عايزة اعرف كل حاجة عن.....*مصر-(ماهي مظاهر الاحتفال بالمولد النبوي في مصر؟)

بس ياريت تحددى الأول قبل التقسيم الجديد للمحافظات ..أم بعده...
وياريت كمان تحددى المناطق الحية ..أم الميتة بمعنى اللى فيها نا س عايشة أم اللى فيهاناس ميته..ومتفهميش غلط..ميته هنا إعتبارى مشى حقيقى ولاإكلينيكى......ومعلش أنا زعلان..
إشمعنى القاهرة ..ماسألتيش ليه عن طنطا والسيد البدوى

لأنها ليست السفير الأمريكي

بصى يانونة انت لو عايزه تعرفى المناطق فده سهل إن شاء الله أما التاريخ فهيحتاج ترتيب عميق

أهم مناطق فى القاهرة:فيه حاجتين إن فيه مدينة القاهرة العادية وفيه القاهرة الكبرى

القاهرة العادية اللى هيه مصر الجديدة والمقطم والقلعة ومناطق كتير

أما القاهرة الكبرى بيدخل فيها أجزاؤ من محافظات تانية يعنى القليوبية منها شبرا بتدخل فى تقسيم العاصمة المصرية ومدينة الجيزة اللى فيها الأهرامات من محافظة الجيزة

فيه مدن جديدة دلوقتى حول القاهرة زى 6أكتوبر وبدر زولاشروق والرحاب وحاجات جميلة خالص

أما بقى الإسكندرية فدى حكاية تانية أهم أماكنها هى المنتزة اللى فيها قصر الملك فاروق وبحر المنتزه يرد الروح وفيها اماكن هامة زى كامب شيزار والعجمى والمعمورة اللى ناس كتير بتحبها وستانلى اللى فيه كوبرى ستانلى وسان ستيفانو عالم تانى

بصى مهما وصفنا مش هنعرف إدخلى على موضوع (إكسر الحدود الدولية )بتاعى هتلاقى انا واستاذ امير بنحاول نوريكم أهم حاجات فى مصر ومازال العرض مستمر

شكرا ليكى يانونة

بصى يانونة انا مش هاوصفلك مصر
اصل مصر دى ماتتوصفش دى تتحس
يعنى لو عايزة تحسى انك بتشوفى احلى مكان فى الدنيا يبقى مصر
مع انها فيها حاجات كتير اوى مش حلوة
ارقى الاماكن الى تحسى فيها انك فى اوروبا موجودة فى مصر
واوحش الاماكن الى تحسى فيها انك فىافقر بلاد الدنيا وبلاد ما قبل التاريخ برضة فى مصر


بس بعدين عن الكلام الى مش هايوصلك للى انت عايزاة
اى حد هنا هايقدر يعرض لك صور اومعلومات عن بعض الاماكن هايشارك

بصى يا نونة الاسهل انك تيجى تنورينا بجد والله لان الموضوع طويل واحنا علينا اننا بفسحك و نفرجى على مصر كلها ايه رايك

نونة كتب:

شكرا لمروركم وتفاعلكم
د.منا قلت عايزة اعرف القاهرة وبعدين المحافظات طبعا ومن ضمن اللي عايزاه اعرف مين هو السيد البدوي ومرسي ابو العباس وغيرهم

ابو اسامة الفاضل هههه ليه يعني

هند,توتو ياحبايبي مفهمتوش قصدي عموما انا حسهلكم الموضوع وحعملوه على شكل اسئلة
على فكرة تاريخ مصر عارفاه معظمه واكثر ماعرفا تاريخ بلدي
خليكم معايا

..................................
الله يسترها معاكى..
كفاية أسئلة...وفوازير..
مخنا خلاص أكسد..
وعموما أنا عازمك فى أى وقت ترغبين..لتتعرفى على مصر
ليس كسفير أمريكا بل كسفير منتدى العاشرة مساءا
وكأخت أو إبنة عزيزة..
والدعوة أوبن بوفيه..وعلى حساب صاخب المخل..
لك تحياتى والمرور الكرام

