ايه بقي حكاية الشريفة الشيخة ماجدة المعالجة بالقرآن الكريم ؟؟

ههههههههه ايوة ايوة انا كمان كنت معاها وكمان في ضفادع صهيونية في البحر والمصيبة !!
اتكلموا عربية,,لا حول وال قوة الا بالله وكمان وكمان ثواني هي ايران بتتكلم عربي { }

لسه البلد بخير وفيها اس خياله واااااااااااااااااااااااااااااااااااسع


خلاص يا جماعه مبارك من الاشراف يعنى قريبى انا كده هبطل اشتمه خالص مش ابن عمى ههههههههههههههههه

بصراحة مفيش خيبة أكتر من كده.

احبائى
المشكلة ان عندك فى مصر اكتر من 20 مليون ممكن يصدقوا الكلام ده , الناس البسطاء السذج اللى ممكن اى حد يؤثر عليهم , وابسط شىء موقعة الصناديق لما جابوا ناس وقالوا لهم الدائرة الحمراء تدخل الجنة والدائرة السوداء تدخل النار , ما تطلعش واحد مثقف يقول اولا لا تشترك الجنة والنار فى ورقة واحدة يعنى لازم تكون الورقة بتاعة الجنة جاية من فووووووووووووووق والورقة بتاعة النار جاية من تحت الارض من عند الشياطين , وطالما الجنة مش بتبعت ورق فعلا والنار مش بتبعت ورق يبقى كلامهم غلط اصلا

المشكلة يا احبائى الكلام اللى ممكن يدخل على السذج والبسطاء , يعنى كتير الشرطة تمسك دجال وبينضرب على قفاه ويتحبس 6 شهور ويطلع يشتغل تانى , مع انه بيكون الناس بتتكلم على كراماته ومعجزاته , يعنى ده ساعة ماقبضوا عليه وهو بينضرب على قفاه عمل اى معجزة قدام الظابط اللى بيحقق معاه كانت الامور اختلفت مش كده ولا ايه , وبعدين الخالة نوسة اللى بتعالج بالقرآن دى بتاخد كام من العيان ؟ وعالجت كام عيان قبل كده بجد يعنى ؟

ولو حد عيان والست والدته فى البيت صلت ركعتين لله واترجته يشفى ابنها وقعدت تقرأ له قرآن , مش ممكن الله يستجيب لها ويشفى ابنها ولا لازم يكون فيه واسطة بين الناس وربنا هى الشيخة نوسة ولا الشيخ عطعوط ؟؟؟؟؟

يعنى الفرق بيننا وبين امريكا واوربا , ان هناكناس مشاهير فى السحر زى الساحر العالمى دافيد كوبرفيلد , بس هناك عارفين ان دى مش كرامات ولكن خفة يد مع اجهزة تكنولوحية بتعمل حركات تهبل , وكل ما يزيد ويغلى تمن الاجهزة دى كل ما تزيد الحركات اللى بتعملها
يعنى انت مثلا ممكن تشترى من محل اللعب كاس فيه كورة حمرا تقتحه تشوف الكورة الحمرا تفتحه تانى تختفى ويبقى فاضى , هنا انت بتفتحه من فوق شوية يبان فاضى طبعا دى لعبة ب 2 جنيه , امريكا فيها لعب زى كده تمنها مليون جنيه بس بتعمل عمايل تهبل , بس برضه هم عارفين انها فن خفة يد اكتر مش سحر واسياد وحابس حابس وربنا يخلى كلامنا خفيف عليهم
مع اطيب تحياتى