حاجة تحرق الدم

كنت أتمنى مساء أمس وأنا أتابع الأحداث أن أجد أحد ما لأوسعه ضرباً تفريغاً لشحنة الغضب التى تفجرت بداخلى

أبعدما أحيينا روح الوحدة الوطنية [بعدما كادت تتحول الى أزمة فى داخل الوطن] فى ثورتنا العظيمة يجىء فلول

النظام السابق ويشعلوها من جديد ونكون نحن حطبها ، أبعدما نجحت ثورتنا يجىء من لم يكن منها فى شىء ليضيع

علينا فرحتنا بالإنتصار وتطلعنا الى الغد المشرق والعمل البناء فى هذا الحاضر

Sad

الأقباط يهتفون مطالبين بحقهم والسلفيين يردون هاتوا بنتنا ولا مساس بالمادة الثانية ، على اخر الليل تتوالى
الأخباربوجود معارك طاحنة ما بين المسلمين والمسحيين ووقوع 9 قتلى وحوالى 50 مصاب وكلها إصابات طلقات نارية

Crying or Very sad

بذمتكم مش حاجة تحرق الدم ، بذمتكم مش حاجة تخلى الواحد يطلع عن مشاعره ويتلفظ بألفاظ نابيه ، بزمتكم مش
حاجةتخلى الواحد يلعن أبو التدين اللى بالشكل ده

لاأريد أن أنطق بها لاأريد أن اقول نجح فلول الحزب الواطى والنظام المنحط فى مخططهم لا أريد أن أقول رافضاً أن
تتحول فرحتنا الى هم يثقل أعبائنا أكثر مما هى عليه لاأريد ان أقول لأننى ممن يتمسكون بالأمل ولأخر جزء من اللحظة
لأ أريد لأننى أؤمن أن علينا واجب يجب أن نقوم به بدلاً من الإنتظار وبدلاً من أن تكون جهودنا هى رد للفعل .

Exclamation

أثناء الثورة حاولوا بث كمية مهولة من الإشاعات داخل الميدان نفسه فضلاً عن ما كان يبث بخارجه

Exclamation

حاولوا قتل عمر سليمان ليوقوعوا فيما بيننا وبين الرأى العام ليقال أن ثورتنا ثورة قتله ومسلحين ومدعومين بالخارج

Exclamation

تسببوا فى الوقيعة ما بين الشرطة العسكريةوالمتظاهرين فىالتحرير مؤخراً

Exclamation

أشعلوا من حماس الإعتصامات الفئوية وعلوا من سقف مطالبهم وزادوهم حدة

Exclamation

إفتعلوا وثائق أمن الدولة ليوقعوا فيما بين القوى الوطنية ، وأيضاً حاولوا الوقوع ما بين الجيش والمتظاهرين فى لاظوغلى

Exclamation

بالأمس القريب أشعلوا الفتنة ما بين المسلمين والاقباط عن طريق تحريض بعض الجهلة لهدم الكنيسة والبعض الآخر للمطالبة
بأختهم المخطوفة ، والآن تقع الحرب الضروس ما بين بعض المسلميين والأقباط ويسيح الدم ويقع القتلى

confused

تُرى هل نقف مكتوفى الأيدى أما هذة المخططات ، يجب أن نتوقع مكان ومعاد الضربة القادمة لتتحول جهودنا من رد الفعل الى
إيقاف الفعل ذاته

ماهى الجهود التى يجب أن نبذلها الآن لمحاربة المخططات التى وقعت ؟؟؟

وما تصوركم للضربة القادمة وكيف نتفاداها ؟؟؟

أنتظر مقترحاتكم

صدقت في كل كلمة كتبتها ..

اشكرك جدااا ..

انا معتش عارفة ارد اقول اية (والله العظيم عندك حق)انا اسفة انى مش هقدر اقول مقترحات لانى حاسة باحباط شديد

أستاذمحمود
أحيى فكرك الراقى وغيرتك على وطنك وحمرة وجهك هكذا ولكــــــــــــــــــــــــــــن
دقق النظر لأبعدمن فلول النظام والحزب الوطنى من المستفيدمن إرهاقنا بالمشاكل التى تعوق أى تقدم
وإرتقاء وتقدم كنت أظن هؤلاء المطالبين سواء بحريق كنيستهم أن يتذكروا دماء الشهداء الذين هم أصحاب الثورة
الحقيقين لاأصحاب التسلق والأنتهازين دقق النظر أكثر ياأخى وستجدمن المستفيد
أين محمدفريدخميس زراع الأيمن للرئيس السابق مبارك والعميل النشيط للاجندة الأسرائيلية
أبحثوا عن عملاء الأجندة وستجدوا من المستفيد من الأطاحة بنا وطنآومواطنآ

