ورجعنلكوا مره تانيه بقانون الطوارئ بس بشكل جديد

أعزائى المشاهدين مشاهدى قنوات المجلس العسكرى وبقايا النظام السابق أهلا ومرحبا

نتلوا عليكم النبأ التالي لعله فتحه خير لأنقلاب عسكرى ان شاء الله

قام السيد وزير العدل يوم بأصدار قانون جديد برقم 4491 لسنه 2012 نص فيه على الأتى :

ورجعنلكوا مره تانيه بقانون الطوارئ بس بشكل جديد 251840_428363317213538_407452572_n

هذا وقد وجهت مجموعه قنوات الفلول سؤالأ لأحد المسئولين قائله .... هل هذا القانون هو أعاده لقانون الطوارئ الذى تم ألغاءه من قبل ؟؟؟

وكان رد السيد المسئول وبكل صراحه ووضوح وشفافيه .... " مش عارف"

هذا ونوفيكم بأهم الأنباء صباح باكر أن شاء الله دى لو طلع عليكوا صبح اصلا

ورجعنلكوا مره تانيه بقانون الطوارئ بس بشكل جديد 9ate.com.b%20(33)

أول مره أسمع عن القانون ده
يعني ايه ؟
يعني كدا معناه إنه بقي فيه سلطه و وصلاحيه الضبط القضائي للمختصين من العسكريين بالقبض علي مدنيين ؟
أنا كدا فاهم صح ؟

أيوه انت كده فاهم صح

القانون ده لسه منشور النهارده فى الجريده الرسميه لوزاره العدل .

بس دا بتاريخ قديم !
يا ولاد اللذينا
دا مدخل خلفي للمحاكمات العسكريه

ضربوا الأعور علي عينه قال هيا كدا كدا بايظه
إحنا نوينا وخلاص مفيش رجوع

خلاص ياجماعة حاسة ان البلد وبلا فخر ضاعت
وعليه العوض ربنا يستر

ربنا يستر

مبروك للشعب المصرى الواعى التخلص من الدوله الدينيه بتاعه الاخوان الوحشين اللى هيقطعوا ايدينا ورجلينا ويحطوا السيخ المحمى فى صرصور ودننا وهيقولوا للستات يلبسوا ايه وما يلبسوش ايه والبلابلاه ده
ومبروك عليكم عوده الدوله العسكريه القمعيه اقوى من قبل الثوره
مبروك شفيق
مبروك الثوره فشلت
بعيدا بقى عن حلم السنه ونص اللى فاتت اللى افتكرنا نفسنا فيه اننا ممكن نخلى مسستقبل ولادنا احسن مننا
خلينا فى اللى جاى يا ريت نركز على رفع مستوى الوعى فى الشارع عشان لما ننوى نطلع تانى نطلب ان بلدنا تبقى كويسه منفشلش تانى وما تروحش الناس تانى تنتخب رئيس وزراء شفيق
و ياريت ساعتها ماتبقوش تثقوا فى اى حد من اعوان شفيق تستامنوه على الثوره وتسيبولوا الفتره الانتقاليه
عشان يشوهكوم تانى
لك الله يا مصر
اللهم رد مكر الماكرين

لا حول و لا قوة الا بالله

أ/tnlbon
حضرتك متلوميش الشعب علي إختياره
حضرتك تلومي نفسك إنك مقدرتيش تقنعيه بمرشحك
حاجه كمان لو حضرتك دققتي النظر هتلاقي إن 70 % من الشعب إختار مرشحي الثوره ، بس مرشحي الثوره هما اللي مقدروش يتنازلوا عن مصالحهم الصغيره علشان المصلحه الكبري ، مصلحه مصر
الشعب عداه العيب وكان مع الثوره ، العيب مش في الشعب العيب فينا
لحظه إنصاف بدلا من إستسهال إلقاء اللوم
أطيب المني ،،،

