هل كما تكونوا يولى عليكم ، ولا إذا صلح الحاكم صلحت الرعيه ؟؟؟

بالبارحة كنت بالقاهرة أحضر مناظرة المجندين المرشحين كضباط إحتياط ، وكان قائد كشف المناظرة هو مدير كلية الضباط

الإحتياط برتبة لواء وهو من قيادات القوات المسلحة ، وأثناء المناظــــرة فاجأ المجموعة التى أنتمى لها بخطبة طويلة مدتها

نصف الساعة حول التاريخ وثورة 52 وغاندى ونهرو وجمال عبدالناصر وكيف هى الثــــورات وكيف كان الجيل السابق ثم

إنتقد جيلنا هذا وأنه جيل كومبيوتر (ومتبهدلش) وأن العمل كان سمة جيل عبدالناصر وثورة 52 والزعيم عبدالناصر هى أعظم

الثورات فى العالم ، ملخصاً أراد أن يوصل لنا ضمناً أن ما قمنا به من ثورة ليست عظيمة ولا شىء وأن المطالب الآن بإنتخابات

ودستور ومجلس شعب ورئاسه وخلافه هى قمة التخلف ، إذا أنه يرى أن الإقتصاد أولاً ، نزرع وناكل من إيدينا مش دستـــــــور

وإنتخابات وكلام فاضى ، هو شايف إن الحاجات دى ملهاش لزمة كلها دلوقتى ، ويعنى لو جبنا الشباب اللى قام بالثورة ووديناه سيناء

علشان يزرع هايزرع حاجه ، هاينتج ؟؟؟؟؟ ، كان عاوز يوصل لنا إنه إنتوا بتوع كـــــــلام وبس بأسلوب أراده علمياً مع طــــرح

لعرض تاريخى غير منضبط فى تقديرى ، والحقيقة هممت أن أستأذنه معقباً على كلامه ولكن سبقنى أحد الشباب الموجود وقال له ؛

بس يافندم مفيش قائد كله مميزات ، كل حاكم وله مميزات وله عيوب وعبدالناصر .... ، ولم يكمل كلامه فقد قاطعه اللواء وقد إحتد

عليه فى الكـــــلام وقال للشاب الزميل ؛ وإنته تعرف أيه عن عبدالناصر ؟ ، إنت مين علشان تحكم على عبدالناصر أنا عشت أيام

عبدالناصر وشفت إزاى كذا وإزاى كذا وقعد يسرد بحده وضع البلد وعبدالناصر موجهاً كلامه بكل حده للشاب ولم يسمـــــــــــح له

بإكمال كلامه ، فأثرت السلامه ولم أشأ أن أعلق على كلامه لأنه كان واضحاً أنه ليس لديه من رحابة الصدر أن يختلف معه أحد

وكما ذكرت هو شيفنا شويه عيال من الأخر ، وكمان أنا مش عاوز ألبس فى الجيش ضابط أنا عاوز أبقى عسكرى فقلت ياد لم لسانك

بدل ما يعند وياخدنى ضابط ويطلع عينى فى الكلية عنده ، نسيت أقولكم قبل ما أخش على لجنة المستشارين العسكريين وقائدهم اللواء

ده جه واحد وسألنا حد له موقف أمنى قبل كده ، قلته أنا أمن الدولة إستدعانى 3 مرات علشـــــان ليا نشاط سياسى فى الكلية ، قاللى

أيه بقى ؟؟؟ ، دا وسام على صدرك !!! ، قلت له يعم أنا ليا ملف مدعم بالسيدهات هناك قاللى لأ مفيش مشلكة ، خش ، قلت سبحان الله

يعنى قبل الثورة تضررت من إستدعاء أمن الدولة ، وبعد الثورة ما زالت لعنتهم موجودة مفيش خير يجى من وراهم أبداً ، كنت عاوز

يتم إستبعادى كضابط وأنزل عسكرى ، المهم سيادة اللــــواء ختم كلامه وقال إنه لم تكن المشكلة مشكلة رئيس بس ، دى مشكلة شعب