تحرق الدم
وتدمى القلب
وووووووووووووو
صدقت وربنا يستر

جزيل الشكر لكل من شارك برأيه فى هذا الموضوع المتأزم

أ/ سالوناز

إذا كنت حضرتك تقصد أن إسرائيل وراء ما يحدث ، فأنا لا أستبعد ذلك مطلقاً وحتماً حتماً ستكون يدها الفاعلة فى ذلك

هى فلول الحزب والمستفيدين من النظام السابق لما لذلك من توافق فى المصالح فيما بين الطرفين [ إسرائيل & بقايا

الحزب وأمن الدولة ]

المهم الآن أننا أمام مؤامرة وثورة مضادة وكل الكلمات التى تحمل نفس المعنى ، فماذا نفعل ؟ الحلول ، المقترحات ؟؟؟؟؟؟

بصراحة أنا عاجز عن التفكير، مش قادر أفكر !!!!

يااااااااااااااااااااااااااااااااااااارب

الحل بسيط جدا يا حوده
عودة جميع العاملين الى اعمالهم وانتظام سير العمل بالدوله
منع قيام المظاهرات نهائيا وبقوة القانون فالبلد لم تعد تتحمل اي مظاهرات ويجب ان نترك الفرصة للحكومه والجيش لادارة البلاد والقيام بمهامها
انشاء ديوان عام للمظالم يتقبل جميع شكاوى المواطنين والنظر فيها وتحويلها للجهات المختصة للبت في أمرها
دعوة ال 80 مليون لعدم التعجل في نتائج شكواهم لان الشكاوى تزيد على 80 مليون
اخبار المشتكين تباعا وتلقائيا بما صارت اليه نتائج شكواهم واستبعاد الشكاوى الغير مجديه وعدم اخبار أصحابها ولا اخطارهم لاننا سنجد نصف الشكاوى لا محل لها من الاعراب
لو تم ذلك مع مرور الوقت لن نجد مشتك واحد في ظل العدل ومتابعة شكاوى الناس
شكرا حوده

جبت من الأخر أبو اسامة أحييك لفكرك ونضوجك السياسى الواعى والدارك تحياتى

فكرة الحزم و التطبيق الصارم للقانون اللى بانت فى كلام دكتور عصام شرف النهاردة و فى بيان مجلس الوزراء ممكن تطمنا شوية .. اتمنى الايام الجاية يكون فيها تطبيق فعلى لعقاب اى بلطجى او مثير للفتنة ..

خلينا ندعى ربنا سبحانه و تعالى انه يلطف بينا و ببلدنا و نعدى المرحلة دى على خير ان شاء الله

اشكرك محمود .. حقيقى موضوعاتك بتعبر بوعى شديد عن اللى بيدور جوانا كمصريين .. اتمنالك كل التوفيق

فعلا البلد محتاجة الحزم الان
وربنا يجيب الخير لمصر على يد الحكومة دى
ومع حضراتكم الف حق

أشكر كل من ساهم فى هذا الموضوع وأقدر كل رأى عبر عن نفسه ، وهيا دى فعلاً فائدة التفكير الجماعى

حلوة فكرة إستخدام عصا السلطة ضدالخارجين والبلطجية ، بس لو دققتوا شوية هاتلاقوا إنهم مش بيبدأوا

أى مخطط من السابق ذكرهم ] كانت بقت سهلة ] ، المشكلة إنهم بيندثوا فى وسط جموع مش منهم وبيحرضوهم

ويسخنوا الموضوع ، زى مثلاً خروج السلفيين للمطالبة بأختهم !!!!!!!!

الحاجة التانية لما الشرطة العسكرية ضربت المتظاهرين [ أو ما نسبوا الى المتظاهرين ] دول ما كانوش متظاهرين

دول شوية بلطجية إنضموا للمتظاهرين وإبتدوأ يستفزوا الجيش ويمارسوا أعمال وسخة فقام الجيش بما قام به

كل اللى فات ده أمره سهل ويمكن السيطرة عليه ، المصيبة الأعظم بقى هى وجود بعض الثوار المتعسفين فى مطالبهم

من حل للحزب الوطنى [ وأنا ضد ده تماماً ] والإفراج الفورى عن المعتقلين السياسيين وغيرها من المطالب

ولايزالوا يتظاهرون مما يسمح للبلطجية فى فعل ما يحلو لهم مع الإحتماء بستار المتظاهرين