Mahmoud.Abdalkarim كتب:: أ/tnlbon
حضرتك متلوميش الشعب علي إختياره
حضرتك تلومي نفسك إنك مقدرتيش تقنعيه بمرشحك
حاجه كمان لو حضرتك دققتي النظر هتلاقي إن 70 % من الشعب إختار مرشحي الثوره ، بس مرشحي الثوره هما اللي مقدروش يتنازلوا عن مصالحهم الصغيره علشان المصلحه الكبري ، مصلحه مصر
الشعب عداه العيب وكان مع الثوره ، العيب مش في الشعب العيب فينا
لحظه إنصاف بدلا من إستسهال إلقاء اللوم
أطيب المني ،،،

أستنى بس يا أستاذ محمود ........لحظه لو سمحت
أنت عارف الى فيها مرشحين مين الى الناس مقتنعوش بيهم حملات المرشحين عملت ألى عليها وزياده أنا هكلم على الى اعرفه أبو الفتوح وحمدين مثلا مفيش بيت فى مصر مكنش فيه بروشور ليهم حملات الناس دى على مستوى الجمهوريه تعبوا جدا وعملوا ألى عليهم وزياده لكن فى النهايه هى اصلا كانت متفبركه لحد معين وأترسمت كده أن شفيق يوصل الاعاده مع المرسى عشان محدش ينطق وما خفى كان أعظم .
بص سا استاذ محمود كلنا غلطنا بما فينا الثوار كان فيه حجات كتير بتحصل وكنا عارفين وشايفين وساكتين والصمت فى البدايه كانت دى نتيجته من بدايه تخوين وائل غنيم والبرادعى لحد حبس اسماء محفوظ وممدوح حمزه وأتفقيات بير السلم الى بين الاخوان والمجلس العسكرى وكانت النتيجه ايه مطريين نحط صوتنا للأخوان ألى احنا متاكدين أنهم كانوا بيعملوا اتفقيات مع المجلس العسكرى وموقفوش بجانب الثورار فى مواقف كتير .

أيوه يا شيماء مش مشكله الشعب إنه مقتنعش بأبوالفتوح مثلا ، دي مشكلتنا إحنا طبعا (مؤيدي أبوالفتوح)
التقصير مننا إحنا !؟
إزاي ؟
حمله أبوالفتوح بذلت مجهود جبار قدر إستطاعتها زي ما بتقولي بس شريحه مؤيدي أبوالفتوح كانت من الشباب والمثقفين وكذلك أعضاء الحمله فمقدروش يوصلوا مثلا لشريحه كبيره جدا بيلعب عليها الإخوان وهي أهالينا الفقراء اللي متعلموش وكل همهم يعلموا عيالهم ويعرفوا يأكلوهم ويصرفوا عليهم
مقدروش يعملوا ده لإن لغه الحوار اللي بيجيدوه متنفعش مع الناس دي فمقتنعوش بيه إتقسموا علي 3
المرسي
حمدين
شفيق
يبقي دي مشكله مين ؟
مش مشكله الناس خالص ، هيا دي ثقافتهم ومستوي تعليمهم
دا تقصير مننا لإننا مقدرناش نوصل لهم ونقنعهم
دا مش تقصير جهد دا تقصير إمكانيات للأسف
إحنا عملنا اللي علينا بس مش ذنب المواطن إننا مقدرناش نقنعه ، ذنبنا إحنا برغم إنه مش بإيدينا
وصلت لك الحته دي ؟
خالد علي مثلا مش مشكلتي أنا كمواطن إني معرفوش وحملته قدراتها وعددها محدود بالرغم من إن دي كل إمكانيتاهم إلا إن دي مشكلتهم هما مش الشعب
كل دا وأنا لازلت عند رأيي إن الشعب إختار صح ، إختار الثوره ، بس إحنا اللي إختلفنا فتفرقنا وإفترق علينا الناس
إجمعي عدد اللي صوتوا لمرشحي الثوره كدا هتلاقيهم حوالي 70% من الأصوات
فكره بقي إنه حصل تزوير أنا كنت متبني الرأي ده لحد قريب بس دلوقتي حقيقي مبقتش عارف والله هوا كان فيه ولأ ؟
لو عارف إنه مفيش تزوير هقول لو نجح شفيق مينفعش نعمل مظاهرات ضده لإنها في الوقت ده هتبقي ضد الشرعيه ، علشان كدا مش قادر أكون رأي لحد دلوقتي في تبعات ما بعد نجاح شفيق
بس أنا متأكد إني مكمل ومش هيأس
كل اللي أقدر أقوله دلوقتي خلينا ناخد من اللي فات عبره للي جاي
خلينا نقول ياااااارب

