استفسار مهم ياريت تجاوبونى

انا عندى مرض فى الاوتار الصوتية اسمه العقد الصوتية vocal nodules
وده بيتسبب فى بحة فى الصوت وكمان الصوت بيروح وبروح لدكتور تخاطب وقالولى ان المذيعة الجميلة منى الشاذلى اصابها نفس المرض ده وانها اتكلمت عنه فى العاشرة مساءآ
ياريت حد يقولى هيه قالت ايه بالظبط وياريت كمان لو تنزلولى فيديو الجزء ده من الحلقة
وجزاكم الله خيرآ

اولا الف سلامة عليك ....

ثانيا الي قولته.....

كان بعد اجازة للبرنامج لانها كانت عيانة ....

هي قالت....انها جلها اوامر عوليا..انها تتكلم علي قدها والاوامر دي من الاطباء

لاني عندها مشكلة في الاحبال الصوتية ...وياما عملية وهي رفضت العملية

ياما تروح لدكتور تخاطب ..للتعلم النطق من جديد بطريقة سليمة عشان الاحبال الصوتية

ولا تضحك بصوت عالي ولا تقول احم احم كتيييير ...

بس كده بس ماقلتش اسم المرض

...بس ده هيفيدك في ايه..بالنسبة لمرضك..؟؟؟؟

فى اية جماعة ما تشوفو مالة دة

والله ما اعرف يا هند ماله مين زعلة

هو باين عليه نفسه يجيله نفس المرض علشان يكتب ويسأل زيه ( حقد )ههه

اطلع بره المنتدى بره المنتدى !!

مش فاهمة حاجة

هو فيه إيه؟؟؟؟؟؟؟؟؟

هى منى تعبانة فعلا ولا إيه ؟؟؟؟؟؟؟؟ده اللى لقطته من الكلام

كانت عندها مشاكل في الاحبال الصوتية من فترة ، والحمد لله تقريبا شفيت ، وهي تكلمت عن المشكلة دي ووصفت حالتها على الهواء وقالت ربنا يستر لأن لو المشكلة دي تضخمت يعوض علينا في الشغلانة دي، فنصحوها الأطباء بعدم الضحك الكثير وعدم الكلام بصوت عالي ، فالاخ صاحب المقال تساءل عن الموضوع أدي كل الحكاية

تحياتي:
شفاكي الله وعافاكي
أعتقد ان الست منى قالت زي لما قالت الفاضلة / آيات
يمكنك مراجعة أخصائي أمراض الأنف والأذن والحنجرة
مع تمنياتي لك بالشفاء العاجل



اما المدعو smsm123
فعلاجك معروف ومتوفر في (مصحة الأمراض النفسية والعصبية )المتوفرة في كافة المحافظات
ولن أرد عليك ثانية

آه فهمت شكرا يأديب

واللى اسمه سمسم ده متضايق ليه يعنى ؟؟؟؟؟؟؟؟؟

الموضوع عادى

مرسي يا اديب على التنبيه

ربنا يكفينا شر الدخلاء علي المنتدي ..

امير

مش فاهمة معلش وضح يا أستاذ أمير هى البنت غلطت؟؟؟؟

فهمونى

فيه ايه يا جماعة
انا كنت سألت فى الموضوع ده بسلامة نية وربنا شاهد على كده
ومادخلتش من يوم ما قريت اول رد ولسه داخله المنتدى دلوقتى وفوجئت بكم الهجوم ده عليا !!!!!!!!!!!
ناس بتقول انى بدعى المرض عشان حقد!!!!!!!! وناس بتقول علاجى فى مستشفى الامراض النفسية!!!!!!!!!!
على العموم جزاكم الله خيرآ وربنا هوه اللى عالم ومطلع على النوايا

لا على فكرة مش انتى خالص كان واحددخل وكتب تعليق سخيف تقريبا ايات شالته فكل روددنا على التعليق السخيف مش عليكى خالص طبعا ربنا يشفيكى بس هو كان رده بايخ وعلى ما افتكر دخل وقال ما تروحى تتعالجى وتريجنا انا مش ناقصينك دا تقربيا كان تعليقة وهو ما دخلش تانى بعد كده

تحياتي:
يا أختي الفاضلة ما قصدناكي أبدا والله
إحنا قصدنا هذا الذي كتب كلام غير لائق فرددنا عليه وكلامه الإدارة مسحته لأنه ميصحش يكون موجود
بل وكلنا تمنينا لك الشفاء العاجل وما زلنا
طمنينا عنك
وارجو أن تكوني بخير وتوصلت إلى علاج
أكرر الكلام الموجود أعلاه كان ردا على ذاك الثقيل الذي كتب كلام غير لائق والحمد لله انصرف ولم يدخل ثانية
لكم التحية والسلام

شكرآ جدآ على اهتمامكوا بالرد وتوضيح اللى كان حصل لانى كنت اكتئبت بجد
على العموم انا الحمدلله اتحسنت كتير وربنا يكملها بالستر علينا جميعآ
و جزاكم الله خيرآ

العفو...واتم الله عليك الصحة ...ونتمني نشوفك معنا

ربنا يكمل شفاءك على خير وبعد الشر عليكى من الاكتئاب وياريت تنورينا دايما