احترس من فضلك

--------------------------------------------------------------------------------

استغل عامل الظروف الأمنية التي تشهدها البلاد من أجل الثراء الفاحش, وقام بجلب العملات المزورة بالتعاون مع عملاء من دولة إسرائيل, حيث قام بالتعاون المباشر مع عملاء إسرائيليين علي جلب الأموال المزورة لتوزيعها داخل مصر,

عن طريق إخفاء تلك الأموال التى تشبه العملات السليمة بنسبة 99% داخل بضائع كان يجلبها عبر الحدود.
ترجع تفاصيل القضية إلى أنه أثناء تفقد الحسين محمد - ضابط مباحث الخليفة - الحالة الأمنية بدائرة القسم شاهد تجمعا لإعداد كبيرة من المواطنين وباستطلاع الأمر تبين أن الأهالي قاموا بضبط حسين محمود 29 سنة عامل بالمدابغ بعد دفعه مبلغ 5 آلاف جنيه مزورة فئة 100جنيه لـ"ياسر .ع.م" صاحب محل موبيليات وبفحص العملات عن طريق مباحث الأموال العامة تبين أنها مزورة وتشبه الأوراق السليمة بنسبة 99 % ويصعب على الأجهزة كشفها.
واعترف المتهم بمحضر التحقيق بارتكابه الواقعة وجلب 200 ألف جنيه مزورة من إسرائيل عن طريق معبر رفح مستغلا الحالة الأمنية للبلاد وقام بترويجها, وأكد أن تشكيلا عصابيا مكونا من إسرائيليين وفلسطينيين من قطاع غزة قام بتزوير العملات المصرية فئة 100 و200 جنيه وتهريبها للعديد من الأشخاص لترويجها ويتم بيع الورقة فئة 100 بمبلغ 20 جنيه وفئة 200 بملغ 40 جنيه، ويتم وضعها داخل حقائب الملابس وإخفاؤها داخل عربات النقل ليقوموا بتهريبها عن طريق معبر رفح والأنفاق السرية على الحدود المصرية وإدخالها من إسرائيل إلي مصر.
وحرر المحضر بالواقعة وتم إحالته للنيابة وأمر أحمد حسني وكيل أول نيابة الخليفة بإشراف أمير إلهامي رئيس النيابة بحبسه 4 أيام علي ذمة التحقيق ووجهت له النيابة تهمة جلب أموال مزورة من إسرائيل وترويج عملات مقلدة

اخى العزيز يحى المطراوى
اشكرك على التنبيه الخطير , عايز اقول رأيى ومش خايف من الناس اللى بتدافع عن المجرمين اليومين دول

يعنى المجرم اللاى بيتمسك ولازم ينال عقابه تلاقى ناس كتير بتدافع عنه وتجيب لوم على الشرطة اللى مسكته , عايزين يخولوا الشرطة توصل للمثل القديم بتاع موظفين الحكومة البتنابلة
اشتغل كتير تغلط كتير وتتعاقب , اشتغل قليل تغلط قليل والعقوبة تبقى اخف , ماتشتغلش يبقى مش حاتغلط وحاتبقى حلو
يعنى تخيل ان الشرطة كل ما تمسك واحد شوف اللى بيتقال , حاتلاقيه بعدين يدخل مكتبه وينام ويسيبها تضرب تقلب طالما هم عايزين كده

المفروض اللى يجيب فلوس مزورة بالخطورة دى يتعاقب بالإعدام بدون رحمة , وكلامى محسوب كلمة كلمة , يعنى اللى بيزور فلوس بياخد له بتاع 7 سنين , لأن الفلوس المزورة بتبقى عموما شبه العملة السليمة بنسبة ماتزيدش عن 30% , وللعلم انا خبير فى 70 حاجة من ضمنها الحاجات دى , وكنت عايز ادخل المافيا لكن مجموعى ما كملش , لكن انت قلت كلمة خطيرة جداً جداً قلت ان الفلوس شبه الاصلية بنسبة 99% , اولا يعنى حاجة ممكن تدمر الاقتصاد القومى , ودى ممكن تعدى فى البنوك , لأن مشكلة التزوير كذا حاجة اهمها اول حاجة نوع الورق بتاع الفلوس وده مش متداول ابداً ,يعنى مش بيتباع عند تجار الورق , ولكن بيستورد من مكان خاص فى العالم وبيبقى متجهز للبلد الللى رايح لها , لأنه مش بييجى مصر ورق فاضى زى ورق الطباعة , ولكن مصر بتتعاقد على ورق مثلا كذا فرخ من اللى حايبقى فئة 200 جنيه , وبييجى من المانيا وعليه العلامات المائية اللى ع ال 200 جنيه , وكذا فرخ حايبقى فئة 100 جنيه , وبرضه بييجى مصر وعليه العلامات المائية اللى بتبقى على ورقة ال 100 جنيه وهكذا , يعنى نفهم ايه من كلامى ؟
انه ورق خاص جدا , واحنا بنطبعه بس لكن العلامات المائية بتيجى على الورق اللى بنستورده , وللعلم ماكينة عد الفلوس اللى ف البنك بتعد الفلوس على اساس نوع الورق الخاص ده , يعنى الورقة المزورة بتخليها تقف عندها , لأن عندها حساسية لنوع الورق بتكشف الغريبة , وانت لما قلت انها تشبه الاصلية بنسبة 99% , انا اول حاجة فكرت فيها مش الشبه ال 99% ولكن الواحد % الاختلاف ده ممكن يكون فى ايه بالضبط ؟؟؟؟؟؟
يعنى لو الورق هو هو تبقى كارثة وكارثة بجد , لأن زى ماقلت ماكينات عد الفلوس فى البنوك بتتعرف على الورقة السيلمة من نوع الورق ,يعنى لو المزورين استعملوا نفس نوع الورق , ممكن اى باكو فلوس تحط جواه شوية من المزورين دول ويعدوا على البنك ,
الكارثة الانسانية يعنى لو واحد غلبان بيقبض 300 جنيه تخيل لو طلع فيهم ورقة مزورة فئة 200 جنيه , يحصل له ايه ؟ ممكن يتشل فيها لأنه بياكل بيها طول الشهر مش بيحوشها يعنى
يبقى الشخص اللى جايب الفلوس دى يستاهل اعدام ولا لأ ؟ صقفوا لى بقى
مع اطيب تحياتى