الشعب والعمل وقعد يقول وينتقد وأخيراً قال دى وجهه نظرى مش وجهه نظر المجلـــــــس الأعلى وهيا دى طريقتى فى الشغل وأنا

بعلم الطلبه عندى فى الكلية كده ولو مش عاجب القوات المسلحـة يمشونى ، دا إسلوبى من أيام ما كنت ملازم ومتغريتش بعد الثـورة

كنت بقول دا كله قبل الثـورة ، لما طلعت من عنده وفى طريقى للبيت قعدت أفكر فى كلامه وقلت يـارب ما تكتب علينا الحكم العسكرى

يارب ، بس وقفت كتير عند جملة قالهـا اللواء ، لما قال مكنتش المشكلة فى الريس وبس ، دى كانت فى الشعب ومن مجمل كلامه لقيته

حمل الشعب بمعظم الذنب ، وسرحت بفكـــــــــــــــــــــرى فى هذا الأمر برويه وهدوء ، هل المشكلة كانت فى الشعب أم فى الرئيس ؟

هل كما تكونوا يولى عليكم ، ولا إذا صلح الحاكم صلحت الرعيه ؟؟؟

والله انا انصحك تقدم شكوه في الراجل ده لوقدرت وأكدلك انه في ليس في كامل قواه العقليه ربنا
معاك يا بني ده شكله مش هيعديه لحد

بنت العرب إنتى أكيد متضايقه منى فى حاجه وعاوزانى أتحول لمحكمة عسكرية ، هههههههههه
أنا لسه مليش صفه عسكرية علشان أقدم شكوى فى اللواء ، أنا لسه مدنى وبعدين هو اه كلامه مستفز
بس دا رأيه الشخصى مقدرش أحجر عليه ، من حقى أرفضه بس مش من حقى أحجر عليه ، وحتى لو
من حقى أقدم فيه شكوى وأنا على قوة الجيش (بإفتراض إنه أخطأ ) ، الشكوى هاتلف تلف وتيجى على
قفايا أنا ، دا جيش مبنى على الأمر والطاعة وفقط لا مجال لأى نقاش أو ما شابه ، وعلشــــــان كده إحنا
المدنيين لا نطيق حياة الجيش ولا العسكريين بيقبلوا بأسلوب الحياة المدنية ، ودا بالفعل عانى منه المجلس
العسكرى فى أول ما مسك البلد لإنه مكنش بيقبل النقد ، وبعد كده تعايش مع الأمــــر لإنه من صميم الحياة
المدنية وكمان لإنه هو اللى تدخل فى الحياة المدنية مش العكس ، لإن وقت ما العكس بيحصل ونـــروح إحنا
لهم هناك إحنا اللى بنعانى لحد ما نتعايش غصب عن اللى جابونا ، هههههههه ، دعواتكم إنى أكون عسكرى

ان شاء الله يا محمود تكون عسكري و تخلص قوام ..

كل ده وعايز تكون عسكري ربنا معاك طلامه ده حلمك و يجي اليوم ال تكون رتبتك اعلي منه وتمسك المكروفون وتظكروه بهذا اليوم وتقول وجهة نظرك فيه يا عقيد محمود

