هــذه حيــاتي ..هــذا هــو دينــــي .....

كثيـــرا وانا علي شبكة الانترنت احب ان اقرأ بعض الملامح السريعة المقتطفة من حياة ناس عادية او مشهورة ولكنها تؤثر

وفي رمضان

سأحاول ان انشر لكم مقتطفات صغيرة من حياة أناس فعلا يستحقوا الاحترام

وهبدأ معكم ب لاعب الكورة الافريقي

فريدريك عمر كانوتي

الاسم : فريدريك عمر كانوتي.
العمر : 32 سنة.
الدولة : مالي

مواقف رائعة:
...
عرف اللاعب بأخلاقه الحسنة ،
حيث أنه يدين بالدين الإسلامي ، وقد رفض أن يرتدي القميص الجديد لفريق اشبيلية ،
لأن عليه إعلان قمار وهو ما يحرمه الإسلام.
وقد اضطرت إدارة النادي إلى تغيير هذا الزي احتراماً لهذا الرجل المسلم ،
ولتمسكه بمبادئ دينه.

في عام 2007 ،
علم أن المسجد الوحيد بأشبيلية سيهدم ،
فاشترى أرض المسجد من ماله الخاص حتى لا يهدم ورفض التعليق على ذلك.

كان اللاعب في أثناء تدريبات الفريق وبمجرد دخول وقت الصلاة ، يترك التدريبات ويذهب ليصلي ،
ومع مرور الوقت وبعد عدة إنذارات من إدارة النادي ، تقرر أن يتم عمل خصومات من راتبه ،
فوافق على ذلك وقال لهم: اخصموا ما تشاؤون ..
ولم يجد ذلك نفعاً ، فاضطر مدرب الفريق إلى إيقاف التدريبات وقت الصلاة.

كما انه اثناء احداث غزة الاخيرة بعد احرازه لهدف رفع قميصه وكان يرتدى اسفله فنله مكتوب عليها:

"تعــــــــــــــاطفا مع غزة

plastine for ever"
__________________________________________________________

خالص تحياتي للجميع

موضوع فكرته رائعة يا ايات

وبدايه موفقه مع لاعب بقيمه

كانوتيه ، فى إنتظار المزيد

أطيب المنى ،،،

فكره كويسه يا أميره
وأدعوا الجميع للمساهمة فيها بما لديهم حول شخصيات لها ثقلها وأثرت قي مجتمعها بأخلاقها وبديانتها
لكم كل التقدير

تصرف كبير من لاعيب محترم , وموضوع يستحق التحية , شكرا يا ايات

جميل قوى الموضوع ده يا ايات

فى برنامج على الراديو بتابعه بيتكلم عن سيرة سيدنا عمر بن الخطاب رضى الله عنه ـ انتم عارفين يا جماعة حياة سيدنا عمر و أخلاقه و مواقفه رائعة أكثر ما يكون .. و كنت بافكر يا ترى لسه ممكن يكون فى حد فى الزمن ده ينفع يتخلق حتى بربع .. بثمن .. بأقل ما يكون من أخلاق عمر رضى الله عنه و الصحابه و كل ذى خلق حسن طيب ؟

الحقيقة نفسى اقنعتنى أن ده شئ مستحيل و الأخلاق الطيبة دى انقرضت خلاص .. يمكن تكون نفسى متأثرة بمتابعتى لما يحدث فى سوريا و الصومال من مآسى و ظلم و قهر بين

لكن الحقيقة فعلا أن الخير موجود فى هذه الأمة إلى يوم الدين كما أخبرنا رسول الله صلى الله عليه و سلم

يا ريتنا كلنا نجتهد إننا نكون فعلا قد كلمة مسلم اللى فى حقيقتها بتحمل كل ما يشمله مرادف "حسن الخلق"

اللهم خلقنى و ذريتى بأخلاق عمر رضى الله عنه و ارزقنا جميعا يا رب حسن الخلق

شكرا ليكى يا ايات على الموضوع القيم و فى انتظار المزيد ان شاء الله

أ\ محمود

أ\ ابو اسامة

أ\ عماد

أ\ فرحة

أشكركم جميعا علي تحمسكم لفكرة الموضوع والتعقيب الرائع..اشكركم جدا

الموقف الثاني

هــذه حيــاتي ..هــذا هــو دينــــي ..... 283953_255508011128446_210088985670349_1160300_4858589_n

، انتقل إمام إحدى المساجد
إلى مدينة لندن- بريطانيا ،

بعد انتقاله بأسابيع، وخلال تنقله بالباص، كان أحياناً كثيرة يستقل نفس الباص بنفس السائق .

وذات مرة دفع أجرة الباص و جلس، فاكتشف أن السائق أعاد له 20 بنساً زيادة

فكر الإمام وقال لنفسه أن عليا إرجاع المبلغ الزائد لأنه ليس من حقى
ثم فكر مرة أخرى وقال في نفسه: "إنسَ الأمر، فالمبلغ زهيد وضئيل، و لن يهتم به أحد..
.كما أن شركة الباصات تحصل على الكثير من المال من أجرة الباصات
ولن ينقص عليهم شيئاً بسبب هذا المبلغ، إذن سأحتفظ بالمال وأعتبره هدية من الله وأسكت .

