رجاء المساعدة على وجه السرعه

بطل زى أبطال كتير محدش حاسس بيهم فى مصر "حسن محمد حسن" فقد حاسة السمع في أحداث الثورة, برصاصة إخترقت رقبته.. حسن في حاجة لمزيد من العمليات الجراحية.. الثورة قامت عشان الانسان يبقى عايش في بلده بكرامته, يبقى عايش عزيز وحر.. اللي زى حسن مفروض يتعامل معاملة المحاربين العظماء
اتضرب برصاص حى 9 مل يوم 28 جمعة الغضب امام قسم باب شرق بالاسكندرية الرصاصة دخلت من تحت العين واستقرت اسفل الرقبة وعمل عملية وطلعت الرصاصة يوم 19/2 بس لسا فى كسر تحت العين وتهتك فى الاعصاب وفقد تام فى السمع فى الاذن اليمنى وعدم اتزان فى المشى وتاثر الاحبال الصوتية لدرجة صعوبة البلع وعدم خروج الصوت ولسا فى رش خرطوش تحت العين لازم يعمل لها عملية ولازم كمان عملية شريحة تحت العين وعملية على الحنجرة وعملية زرع طبلة اذن واصابة فى عضلات الكتف لازم علاج طبيعى طويل

حسن طول الفترة اللى فاتت بيتعالج على حسابه الخاص واكيد فاض الكيل بيه وبأهله هو فى الفرقة الرابعة كلية تجارة جامعة الاسكندرية
طبعا اتعرض على دكاترة كتييييير فى مصر كل واحد بكلمة ورأى واتعرض على خبير المانى وكان رأيه انه لازم عمليات وده شكك فيه بعض أطباء مصريين

أنا متهيألى الراجل ده له حق كبير فى رقبة كل واحد فينا وأملى كبير انكم تساعدونا احنا عندنا ايمان كبير فى مصداقيتكم بجد
انا اسفة جدا جدا للاطالة وأرجو التواصل والاهتمام الحالة لم تعد تحتمل تأخير

اذا فيه امكانية للتواصل عبر المنتدى او البريد الالكترونى او الفيس بوك او حتى اترك رقم الموبايل لكن رجاء الاهتمام
ولكم وافر الاحترام وجزيل الشكر


[img][/img]

أعزكم الله جميعا وجزاكم كل خير أكيد اهتمامكم ودعاؤكم أكبر دعم له
بجد شكرا جدا على اهتمامكم والرد السريع من الأستاذه ايات انا بعت لها تليفون حسن
ومنتظرين اتصالها ان شاء الله
اتمنى يكون تواصلها ان شاء الله فى وقت قريب واكيد نتمنى معاونة كل من استطاع منكم
بجد فيه ناس كتير اتنست وسط احداثنا مع انها اولى الناس مش بس بالمساعدة انما بالتكريم
جزاكم الله كل خير