زكرياتي في رمضان

بمناسبة قرب حلول شهر رمضان المبارك
احب اهنيء الاخوة المسلمين في جميع انحاء المعمورة وخصوصا مسلمين جمهورية مصر العربية
اعادة اللة علينا بالخير واليمن والبركات ..

**وهنا احب ان احكي لكم زكرياتي البسيطة عن هذا الشهر الكريم في مدينة اسوان وشرم الشيخ وسوهاج والقاهرة
في لفترات التي حل فيها هذا الشهر الكريم وانا هناك

**واحب وارحب بالمشاركة من جميع الاعضاء في المنتدي

**فلنبدء ....

ااااااااااه رمضام امممم رمضان وما ادراك رمضام دحنة عملنا عمايل في رمضان ههههههههه اولاً اشك حضرتك علي الموضوع ثانياً ندخل علي الذكريات Cool

::
اه اخر حاجة فكراها لما رميت بمب من فوق البلكونة وجة علي واحد هههههههههههههههههههههههه احم احم ((مكنش اصدي)) Very Happy

ولما كلنا بنجمع ونعد نفرقع صواريخ وبمب في الشارع واحنا اصلاًمنعرفش بعد بتكون حلووووة اوي كل الناس بتقفل الببا والشبابيك عشان البمب ما يدخلش عندها ههههههههههه وفكرة اول مرة فرقعت بمب اعت انفخ انفخ انفخ لحد مفرق فيا انا ههههههههههههههههه Razz

لا بجد رمضاااااااان في مصر غيييير ونعد نحش نحش نحش في لغاااااااية لما السحور يجي وننزل نجنع فبيت جدي الكبير ونسحر احنا وعمي وولاد عمي ياااااه بجد ايام لا تعود وبعد الفتار نعد نلعب بنك الحظ ونعد نسرق من بعد فلوس ونضرب بعد انت اخت لاوالله لا انت اخت ههههههههههه ويا سلااااااااام لما نجيب عين جمل هههههههههههه مل واحد يمسك ايد هون ويكسر والكباار يضربو هههههههههه Laughing

هههههههههههه وطبعا انا هريت ميرات عمي اصل انا مش بعرف اكسر حلو هههههههههههه وكتيييييييييييير من الذكرياااااات الجميييلة في شهر الصوم رمضان Smile

بص يا أستاذ عماد أهم حاجه فى رمضان عندنا الصواريخ وخصوصا بقى لما تبقى ماما فى المطبخ نقوم أنا وأخواتى مولعين الصاروخ ونرميه فى المطبخ وأجمل حاجه أن بابا هوه ألى بيوحينا عشان نعمل كده فى ماما وبعدين يقوم لما ماما تزعل يقولها معرفش حاجه عن الموضوع ده ويعد يقلنا عيب يا عيال بس دى طبعا قدام ماما بس لما تمش يقوم ضاحك
كمان بحب أول يوم رمضان أوى المنظر بيبقى تحفه تقريبا 20 حد تلقيه أعد بيفطر معاكى بيبقى يوم رائع
وكمان بحب أعد أتفرج على أخواتى الصغيرين قبل الفطار بنصف ساعه وبعد الفطار مباشره لانهم قبل الفطار بنصف ساعه تلقاهم خلاص شحروا وبيستشهدوا كل مره بيعملوا كده وساعت الفطار بيبقوا كويس جدا مفيش حاجه أما بقى بعد الفطار فتقريبا مش بشفهم بيناموا على الطربيزه
رمضان كل حاجه فيه ذكرى وكل حاجه فيه حلوه

احنا بقي بنتفق مع ولاد عمي واول ما المغرب تأذن نروح مولعين الصاروخ
ونفضل قدين مع بعض لحد الساعة 2.30 بليل وبعدين كل واحد يروح علي شقته نحضر السحور
وكمان كل جمعة بنفطر مع بعض بجد ايام جميلة اوي ربنا يتقبل منا
شكرا يا استاذ عماد علي الروح الجميلة دي

