نظام فاسد للشاعر المصري / رشاد هويدي ( شاعر الوادي )

كل لحظة نتأكد أن النظام البائد كان ...

نظام فاسد

للشاعر المصري / رشاد هويدي
شاعر الوادي
/////////////////////////////////

عاوز أسأل النظام
اللي كان !!
ألعبان !!
الجبان !!
اللي هان !!
واللي خان !!
واللي عاش سحت وحرام !!
واللي ظلمه انتشر !!
انتو جان !!
أو شيطان !!
أو ديدان !!
أو طوفان !!
انتو إيه ؟!
لأ أكيد ما انتوش بشر !!
انتو كنتو أكبر عصابة !!
خليتوا البلد خرابة !!
شعب عايش في الكآبة !!
تنهبوا قوت الغلابة !!
زي كلب انسعر !!
لأ أكيد ما انتوش بشر !!
الفساد والرشوة عادي !!
والغباء والجهل بادي !!
قلبكم من مصر فاضي !!
واللي بالإخلاص بينادي
يبقى دايما م الأعادي !!
تسعوا إنه ينكسر !!
لأ أكيد ما انتوش بشر !!
تلفقوا له المصايب !!
تنشروا عنه المعايب !!
تقتلوا له الحبايب !!
يبقى حاضر بس غايب !!
يبقى دايما في خطر !!
لأ أكيد ما انتوش بشر !!
كل لص تشجعوه !!
كل خاين تنصروه !!
كل مخلص تلعنوه !!
كل جاهل ترفعوه !!
كل عالم تمنعوه !!
تلغوا دوره لو حضر !!
لأ أكيد ما انتوش بشر !!
سيبتوا نيلنا وقلتوا عادي !!
وخير بلدنا للأعادي !!
تنهبوا قصور والأراضي !!
واحنا مش لاقيين زبادي !!
والصيام من غير سحر !!
لأ أكيد ما انتوش بشر !!
للأعادي بتهدوا غازنا !!
وتحرقونا احنا بجازنا !!
ونبقى للحدود جاوزنا !!
لو ناقشنا الموازنة !!
أو سألنا عن خبر !!
لأ أكيد ما انتوش بشر !!
شغالين سرقة علاولة !!
وكل واحد منكو دولة !!
واحنا ندفع المقاولة !!
وانتو تبقوا بمالنا أولى !!
وأغنى شعب يفتقر !!
لأ أكيد ما انتوش بشر !!
تزرعوا في مصر السموم !!
زي مصنع أجريوم !!
ترفضه بيئة وعلوم !!
وانتو يا أظلم ظلوم !!
تحفروا لمصر الحفر !!
لأ أكيد ما انتوش بشر !!
عشنا دايما طول حياتنا
كان هتافنا بأعلى صوتنا
زي نومنا أو سكوتنا !!
وافتكرتوا إن احنا متنا !!
والفساد اللي انتصر !!
لأ أكيد ما انتوش بشر !!
بدعوة من مظلوم وشيخ !!
وست مقهورة وصريخ !!
طفل مش لاقي الطبيخ !!
بقيتوا في مزبلة التاريخ !!!
وشعب مصر اللي انتصر !!
أصل انتو فعلا مش بشر
ومصر فوق كل البشر
مصر فوق كل البشر
///////////////////////
رشاد هويدي ( شاعر الوادي )