توقف الباص عند المحطة التي يريدها الإمام ، ولكنه قبل أن يخرج من الباب ،
توقف لحظة ومد يده وأعطى السائق العشرين بنساً وقال له: تفضل، أعطيتني أكثر مما أستحق من المال

فأخذها السائق وابتسم وسأله: "ألست الإمام الجديد في هذه المنطقة؟
إني أفكر منذ مدة في الذهاب إلى مسجدكم للتعرف على الإسلام،
ولقد أعطيتك المبلغ الزائد عمداً لأرى كيف سيكون تصرفك "ـ

وعندما نزل الإمام من الباص، شعر بضعف في ساقيه وكاد أن يقع أرضاً من رهبة الموقف
فتمسك بأقرب عامود ليستند عليه،و نظر إلى السماء و دعا باكيا :ـ
يا الله، كنت سأبيع الإسلام بعشرين بنساً !!! ا

بأخلاقك تعطي صورة صحيحة عن الإسلام

فعلا لو كل واحد فينا حاول يكون مسلم صح مسلم اخلاق وجوهر مش مظهر ساعتهابس هترجع لنا كرامتنا ساعتها بس هنسود العالم

انا باقول الكلام ده واا عارف انى اكتر واحد مقصر عارف انى بعيد كتير عارف انى باقول كلام مش باعمل بيه وعارف ان المحاوله مش صعبه وانى اقدر ابدأ من اللحظه دى
لكنى مقصر

يا رب
ساعدنى

هــذه حيــاتي ..هــذا هــو دينــــي ..... 316884_258293064211291_203263346380930_809459_181647338_n

أتجمعنا فى بيت واحد صاحبنا من فترة....كانت جلسة جميلة ومفيدة...بعد ما خلصنا لاحظت أن عمرو طلع ورقة
من جيبه وكتب فيها حاجة....قلت فى نفسى عادى أكيد بيكتب حاجه تخصه ونسيت الموقف

لكن ما لفت انتباهى أن الموضوع ده بدأ يتكرر !!

...نكون واقفين مع بعض بنتكلم أو فى مشوار أو خروجه، أشوف عمرو يطلع ورقة ويكتب فيها حاجة.... !؟

فما يا ترى سر هذه الورقة ؟؟؟؟

بالله عليكم يا جماعة...تتوقعوا أه الورقة ده ؟

تتوقعوا يكون أه مكتوب فى ورقة فى جيب شاب عمره 24 سنة، رياضى، متخرج من أحد الجامعات الراقية، وعنده كل
الأمكانيات اللى ممكن تخليه يعيش حياته بعيد عن طريق ربنا سبحانه وتعالى....

لكن هذا الأنسان كان مختلفاَ.... كان يحمل قلباً يقظاً ...أحسبه كذلك والله

الورقة ده يا جماعة كان أسمها ورقة "الكذب"

كان عمرو صلاح شايلها معاه فى أغلب الأوقات، بعد كل خروجة أو مقابلة يطلع
الورقة ده علشان يكتب فيها كام كذبة كذبها فى أثناء الحديث
والتهريج.....وكانت مقسمة على أيام الأسبوع بهذا الشكل:
• الأحد: / / / / / / (6 كذبات)
• الأثنين: / / / / / / / / (8 كذبات)
• الثلاثاء: / / / / (4 كذبات)
وهكذا فى بقية أيام الأسبوع، وفى نهاية الأسبوع يكتب: حصيلة الأسبوع: (22 كذبة)
وكل أسبوع يضع هدفاً لنفسه أنه يقلل الكذب عن الأسبوع اللى قابله...وهكذا
حتى يربى نفسه على الصدق الدائم فى كل صغيرة وكبيرة، ثم بعد ذلك ينتقل إلى
خلق أخر "الغيبة" مثلاً، ويكرر معاه نفس موضوع الورقه ده

وعارفين
الكذب اللى بتكلم عليه ده عامل ازاى يا جماعة.....مثلاً : أكلمه فى
التليفون: انت فين يا بنى؟ ان مستنيك بقالى كتير، يرد علىّ: خلاص انا تحت
البيت (ويكون مثلاَ لسه على أول الشارع)

رحمة الله عليك يا عمرو......

يا شباب الكلام اللى أنا بحكيه ده مش على واحد من المريخ، أو واحد من أيام
الصحابة....ده واحد مننا، عايش زيننا فى نفس الظروف والفتن والمشاكل اللى
كل جيلنا بيواجها...بس هو كان مركز على إصلاح قلبه أوى

والله ... الحكاية أتضح أنها مش بالمظاهر أبداً....فكما نهتم بالمظهر الدينى، لازم لازم نربى أنفسنا من الداخل
ونركز أوى على إصلاح قلوبنا وعلى طاعات الخفاء...لازم يكون لينا حال خاص بينا وبين ربنا سبحانه وتعالى بعيداّ عن كل العيون....

أخيرأ اللى بحب عمرو فعلاّ وعاوز حسناته تزيد، واللى نفسه فعلاً يصلح نفسه وينقى قلبه، يحاول يعمل موضوع
الورقه ده، أو يروح يزور المقابر فهى من أكبر العظا

م ن ق و ل
....

اللهم ارزقنا قبل الموت توبة، وعند الموت شهادة، وبعد الموت ألحقنا بأخونا عمرو فى الفردوس الأعلى من الجنة
وادعوا ليه ياجماعه ان ربنا يجعله من المنعمين فى القبر.

الأخلاق الطيبة مفتاح لقلوب الناس و لباب من أبواب الجنة . مشكوره على الموضوع Smile

» الأنبا موسي أسقف الشباب >>>>>> تحيــــه الي هــذا الرجل