احبائى
الموضوع مش مضحك , ولكن ده خيبة وخيبة دوبل وبالويبة , يعنى احنا عندنا فى مصر مشروب اسمه بيريل , والبيريل ده بيتعمل فى مصنع بيرة الاهرام من الشعير , وبيختلف عن البيرة العادية فى انه فش فيه كحول ومش مسكر , والشعب كله بيشربه , بس اسمه التجارى بيريل مش بيرة بيريل والاختلاف بين الاسمين انك بتشرب مشروب غازى زى الكوكاكولا مش داخل فى نطاق المسكرات , بالعكس بيتميز البيريل عن الكوكاكولا انه دواء للى عندهم اى مشاكل فى المسالك البولية لن من خصائص الشعير ان مدر سريع جدا للبول يعنى بيغسل الكلى من الاملاح , والخلاصة انك بتقول انا حشرب بيريل مش بيرة بيريل , اما موضوع ويسكى لكن مش مسكر هنا كلمة ويسكى بتديك ايحاء انه خمر , يعنى المادة المكونة لهذا المشروب اذا كانت مادة بريئة ليه ماسموهاش اى إسم ؟ يعنى فى السوبر ماركت الفاخر فيه زجاجات مستوردة وغالية جدا عصير عنب وعصير تفاح , بس عصير عصير يعنى مافيهوش كحول ولا مسكر بس عصير راقى يعنى لأن فيه عصير عنب ب 2 جنيه لكن عصير ب 40 جنيه معناه عصير فاخر , لكن كلمة ويسكى هنا محرضة , يعنى انتم عارفين زجاجات العطور والبخاخات والبللية الدوارة كلها بتعبأ فى اوروبا ويسكى وتدخل الدول العربية الممنوع فيها الخمور على انها برفانات لكن عمر تمنها ما يوصل 500 جنيه للزجاجة , لكن لما تكون زجاجة ويسكى ب خمسة مليون دولار ومش مسكر ده بيرضى غرور ناس تافه تحب تتحدى القوانين , يعنى قانون بلده بيمنع الويسكى وزجاجاة الويسكى دى بتديه احساس انه فوق القانون , وزمان قالوا رزق الهبل على المجانين , يعنى فيه مصانع كتير شغالة على فلوس الناس دى اللى من غير عدد ومن غير حساب , يعنى مثلا فيه شركات سيارات بتبيع هناك عربية موديل السنة الجاية قبل ماتنزل السوق عشان واحد تافه بيدفع فيها عشر اضعاف تمنها لإحساسه ان العالم كله بيركب عربية موديل السنة دى وهو مختلف عنهم انه بيركب موديل السنة الجاية , وفيه سماسرة بيعملوا عليهم شغل , يعنى عربية مرسيدس تمنها مليون جنيه , يطلب عربية فيها تابلوه مختلف معمول عشانه هو شخصيا او عليها شعار العائلة , ممكن يدفع فيها عشرة مليون جنيه وماله ما الفلوس اكتر من الرز , ده فيه كمان حاجة تضحك عارفين طبعا النمر الحديثة الخايبة بتاعة السيارات اللى نزلت عندنا فى مصر انا نمرتى ط س ص كذا , فى الخليج لما الواحد بيشترى عربية مش بينظر للعربية نفسها ولكن للنمرة تخيلوا ؟ يعنى مثلا نمرة ب د ر تفرق آلاف الجنيهات عن نمرة تانية و 777 موضوع تانى , انا جدتى زمان قالت مثل : اللى معاه قرش محيره .... يشترى حمام ويطيره
مع اطيب تحياتى
النوع
موضوع: شركة أجنبية أنتجت أول زجاجة ويسكى حلال بـ 5 ملايين دولار وبدأت فى بيعه فى الأسواق العربية للأثرياء العرب بشكل عام والمسلمين بشكل خاص !!!!!!!!! 
الثلاثاء مايو 17, 2011 9:05 pm
