احترس وانت راكب المترو

أثناء تحرك المترو من المحطة وعند غلق الأبواب هناك بعض اللصوص الذين يقفون عل الرصيف بجوار الباب أو بجوار الشباك فتجد الواحد منهم يسارع بخطف أى شئ فى متناول يده من الباب أو من الشباك.أحد أصدقائى يوم السبت الماضى كان يجلس على كرسى بجوار الشباك وفى يده محمول وهذا الصديق كان يسند زراعه على الشباك وعند غلق باب المترو للتحرك من المحطة خطف اللص المحمول من يده.نسأل الله عز وجل أن يتوب عليه ويهديه الى الطريق المستقيم.اللهم أمين.

شكرا يا اخ يحى على التنبيه
العملية مش محمول فقط يعنى ممكن واحدة ست واحد يخطف من ايدها غويشة او اى حاجة او حلق دهب وممكن بالطبع يعورها مع سرعة الحركة

واساس المشكلة طبعا استمرار الانفلات الامنى يعنى فيه شرخ خطير حصل فى المجتمع , يعنى كان الحرامى زمان بيسرق وهو مرعوب يتمسك
النهاردة بيخرج يسرق ويرجع آخر النهار عادى كان ده هو الصح , كان قبل الثورة تاجر المخدرات الصغير بيخرج وهو مرعوب وبيتلفت وراه وهو معاه المخدرات , النهارده بيخرج ويبيع عادى لأن اللى ممكن يقبض عليه مش موجود , يعنى خلاص ابتدى يحس انه بائع متجول عادى وفى امان زيه زى اى بائع اى بضاعة عادية
مع اطيب تحياتى

بنت العرب كتب:

اولاً شكراً لحضرتك علي التنبييية

بس لو علي كدة عاااادي تنحل احشششر نفسي في النص ومااشي الحال

انا بأه الي بيخوفني وبيخليني اخااف او بمعني اصحح اترعب هو الهجوووووووم علي الباب لما تيجي المحطة

مقولش لحضرتك الي الجهاااااااااااااااااااااااااااااااااااااااااااد ههههههه حاجة غريبة تحس مثلاً أن مني ذكي وقفي عند البباب امة لا آله الا الله تروووح طاااااااااخخخ طااااااااخخخ والمهم تضرب وتزوووأ بأه وانت مش عااايز تضرب ولا تعمل حااااجة

نفسي اعرف ملها ملها التكااسي ملهاااا اهي نعرف نخرج برحتنا !!!

يا ابنتى العزيزة فى طلبة بتروح الجامعة مفيش فى جيوبهم ثمن ساندوتش فول.هيركبوا تاكس ازاى.(صباح النعناع)

بالنسبه للسرقه الحمد لله لو قلبنى ما هيلاقى معايا اى حاجه تنفعه بيتهيالى هيدينى هو فلوس ههههههههههههههه
المشكله فى الزق اللى بيبقى ساعات وصول المترو بعيد عنكم الاحجام "المينى "اللى زيى بتروح فى الرجلين ههههههههههههههههههه

شكرا على التنبيه

لكن أعتقد ان اللى بيحصل من سرقات و خطف و نهب و خلافه ده افراز طبيعى لحكم دام 30 عام من التجويع و الفلس الشديد اللى مش طبيعى ان يستمر الحال على ما هو عليه بعد الثوره عليه اناشخصيا بأيد قانون الطوائ لوقف مثل هؤلاء الاشرار سواء نشالين أو ارهابيين كلاهما واحد -- اما بالنسبة للتزاحم عند الباب فهو أمر طبيعى جدا فى مصر اللى مش طبيعى هو التزام الشعب بالنظام -- كله مشاء الله مستعجل --كله بحب زنقه زنقه

Engineer // Amir كتب:

الف شكر لحضرتك ..

ربنا يبارك فى حضرتك يا أستاذ أمير.

والله نفسى مصر تعود بسرعة الى المقدمة كما كانت منذ ألاف السنين منذ عهد الفراعنة وتقود العالم فى كل شئ وأول حاجة وأهمها الأخلالالالالق

احبائى

اقول لكم حاجة بجد

انا من 40 سنة عندى عربيات يعنى كنت حتى لو عايز امشى متن اركب العربية , لكن لما طلعت المعاش وبقيت لازم اروح حتت فى وسط البلد يعنى بنك مصر فرع رمسيس مثلا مفيش هناك ركن , اضطريت اما اركب تاكسى او اركب المترو ... انا ساكن فى عين شمس , المسافة لرمسيس فى العربية او التاكسى فى حدود بين ساعة ونص او ساعة وربع , والركن فى منطقة رمسيس مستحسل قلت اجرب المترو لقيته شىء جميل جدا يعنى من عين شمس لرمسيس ربع ساعة , ابتديت اركب المترو على طول كل ما انزل البلد , اما مشكلة الزنق والتفعيص اللى قالت عليها العزيزة بنت العرب

