فرصة : عقد عمل مع احد الفلول !

احم صوت وشكل كدة هيصوت عليا

لا اوافق اولا لأنهم فاسدين وثانيا هو لما يعرض وظيفة بتبقى تهمة عايز يلبسها لواحد عشان ينفد هو بجلده

وعلى فكرة الموضوع خلانى فكرت فى فكرة , انتم عارفين الناس دول بيحاولوا يهربوا او يخبوا فلوسهم , يعنى ممكن واحد يقول لك اديك خمسة مليون جنيه احطهم ف البنك بإسمك وتاخد عشرة % , وممكن واحد غلبان غشيم يقبل , وتتكشف ويروح فى ستين داهية , الفلول دول لازم نبعد عنهم خالص
مع اطيب تحياتى

((واشكر بنت العرب بس انا مافهمتش تقصدي ايه ؟؟ ))
احم احم لي وجهة نظر خااااصة ولو قلتها هضرب فهمتي

كلامك يا استاذ عادل فكرنى بانتخابات اتحاد الطلبه بتاعة كليتنا لان كان فيه البعض ن الاتحاد القديم اللى كان "والله اعلم"مظبط نفسه ودول طبعا كانوا معروف كتير منهم وبالتالى ما يقدروش ينزلوا تانى وبم انى مرشح نفسى للانتخابات انا وغيرى من المستقلين غير المنتمين لاى تيار او ائتلاف كانوا بيسعوا بكل جهدهم انهم يضمونا معاهم علشان نكون واجهه ليهم ومن الاخر نبقى قراطيس لب وهم يواصلوا المسيره مش انهم يعملوا حاجه لكن على الاقل ينيموا الدنيا على ميزانية العام السابق

تحياتى لكل من كتب رد لكن اوجه حديثى للعزيزة بنت العرب

انتى ما رضيتيش تقولى خايفة تنضربى ؟ اقول لك على سر مشكلة البلد النهاردة انها محتاجة اللى انتى عايزة تقوليه ده وبمنتهى الشجاعة
المشكلة ان فيه ناس بتعمل اللى نفسها فيه وبمنتهى البجاحة و بيستغلوا شعورك ده اننا مكسوفين نقول راظينا بصراحة او خايفين ننضرب
يعنى اهم شىء قامت عليه الثورة هو الحرية والرأى , واللى كان محظور يتقال دلوقتى هو اللى لازم يتقال , وعايز اقول كلمة بس حاولوا تفهموها
الثورة اعطتنا الحق اننا نتكلم بصوت عالى من غير مانخاف , ولازم نحافظ على الحق ده لن لو اتكسفنا او خفنا نتكلم الحق حيروح , بمعنى انك لو قابلتى ناس مش مضبوطة واتكسفتى توريهم العين الحمرا مرة فى مرة هم حايحسوا ان مش من حقك تتكلمى فاهمة قصدى ؟
مع اطيب تحياتى