مش بحبك

مش بحبك زى ما المفروض يكون العشق بين العاشقين
جايز انى قبل سنى جيت وفطمتنى السنين؟
او يجوز ان الى زيى من الغرام والعشق حتما محرومين؟
رغم انى دبت فى الاحساس واحلام الهيام
رغم انى عشت اغنى الشوق وموال الغرام
بس قلبى مش هيقدر يوم يدوب فيه الحنين
مش هتسمعى يوم لقلبى من الغرام اهة انين
مش هيقدر يوم يحبك زى كل العاشقين



خالد المسيرى2011


العضو العزيز برجاء لو ما عجبكش شغلى قول وحش ،اشتم لكن ما تقراش وتنفض

ربنا يخليكى يا مروه بجد انا كنت فقدت الامل فى انى الاقى ناس تقرا الشعر وتقدره "وتعلق عليه هههههههههه" وكنت نويت انى ما انزلش شعر هنا تانى لان زى ما انتى شايفه عادة صفر تعليقات وده شىء محبط جدا لكن يكفينى ان لسه فيه حد فاهم انا باقول ايه وان شاء الله اواصل كتابه ولو عشانك انتى بس



بالنسبه للتوقيع انا كنت ناوى اغيره هههههههههههههههه اصله بعيد عنك من ايام التفاؤل كان كل شغلى اضحك وابتسم وتفائل لكن دلوقت مع الاسف اوشكت اكفر بافكارى التفاؤليه دى