ياسلام دى نونة لو جت أنا هعملها حفلة مخصوص وهوريها أجمل حتت فى مصر

أهو دكتور محمد بيقولك الدعوة أوبن بوفيه بس المهم ميييين صاحب المحل؟؟؟؟؟؟؟

شوفتى الموضوع اللى قلتلك عليه يانونة ...صدقينى هيفيدك

تيوليب كتب:

ياسلام دى نونة لو جت أنا هعملها حفلة مخصوص وهوريها أجمل حتت فى مصر

أهو دكتور محمد بيقولك الدعوة أوبن بوفيه بس المهم ميييين صاحب المحل؟؟؟؟؟؟؟

شوفتى الموضوع اللى قلتلك عليه يانونة ...صدقينى هيفيدك

....................................
صاحب المحل..
مصراوى...كريم العنصرين
الوطن والدين

تحياتي:
بصي يا نونه انا سألخص لك الموضوع قدر المستطاع لانني زرت جميع محافظات مصر الحبيبة بدون استثناء
وأقول:
مصر دي جهتين( قبلي) وبه مدن الصعيد ويبدأ من الجيزه اللي فيها الأهرامات وينتهي بالأقصر وأسوان اللي فيهما ثلث آثار العالم طبعا أهل هذا الخط يسموهم ( الصعايده) ناس طيبين وتعتمد حياتهم على الزراعة وخاصة قصب السكر والنخيل حيث أن ماء النيل يمر من وسط بلادهم وهذه البلاد نظرا لوجود الآثار فيها فإنهم ايضا يعتمدون على السياحة ولذا تجد عندهم الأجانب والمصريين زوارا طوال العام
وهذه البلاد أنجبت الكثير الكثير من العباقرة والمبدعين منهم طه حسين والأبنودي وجمال عبد الناصر والعقاد ومش عاوز أعد أصلهم كتير قوي
ومن أسماء محافظات هذا الخط الجنوبي لمصر(الجيزه والمنيا وأسيوط وسوهاج الأقصر وأسوان )
أما الجهة الثانية فهي (بحري)وهي متشعبه وتشمل محافظات عديده منها (القاهرة وهي العاصمة ثم القليوبيه ثم الشرقيه ثم الدقهلية ثم دمياط )وده خط متصل
وهناك محافظات أخرى متاخمة مثل الغربيه والمنوفية وكفر الشيخ
وهذه المحافظات كلها محافظات زراعية ماعدا القاهرة والكثافة السكانية فيها عالية ويتميز أهل كل محافظة بصفات تغلب عليهم وتميزهم وهذا يحتاج لشرح مطول
وهناك محافظات ساحلية تقع على البحر وتكون مصايف مثل الإسكندرية وبور سعيد والسويس والاسماعيلية والغردقه ومرسى مطروح وشرم الشيخ والعريش) وكل هذه المحافظات تتمتع بجو حلو ومصيف رائع
وهناك منطقة مهمه وهي سيناء وتنقسم إلى قسمين (محافظة شمال سيناء) وتشمل (المساعيد والعريش والشيخ زويد وتنتهي برفح المصرية على الحدود الدوليه مع دولة فلسطين)
و(محافظة جنوب سيناء) وتشمل( دهب ونويبع وشرم الشيخ وسانت كاترين ورأس سدر ورأس محمد )وكلها مناطق سياحية خلابه وتنتهي بي (طابا)
وتمتاز هذه المناطق في سيناء بان أهلها أشبه بالعرب في عاداتهم ولباسهم فزيهم يشبه الزي البدوي
لعلي أكون أضفت شيء إلى معلوماتك الكثيرة عن بلدي الغالية مصر التي اعشقها عشقا وأموت في هوائها ونيلها وشعبها وخاصة (قواريرها)هههههههههههههههههههههه
وفي الحلقة القادمة سأكلمك عن مسقط رأسي وناسها الطيبين الكرماء (محافظة الشرقية)
لكم كل الحب

