شاهد ماشافش حاجة

نشر فى (اليوم السابع ) اليوم هذا الخبر من محاكمة متهمى موقعة الجمل

صفوت الشريف يصف "موقعة الجمل" بـ"قضية قالولوا"
الإثنين، 12 سبتمبر 2011

علق صفوت الشريف، رئيس مجلس الشورى السابق، المحبوس حاليا على ذمة قضية قتل المتظاهرين يومى 2 و3 فبراير المعروفة إعلامياً بـ"موقعة الجمل"، على أقوال الشهود للمرة الثانية على التوالى بـ"قضية قالولوا"، نظراً لاستناد كافة الشهود إلى أقوال مرسلة.

بينما وصف النائب السابق، رجب هلال حميدة، الشهود بكلمة "شاهد ماشفش حاجة"، قائلاً "اتهمونا بحشد البلطجية لقتل المتظاهرين.. عايزين بلطجى واحد من اللى حشدناهم ".




وهذا الاستخفاف والسماجة معذورون فيها لأن الشاهد الحقيقى لم يأتى ذكرة اطلاقا فى القضية والجميع يعرفونه جيدا


ببساطة فالتليفزيون المصرى طوال يوم 2 فبراير كان يبث تحذيرات للمتواجدين فى التحرير بالمغادرة لبيوتهم لأن لديهم معلومات عن مجموعات ستقوم بالهجوم عليهم بكرات من النار ستشعل الميدان بالكامل ويوجه خطابه للأسر فى المنازل بسرعة استدعاء ابنائهم من الميدان قبل الكارثة



لذلك على المحكمة استجواب كل من انس الفقى عن مصدر هذا البيان ومن الذى امر ببثه وسؤال كل من محمود وجدى وزير الداخلية فى هذا الوقت واحمد شفيق رئيس الوزراء الذى انكر معرفته بالحدث لكنه لا يمكن ان ينكر انه علم بهذا التحذير قبل وقوعه


اذا لم يحدث هذا فى المحكمة وظلت تتراوح بين شهود عن رؤيتهم للمتهمين يحرضون او يدفعون اموالا للبلطجية وهم ينكرون


ففعلا ستتحول المحاكمة الى شاهد ماشافش حاجة

اشكر مرورك يا مروة

يا سيد خالد

كل اللى بيحصل ده مجرد تمثيل و القضيه كبييييييييييييييييييييييييييييييييييييييييره و معقده و المحاااااااااااااااااااكمه دى هطووووووووووووووووووووول اوىىىىىىىىىىىىى

ياعم انسوا الموضوع لانها مسرحيه سخيفه

احبائى
القضية دى من غير حاجة قانونية خطيرة جدا حاتطلع فشنك , بس المشكلة ان من 8 شهور الشعب اللى بيتظاهر مش عايز يقتنع بالموضوع ده ,
يعنى لو شفتم مين فى القفص اقل حاجة عندك السيد قتحى سرور , دخ مش خبير قانونى ولكن صايع قانونى على اعلى درجة من الضياعة
والقانون عامل زى غربال فيه الغ وخمسمست خرم او ثغرة , وكل ثغرة من دول تطلعهم كلهم براءة , واذا كان فعلا فتحى سرور بالذات اشنرك معاهم فى الجريمة دى فهو بغلإضافة الى انهصايع قانون مش اهبل يعنى لازم يلعبها بحيث ان كل الكبار اللى فى القضية او اللى هم فى القفص ماحدش يقدر يمسك عليهم حاجة , والقاضى بيحكم مش بعواطفه ولا احاسيسه , ولكن بالورق اللى قدامه والحيثيات والادلة , واهم حاجة المباحث بتكون من قبلها مضيقة الخناق على المتهم حتى يعترف او ثتبت عليه حاجة بالدليل القاطع , تستلمها النيابة وتضبطها وتقلوظها زى ما بيقولوا , بحيث لما تدوصل القضية ( اللى هى الورق ) للقاضى بتبقى مستوية او متظبطة او محكمة الاطراف مافيهاش الهوا , بحيث ان القاضى بناء على الورق بيسمع بنفسه شهود الإثبات وشهود النفى , بعدين ييجى اللعبة اللى عادة فى القضايا دى بتكون قذرة وهى المحامى الصايع اللى ممكن ياخد عشرين مليون جنيه فى قضية زى دى ويحاول يبوظ القضية المحكمة او النتظبطة اصلاً دى , وهو وشطارته انه يقدر يلعب على تفكير القاضى ويشككه فى شهادة شهود الاثبات , بحيث ان تأثير شهود النفى يبقى اكبر على العاضى , وهنا فى حاجة قانونية بياخدوها فى كلية الحقوق ان الشك بيفسر لمصلحة المتهم يعنى القاضى لو شك ممكن يحكم براءة ويكون ضميره مستريح اكتر من لو حكم عليه بحكم وهو شاكك فى الموضوع , لأن بعد كده فيه حاجة اسمهانقض , يعنى لو القاضى مثلا حكم على متهم ب اشغال شاقة مؤبدة , وبعد كده اتعمل نقض واتحكم على المتهم بالبراءة او اخد حكم اخف كتير من الاول هنا القاضى الاولانى بيبقى شكله وحش وراجل مفترى وظالم , مع ان ممكن يكون المتعهم مجرم فعلا بس المحامى الصايع لعب لعبة خففت او بوظت القضية
آسف للإطالة وانا مش محامى لكن ابنى محامى يعنى ... والقضية هنا تفتقر الى اهم واخطر عنصر ممكن ينسفها نسفا وهو مين المجرم , اللى فى القفص دول محرضين على جريمة لكن من غير مايكون واقف معاهم فى القفص المجرمين اللى هم حرضوهم وارتكبوا الجريمة واعترفوا عليهم انهم هم اللى حرضوهم , تبقى القية فشنك وهنا الصياعة تكمن فى ان المجرمين اللى عملوا الجريمة اختفوا لبسوا طاقية الاخفاء او اتعمل حساب انهم يبقوا عفاريت او اشباح نزلوا من الهوا او طلعوا من تحت الارض وعملوها واختفوا هات هم لى بقى ونتكلم
يعنى عندك مثلا قضية هشام طلعت مصطفى وسوزان تميم , مين اللى جاب رجل هشام طلعت مصطفى ان محسن السكرى اعترف انه هو اللى محرضه ولولا وجود وثيوت التهمة على السكرى ماكانش حد حايقدر يوجه لهشام اى شىء , بعدين لاحظوا انهم اخدوا اعدام وفى النقض المحامى الشهير اياه اللى بياخد عشرات الملايين , وهو متأكد انهم هم الجناة لعب فى القضية عشان يخلى القاضى يبقى شاكك ولو 40% لذلك خفض الحكم ل 15 سنة
ولكى الله يامصر
مع اطيب تحياتى

يا سلام عليك اهو كده أخيرا لقيت حد يقول ان القضيه فشنك -- من زمان و أنا بقول لك الله يا مصر -- ارحموا انفسكم و اتجهو نحو العمل و الانتاج و هؤلاء الله كفيل بأن يدمرهم فى أنفسهم

رحم الله من قضى فى الثوره و الهم اهلهم الصبر و حسبى الله و نعم الوكيل