ا/ محمود
انا ما اتهمتش الناس اللى انتخبت لكن الكل لازم يعترف اننا كلنا اخطانا
لما تبقى فى ميكرلوباص وتلاقى السواق من اول مشكله سولار بقى بيلعن فى الثوره ويدافع عن امين الشرطهاللى لازم يشد الناس ويضربهم عشان يتربوا
ولما تلاقى الناس البسيطه مش عاجبها اللى حصل وتدافع عن الكوسه والواسطه والمحسوبيه
وغيره وغيره
كل ده واحنا مركزين على الاخوان والسلفيين اللى هيقولوا للناس تلبس ايه وما تلبسش ايه والليبراليين اللى لو حكموا معناها انى امى ما تلبسش حجاب واليساريين اللى هايمموا البلد ويحبسوا اى حد فى جيبه اكتر من 10 جنيه كله كلام خفيف ومالوش اساس كله استخدمه للاستقطاب وتشويه بعض ونسوا العدو الحقيقى اللى بعدواتهم لبعض خلوا الناس غصب عنها تلجالوا
والنخبه اللى بدات تتعالى على الناس فى الكلام وتتكلم كلام كبير مش واصل لفئات كتير
والاعلام اللى حتى المحترم اللى فيه لجا للغه النخبه البعيده على الناس وصلت الناس انها تلجا للمضللين اللى بيكلموهم بلهجتهم البسيطه امثال عكاشه وغيره
كل واحد لازم يتحمل مسؤلياته ولازم نفهم اننا قصرنا ومبقاش ينفع كل واحد يرمى اللوم كله على التانى كلنا اخطانا ولازم نتفادى اخطانا دى واحنا بنحاول نصلح من جديد بعد ما الثوره فشلت

اخوتى الاحباء
نفسى اقول حاجة مع انى اصلا بقيت مش عايز اتكلم لن فيه بعض ناس بقت مش بتطيق كلامى
قبل ما نبص على القانون ده هل انتم واخدين بالكم من اللى بيحصل فى البلد والاسلحة المرعبة اللى عمالة تدخل البلد من كل ناحية والسؤال اللى عمرو ما لقى اجابة الاسلحة الخطيرة دى بتدخل لمين ومين حايعمل بيها ايه ؟؟؟
بتسمعوا ان كل يوم بيضبطوا جوا البلد صواريخ واربى جى ومضادات للطائرات وحاجاتبتاعة جيوش حتى مش باعة حرامية عاديين او مجرمين عاديين
بتسمعوا عن الكمايات الرهيبة من الاسلحة الخطجيرة اللى بتنضبط ع الحدود كل اسبوع
وفيه قاعدة فى التهريب ,, ان اى عصابة تهريب كبيرة او تنظيم خطير لما بيبعت مهلابات بيبعت خمس شحنات من اماكن مختلفة بحيث ان لو انضبط منهم اتنين يبقى دخل 3 ,, وللعلم ده من اهم اساسيات تجارة المخدرات على المستوى الكبير ..
يعنى المخدرات لو حاجة مثلا الكيلو تمنه الف جنيه جوا مصر ... الكيلو ده لايزيد تمنه عن خمسين جنيه فى بلد المنشأ بتاعة طيب ليه بيبقى غالى جدا كده ؟ لأن المهربين بيرسلوا كذا شحنة .. وبيدفعوا مصاريف كتير منها رشاوى وحاجات كتير وده اللى بيغلى تمن الحاجة ... ولو طبقنا نفس الكلام على السلاح .. الجنزورى قال ان عشرة مليون قطعة سلاح دخلت مصر ..

