هل تفضل ان تكون قلم رصاص ام قلم حبر؟

السلام عليكم
في حياتنا نفضل قلم الرصاص
لجماليته على الورق ، وقدرتنا على مسح الخطأ ، كما يمكننا بري القلم فنعيد له فعاليته في الكتابه
اما قلم الحبر
اذا اخطئنا لايمكننا مسح الخطأ الا بمادة تحدث تشويه لصفحاتنا وبالتالي تمزيقها
الغاية هي : ـ (خذو بالكم )
البشر نوعان
*بشر شبه قلم الرصاص ، يخطىء ويعترف بالخطأ ويمسح ويعيدالكتابة بلا غرور او تكبر ولكن يجب الحذر
لأن عمر الممحاة صغير وقلة استخدامها يدل على الذكاء
* وبشر شبه قلم الحبر ، يكابر بخطئه ولايعترف به ولايتراجع عنه بل يحاول ان يخفيها
والثقة التي يحملها مزيفة صحيح حبره ثابت ولكن لو سقط عليه قطرة ماء سوف تشوه شكله
اذن هل تفضل ان تكون قلم رصاص ام حبر
اويمكن تختار ان تكون احيانآ قلم رصاص وتارة قلم حبر
انا عن نفسي والله عايزة قلم جرافيت ،فحم اطبح كلماتي في صفحات الدنيا واقول انا مررت من هنا

احب استخدم الاثنين ولاكن اميل للرصاص اكثر
شكراً استاذة صفية علي الطرح المميز

احبائى
اشكر الاخت صفية على الموضوع و وموهبة اختيار العناوين
المشكلة طبع الموضوع مش قلم رصاص وقلم حبر بمعنى جسم القلم نفسه واستخدامه و ماكلنا فى هذه اللحظة معانا قلم رصاص وبجوارة بالطبع القلم الحبر , ولكن المضوع كناية عن تقسيم دماغ البشر , يعنى مين يعرف نفسه صح , انت لو اخذت عينة من البشر زى مثلا احمد زويا او طه حسين , وفى الفن انا تعيشت شخصيا طويلا مع عبد الوهاب وارباض السنباطى وام كلثوم , هؤلاء العباقرة تصنيفهم عباقرة كل فى مجاله , وكل عبقرى منهم عارف انه عبقرى فى مجاله , من كتر العلم والموهبة والدراسة كل واحد مهم اكيد بيقيم نفسه , هؤلاء الذين يخطون التاريخ والفن والعلم والفلسفة اكيد ممكن يكتبوا بالحبر على طول لأنه عارف انه بيكتب ايه , عارف انه لو كتب جملة حتجكون جملة مأثورة ممكن اعلقها على الحائط فى مدرسة او مكتبه او مان محترم , دول بالنسبة للعباقرة , اما باقى الناس المفروض تحط قدامك شعار اعرف نفسك , يعنى اللى بيتكلم مام ميكروفون لازم يكون عارف هل هو بيتكلم صح ولا غلط , وهنا هل من حقه يكتب بالحبر ولا المفضل والأكثر اماناً يكتب بالرصاص , انا شفت ناس بتتكلم غلط وغلط جدا , والمصيبة انه بيتكلم فى حاجة بتتدرس فى كليات يعنى مش كلام قهاوى ولا سفسطة اثناء شرب كوب من الشاى , والمشكلة ان اللى بيتكلموا غلط ( او بيكتبوا غلط ) لهم قدرة على جذب اتباع بيكونوا مش عارفين الصح الاصلى وبينقادوا وراهم , واللى بيكتبوا بالحبر ( واشكر الاستاذة صفية على طرح هذا المصطلح الجيدي والجميل ) اللى بيكتبوا بالحبر يا احبائى بيكونوا قبل ما يجرؤا على الامساك بالقلم الحبر اولا قرأ الف كتاب ودرس الف نظرية وخرج منهم بفكر , الفكر ده انه لو كان موجود زمن تأليف الالف كتاب لكانوا ضموه اليهم وصار واحدأ من مؤلفى الالف كتاب , او ضموه الى قافلة الكتاب العظام , لكن لما ييجى واحد مشكوك فى كلامه وعايز يكتب وخلاص هشان يبقى موجود , هنا هو بيضيع وقته ووقتنالأنه كان ممكن يتعلم الصح اكتر وكتاباته تفيدنا مش تضرنا .
اما عن نفسى انا احب القلم الرصاص يعنى قدامى دلوقتى اكتر من عشر اقلام رصاص من افخر الانواع الامانية ( بحب رائحة الخشب الممتاز وملمس الصنعة الفاخرة ) وطبعا مش حاطط العشر اقلم الغاليين دول تفتكروا انى اقطاعى ولا رأس مالى ولكن فيهم كذا درجة من حدة سن القلم يعنى ساعات بحتاج السن الرفيع جدا وساعات بحتاج قلم تقيل جدا وسنه غليظ عشان كتابة الموسيقى , ومشكلتى الاكبر هى غزو احفادى , يعنى بجيب لهم مكتبة اقلام لكن بيحبوا اقلامى مش عارف ليه , انا بحب القلم الحبر بتاع زمان واللى كان بيتملى حبر وكان منه اصناف فاخرة , عندى واحد ماركته شيفر سنه دهب , وده زمان بيستعمله الموك والوزراء , طبعا هو تذكار من المرحوم ابى لأن ثمنه دلوقتى اد ......... اقول لكم نكتة بالمناسبة تبين لكم قيمة القلم الحبر عن القلم الحبر الجاف
انتم عارفين انا كنت عازف كمان فى الفرقة الماسية عشرين سنة , كان رئيس الفرقة الموسيقار الاستاذ احمد فؤاد حسن , والفرقة كان لها مكتب فى شارع عدلى بالقاهرة شقة كبيرة بنعمل فيها البروفات كان عندنا اتنين فرشين المكتب واحد اسمه محمد والتانى اسمه حنفى , مرة احمد فؤاد حسن كان عايز يكتب حاجة وهو واقف فى الصالة مش داخل غرفة مكتبه قال لحنفى ادينى قلم ( المتوقع طبعا يديه قلم حبرجاف ) حنفى طلع من جيبه قلم حبر سائل , احمد فؤاد قال له انت بتكتب بقلم حبر سيادتك وكيل وزارة ولا ايه ......
مع اطيب تحياتى وآسف للإطالة وكل عام وانتم بخير