ياااااااااااااااااااة سؤال صعب اووووووووووووووووووووووووووووووووووووووووووي

تحياتي:
اليوم هنتكلم عن مسقط رأسي وأحب بلاد الدنيا إلى قلبي بلدي محافظة الشرقية
بصي يا نونه
هذه المحافظه تقع في وسط الدلتا وهي زراعيه هواؤها عليل لم تصله يد التلوث الصناعي وماؤها رقراق وشمسها ساطعه وناسها أطيب منهم ماتلقيش ناس على الفطره لم تلوثهم أضواء المدنية الزائفة بسطاء وأهم ميزه تميزهم ومشهورين بيها هي (الكرم) يقولون الشراقوه الكرماء
الكثافة السكانية بها عالية وتعتبر ثالث محافظه بعد القاهرة والاسكندرية من حيث الكثافة السكانية
مترامية الأطراف وتحيط بها مجموعة من المحافظات منها(الدقهلية والاسماعلية والقليوبية والغربية)
تنقسم المحافظة إلى مجموعة كبيرة من المراكز وأكبر هذه المراكز ومركزها الرئيسي هي (الزقازيق) مسقط رأسي
ومن المراكز الأخرى (فاقوس _بلبيس_ أبو حماد_ أبوكبير_كفر صقر)وغيرهم
توجد بها نهضة علمية كبيره فبها الآلاف من المدارس التعليمية في جميع المراحل وبها جامعة عريقة تسمى (جامعة الزقازيق )ومنها تخرجت
ولقد أنجبت محافظة الشرقية مجموعة كبيرة من العلماء والسياسيين والفنانين والفنانات فهي متشعبة الثقافات
فمن أهل العلم الأجلاء فضيلة الدكتور / عيد الحليم محمود شيخ الأزهر
وفضيلة الشيخ / شلتوت شيخ الأزهر أيضا (وبها معاهد دينية كثرة جدا)ومعهدها الديني الموجود حاليا في مدينة الزقازيق هو أثري إذ بني عام 1925 م
وتخرج منه ملايين من العلماء من أشهرهم الشيخ محمد متولي الشعراوي والدكتور أحمد عمر هاشم
وأما السياسيين فمنهم
طلعت حرب _أحمد عرابي (قائد الثورة العرابية الشهيرة)ومولده بلدة تسمى (هرية رزنه)
وعائلة السعيد والأباظية ومنهم مصطفي السعيد وزير المالية الأسبق ومنهم رئيس حزب الوفد الحالي محمود أباظة
وأما الفنانين فكثير منهم عبد الحليم حافظ ورشدي أباظه ومحمد نجم واسعاد يونس والعملاق أحمد زكي
ولو ظللت أتحدث عن بلدي الحبيبة إلى قلبي فلن أنتهي
ولكن سأترك لك جزء من فيلم يصور جزء منها ويحتوي على مبنى المحافظة وطريق البحر ومسجد الفتح (الشهير بمسجد عبد الحليم حافظ) وجزءمن (جامعة الزقازيق)تلك الجامعة التي قضيتها فيها أجمل أيام حياتي
فإليك الفيلم يا نونه
لقد قلبت على الحنين إلى تلك الأماكن التي طالما وطأتها أقدامي وسهرت فيها مقلتي وتجولت فيها ليل نهار فهي سلوتي وهي مهجتي
حفظك الله يا بلدي وأعادني إليك سالما غانما فرحا مسرورا
وحفظ الله مصر أهلا وشعبا ووطنا
لكم كل الحب

هذا هو عنوان الفيلم:
https://www.youtube.com/watch?v=rM7RXDPx1gw&eurl=http://search.msn.co.uk/video/results.aspx?q=%D8%A7%D9%84%D8%B2%D9%82%D8%A7%D8%B2%D9%8A%D9iurl=http://img.youtube.com/vi/rM7RXDPx1gw/default.jpg

شكرا يا استاذ ابو اسامه على الجهود الرائع وربنا يرحعك بلدك باذن الله والله كلنا بنستفيد مش نونة بس اه انا مصرية لكن معرفش غير حاجات بسيطة اوى عن بلدى
شكرا يا نونة انك فتحتى الموضوع الرائع