الكلام ده هو اللى بيخلى قانون زى ده يطلع .. مش معقول حايمكسوا واحد محترم ماشى فى حاله .. ولكن ده احتياطى يعنى لو حصل لا قدر الله شىء مش حاينتظروا لما يتصرفوا بإتخاذ الاجراءات القانونية ولكن حايتعاملوا بسرعة .. يعنى مثلا لو حصل هجوم ارهابى بأسلحة خطيرة ... المفروض يتعاملوا فورا ولا ينتظروا اوامر ؟؟؟ المهم ان الظروف الغريبة اللى بتمر بيها البلد هو اللى بيخلى قوانين زى دى تطلع
مع اطيب تحياتى

ربنا يستر على مصر

عادل صموئيل كتب:: اخوتى الاحباء
نفسى اقول حاجة مع انى اصلا بقيت مش عايز اتكلم لن فيه بعض ناس بقت مش بتطيق كلامى
قبل ما نبص على القانون ده هل انتم واخدين بالكم من اللى بيحصل فى البلد والاسلحة المرعبة اللى عمالة تدخل البلد من كل ناحية والسؤال اللى عمرو ما لقى اجابة الاسلحة الخطيرة دى بتدخل لمين ومين حايعمل بيها ايه ؟؟؟
بتسمعوا ان كل يوم بيضبطوا جوا البلد صواريخ واربى جى ومضادات للطائرات وحاجاتبتاعة جيوش حتى مش باعة حرامية عاديين او مجرمين عاديين
بتسمعوا عن الكمايات الرهيبة من الاسلحة الخطجيرة اللى بتنضبط ع الحدود كل اسبوع
وفيه قاعدة فى التهريب ,, ان اى عصابة تهريب كبيرة او تنظيم خطير لما بيبعت مهلابات بيبعت خمس شحنات من اماكن مختلفة بحيث ان لو انضبط منهم اتنين يبقى دخل 3 ,, وللعلم ده من اهم اساسيات تجارة المخدرات على المستوى الكبير ..
يعنى المخدرات لو حاجة مثلا الكيلو تمنه الف جنيه جوا مصر ... الكيلو ده لايزيد تمنه عن خمسين جنيه فى بلد المنشأ بتاعة طيب ليه بيبقى غالى جدا كده ؟ لأن المهربين بيرسلوا كذا شحنة .. وبيدفعوا مصاريف كتير منها رشاوى وحاجات كتير وده اللى بيغلى تمن الحاجة ... ولو طبقنا نفس الكلام على السلاح .. الجنزورى قال ان عشرة مليون قطعة سلاح دخلت مصر ..

الكلام ده هو اللى بيخلى قانون زى ده يطلع .. مش معقول حايمكسوا واحد محترم ماشى فى حاله .. ولكن ده احتياطى يعنى لو حصل لا قدر الله شىء مش حاينتظروا لما يتصرفوا بإتخاذ الاجراءات القانونية ولكن حايتعاملوا بسرعة .. يعنى مثلا لو حصل هجوم ارهابى بأسلحة خطيرة ... المفروض يتعاملوا فورا ولا ينتظروا اوامر ؟؟؟ المهم ان الظروف الغريبة اللى بتمر بيها البلد هو اللى بيخلى قوانين زى دى تطلع
مع اطيب تحياتى

_________________________________________________

نفسى اقول حاجة مع انى اصلا بقيت مش عايز اتكلم لن فيه بعض ناس بقت مش بتطيق كلامى

"معندناش الكلام ده " الى زعلان من حد يروح يقوله على الرسائل الخاصه انا زعلان منك يا فلان عشان انتى قولت كذا أو عملت كذا ولو فلان عامله وحش تانى يجتنبه أنما الأمتناع عن الكلام ليس وارد لدينا . أستاذ عادل كلنا بنحبك وبنحترمك

أما بلنسبه لوجه نظر حضرتك فأنا أكيد بحترمها لكن زى ما حضرتك ربط صدور ذلك القانون بما يحدث على الحدود من تهريب مخدرات وأسلحه وغيره كمان أربط صدور القانون ده بأنتخابات الرئاسه ورفض المحكمه لقانون العزل السياسى ولسه حجات تانيه هتحصل .