يعنى معركة منشية ناصر لم يقوم المسلمين بضرب المسيحيين لأ ، اللى حصل بالظبط هما لقوها فرصة

فيه توترات بين الجانيبن قاموا دخلوا فى النص على إنهم أحد الطرفين وفعلوا ما سمعتموه

بالظبط زيها قصة ضرب المتظاهرين على يد الشرطة العسكرية أيه اللى حصل بعدها خرج باقى المتظاهرين

معترضين إنوا إزاى الجيش يضرب المتظاهرين فى حين أن الحقيقة بخلاف هذا

فدلوقتى لو قدرنا نوقف بقى موضوع المظاهرات دى هايكون الحل أصبح ممكناً وباقى المعضلات سيكون

أمر السيطرة عليها بالقوة سهل ، وأنا مع إستخدام القوة المفرطة ضد أى ابن .......... يقوم بأى نوع من أنواع

البلطجة أو حتى الخروج والمطالبة بأى نوع من الطلبات المتعسفة ، وزى المثل ما بيقول إضرب المربوط هايخاف السايب

يا سلام على الحكم يا استاذ محمود وانا معاك اننا احنا الى ادنلهم الفرصة على فكرة هما عايزين بتوع التحرير يفضلوا اعدين لانهم لو مشو مش هيعرفوا يعملوا اعمالهم القذرة دى

أنا لى ملاحظة على حلقة الامس 9/3/2011 ، حيث عرضت الحلقة تقرير عن احداث المقطم ، للاسف جاء من جانب واحد وهو المسيحيين فى عزبة الزبالين والذين زيفوا الحقيقة بأنهم كانوا فى مظاهرة سلمية وهاجمهم المسلمين المتوحشين وضربوهم بالطوب ، ولم يكلف معد التقرير نفسه باخذ رأى الطرف الاخر وايضاح الحقيقة أن الاخوة المسيحيين الذين خرجوا فى مظاهرة سلمية قاموا بقطع الطريق وقذف السيارات بالحجارة مما ادى الىتحطيم عدد من سيارات المواطنين واصابة العديد منهم وانا رد الفعل جاء من اهالى المنطقة دفاعاً عن انفسهم وكان يجب على معد التقرير والمذيعة الفاضلة تحرى الدقة وسماع جميع الاراء لتوضيح الحقيقة

لالالالالا ازى دى فى حلقة اول امبارح كان تقرير رائع من الترفين وحلقة امبارح لم ارى فى التقرير اى نوع من الميول لطرف دون الاخر دى بالعكس دى موقف الصلح الى جة امبارح كان رائع وبعدين كلنا عارفين ان دى فتنى ومين الى عاملها
كل التقدير والاحترام لحضرتك

أ/ أحمد

لو حضرتك ليك تعليق على أى حلقة ممكن تعلق هنا فى قسم التقارير
https://monaelshazly.ahlamontada.net/f18-montada

ياريت نلتزم بنطاق الموضوع علشان كلنا نستفيد ويكون فيه مشاركات أكثر تنظيماً فى الموقع ككل

إحنا لسه بنقول يا جماعة كفااااااااااااااااااااااااااااااية مليونيات نبوس إيديكم ، وبكرة طالعه مسيرة مليونية لمواجهة ورفض

الفتنة ، مش هاقدر أقول غير ربنا يستر ، ربنا يستر لإنها متحركة ومحدش هايقدر ينظم أى سلوك فيها ، ومن السهل ......

إنتوا عارفين الباقى ، معدش قدمنا غير إننا نقول ياااااااااااااااااااااااااااااااارب

إستكمالاً للشق الأخر من هذا الموضوع والخاص بـ توقع المؤامرة القادمة لفلول الحزب

تعالوا نفكر بصوت عالى ، أنا لو مكان يتوع الحزب الواطى هاعمل أيه تانى علشان أزكى نار الثورة المضادة

أيه أضعف نقطة ممكن يخش منها تانى ؟؟؟

أعتقد إن أضعف مكان ممكن يستغله دلوقتى هو الشرطة ، يعنى يحرضهم على عدم العمل والعصيان وبالتالى تحدث

المصيبة ودا من السهل إنه يحصل وأعتقد إننا لازم نساعد الشرطة على العودة بأسرع وقت عشان نقفل عليه الطريق ده

» ما فيش حاجة
» عفواً الدكتور عصام شرف ... البلد في حاجة لديكتاتور عادل.
» شاهد ماشافش حاجة
» حاجه غريبه
» ابحث عن الحل واتعلم حاجة جديدة.