر ولو على التمني فياريت اوصل لسن 50وبس -الحمدلله على كده-وربنا يرزقنا حسن الخاتمة-هو ده الاهم-

شكرا ياماما عزة

موضوع: رد: ربنا يخليك السبت أبريل 17, 2010 10:28 pm

شكرا يانونه على المرور وان شاء الله ياحبيبتى ربنا يديكى طولة العمر والصحه والسعاده ويقدرك على فعل الخير

موضوع: رد: ربنا يخليك السبت أبريل 17, 2010 11:09 pm

اولا اسمحيلى استاذة عزة اسجل احترامى لحضرتك و فعلا فكرة السؤال جميلة بس بصراحة يا استاذة عزة انا بطلت اقول ربنا يخليك او بمعنى اصح استبدلتها بربنا يبارك فى عمرك يعنى انا بصيت حوليا لقيت ربنا سبحانه و تعالى مخلينى و مخلى ناس كتير بس حال الدنيا زى ما حضرتك عارفة .. يعنى أوقات كتير بتمنى ربنا ما يطولش فى عمرى قوى بس يباركلى فيه بحيث انى لما اموت إن شاء الله يكون ربنا سبحانه و تعالى راضى عنى و اكون سبت ذكرى و معانى جميلة فى قلوب كل اللى حبتهم و حبونى

و يعنى لو كان فى اختيار فاحب ربنا يخلينى لحد ما شوف فى اليهود يوم .. يا رب

موضوع: رد: ربنا يخليك الأحد أبريل 18, 2010 3:45 am

عزيزتى فرحه انا سعيده بمرورك وتعليقك بس تعرفى انا حأجاوب لك لاول مره على سؤالى
انا شخصيا تفسى ربنا يخلينى لغاية لما أجهز الشنطه
طبعا حتقولى شنطة ايه
مش واحنا مسافرين بنجهز الشنطه ونضع بها احتياجاتنا ؟ ولو معملناش كده نحتاس فى السفر صح ؟
طيب فى الرحله الطويله المؤكده الست محتاجه لشنطة سفر
وهنا مش حتكون مجهزه بالملابس لكن بالطاعه والاعمال الصالحه والبعد عن المعاصى وكثرة التوبه وكل ذلك تتاح لنا فرصة تحقيقه بشكل مكثف بعد انفضاء المسئوليات الاجتماعيه التى قد تشغلنا كثيرا
ولذلك انا ادعو دائما ربى ان يطيل عمرى لأتمكن من اعداد حقيبتى
فرحه طبعا كان السؤال هزلى على فلسفى وكان خطر على بالى حينما قرأت موضوع الحيوان البحرى الذى لايموت ويجدد خلايا شبابه دائما حتى لايصل الى الشيخوحه
وربنا يطيل عمرنا جميعا لنكون اسباب لإسعاد من حولنا

موضوع: رد: ربنا يخليك الأحد أبريل 18, 2010 12:08 pm

أشكرك يا استاذة عزة على ردك الجميل و ربنا يقدرنا جميعا اننا نملى الشنطة بكل حاجة حلوة ترضى ربنا سبحانه و تعالى عنا و يا رب يبارك فى عمرك و يخليكى لكل اللى بيحبوكى و يحترموكى و الجميع يا رب

و بالنسبة لموضوع قنديل البحر الذى لا يموت ـ سبحان الله ـ فههى فعلا حاجة تخلى العقل يفكر يا ترى ده ممكن يكون أمل لينا مش بس لنفوسنا لكن اكتر للناس اللى بنحبها و ما نقدرش نستغنى عنها يا ترى ممكن تفضل لينا اكتر وقت ممكن؟

بجد اشكرك جدا استاذة عزة على موضوعك الجميل

موضوع: رد: ربنا يخليك الأحد أبريل 18, 2010 4:53 pm

اقتباس :: شكرا يانونه على المرور وان شاء الله ياحبيبتى ربنا يديكى طولة العمر والصحه والسعاده ويقدرك على فعل الخير

يارب يعزك ويكرمك

موضوع: رد: ربنا يخليك الأحد أبريل 18, 2010 5:42 pm

عايزه افضل ربنا مخليني لغايه ما هو يأذن بان كفايه عليا كده
بمعنى اني عايزه اموت في الوقت اللي مكتوب لبا اموت فيه.
بس يا رب حسن الخاتمه و الفوز بالجنه هو ده بجد اللي بتمناه

موضوع: رد: ربنا يخليك الإثنين أبريل 19, 2010 7:48 pm

فرحه / نونه / يمنى

اشكركم على مروركم
ويارب يطيل فى عمركم لاستغلاله فى الخير لكم وللاخرين

بجد موضوع رائع جدا جدا أستاذة عزة

أراء ثرية جدا وللغاية

وأنا أتمنى أن يقبضنى الله وأنا على طاعته وأنا أصلى وساجد

تماما مثل هذا الرجل

وقد رفعته لكم

على هذا اللنك

http://www.mediafire.com/?1iyoegodf1t

تحياتى

محمود .. المشهد ده رائع .. فعلا حاجة تشيب .. يا رب احسن خاتمتنا فى الامور كلها
الف شكر ليك و لحضرتك استاذة عزة انك اتحتلنا الفرصة دى

شكرا يافرحة

شوفى جزاء ربنا للراجل ده دلوقتى

عامل أزاى

شكرا لكى يا أستاذة فرحة

تحياتى

محمود اشكرك لمرورك ويارب يطيل عمرك بالخير

وياللا نجهز الشنطه

» ربنا يستر
» ربنا يهدي
» ربنا يسترها عليكي يا مصر
» من هي مني الشاذلي ؟
» ربنا يقطع إيديهم اللي دايما ممدودة في جيوبنا