ألى جانب أن كل الى حضرتك بتقول عليه أسلحه وأربجى وغيره ليس له علاقه بالقانون لأن اصلا الى يضبط بالحجات بيتمسك مش محتاج لقانون لأن الجرايم ضدى بتأول لقوانين أخرى بتعطى الحق بالقبض على المجرمين متلبسين دون قانون او اذن نيابه .

أما بالنسبه للجمله الى بسمعها كتير يا أستاذ عادل وهى " مش معقول حايمكسوا واحد محترم ماشى فى حاله" الجمله دى كانت بتتقال ايام قانون الطوارئ برده ومكنش بيتمسك غير المحترميين وراح ضحيتها خالد سعيد وسيد بلال .

أستاذ محمود عبد الكريم
أيوه يا شيماء مش مشكله الشعب إنه مقتنعش بأبوالفتوح مثلا ، دي مشكلتنا إحنا طبعا (مؤيدي أبوالفتوح)
التقصير مننا إحنا !؟
إزاي ؟
حمله أبوالفتوح بذلت مجهود جبار قدر إستطاعتها زي ما بتقولي بس شريحه مؤيدي أبوالفتوح كانت من الشباب والمثقفين وكذلك أعضاء الحمله فمقدروش يوصلوا مثلا لشريحه كبيره جدا بيلعب عليها الإخوان وهي أهالينا الفقراء اللي متعلموش وكل همهم يعلموا عيالهم ويعرفوا يأكلوهم ويصرفوا عليهم
مقدروش يعملوا ده لإن لغه الحوار اللي بيجيدوه متنفعش مع الناس دي فمقتنعوش بيه إتقسموا علي 3
المرسي
حمدين
شفيق
يبقي دي مشكله مين ؟

معلش أستحملنى أنا كنت مندوبه عامه على اللجان فى المنصوره بتوكيل من الدكتور عبد المنعم ابو الفتوح وكنت بدخل اللجان أعد فيها شويه وأطلع وعلى باب اللجان كنت بتكلم مع الناس بدون ما يعرفوا انى مندوبه ابو الفتوح عشان أعرف الأتجاه رايح فين .... شريحه كبيره من الفقراء والفلاحين ومحدودى الثقافه أعطوا أصواتهم لأبو الفتوح أنا حصل معايه موقف أسقط الدموع من عينى فى لجنه "23" ثانوى فنى شربين ... أثناء وجودى فى اللجنه جت واحده ست كبيره عندها 80 سنه ولادها الأتنين شيلنها ومش قادره تاخد النفس وأميه لاتستطيع الكتابه ولا القراءه ومن على باب اللجنه تنادى وتقول الحصان عبد المنعم ابو الفتوح ولما المستشاره فى اللجنه قالتها قلتلها عايزه مين يا حجه قالتها أبو الفتوح وبكت فلما طلعنها برده وجبنلها كرسى رحتلها وسألتها أيه الى نزلك من البيت يا حجه قالتلى أبو محمد الله يرحمه " المفروض أنه زوجها" جالى فى المنام وقالى امانه عليكى ادى صوتك لأبو الفتوح ...
أستاذ محمود نحن بالفعل لم نستطيع أن نفعل كما فعل شفيق ومرسى لأننا أنزهه مما فعلوه وموزعناش زيت وسكر وبطاطس وفلوس وضحكنا على الغلابه وقلنالهم أن فيه كميرات بتصور فى اللجان والى مش هيحط صوته للمرشح ده اسمه هيتشال من بطاقه التموين .
شكرا أستاذ محمود