اشكركم شيماء ومروة و بنت العرب علي المرور
و في انتظار باقي الاعضاء
اما بالنسبة لي فسأبدء في السرد من بعد غد الاثنين لأن غدا اجازة بالنسبة لي
.. رمضان كريم

كل سنة وانتم طيبين
وشكرا لحضرتك يا استاذ عماد

احبائى
اولا اشكر الاخ العزيز عماد على الموضوع الجميل , اولا بيبن اد ايه الحب والود بيبن المسلمين والمسيحيين واللى مهما حصل عمرة ما حاينتهى , انا زمضان بالنسبة لى طبعا مختلف عنكم خالص , يعنى من زمان اوى ( من اكتر من 30 سنة ) ايما الفن الجميل والزمن الجميل , كنا قبل رمضان بشهرين نبتدى نحضر شغل رمضان يعنى اغانى جديدة لكل املطربين , وادعية دينية , وحاجات للإذاعة يعنى موسيقى بتتذاع فى الفطار وفى الفجر وقبل الفجر وبعد الفجر , اما احلى حاجة وأشهر حاجة كنا بنسجل فوازير رمضان , يعنى نيللى كذا سنة بعدها شريهان كام سنة , بعدهم سمير غانم فاكرة فطوطة يا بنت العرب ؟ , الفوازير دى كان ليا بيها علاقة حميمة لأن كل سنة كانت الفوازير 30 حلقة غير التترات , ومسلسلات رمضان الشهيرة , زى شهر زاد ايمان الطوخى , يااااااااااااه تارخ , وبعد ماخلص الزمن الجميل , يعنى قضيت وقت بنعزف تخت شرقى على خفيف , بس احلى حاجة سهرات خاصة عند الاحباء , يعنى اصدقاء عندهم فيلا فى 6 اكتوبر او الصالحية , والعزومة تبقى من قبل الفطار ونفطر سوا بعدين يتلموا حواليا , ويقعدوا يطلبوا اغانى من الجميلة , ويقعدوا يستكشفوا اغانى قديمة لعبد الوهاب وام كلثوم ونقعد نسمع ونعزف لحد السحور , فى الفيلات دى بيجيبوا طقم خدمة من اوتيل خمس نجوم وبوفيه مفتوح طبعا من اهم متع رمضان الاكل والحلويات والحلويات الذ حاجة لما تلاقى علي البوفيه المفتوح 40 صنف وتحتار تختار ايه , والمكسرات بتبقى بالشوال مش فى اطباق , نسمع ونقزقز , بس يارب حال البلد ينصلح عشان الايام الجميلة تدوم وتتكرر تانى , يعنى كذا ناس عزمونى عزومات كده فى رمضان وبينى وبينكم خايف اخرج بالليل , اما عن الاخوات العزيزات مروة مجى وبنت العرب وشيماء خفاجة , كلامكم على الصواريخ ... انتم عندكم ميول عدوانية ولا شقاوة بريئة , عموما الانسان بيتطور , يعنى دلوقتى الصواريخ بقت موضة قدمة , فيه سلاح آلى وفيه اار بى جى بيتباع فى السوبر ماركت , ممكن تشترى واحد وتضربى من البلكونة , لو قدامك عمارة 10 ادوار كل طلقة حايطير منها دور , احنا فى حتتنا اصحاب العمارات استغلوا الفوضى اللى حاصلة وكل عمارة طلعت 3 ادوار بدون ترخيص
كل سنة وانتم طيبين

ههههههههههههه وانت طيب استاذ عادل بس كفاية علينا الصواريخ احنا مش بتوع آلي Smile

كل سنه وحضرتك طيب يا أستاذ عادل وفكره الأربجيه والالى دى فكره كويسه وهم برده اليومين دول متوفرين تحت شعار عيش حياتك وأخربها