يارب يا أ/ أمير ودعواتك ليا بالخير ، نتيجة المناظرة دى بعد 10 أيام

هههههههههه ، لأ يا بنت العرب دا مش حلم ولا طموح دى رغبة ، أنا

معنديش أى طموح فى أى رتبة عسكرية أو بالأوضح انا مش غاوى الحياة

العسكرية ولا راغب فى اى منصب عسكرى ، أنا بحب الحياة المدنية وعاوز

أخدم فى الجيش بس أكون عسكرى ، بحيث إنى أدى الخدمة العسكرية للبلد

وفى نفس الوقت مطولش فى الجيش أقضى سنة واحدة والسلام ، وأطلع أشوف

بقى هاعمل أيه فى حياتى العادية وأمارس كل الأنشطة المدنية ، وكانت قادمى

الفرصة (والوسطة) إنى أخش الكلية الحربية أو أخش ضابط متخصص

(ضابط محاسب) بعد ما خلصت الكلية بس أنا رافض الحكاية دى خالص

وربنا بقى يقدم اللى فيه الخير وأكون عسكرى نفر ، هههههههههههههه

بس بعيد عن الموضوع ده أنا شاغلنى بجد السؤال بتاع الموضوع ده

هل كما تكونوا يولى عليكم ، ولا إذا صلح الحاكم صلحت الرعيه ؟؟؟

حاضر حاضر هجاوب علي سؤال الحلقه
بسم الله الرحمن الرحيم
بالطبع إذا صلح الحاكم صلحت الرعيه
فين الجائزه؟؟
هههههههههه Laughing

لا لا يا بنت العرب هو مش سؤال هو موضوع نقاش وأنا أول مرة ألتفت له إمبارح بس

هل فعلاً إذا كان الحاكم فاسد تبعه الشعب ، أم أن الشعب الفاسد هو من يخرج حاكم فاسد

أو هو من يفسد الحاكم ، يعنى مبارك كان وحش علشان إحنا وحشين ، ولا إحنا بقينا

وحشين علشان مبارك كان وحش ؟؟؟؟

مش عارف بصراحة !!!

mahmoud.a كتب:: لا لا يا بنت العرب هو مش سؤال هو موضوع نقاش وأنا أول مرة ألتفت له إمبارح بس

هل فعلاً إذا كان الحاكم فاسد تبعه الشعب ، أم أن الشعب الفاسد هو من يخرج حاكم فاسد

أو هو من يفسد الحاكم ، يعنى مبارك كان وحش علشان إحنا وحشين ، ولا إحنا بقينا

وحشين علشان مبارك كان وحش ؟؟؟؟

مش عارف بصراحة !!!

ممكن أقول بعض الكلام يا استاذ محمود هو ليس الشعب هو الذي يفسد الحاكم ولكن الناس اللي حول الحاكم ممكن يفسدوه لو لم يأخذ باله من هذا الموضوع سواء بالمغالاه في تمجيدة او بالنصيحة الخاطئة أو بأي شكل من الاشكال التي يمكن أن تؤدي إلى فسادة وهذا ليس بغريب فهذا أغلب وحال البشر منذ قديم الزمان بس على فكرة لابد أن يكون الحاكم جيد اصلا يعني مش تجبلي حاكم ليس لديه اي ضمير وعنده مطامع كثيرة ونقول ان الشعب افسده او الناس اللي حوله

ولكن الحاكم يفسد الشعب اعتقد انه فعلا الحاكم يمكنه فساد الشعب فتوجد مقوله تقول: ( الناس على دين ملوكهم) وعندك مثال ذلك فرعون الذي ضل قومه ولكن طبعا فيه ناس تستطيع أن تفلت من هذا الموضوع وهي التي تمتلك الضمير الحي وتخاف الله طبعا فهؤلاء يحاولون ألا يقعوا في هذا الفساد بالباقين وايضا بيحاولوا او يحاربوا على الاقل هذا الفساد حتى ولو كان بأضعف الايمان

والله أعلم انا لا افهم كثيرا في موضوعات السياسة

ماشي ماشي كل ده عشان الهديه
بس أكيد وجهة نظري في الموضوع ان إحنا بقينا وحشين علشان مبارك كان وحش
لان اذا كان مبارك رئيس عادل لما كان هذا حال الشعب من ظلم وقتل في السجون الخ
فليس من العقل ان يكون الرئيس هو المظلوم والشعب ظالم !!