يستاهل الاعدام و تعليقه فى ميدان عام لحد ما يعفن و يكتب مزوررررررررررررررررررر

لو اتيحت لى الفرصه سأعدم كل البلطجيه المسجلين خطر و كل من تسول له نفسه بعمل اى شى مخل بالامن حتى اللى يعاكس فى الشارع و اللى بيكسر اشارة المرور و اى حاجه غلط هتكون اعدام عشان البلد تنظف و الناس تعيش بأحترام ده حتى اللى يفشل فى التعليم ياخد اعدام -- ايه رأيك يا أستاذ صموئيل ؟

عادل صموئيل كتب:: اخى العزيز يحى المطراوى
اشكرك على التنبيه الخطير , عايز اقول رأيى ومش خايف من الناس اللى بتدافع عن المجرمين اليومين دول

يعنى المجرم اللاى بيتمسك ولازم ينال عقابه تلاقى ناس كتير بتدافع عنه وتجيب لوم على الشرطة اللى مسكته , عايزين يخولوا الشرطة توصل للمثل القديم بتاع موظفين الحكومة البتنابلة
اشتغل كتير تغلط كتير وتتعاقب , اشتغل قليل تغلط قليل والعقوبة تبقى اخف , ماتشتغلش يبقى مش حاتغلط وحاتبقى حلو
يعنى تخيل ان الشرطة كل ما تمسك واحد شوف اللى بيتقال , حاتلاقيه بعدين يدخل مكتبه وينام ويسيبها تضرب تقلب طالما هم عايزين كده

المفروض اللى يجيب فلوس مزورة بالخطورة دى يتعاقب بالإعدام بدون رحمة , وكلامى محسوب كلمة كلمة , يعنى اللى بيزور فلوس بياخد له بتاع 7 سنين , لأن الفلوس المزورة بتبقى عموما شبه العملة السليمة بنسبة ماتزيدش عن 30% , وللعلم انا خبير فى 70 حاجة من ضمنها الحاجات دى , وكنت عايز ادخل المافيا لكن مجموعى ما كملش , لكن انت قلت كلمة خطيرة جداً جداً قلت ان الفلوس شبه الاصلية بنسبة 99% , اولا يعنى حاجة ممكن تدمر الاقتصاد القومى , ودى ممكن تعدى فى البنوك , لأن مشكلة التزوير كذا حاجة اهمها اول حاجة نوع الورق بتاع الفلوس وده مش متداول ابداً ,يعنى مش بيتباع عند تجار الورق , ولكن بيستورد من مكان خاص فى العالم وبيبقى متجهز للبلد الللى رايح لها , لأنه مش بييجى مصر ورق فاضى زى ورق الطباعة , ولكن مصر بتتعاقد على ورق مثلا كذا فرخ من اللى حايبقى فئة 200 جنيه , وبييجى من المانيا وعليه العلامات المائية اللى ع ال 200 جنيه , وكذا فرخ حايبقى فئة 100 جنيه , وبرضه بييجى مصر وعليه العلامات المائية اللى بتبقى على ورقة ال 100 جنيه وهكذا , يعنى نفهم ايه من كلامى ؟
انه ورق خاص جدا , واحنا بنطبعه بس لكن العلامات المائية بتيجى على الورق اللى بنستورده , وللعلم ماكينة عد الفلوس اللى ف البنك بتعد الفلوس على اساس نوع الورق الخاص ده , يعنى الورقة المزورة بتخليها تقف عندها , لأن عندها حساسية لنوع الورق بتكشف الغريبة , وانت لما قلت انها تشبه الاصلية بنسبة 99% , انا اول حاجة فكرت فيها مش الشبه ال 99% ولكن الواحد % الاختلاف ده ممكن يكون فى ايه بالضبط ؟؟؟؟؟؟
يعنى لو الورق هو هو تبقى كارثة وكارثة بجد , لأن زى ماقلت ماكينات عد الفلوس فى البنوك بتتعرف على الورقة السيلمة من نوع الورق ,يعنى لو المزورين استعملوا نفس نوع الورق , ممكن اى باكو فلوس تحط جواه شوية من المزورين دول ويعدوا على البنك ,
الكارثة الانسانية يعنى لو واحد غلبان بيقبض 300 جنيه تخيل لو طلع فيهم ورقة مزورة فئة 200 جنيه , يحصل له ايه ؟ ممكن يتشل فيها لأنه بياكل بيها طول الشهر مش بيحوشها يعنى
يبقى الشخص اللى جايب الفلوس دى يستاهل اعدام ولا لأ ؟ صقفوا لى بقى

ان شاء الله يا أستاذ عادل هعرف نسبة1% فى أى جزء من العملة من أصدقائى فى البنوك وسأنشر تحذير أخر فى كل المواقع المشترك فيها.جزيل شكرى لحضرتك على هذا التعليق المتميز.
مع اطيب تحياتى

» احترس وانت راكب المترو
» انتبه من فضلك
» للنهوض بمصر اقف لحظه من فضلك !!!
» " من فضلك وطى صوت التلفزيون و انت بتتكلم "