يسقط يسقط حكم العسكر

يا نجيب حقهم ، يا نموت زيهم
لحد دلوقتي بنموت زيهم !

خلاص أنا مبقتش فاهم حاجه هل ده اللي بيقصده المجلس العسكري؟ ... حد يقولي أيه الحل؟ ... طول ما حسني و أعوانه موجودين هنفضل على نفس الحال اللي احنا عليه الآن حتى لو عاش 30 سنة ثانية... و المجلس العسكري بيطبق نفس نظريات مبارك بمنتهى الغباء و البجاحه.
فاكرين نكتة علاء و جمال و قفص الفراخ اللي فتحه في ميدان رمسيس هو ده اللي بيحصل فينا دلوقت بيدوخونا يمين و شمال لحد ما نسلم بالواقع.
و للأسف فيه ناس بتساند وجود المجلس العسكري لحد دلوقت ... و المجلس العسكري بيتسلى بالشعب 20 انهارده بكره يبقوا 30 بعده 50 و في بورسعيد وصلوا 74 يا ترى بكره هيكون فين و الدور على مين.
يا ترى يا إخوان يا مسلمين بعد كل مساندتكم لوجود المجلس العسكري عندكم حل للي بيحصل و لا هنستنا لحد ما يخلصوا على 90 مليون 84 مليون مصري و الباقي سودانيين.
خالص عزائي

الشعب يريد اسقاط المشير اللى فى كل مرة بيثبت انه مش هيقف معانا ويجيب حقوقنا
الشعب يريد اسقاط المشير اللى قررانه يحمى اللى قتلونا وسرقونا وعيشونا ميتيين
الشعب يريد اسقاط المشير اللى مصر انه ينفذ اوامر دولة طرة وبيتناسى الشعب وشهداؤه
الشعب يريد اسقاط المشير اللى بيتعامل معانا كاطفال وهو ولى امرنا اللى لازم نسمع كلامه
الشعب يريد اسقاط المشير عشان نفضل كل لما نشوف واحد بزى مموه يفضل جوانا الاحساس اللى بيخلى دموعنا تنزل عشان هو ده اللى كان ف67وهوده اللى كان 73وهوده اللى رفض يقتلنا حتى لما اتأمر بده
الشعب يريد اسقاط المشير عشان نظرتنا للبدلة الكاكى ماتبقاش زى نظرتنا للبدلة السودة
الشعب يريد اسقاط المشير عشان محسش بالتغيير

اخواتى الاعزاء لاول مرة منذ قيام ثورة 25 يناير اشعر بالغربة فى وطنى لم اشعر بهذه الغربة من قبل حتى عندما كان مبارك جاثما على صدور المصريين لماذا كل هذا القتل لماذا اراقة كل هذه الدماء من اجل السلطة ام من اجل اشخاص نهبوا ودمروا هذا البلد ويستكثرون ان يتم محاكمتهم على جرائمهم فى حق هذا الشعب ان هدم جدران الكعبة وتسويتها بالارض اهون عند الله من اراقة دم انسان ما هذا الجنون لقد كان واضحا منذ البداية ان المجلس العسكرى ليست لديه الارادة لنصرة الثورة بشكل حقيقى ولكننا كنا نكذب انقسنا تمسكا بالامل لقد اضاع سيادة المشير على نفسه فرصة ذهبية ان يكتب اسمه بحروف من نور فى تاريخ مصر ان هو ناصر الثورة فعلا وعملا وليس قولا فقط وقام بحماية البلاد والعباد حتى انتقال السطة بشكل سلمى الى ادارة مدنية لقد اضاعوا تاريخ الجيش المصرى العظيم وقوة علاقته بالشعب من اجل ماذا من اجل رجل كهل ينتظر الموت اما قضاءا او قصاصا فعلا لن ينصر الثورة رجالا خرجوا من رحم عصر مبارك الثورة لن ينصرها الا دماء ابناءها فلتقتلوا ما شاء لكم ان تقتلوا من ابناء الشعب وسينتصر الشعب فى نهاية المطاف وستخرج مصر قوية الى الحرية باذن الله وتذكروا ان شجرة الحرية لا تنمو الا بدماء الشهداء فلتقتلوا عشرة او عشرين مليون ولكن احذروا غضب الحليم اذا غضب

الاخت الكريمة /شيماء نحن بالفعل على اعتاب الفوضى التى بشرنا بها مبارك وسط صمت مريب من المجلس العسكرى ومحاولات امريكية لانشاء نظام مصرى تابع لامريكا يشبه باكستان او افغانستان ومحاولات مستميتة من اركان النظام السابق حتى يكفر الشعب بالثورة ولكن ما العمل وما واجبنا فى هذه المرحلة الدقيقة من تاريخنا ارى ان علينا الاتى:
1-اولا ان نكون صرحاء مع انفسنا ومع الغير فالملاحظ ان الجميع يحاول المزايدة على ما يحدث على الارض يجب ان نفرق بصراحة واضحة بين الثوار الحقيقين وبين بلطجية النظام الذين يشوهون وجه الثورة فالذين يحاولون حرق المؤسسات وتعطيل الحياة ليسوا ثوار وانما هم بلطجية فالواجب مواجهة هؤلاء بحسم وبشدة والايزايد الاعلام والقوى السياسية بوصف هؤلاء ثوار سلميين فالثوار السلميين لم يحرقوا اىمكان فى مصر طوال 18يوم من عمر الثورة او اثناء التظاهرات فى الذكرى الاولى للثورة
2-ضرورة الضغط المستمر على المجلس العسكرى بالتظاهرات السلمية ايام الجمع حتى نشعره باستحالة عدم تسليم السلطة لحكم مدنى
3-ان تتقى القوى السياسية الله فى هذا الوطن ويكونوا على قلب رجل واحد لعبور هذه المرحلة المفصلية فى تاريخ مصر ويجب ان يتخلصوا من اسلوب المزايدة وتغليب المصلحة العامة على المصلحة الحزبية والشخصية وخصوصا الاخوان والسلفيين
وعموما يجب تغليب روح التوحد وعدم الفرقة وبهذا فقط لن ينجح احد فى تنفيذ مخططاته فى مصر فالذئب لايأكل الا الغنم الشارد وعذرا للاطالة