أ/ تولز أشكر مشاركتك

ـــــــــــــــــــــــــــــــــــــــــــــــــــــــــــــــــــــــــــــــــــ

هل كما تكونوا يولى عليكم ، ولا إذا صلح الحاكم صلحت الرعيه ؟؟؟ Cadeau

هل كما تكونوا يولى عليكم ، ولا إذا صلح الحاكم صلحت الرعيه ؟؟؟ Cadeau

العلبة دى فيها أيه ؟؟؟

لأ مش فيل !، ولا منديل !
.
.
.
.
.
.
.
.
.

العلبة دى فيها الهدية اللى إنتى عاوزاها يا بنت العرب ، أظن كده عدانى العيب Very Happy

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بكل تأكيد أن كلا الطرفين يؤثر فى الآخر ، لكن بنظرة فلسفية فكرية متعمقه أكثر

من يفسد الأخر ؟ ، من مِن كلا الطرفين له الأسبقيه ؟؟ ، هل صحيح أنه يتولى أمر

الصالحين رجل صالح ؟ ، أم أن الحاكم هو من يغير ثقافه الشعب ؟ ، الفكرة هى من

أولاً ؟ ، من له القدرة الأكبر ؟ ، من العامل الحاسم ؟ هل يكون الحاكم من نتاج الشعب

أم يتغير الشعب قدوة وتأثراً بحاكمه ، أيهما أسبق من الأخر وأيهما سبباً فى الأخر ؟

عــــــــــــــــاوزين حد شاطر فى الفلسفة الفكرية المتعمقة دى ، فهل يثرينا أحدكم ؟؟؟

تحياتي:
أولا مبروك عليك الجهاديه سواء أكنت جنديا أم ضابطا
ولو عاد بي الزمن ربع قرن لاخترت أن أكون ضابطا
مش تسألني ليه؟
هههههههههههههههههههههههههه
مع أني أمضيت جيشي في داخل المسجد أصلي بالناس وأعلم الجنود (محو الأميه ) وأخطب الجمع لا أكثر ولا أقل عام وثلاثة أشهر كانت في سيناء الحبيبه
تمنياتي لك بالتوفيق
============
وأما عن سؤالك
أيهما يؤثر في الآخر الحاكم أم المحكوم
فأنا أرى أنه كما تكونوا يول عليكم
ففساد الرعيه يكون مسبقا عن فساد الراع لأن الراعي من ضمن الرعيه
ولو أن الرعيه صالحه لتول أمورهم رجل منهم صالح
ثم تأتي النقطه الهامه وهي
هل يمكن للولي أن يصلح الرعيه ؟
نعم
بمعنى
يمكن يكون شعب فاسد فاذا ما تولى أمرهم رجل صالح أصلح أمرهم كلهم أو بعضهم
والسؤال الآن
لو الرعية صالحه وتول أمرها فاسد هل يمكنه افسادهم؟
أقول لا
النتيجه
كما تكونوا يول عليكم
يعني عاوز تقول يا أبو أسامه ان الشعب المصري كان فاسد لما تولى مبارك الحكم؟
أقول : لا
السادات الله يرحمه كان راجل كويس وترك شعبا جميلا وترك نائبا له وهو مبارك فلما مات بطبيعة الحال تولى شؤون البلاد من بعده
ثم فسد مع مرور الوقت وتجبره على مدى ثلاثين عاما
وكان كلما اشتد ظلمه اشتد قهر الرعية
وكما يقولون الكبت يولد الانفجار
من هنا انفجر الشعب كله يقول
الشعب يريد اسقاط النظام
لان الناس بطبيعتها لا تحب الظلم
أتمنى أكون أجبت على سؤالك
لكم كل الحب

شكرا علي الهديه Suspect

(علبة الهديه) احم احم مش مشكله cheers

بص بأه يا عقيد محمود متجننيش ومتعأدنيش في أدبي قبل ام خشه
ليس من العقل ان يؤثر شخص (الرئيس) علي مليووون شخص (الشعب)صح !!!!!
ولاكن في حلتنا يؤثر الشخص علي مليوووووون شخص ؟؟
لان الرئيس ينهب ويسرق الاموال ومن الاخرعايش في الجنه أذا لا يهمه ولو رأي الامه العربيه بأكملها!!
ولاكن الشعب المظلوم الغلبان عايش في النار يجتهد وتعب عشان لقمة العيش وده الطبيعي منه لان هذه احتيجات الحياة ولاكن مع كل هذا يري ظلما وفسادا !!!