احبائى

اشكركم على اسلوبكم الجميل وعلى خفة دمكم , بجد لما قريت ما كتبتم يعنى حصل عندى شعور زى مايكون عند الواحد صداع ( من اللى بيحصل فى البلد ) وياخد مسكن جميل , يعنى محتاجين اوى نبتسم دقيقتين حتى و وسط الاخبار المقرفة اللى بنسمعها كل يوم , لحد الحظة دى مش عارفين اللى اللى بيحصل فى العباسية
مع اطيب تحياتى

اه والله يااستاذ عادل تسمع من هنا كلام وبعدين تسمع كلام غير الكلام الكلام متناقض جدا

والله يا مروة الاحداث فكرتنى بفيلم اجنبى شفته زمان اوى من الخيال العلمى , يعنى واحد اخترع سشوار حريمى من الكبير بتاع الكوافير , اللى يلبسه يقرأ افكارة , يعنى يبان كل اللى هو بيفكر فيه ايه , يعنى اللى بيفكر فيه فعلا مش اللى بيسؤح بينا وبيقوله , ياريت لو عندنا واحد زى ده كنا نخلى كل واحد عايز يتكلم يلبسه ونشوف بقى ويبان المستخبى

مع اطيب تحياتى

تحياتى للجميع وشكرا لصاحب الموضوع الاستاذ عماد
والف شكر لكل الردود التى اخرجتنا ولو للحظات من كآبة الموقف وفكرتنا بالايام الجميلة المباركة
يارب يكون الجاى كله خير

يلا كل واحد ينزل تحت الطربيزة حالاً Suspect

بقول انزلة انا مش بهزر انزلوووووووووووووووووو
ههههههه يا جماعة انا مش بهزر الي بيخااااف يطلع برة

طخ طخ طخ طخ طخ طخ طخ طخ تتتتتتتتتررررررريك Twisted Evil

طخ طخ طخ طخ طخ طخ طخ طخ تتتتتتتتررررررريك Twisted Evil

هههههه تصور يا استاذ عادل لو حضرتك قلت كدة لحد مجنووون وعملها ومسك رشاش ونزل ولما يمسكوة يقولهم مليش دعوة استاذ عادل الي قالي ههههههههههههههههههههههههه Laughing

هتعمل اية؟؟!!

قبل ان ابدء احب ان اشكر الاستاذ عادل صموئيل والاستاذ رودي2000

مااحلي هذة الفترة وخصوصا ماقبل ثانوي وقت ما كان رمضان بيجي في شهور الاجازة و الصيف اول شيء خطر علي بالي وانا اكتب الفانوس البسيط الصغير ابو شمعة وقت ان اشتراة اخي الاكبر ميلاد وكلنا فرحنا بة وبشكلة الصغير وعلي ما اظن كان صناعة مصرية بسيطة قبل ان تنتشر الفوانيس الصيني.

اتزكر ايضا المدفع اليدوي ايضا ملك اخي الاكبر وهو عبارة عن يد طويلة ملحوم فيه حديدة اتخن شوية ومجوفة من الداخل تجويف صغير نملاءة بالكبريت وذلك بعد ان نستولي علي علبة كبريت من المطبخ ونفرغ العود من الرأس الاحمر او الفوشية بشيء حاد ونملاء المدفع حتي اخرة بالكبريت ونطحنة بالداخل ونقفل بعد ذلك تلك الفتحة بمسمار طولة مناسب ومربوط بدوبارة بنهاية المدفع وننتظر لحظة ضرب مدفع رمضان القريب من البيت لكي نقلدة بضرب مدافعنا الصغيرة وبالرغم من الفارق الكبير في قوة الصوت الا انه كانت ترضي غرورنا وتسعدنا..
وماتزال الزكريات كثيرة سأكتبه كلما سمح الوقت و تزكرت

رمضان كريم

كل عام والجميع بخير بعد غد 1الاثنين الموافق 1 /8/2011
اول رمضان وكل عام وانتم بخير احب ان استكمل زكرياتنا الجميلة في هذا الشهر الكريم
في كل يوم بيمر في شهر رمضان هيفكرنا بزكريات نحب نتعرف عليها

