بالفيديو : مني الشاذلي وريم ماجد ويسري فودة في وقت واحد علي الهواء !

فى سابقة فريدة من نوعها فى تاريخ برامج التوك شو ..أجرت منى الشاذلى
مداخلة هاتفية مع ريم ماجد ويسرى فودة .. مع العلم ان الجهتين - المرسل
والمستقبل – كانا على الهواء مباشرة ، وبدأت منى الشاذلى بطلب من ريم ماجد
أن تدلى للجمهور بتفاصيل اكثر ..ومن جانبها اكدت ريم انها توجهت للنيابة
العسكرية على انها شاهدة ولكن الموضوع تحول الى لقاء يناقش اشكالية نسب
الاخبار فى الاعلام ، ولذلك تم الاتفاق على انه اصبح صعب على الاعلاميين من
اليوم نسب الاخبار العسكرية الى مصدر عسكرى او بمعنى اصح النسب الى مصادر
مجهلة لان هذا يجعل الجمهور غير واثق فى صحة هذه الاخبار ، ولذلك يجب
التصريح باسم المصدر العسكرى الرسمى , وفى نهاية المكالمة تبادل الإعلاميين
الثلاثة الدعوة للانضمام فى استديو واحد للاحتفال بعيد الاعلاميين .
الفقرة الثانية من الحلقة كانت احتفالا بعيد الاعلاميين من خلال استضافة
نخبة من رموز الاعلام ، حيث أكد الاعلامى حمدى قنديل على أهمية تلفزيون
الحكومة الذى يجب أن يتغير اسمه من تلفزيون الدولة إلى تلفزيون الشعب والذى
يكون تمويله من جيوب الشعب حتى يكون مجبراً لخدمتهم فى نهاية المطاف وليس
خدمة نظام سياسى معين ، وقال إنه من المؤيدين للابقاء على الصحافة القومية
فى مواجهة الصحافة الخاصة التى يكون هدفها الربح فى المقام الاول ، وأكدت
الاعلامية سناء منصور أن الاعلام الفوقى الذى يتلقى أوامره من السلطة انتهى
..ولكن للاسف الاعلام المصرى مازال متدهوراً والدليل ان اتحاد الاذاعة
والتلفزيون لا يجد من يرأسه الآن لان الاعلامى الحقيقى لن يكن له دور فى
مبنى الاذاعة والتلفزيون , أما الاعلامى حسين عبد الغنى فأشار إلى أن إعادة
الاعلام المصرى إلى مشهد الريادة سيأخذ وقتاً طويلاً لان الاعلام هو
المنطقة القاتمة الوحيدة التى لم يصل لها نور الثورة بعد

بوابة الشباب

http://shabab.ahram.org.eg/Inner.aspx?ContentID=5253&typeid=14&year=2010&month=04&day=04&
issueid=6

شــــاهد الفيــديو

sunny

انا اتفرجت طبعا امبارح على مداخله ريم ماجد ويسرى فوده مع استاذه منى ولما يسرى فوده طلب من استاذه منى المداخله فى برنامجه لم توضح استاذه منى هتدخل ولا لا بس أنا مش عارفه ليه حسيت انها هتدخل مع يسرى فوده وأبعدين بابا كان بيتفرج معايه على البرنامج هوة كان شايف ان استاذة منى مش هتدخل مع يسر فوده وانا كنت العكس واترهنا وطبيعى زى كل مره بتراهن فيها مع بابا على منى الشاذلى كسبت الرهان
بعيدا بقى عن الرهان فدى حاجه رائعه وممتازه ان دلت فتدل على المهنيه المحترمه من الثلاثه لانه هناك بعض الاعلامين يرفضون ذلك وعلى كل حال فهذه هى سيده الاعلام العربى دائما ما تفاجأنا

احب ابشرك ان بابا كسب الرهان

Razz

لان المداخلة كانت وحدة

الي شوفتيها في العاشرة مساء ماكنوش جايبن الصورة للاستوديوهان

بس الفيديو ده من قناة اون تي في مش دريم

اون تي في جابت صورة استوديو مدام مني واستوديو بتاعهم

دريم ماعملتش كده

يعني مادام مني ما عملتش مداخلة عندهم زي ما الاستاذ يسري فودة طلب

بابا كسب الرهان

Laughing

طيب محدش يقولوا بقى أصل أنا متهرنا معاه على فلوس لما يجى من الشغل هقولوا استاذه منى عملت مداخله مع يسرى فوده هات الفلوس بقى هيقولى مين الى قالك هقوله أيات السيد
بس انا فهمت من الكلام الى انتى كتباه انها عملت مداخله فكتبت قبل ما شوف الفيديو وشوفت الفديو بعد ماكتبت ولسه راحه احذف لقيت كتبتى سريعه انتى قوى clown

بابا بيجي الساعة كام ؟؟

كده يا أيات هتقوليلوا هو انتى مبتصتريش خالص عموما الساعه 5 بس مش هتلحقى هخدهم منه على باب الشقه Very Happy

ههههههههههههههههههههههههههههههههههههه أنسى

على فكرة ياشيماء إنتى ممكن تسبقى على باب الشقة ، بس ممكن بعد كدا يعمل خصم من المصروف بأثر رجعى !!!

فإحنا نعمل صفقة أحسن ، أيه رأيك فى 50% ؟؟؟

وأهوا 50 فى جيبى ولا 100 يتخصموا !!!!!!!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فيه حاجه غريبه بقى لاحظتها وأنا باسمع المداخلة الفريدة دى بين برنامجين توك شو على الهوا

الصوت فى قناة أون تى فى كان سابق دريم بحوالى 3 ثوانى تقريباً !!!!

يعنى أ/ منى تقول جملة أسمعها فى أون تى فى وأقلب لـ دريم ألاقيها لسه بتقولها

رغم إن المفروض دريم هيا المصدر !!!!

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

على فكرة حصل قبل كده مداخلة زى كده بين برنامج العاشرة مساء والقاهرة اليوم ، حد فاكر إمتى وليه ؟؟؟

انا كنت فاتحه تلفزيونين واحد على قناة دريم و واحد على قناة OTV
المكالمة كانت حلوة جدا

الغريب كمان

لما عملت مداخلتي علي الهوا

اول ما المخرج بيقولي حضرتك مداخلتك عن ايه وبقوله كذا مثلا

يقولي خليكي معانا يقوم محولني علي الاستوديو

ببقي سامعة كل حاجة بدري كده

يعني اخر مرة لما اتصلت بالوزير عشان اسئلة علي الثانوية العامة

كان اتصالي قبل الفاصل

انا في التليفون كان صوت مدام مني بدأ ورجعت من الفاصل والتلفزيون قدامي لسه اعلانات مش مدام مني

يعني في التليفون هي بتقول رجعنا من الفاصل والشاشة كان فيها اعلان جبنة رامارو هههههههههههههههههه

أنتو بتتكلموا بجد

» بالفيديو : مني الشاذلي تفتح النار علي صبحي صالح وتتهمه بالحلف باطلا علي الهواء مباشرا
» اليوم الخميس . مني الشاذلي و جميع المذيعين و المذيعات في مصر في برنامج واحد علي الهواء مباشرة من امام الكاتدرائية المرقسية بسبب تفجير كنيسة القديسين
» بالفيديو :دعاء سلطان من جديد تهاجم الإعلاميين ومنهم الإعلامية منى الشاذلي
» قناة "دريم" تقاضي منى الشاذلي لأنها قررت انهاء العقد المبرم بينهما من جانب واحد
» مني الشاذلي تحصل علي جائزتين في وقت واحد