الشعب الي بيؤثر علي الرئيس والدليل علي ذالك أن الشعب لم يثر منذ سنين وهكذا وسع المجال امام مبارك لكي ينهب ماينهب ويسرق مايسرق والله أعلم drunken

يعني من الاخر الاثنين يؤتروووووووووووووووووووووووووون ولاكن الاول والاخير الرئيس الكبير drunken

:drunke

أشكرك أ/ أبو أسامة على إضافاتك ، ولكن بالرغم من مضمونهاالكثير لم أتوصل بعد لما أبغيه

يعنى لسه ملقتش الإجابة التى تشبع شهيتى فى هذا التساؤل ؟

والسؤال بعبارة أخرى موضحه :

من يسبق فى التأثير ، هل يؤثر الحاكم على الشعب فيكون الشعب تبعاً لأخلاق حاكمه

أم يؤثر الشعب فى نوعيه الحاكم الذى يحكمه ؟؟؟

بعبارة أخرى :

على أى أساس يكون الحاكم ، هل على أساس أخلاق الشعب ، فإن كان الشعب فاسد حكمه فاسداً

وولى عليه وليس شرطاً أن يكون الشعب أو الحاكم فاسد منذ البداية بل تبعاً للشعب يتغير ؟

أم أن الحاكم إذا ما صلح او كان صالحاً أصلح شعبه والعكس صحيح ؟؟؟

وهل يمكن أن يتولى أمر الصالحين رجل فاسد او العكس ؟؟؟

ومن الممكن أن يتولى الحكم رجل صالح والشعب صالح ، وفى النهاية تجد

أن الإثنين أصبحا سيئين ، فمن السبب ؟ ، من المؤثر ؟ ، أهو أم الشعب ؟

بمعنى أي هذين الإحتمالين هو الأصل ، والثانى تابع له ؟؟؟

الإجابة على هذة الأسئلة ليست من منطق القوة والإستطاعة (للشعب أو للحاكم ) بمعنى أن السؤال

ليس سؤال سياسى مطلقاً بل هو فلسفى فكرى إلى حد بعيد ، يعنى مثلاً من هو الاقوى

المرأة أم الرجل ؟؟؟ ، الإجابة السريعه هى الرجل ، فى حين أننا لو دققنا قليلاً لو جدنا أن

الإثنين متساويين ، فالظاهر أن الرجل أقوى من المرأة ويرث أكثر منها وهكذا لكن بنظرة

متفحصة نجد أن المرأة لديها القدرة على فتن الرجال لا العكس ، وهى لديها القدرة على

الكيد أكبر من الرجل لا العكس ، بالمناسبة الحتة الأخيرة دى متزعلش المرأة أبداً فهى قد أعطت

للمرأة لا لكى تكون عيباً فيها بل لكى تكون سلاحاً لها لأنه الجنس الأضعف من الناحية المادية

كذلك تجد أن المرأة ترث أكثر من الرجل ؟ ترث نصف من أبيها ، وواحد صحيح أخر هو زوجها

كذلك نجد ان المرأة ليست نصف المجتمع بل أكثر من النصف ، فأنت وجودك السبب فيه والدك

ونصفك الأخر(زوجتك) إمرأة ، إذاً انت تحتاج إلى إمرأتين للوجود فتصبح المراة بالنسبة للرجل إحتياجاً

أكثر من النصف ، والعكس صحيح هى تحتاج لرجلين للوجود فيصبح الرجل لها أكثر من نصف

اخر وهنا تكمن الحكمة فى شعور ومنطق إحتياج كل من الطرفين للأخر بأكثر من ذاته وبالتالى

