يا ابو السيفيين والنسر واقفين على اكتافك ........اللى ما هاب الموت ابدا ما هيخافك

اهداء الى الساده لواءات المجلس العسكرى والسيد المشير




هذه القصيد كنت قد بدات كتابتها ايام المحاكمات العسكريه لاسماء محفوظ وغيرها وكنت عازم على اكمالها لكن جائت احداث سيناء وكمواطن مصرى رايت انه من الواجب التكاتف حتى جاء رد الفعل الخانع تجاه اسرائيل لكن مع الاسف مع صدور خبر لا مؤاخذه المسوده اصبت بالمرض ولازمت الفراش حتى ايام قليله سابقه وكنت قد نسيت امرها لكن بعد ما سمعت فيديو معاملة المعتمرين المصريين والذى نشرته ايات السيد على صفحات الموقع وبعد الضغط ما على افتكرت القصيده وقلت نزل الجزء ده لحين ما اكملها


er]يا ابو السيفين والنسر..... واقفين على اكتافك
اللى ما هاب الموت...... ابدا ما هيخافك
دم الشهيد مايروح
ولو تروح الروح
ما الروح بايد ربى
واللى زمان عدى
ابدا ما هيعدى
والكلمه لو تهمه
فالسجن يجمعنا
والذل لو يحكم
ما للحياه معنى
والندل لو شتت
زود فى اوجاعنا
فالحر ما يرضخ
والثوره تجمعنا
ما عاد خلاص يا بارود
ضربك هيوجعنا
ولا رصاص ولا غاز
عمره يرجعنا
الشعب قال كلمته
وقام وبايعنا
صوتنا عرف سكته
ع الحق بايعنا
لو الالوف تخذله
فالحق من رحمته
ابدا ما بايعنا

اشكرك جدا يا مروه على مرورك




لكن لي سؤال مهم جداجدا ارجو حد يجاوبنى


ليه القصيده دى تحديدا اللى كل ما انزلها فى اى مكان لا حد يعلق ولا حتى يعمل like رغم انى لما نزلت حاجات اقل كتير منها مبنى ومعنى كانت الناس بتعلق بصراحه احترت!!!!!!!!!!!!!!!!!!!!!!!!!!!!!!!

استاذ خالد
القصيدة رائعة
والناس مش بتعلق او تعمل like عشان النار رجعت تخاف تتكلم من تاني عشان خلاص عرفوا ان المشير والجيش والشرطة وفلول مبارك ايد واحدة

الغالبيه مش بترد على القصيده لان السواد الاعظم لا يملك ملكة الادب العربى -- الاخ خالد الادب العربى ذوقه رفيع جدا -- هل تعتقد ان مازال هناك من يتذوقه ؟ شكرا على على القصيده و ادعوك لصقلها بالقرائه -- علما بأنى لست اديبا

أحمد عبد العليم

اشكرك يا استاذ محمد وفعلا كنت خايف ان الاجابه تكون كده لكن واضح انها الحقيقه



استاذ احمد اشكر حضرتك جدا مع ان اللى كاتبه ده ما يرقاش لمستوى ادب ده اى كلام والسلام
والف شكر على نصيحة حضرتك