استاذة عزة اقتراح حضرتك نبيل جدا
و اسمحيلى حضرتك اضيف مش بس الوردة البيضا ممكن حتى تليفون .. ممكن الزيارات بين الجيران او الاصحاب او الخروج .. كل مبادرة طيبة تيجى على بالنا لازم ننفذها .. اى كلمة طيبة او مواساة هتبقى وردة بيضا
رسول الله صلى الله عليه و سلم لما جاره اليهودى مرض زاره و النهارده الاخوة الاقباط حاسين بظلم كبير وقع عليهم انا مش موجودة بمصر بس قادرة احس ده جدا من صور المظاهرات و التعليقات على المواقع الاخبارية .. مش بس كده احنا كمسلمين لما بيحصل ظلم علينا من الغرب بنغضب و بنبقى فى لحظة الغضب ديه مش محتاجين غير حاجة واحدة اسمها العدل .. العدل ده بقى هو الوردة البيضا اللى المفروض اننا نسعى كمصريين اننا نقدمه للاخوة الاقباط لان ده هو اللى محتاجينه حقيقى .. و الترضية الحقيقية ليهم ان يكون في افعال.. مش بس مجرد كلام
يعنى مثلا لما الدكتور ذكى بدر اتصل بمدام منى و قال ان بكرة هيكون فى شئ مهم فى مدارس مصر كلها تصورت مثلا انه هيبقى قرار رسمى بتخصيص حجرة فى كل مدرسة لحصة الدين المسيحى حتى لو هنفضى فصل دراسى او حجرة معلمين فى النهاية حصة الدين انبل و اهم و اجدر انه يصدر بشأنها قرار وزارى
مطالب كتير للاخوة الاقباط اهمها دور العبادة .. من حقهم على الدولة كدولة مسلمة دينها بيلزمها بحماية الاقباط و العدل فى شأنهم انها تفصل فى الامور دى لان الاكتفاء بمجرد الكلام و الشعارات هتكون نتيجته احساس داخلى بالظلم هيتفجر عند اى مشكلة حتى لو كانت صغيرة
استاذة عزة الف شكر لحضرتك و اتمنى فعلا ان اقتراح حضرتك يتنفذ هيبقى شئ جميل جدا
النوع
موضوع: اقتراح ........... ارجو قراءته 
الإثنين يناير 03, 2011 3:44 am