لا بقى ده المنتدى كله تبعنا من الشرقية

أنا من الزقازيق برضه يا أستاذ أسامة وبحبها بجد أووووووووى

والله مهما لفيت بحبها جدا

على فكرة كليتى اللى قدامها نخل كتير دى

شكرا يا استاذ أبو اسامة

تحياتي:
عفوا يا نونه ده واجب علينا وإحنا بنرد الواجب لما عرفتينا على بلاد العراق الحبيب وكان صبرك مع جميع الأعضاء عظيما
ومرحبا بيكي يا زقزوقيه يا تيوليب
ربنا يو فقك في جامعتك وعاوزك تطلعي الأولى على الدفعه لقد كنت الأول على دفعتي يوما ما وقضيت أجمل أيام عمري في اوائل الثمانينات عندما كنت بالجامعة التي أنتي فيها الآن
وعندما أكون بمصر أزور الجامعة عدة مرات وأتذكر أيامها الجميلة وأقول (ليت الشباب يعود يوما فأخبره بما فعلت الغربة بي)

وأما آية الهدوء فالشكر موصول لك لمتابعة ما كتبته وأعلم أنك من مصر و الأيام أمامك بإذن الله لتتجولي في ربوع مصر ومحافظاتها وتستمتعي وتشاهدي مالم تشاهديه
أدعو الجميع للكتابة عن مسقط رأسه ومحافظته ليفيد من لم يزرها بما تكتبون
لكم جميعا كل الحب

يا استاذ أبو اسامة والله كيتى مشوهالى صورة الجامعة خالص

كلية مايعلم بيها إلا ربنا .......أنا لغاية دلوقتى تمام الحمد لله فى النتيجة لسه مشوارى طويييييل

ا.ابواسامة فعلا الوز اللي قلت حضرتك عليه هو عراقي
حقيقي بشكرك جدا خلتني اعرف حاجات عن بلدي جديدة طبعا بالاضافة الى ان حضرتك عرفتني بحاجات جميلة جدا عن المحافظات عندكم لكن لسة مستنية تحكولي عن القاهرة ومدنها والاسكندرية وشرم والغردقة وكل المحافظات

تحياتي/
إلى الزقزوقية تيوليب
الكلية أيا كانت ما هي إلا مكان لتلقي العلم
لكن جو الجامعة الطلاب والطالبات الأنشطه الطلابيه المدرجات والمعامل الحدائق والكافتريات زحام الطلاب داخل الحرم الجامعي والشمس والخضرة في صبيحة أيام الشتاء
حتى السور الحديدي يجعلك في مأمن في صومعة طالب العلم
حاجات هتحسيها وستفتقديها جدا حينما تتخرجين من الجامعه
إنت عارفه ما تحسين به الآن من صعوبة في المذاكره وحضور المحاضرات وكثرة المعلومات و..و..و..و كل ذلك هو حلاوة أيام الجامعة
سأنصحك نصيحة غاليه (أحبي المادة العلمية وذاكريها بحب سيوفر عليه مانسبته خمسين بالمية من مجهودك)
يا ليتني أعود طالبا بالجامعة وأنا على استعداد أن أذاكر ضعف المواد العلمية التي كانت مقررة علينا
بس بشرط أن أكون في سنكم ووسط طلاب وطالبات في مثل سنكم
لأن هذا السن هو سن الانطلاق والمرح وعدم تحمل المسئوليه
هذا السن تتفتح فيه الزهور وهو سن الجنون الجميل تفعلون ما تشاؤن بعفوية وبدون قيود
لكن بعد الجامعه أمور كثيره جدا ستغير مجرى حياتكم
لم أكن أعرف قيمة أيام الجامعة إلا بعد تخرجي والذي هون علي الأمر أنني عملت بالجامعة معيدا لمدة خمس سنوات حصلت فيها على الماجستير وبعدها سافرت وتغربت واشتقت ومازلت أشتاق ليوم واحد أكون فيه طالبا بالجامعة
أتمنى لك قضاء أيام جميلة في ربوع جامعة الزقازيق الحبيبة إلى قلبي
لكم كل الحب