رائع استاذ عماد
هذه الروح جميلة ورائعة بينكم يامصريين
والله وبلا مجاملة
انا عراقية مسلمة كنت ااعيش في بلدكم سنتين
كلما اتعامل مع قبطي مصري
اجد التالي : الصدق والاخلاص والدقة في العمل وعدم الرياء او النفاق وحب شديد لمصر
يارب يحميكم لبعض
كلكم اولاد المحروسة
اما الموضوع بتاع رمضان وذكرياته
احب اشارك ولكن
ذكرياتي الجميلة كلها في العراق
وانابعيدة عنها منذ 20 سنه......
لوفتحت ذكرياتي سوف اتعب
رمضان كريم عليكم يارب

اشكرك استاذة صفية صاحبة المواضيع المتميزة
اشكرك مرتين..

الاولي علي المشاركة

والثانية علي ذوقك الرفيع و اخلاقك الرفيعة

اما بالنسبة لنا المصريين فنحن نعيش سويا علي الحلوة و المرة منذ الازل

اما بالنسبة لمشاركاتك فنحن نتمناها فالذكريات ما اجملها .. حتي ولو كانت في وطن بعيد

وكلي ثقة وفاؤل ان الايام القادمة ستكون افضل حتي لو تأخرت الايام

كل سنة وحضرتكم طيبين
بكرة ان شاء الله رمضان شكرا لحضرتك يا استاذ عماد
وفعلا يا استاذة صفية احنا الحمد لله الروح عندنا حلوة بس مش عرفة مين اللي
بيسبب الفتنو ربنا يسمحه بقي

اتزكر ايام رمضان الاولي قبل ان تكون هناك فضائيات لم يكن عندنا اساسا تلفزيون

وكان جيراننا في عمارتنا كلهم حلوين ناس محترمين يحبو الالفة و الونسة لما كان بييجي رمضان كان علي

القناة التانية كل يوم فية فيلم بيتعرض الساعة 3 العصر طبعا كان التلفزيون ابيض واسود و الافلام كلها ابطالها

عمالقة الشاشة فريد شوقي ومحمود المليجي وشكري سرحان وكمال الشناوي ومن الفنانات شادية

وصباح وهند رستم وامينة رزق وسلسلة طويلة من الاسماء لايتسع المجال لذكرها كلها غير اني لابد ان اذكر

نجوم الكوميديا و علي رأسهم الفنان اسماعيل ياسين وعبد المنعم ابراهيم و ثلاثي اضواء المسرح سمير غانم

وجورج سيدهم والضيف احمد .

وبعد الفيلم مباشرة وحوالي الخامسة الا ربع كانت فوازير عمو فؤاد واللتي كنا ننتظرها بفارغ الصبر .

المهم ان الكريم الاستاذ

احمد جاد او ابو حمادة كان لدية من الابناء حمادة وسامية ونجاح كانوا دائما عند

الساعة الثالثة تمام يدعوننا احنا التلاتة ميلاد وكمال و انا عماد لحضور العرض معهم يوميا في محبة و ابتسام

وفرفشة .

ياما استمتعنا معهم في هذة الايام ليس فقط بالفيلم ولكن بوجودنا معهم كانت ايام جميلة

ولما كبرنا وفرقتنا الايام لا انسي احلي ايام حياتي .

اللة يرحم ابائنا((ابي و ابو حمادة)) ويرحم احلي ايام حياتنا ويرحمنا وتعود تاني

فوازير عمو فؤاد
----------------------

من اجمل الفوازير التي شهدناها في شهر رمضان للقدير الاستاذ الفنان فؤاد المهندس

وهوكان يمثل للأطفال حاجة كبيرة جدا في تلك الايام . لااذكر كم سنة استمرت تلك الفوازير ولكنها كانت

جميلة جدا اتذكر ان كل عام كانت تحكي عن موضوع كبير بداخلة موضوعات اصغر مثل

عمو فؤاد رايح الاستاد وكانت تتضمن اسئلة عن كرة القدم و عمو فؤاد رايح يصطادوتتضمن اسئلة عن الحيوانات

وغيرها

برامج كتيرة ومسلسلات اكتر كنت اعشق متابعتها في شهر رمضان واحب ان اتزكرها

لا انس برامج المتميز طارق حبيب او رمسيس والبرنامج المشهور يا تلفزيون يا و برنامج اجمل الزهور و فوازير

نيللي وفطوطة شريهان.