زينب غيث كتب:: ربنا يستر على مصر

يا رب
شكرا استاذه زينب

دي بقي وجهات نظر يا شيماء
أنا تحليلي لأليه توزيع الأصوات علي المرشحين كانت عن طريق رصد أكتر شريحه بتأيد المرشح ده
لو قروتي تقارير شبكات الرصد هتلاقي شعبيه أبوالفتوح في الشريحتين اللي ذكرتهم
الشباب والمثقفين والمتعلمين عامه
دليلي علي كدا كمان إن المحافظات اللي فيها الناس البسيطه دي بكثافه مصوتتش لأبو الفتوح
حمله أبوالفتوح كانت محترمه وما إستخدمتش إساليب قذره
دا الطبيعي
بس أرجع أقولك مش ذنب الناس برضه
مش ذنبهم إنهم فقرا ودا مستوي فهمهم وتعليمهم
يلا بقينا كلنا في الهوا سوا دلوقتي
ربنا يستر

اشكرك يا شيماء
احنا محتاجين ندعى ربنا يارب خرج مصر من النفق المظلم ده اول حاجة
ولما تستقر الامور اكيد كل الحاجات اللى بتضايقنا دى حاتنتهى ان شاء الله
يعنى ايام مبارك 30 سنة كانت فى قانون الطوارىء ليه ؟ لأن الحكومة بتعمل حاجات كتير غلط ومش عايزين الشعب حد يفتح بقه
لكن المفروض اهم حاجة او مكحسب من الثورة هو حكاية اننا نفتح بقنا لو حاجة ماعجبتناش
وكلمة نفتح بقنا دى لها معانى كتير اوى منها قانون الطوارىء يعنى لما تستقر الامور حانفتح بقنا ونقول قانون الطوارىء سارى ليه ؟
مش حايبقى عندهم حجة حانفحمهم يعنى ... ايه رأيك كلامى صح ( شوية ) ؟؟
مع اطيب تحياتى

عادل صموئيل كتب:: اشكرك يا شيماء
احنا محتاجين ندعى ربنا يارب خرج مصر من النفق المظلم ده اول حاجة
ولما تستقر الامور اكيد كل الحاجات اللى بتضايقنا دى حاتنتهى ان شاء الله
يعنى ايام مبارك 30 سنة كانت فى قانون الطوارىء ليه ؟ لأن الحكومة بتعمل حاجات كتير غلط ومش عايزين الشعب حد يفتح بقه
لكن المفروض اهم حاجة او مكحسب من الثورة هو حكاية اننا نفتح بقنا لو حاجة ماعجبتناش
وكلمة نفتح بقنا دى لها معانى كتير اوى منها قانون الطوارىء يعنى لما تستقر الامور حانفتح بقنا ونقول قانون الطوارىء سارى ليه ؟
مش حايبقى عندهم حجة حانفحمهم يعنى ... ايه رأيك كلامى صح ( شوية ) ؟؟
مع اطيب تحياتى

أنت كلامك على دماغى يا أستاذ عادل بس برده القانون الجديد ده الغرض منه أحكام قبضه الجيش على البلد تمريرا لوصول شفيق للحكم وبراءه مبارك بعد النقض وغيره .