يحتاج كل منهما للأخر بشدة ، يعنى المرأة تحتاج لرجلين ، والرجل يحتاج لإمرأتين

والناتج ان يحتاج كلاهما للأخر بشدة فتكون العلاقة التكاملية

إذاً نصل فى النهاية إلى أن المرأة لها أشياء تميزها عن الرجل لتعوض أشياء أخرى مادية وهى الظاهرة

فى الرجل عنها ، لتكتشف فى النهاية أنه كلاهما متساوى بقدراته على إختلافها ، وسبحان الله

ــــــــــــــــــــــــــــــــــــــــــــــــــــــــــــ

هههههههههههههههههههههه

بنت العرب بقولك ايه أنا لا أجيد مهاداة النساء ولم أفعل من قبل قط ، فقلت أحط الهدية متغلفة

وإنتى إختارى ، فلو عاوزة دبدوب يبقى العلبة فيها دبدوب ، ولو عاوزة فبل يبقى فيها فيل !

ههههههههههههههه ، مش دا مخرج ذكى برضه ، أنا كده فى السليم

وإنتى مصممة برضه إنى أكون رتبة عسكرية ، دا بدل ما تقولى روح ربنا يجعلك باش شاويش

هههههههه ، هو إنتوا كلكم عليا ولا أيه ، أبويا عاوزنى أكون ضابط علشان الجيش يربينى

وأعمامى بيقولوا لى دى مرتبات الضباط كويسه ياريتك تخش ، والجيش رشحنى مرتين ضابط

الأولى فلت منها والحمد لله ، والتانية ربنا يستر ، وأ/ أبو أسامة يقوللى لو كنت مكانك كنت لبست

ضابط ، وإنتى مصصمة إنى أكون ضابط ، هو فى أيه يا جماعة ، هو مفيش حد غيرى فى البلد ينفع

يكون ضابط يعنى ولا ايه ؟ ، أنا متواضع يا جماعة أنا عاوز أكون عسكرى نفر ، فيه حد متواضع

كده ، ههههههههههههههههه ، ربنا يكتر من أمثالك يا أ/ أمير :

supervisor / Amir كتب:: ان شاء الله يا محمود تكون عسكري و تخلص قوام ..

ياعمي انا زي أختك الصغيره شوف بأه بتجيب لاختك أيه Suspect

( خلاص خلاص هعدي هالك المرادي)
وخلاص مش عيزاك تكون عقيد بس هعد أقولك كده عشان أعصبك tongue

بس اصبر
الوالد عايزك تكون ضابط يبقي سمعا وطاعه ههههههههههه Twisted Evil

هو أنت غاوي سياسه وتعب قلب وسجون ههههههههه
عموما بشكر حضرتك جدا علي الموضوع الفلسفي drunken

الرائع يا عقيد محمود هههه Very Happy

الشعب فى معظمه ليس فاسدا
والبعض الفاسد منه جزء منه بالطبيعه بسبب فقدان المبادئ الاخلاقيه والجزء الاخر بسبب ضعف المبادئ الاخلاقيه دعمتها ظروف الحياه القاسيه فى ظل مفرمة الحياه القاسيه
وعندما يتم تولية الحاكم ويكون فاسدا يطل معظم الشعب الغير فاسد ( فقط ) متذمرا من هذا الفساد وهنا تظهر اهمية حرية الرأى والوزن النسبى لاهمية رأى الشعب فى استمرار هذا الحاكم على سدة الحكم او تنحيته
وفى حالة مبارك على سبيل المثال ومع كامل احترامنا لرأى الاستاذ المحترم ابو اسامه فان مبارك حزله من الكلام من زمن بعيد وذمته ليست نظيفه منذ زمن بعيد ايضا ولكن تم تكميم الافواه ومنذ زمن بعيد ايضا ولم يكن الرجل نظيفا منذ كان نائبا للسادات
ولو كان هناك اهميه لحرية الرأى واهميه لدور رأى الشعب ماكان استمر طوال هذه السنوات
ولكن الذى حكمنا الخوف
وقد تم كسر هذا الحاجز الذى كان يحول بيننا كشعب وبين الحاكم الظالم
ففى رأى المتواضع ليس هناك مجالا للقلق بعد ذلك وكل مافى الامر انه ستظل هناك مواجهات بين السواد الاعظم من الشعب الغير فاسد والحاكم اذا كان فاسدا فإما ان ينصلح حاله وإما تنحيته
ولكن فى النهايه لايمكن ان يستمر حاكم فاسد بعد الان
فالعجله لايمكن ان تعود الى الوراء