امترو ده عامينه الفرنسيين وهو زى نظام اللى فرنسا باااااااااالظبط وكله كله حتى نفس العربيات بس ماعندهمش زنق وتفعيص لسبب خطير جدا وبصوا على المترو والملصقات اللى فى المحطات , يعنى البابين اللى ف النص للصعود والبابين اللى على الطرف للنزول , يعنى انتى تركب من باب من اللى فى النص وتتجه قرب الباب اللى على اطرف لحد مامجتطتك تيجى وتنزل تلاقى الركاب طالعين من باب الصعود وانت تنزل زى العسل لأن كل المكان للنازلين فقط , ومعمولة فى اتوبيسات هيئة النقل العام يعنى تطلع من ورا وتنزل الباب اللى قدام , الحركة الغير حضارية ان كله بينزل وينزل من اى باب هى اللى بتعمل التصادم والتفعيص , يعنى محتاجين نتعلم شوية نظام بس
مع مراعة انك مثلا لابس ساعة اوماسك موبايل ماتطلعش ايدك من الشباك لأن البلد ظروفها صعبة جدا وكمية البطالة زادت اوى بعد الثورة ... يعنى عدد الحرامية تضاعف 100 مرة لازم ناخد بالنا
مع اطيب تحياتى

مع مراعة انك مثلا لابس ساعة اوماسك موبايل ماتطلعش ايدك من الشباك لأن البلد ظروفها صعبة جدا وكمية البطالة زادت اوى بعد الثورة ... يعنى عدد الحرامية تضاعف 100 مرة لازم ناخد بالنا
مع اطيب تحياتى


الاخ صموئيل

شكرا على الكلام المرتب و فعلا مصر محتاج شعبها ان يتعلم النظام فى كل الامور عموما لفت نظرى فى كتابك الجمله اعلاه بأن نسبة الحراميه زاد بعد الثوره تفتكر السبب ايه ؟ هل من الاصل كانوا حراميه بس مستخبيين او ان بعد الثوره تم تعطيل عجلة الانتاج بحيث ان الضغوط تزيد عى الناس و لى معدوش صبر على الشده يطلع يسرق و لا ده شى مترتب بحيث العمليه الامنيه تكون مدمره تماما و لا ايه ؟

بالنسبه لموضوع الباب ده يا استاذ عادل انا من الناس اللى بتركب من باب الصعود لكن استحاله انزل من باب النزول ليه لان الحركه داخل عربة المترو شبه مستحيله والطريق للباب التانى تقريبا بيبقى ولا الطريق الى ايلات

احبائى

الاساذ احمد

مشكلة السرقة الاكتر من الازم بعد الثورة جت من اولا زيادة البطالة بشكل كبير جدا , وان فيه ناس عندها الاستعداد تسرق
ومشكلة البطالة حاتزيد اكتر واكتر , لأن الظاهرة بقت ان اى عجلة بتقف مش بتشتغل تانى , والموضوع الأخطر الظاهر فيه ناس من الخونة وبتدفع للحرامية والبلطجية لنهم يسروقوا ويروعوا المواطنين , يعنى ممكن الحرامى اللى سرق موبايل مايساويش حاجة بيكون قابض مثلا الف جنيه فى اليوم عشان يسرق مش للسرقة نفسها ولكن عشان يعمل قلق , انت لو زميلك اتسرق اكيد انت كمان بتخاف , كله كوم انه مع الانفلات الامنى ومفيش شرطة شغالة بطريقة عادية , الجرائم حاتكتر وممكن توصل لحاجات جديدة على المجتمع المصرى , يعنى اى واحد لما بيخرج على القانون بأى طريقة الطبيعى انه بيخاف يتمسك , لكن مع عدم تواجد اللى حايمسكه ده العملية تاخد شكل تانى , ابسط حاجة مثلا يعنى , انت لو معاك عربية من غير نمر او رخصتها منتهية , كان قبل الثورة نطاق تحركك بيها بيبقى داخل الحى وبطريقة محدودة وممكن فجأة تطلع لك لجنة من تحت الارض , لكن النهاردة ممكن بعربية من غير نمر تتحرك بيها من اول المرج لحد الجيزة ومن امبابة الى مدينة نصر ولا حد يكلمك ,

اما بالنسبة للعملية الامنية فى حد ذاتها , ابتديت اشك ان فيهخطة لتدمير جهاز الشرطة يعنى ان مايبقاش فيه جهاز شرطة اصلا , يعنى اى ظابط اهم شىء عنده هيبته وإلا فلا , لما الظابط ينضرب ويتاخد منه سلاحه , او يكون فى مديرية امن زى الجيزة ويحصل عليها هجوم والظابط يصاب فى الهجوم ده ووزير الداخلية يقول اهم حاجة ضبط النفس يعنى انضربوا وماتردوش , ممكن يدفعوا الظباط لإستقالة جماعية

الاستاذ خالد المسيرى .. تنظيم حركة الناس داخل عربة المترو محتاج وعى جماعى , يعنى انا لما اطلع من باب الصود واتجه مباشرة قرب باب النزول , وتيجى المحطة اللى فى منطقة الباب بينزلوا اكيد حاتبقى فاضية وبعديها وهكذا كل محطة حتلاقى المترو كله فى مرتب وفاضى , عاملة زى تصريف الماء يعنى الماء لما بيتنظم خط سيره متجها الى المصرف او البلاعة مش حايحصل ابدا تجمعات
مع اطيب تحياتى

شكرا أخى عادل صموئيل

كلامك منطقى جدا الله أسأل ان يحفظ مصر