يا شيماء عايز اقول لك حاجة
اولا استحالة مبارك فى النقض ياخد براءة
لسبب ان اى قاضى بيحكم بالورق اللى قدامه وبالأدلة الثابتة ولما حكم على مبارك والعادى بالمؤبدده كان على اساس الورق اللى قدامه ولما حكم على الباقيين بالبراءة برضو من الورق اللى قدامه ... وعادة اى قضية الورق بتاعها مش بيستخبى , يعنى فى النقض الورق كله تانى حاتاخده دايرة جديدة وبالطبع مش معقول قاضى يدى فرصة ان القاضى اللى بعدو ( لن زى مانتى عارفة ان كل قضية ليها نقض ) يعنى الورق ده اكيد حايمسكه 3 قضاة او مستشارين تانين ومش معقول القاضى يطلع انه زبالة او مرتشى ... ممكن المحامى الصايع اللى زى فريد الديب يجيب ادلة جديدة بس عمرها ماتوصل للبراءة يعنى ممكن الحكم ينقص بالكتير خمس سنين وفى كلتا الحالتين لا مبارك ولا حبيب العدلى حا يخرجوا من السجن احياء ,, يعنى العدلى واخد كام سنة قبل القضية دى ييجى 13 سنة وسنه كام سنة ؟
اما عن موضوع الضبطية القضائية حقول لك حاجة ( بس استحملينى وآسف للإطالة ) انا اختى اسمها الدكتورة امال صموئيل من كبار علماء الآثار وكانت فترة طويلة اوى مدير عام آثار الجيزة وسقارة يعنى المنطقة الاثرية كلها .. معاها ضبطية قضائية .. يعنى ممكن لو واحد سارق آثار او بيعمل اى حاجة خطأ من حقها تقبض عليه بس طبعا بيكون معاها شرطة الآثار كقوة للقبض يعنى مش معقول هى حاتمسك الحرامية بإيدها الشرطة تمسكهم بس هى اللى معاها الضبطية القضائية ... اما عن ضباط المخابرات والشرطة العسكرية هل تعلمى ان فى المحافظات الحدودية كلها بيبقى عندهم الضبطية القضائية ؟ يعنى لو واحد مجرم هو بيقبض عليه ما ينتظرش الشرطة .. اما دلوقتى وفيه 150 الف جندى قوات مسلحة داخل مصر جوا البلد يعنى ... وبالطبيعى لازم لما يتواجد جنود وضباط جيش لازم يكون معاهم ضباط شرطة عسكرية ومخابرات يحرسوهم .. بس ضباط المخابرات والشرطة العسكرية دول لازم يبقى معاهم ضبطية قضائية طالما فيه حالة طوارىء ووجود الجيش نفسو جوا القاهرة طوارىء ... ولما اتلغى قانون الطوارىء كان لازم يعملوا قانون تانى يحمى الجيش .. يعنى تخيلى فى احداث شغب حد ضرب على الجيش مين حايتصدى ؟؟؟ الجيش ممنوع يضرب لأن المجلس الاعلى متفق انه مش حايضرب الشعب ... وهنا اللى بيتعامل الشرطة العسكرية والمخابرات ... وخلى بالك الشرطة العادية تقريبا لسه مش زى ماهى يعنى لازم يبقى معاها معونة ..
المهم ان فى القانون الجديد ده انو لو مسك واحد بيعتدى على حاجة مدنية زى بيحرق عربية او مبنى مثلا ده بيتحول للمحاكمة المدنية لكن لو ضرب على الجيش هنا لازم يتحول لمحاكمة عسكرية
والقانون معلن خلاص وعمالين يزنوا فيه طول اليوم بحيث ان كل واحد قبل ما يعمل حاجة يبقى عارف تبعاتها
مع اطيب تحياتى

يا فندم أتحكم عليهم بالمأبد لأنهم أمتنعوا عن الوقف القتل ضد المتظاهرين وليس لأنهم قتله المتظاهريين هكذا قيل فى حيثيات القضيه لما يروحوا النقض فريد الديب محامى مبارك هيقول أيه أن هناك عوار فى الحكم لأنه لم يعطى تعليمات بالقتل بدليل أن المساعدين طلعوا براءه وفى نفس الوقت لم يستطيع حمايه المتظاهريين ومنع العنف ضدهم لأن الجهه التى تقتل لم تكن معلومه لان مؤسسات الدوله فى ارتباك ألى جانب اعتقاد الناس بان الداخليه الى كانت بتقتل فالبالتالى كيف كان سيحميهم . "دى الى هيتقال"

» Egypt, a new form مصر بشكل جديد
» شاهد فيديو جديد ..تجميع عن اجمل تعبيرات وجه مني الشاذلي خلال الحلقات.. علي اليو تيوب ... جديد جديد جديد ..
» شركة أجنبية أنتجت أول زجاجة ويسكى حلال بـ 5 ملايين دولار وبدأت فى بيعه فى الأسواق العربية للأثرياء العرب بشكل عام والمسلمين بشكل خاص !!!!!!!!!
» معاكم من جديد .....
» قانون الطوارئ