أ/ عزة عبد المنعم أشكر مشاركة حضرتك ، شكراً جزيلاً

ـــــــــــــــــــــــــــــــــــــــــــــــــــ

بنت العرب كتب:: ياعمي انا زي أختك الصغيره شوف بأه بتجيب لاختك أيه ( خلاص خلاص هعدي هالك المرادي)
وخلاص مش عيزاك تكون عقيد بس هعد أقولك كده عشان أعصبك بس اصبر
الوالد عايزك تكون ضابط يبقي سمعا وطاعه ههههههههههه
هو أنت غاوي سياسه وتعب قلب وسجون ههههههههه
عموما بشكر حضرتك جدا علي الموضوع الفلسفي الرائع يا عقيد محمود هههه

هل كما تكونوا يولى عليكم ، ولا إذا صلح الحاكم صلحت الرعيه ؟؟؟ E1%20%28189%29

بنت العرب كتب:: ياعمي انا زي أختك الصغيره شوف بأه بتجيب لاختك أيه ( خلاص خلاص هعدي هالك المرادي)
وخلاص مش عيزاك تكون عقيد بس هعد أقولك كده عشان أعصبك بس اصبر
الوالد عايزك تكون ضابط يبقي سمعا وطاعه ههههههههههه
هو أنت غاوي سياسه وتعب قلب وسجون ههههههههه
عموما بشكر حضرتك جدا علي الموضوع الفلسفي الرائع يا عقيد محمود هههه

هههههههههههههههههههههههههههههههههههههه شوف بنت العرب رتبتلك كل حاجه ماتتعبش نفسك هههههههههههه أنا بحبها جدا على فكره

احم احم أحرجتيني يا شيماء Embarassed

وانا كمان بحبك Razz

بنت العرب كتب:: احم احم أحرجتيني يا شيماء
وانا كمان بحبك

هههههههههههههههههههههههههههه يا سلام

وحيات عبد السلام
ههههههههههههههههه Very Happy

بنت العرب كتب:: وحيات عبد السلام
ههههههههههههههههه

عبدالسلام مين

يا شيماء احنا بنقولها كده وخلاص عموما متزعليش وحيات عبد الرحمان عااااااااااااادي
هي المقوله كده هههههههههههه
اوعي تكوني متعصبه أنا بعملها في ناس كتير Surprised

بنت العرب كتب:: يا شيماء احنا بنقولها كده وخلاص عموما متزعليش وحيات عبد الرحمان عااااااااااااادي
هي المقوله كده هههههههههههه
اوعي تكوني متعصبه أنا بعملها في ناس كتير

هههههههههههههه يابنت العرب أنا عارفه المقوله دى أنا بهزر معاكى وبعدين مش متعصبه ولا حاجه وقولتلك ميت مره مش بزعاااااااااااااااااااااااااااااااااااال

خلاص خلاص سمعتي الجران معلش
أصل انا بخاف علي زعلك أنتي بذات عشان بحبك جدااااااااااا Very Happy

» الحزب الحاكم غاضب علي برنامج
» منى الشاذلي تتعرض لهجوم حاد من الصحف بعد إساءتها للبرادعي واتهامها بالولاء للحزب الحاكم
» سيدى الرئيس عفوا لقد اوشك رصيدكم على النفاذ "رساله الى الحاكم"
» ابو اسامة بيسلم عليكم
» السلام عليكم