بحبك زى ما الجزمه بتعشق ريحة اللميع

فى يوم من ايأم الآمتحانات المنيله بستين نيله"الله لا يرجعها ايام"كنت بذاكر قصيده لاسم النبى حارسه وصاينه "تالاستوى"وعمال يقول بحبك وبخاف عليكى وحاجات شبه كده بينى وبينكم انا غيرت بقى الروس دول يقدروا يتكلموا واحنا لا
وقمت قايل هذه القصيده"المعلقه الثامنه" اسيبكم تسمعوا احسن يا رب تعجبكم











بحبك زى ما الجزمه بتعشق ريحة اللميع
بحبك زى مفتاحى بلا ميداليه يتوه ويضيع
بحبك زى ما الدوله بتعشق موضة التسقيع
بحبك يوم ولا اقبلش تكونى ليه انا حكومه
تبيعى وتشترى فى قلبى واستنى انا معونه
ويغرق قلبى فى بحورك وعقلى يتصدم مرات
كصدمة قطر س ح م من العياط
او استنى فى حبك يوم ورا طوابير
عشان عيش بلدى لا مؤاخذه ملان مسامير
واتمرمط واتعذب وتتبهدل كرامتى كتير
كما فلاح خسيس ناكر نطق مره وقال "تزوير"
فى امن الدوله واتظبط فعاش للخير
وقام باع ارضه وعياله ده لجل وزير
حلم ليله واجعل كل احلامه يا ربى خير
بان مواطن اتشكى وقال مستاء
ده بيتى اوضه...من الخنقه ولا الانفاق
فقام من نومه من الفزعه ولما فاق
جمع اعوانه بالقوه وقال "يا مجير"
مواطن باقى فى اوضه يا مامى كتير
ما يسكن احلى فى الشارع.....ده حتى فيه هوى بحرى جنان وخطير
وقام "رائع"بعلو الصوت قرار حازم
ضريبه ع اللى فى الاوضه كمان ساكن
فمن الاول باقول شوفى
فمن الاول باقول شوفى فى حبك راح اكون سلطان
مواطن امريكانى اصيل مش اياهم بتوع السجن والقضبان
هسيبك لما تختارى وردى عليه على العنوان
فى اوضه ضلمه بردانه ما يقدر حد يوصلها لا من انسى
ولا من جان





العاشق الولهان
حبيس القضبان
طريد السلطان
طويل اللسان
:خالد المسيرى


وفى النهايه احب اوجه الشكر ل د.ناديه اللى قررت علينا القصيده واللى ادتنى جيد عقبال عندكم واوجه تحيه ايضا لزوجها الحاج عباس اللى برضه ادانى جيد

اه رمضان خلف الاسوار بيبقى له مذاق خاص هههههههههههههههههههههههههه

ربنا يصلح حالنا ياااااااااااااااااااااااااااااااااااااااااااااااااااااااااااااااااااارب

شكرا يا استاذ اسلام وحمد الله على السلامه بعد الغيبه الطويله دى

ksm rosse kolh uokaedak ea saed xaled w nadom sotna lsotak 3al allah easta2eb lana f lelt al kadr

ما بلاش قسم روسى كله طب انا ادونى جيد ومستبيع ذنبكم ايه تسقطوا معايا هههههههههههههههههههههههههههههههه
وبعدين د. ناديه ود.عباس ناس لطاف جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
هههههههههههههههههههههه

شكرا يا ا."رمز القضاء العادل" تصدق انى لحد النهارده ما اعرفش اسم حضرتك