قصيدة للتضامن مع الأخوه القباط

حرام عليكو يا مصراوية ايه اللي حصل في إسكندرية
هوا اللي حصل ده شوية فين الحكومة الوطنية
ده انا وبيتر وحسام قضينا اجمل ايام
مع بعض بنذاكر وناكل ونشرب وننام
عمر ما تفرقنا الأوهام دي أيد خفية ولا في الحلام
بتدينا مخدرات وبرشام ما هي عاوزه تقتلنا قوام قوام
الشيخ والقسيس إتـقابلوا يوم الخميس
ده عيد ميلاد إبليس وحلفوا يدمروا الخسيس
بالحب والوحده هكون ممنون وبأيدي هقتل اللي يخون
تنظيم قاعده إن كان ولا حتي رد سجون
مش لازم نقول مفيش حلول
ده ضعيف وجبان اللي دمه هان
معاكوا علي طول يا اخواننا يا مسيحيين
وزي ما قال رسولنا الكريم لكم دينكم ولي دين
ولو مهما حصل بيننا مش هنسي الموده اللي بيننا
واللي تهون عليه العشرة عمره ما كان مننا
يا سلام علي جرجس وعم نصر
اللي دايما غنوا في حبك يا مصر
عندي رساله ولازم أقولها
للجاسوس اللي حب في يوم يخونها
عمرك ما هتلاقي نفسك معاهم
وكنوز الدنيا سراب في هواهم
ويا سلام علي الريس حسني مبارك
اللي في كسرة عينهم معانا شارك
دي هزيمة إسرائيل ولا كل المعارك
عجزناهم وخليناهم زي الجمل البارك
ولا أي كلام ولا كل المعاني
هتعبر عن جرح أخويا اللي بيعاني
من كتر الصمت قالوا متنا موت
ده كده القطر هيفوت. من النهارده مفيش سكوت