اتزكر ايضا ونحن اطفال صغار في سن مروة وبنت العرب وكيف كنا نصنع القطايف بأضافة بعض الماء الي

الدقيق في حلة من حلل الطهي وكنا نعمل بيت نار (كانون) بأن نرص بعض قوالب الطوب متصلين من 3

جوانب والرابع مفتوح ونجهز بعض الخشب من فروع الشجر المكسورة وبقليل من الجاز نشعل النار في الوقود

وفوق النار نضع صاجة نظيفة ونحضر العجينة الخام ونسكبها داخل قمع بلاستيك نسدة من اسفل بأصبعنا

ونبدأ عمل القطايف بأن نفتح فتحة القمع لينسكب العجين السائل علي الصاج والنار من اسفلها وبعد دقائق

قليلة نأخذ الانتاج الي امي وهي غير مصدقة نفسها لما عملناه

انا في رمضان ببقي هادية جدا معظم الوقت ..يعني بصحي بدري زي العادة بشوف كل حاجة ورايا ...بظبط الفطار مع مامي ...بصلي واقرا قرآن

يمكن النشاط الوحيد الي بعمله في رمضان ..الاسبوع الاول ببقي مركزة في شنط رمضان وكده

احيان بفطر بره مع الاسرة او مع اصدقائي

مش بحب التلفزيون في رمضان ولا اعرف المسلسلات ايه الي بتتعرض ..بقالي كده تالت رمضان دلوقتي

افتكر افضل رمضان مرة عليا وساب ذكري جميلة ..هو الي قضيته في المدينة المنورة وكنت بصلي في المسجد النبوي طول رمضان

وكمان في رمضان كان مهم بالنسبة لي...اطلقت حملة اسمها..افطار طفل شوارع مسؤوليتنا في رمضان

اطرف حاجة فيه ان كل الشباب الي كانوا هيجوا يوم التوزيع...ولا واحد فيهم جه هههههههههههههههههههههه

وطبعا اتصلت بصحبتي واخويا كان معايا دبستهم في التوزيع معايا...وافتكر ان الموقع واستاذ امير كانوا حذروني من اطفال الشوارع ...بس انا ركبت دماغي وركبت التاكسي وطرت ههههههههههههههههههههه

كل سنة وانتم طيبين

رمضان كريم

كل سنة وانتو طيبين وشكرا علي المرور من الاخوة الاعضاء ,

عدي علي رمضان سنتين وان في فندق شيراتون شرم وكنت عامل فيها زي اللمبي بأجر عجل واسكوتر

وموتوسيكلات لما كانت تيجي الساعة واحدة الضهر كنت بأطلع اكل مع الاصطف الاجنبي وكانوا ساعتها

طلاينة وروس بصراحة كان الاكل حاجة مختلفة غير اكل الاصطف العادي مش عارف لية بصراحة حاجات مش

قادر افتكر اسماءها ونظام اوبن بوفية ام لما كنت بتغدي مع الاصطف المصري في الايام العادية كان الاكل

العادي فراخ او لحمة وطبيخ ورز وفاكهة بس يمكن يكون هوة دة اللي بيسد مع المصري

بس بصراحة ماكنتش بحس برمضان في شرم كنت بحس اني في بلد اوروبي ومافيش الجو الرمضاني اللي

نعرفة

» رمضان كريم
» رمضان كريم
» رمضان كريم
» توتي في رمضان
» رمضان كريم