ممكن حد يفهمني اعمل ايه

سلام عليكم
انا عايزة استشارة مش عارفة اعمل ايه ولسة مقررتش
انا قررت اني ان شاء الله هختار أدبي بس مش عارفة اعمل ايه انا مليش اوي في المواد العلمية
بحس نفسي احسن في الادبية وقوة استيعابيه فيها اكبر المهم انا باذن ربنا أدبي
بس مش فاهمة ايه اللي هيحصل اختار تاريخ في تانية ولا ثالثة
بيقولوا ميزة تانية ان الامتحان قبلة 10 ايام
لكن ثالثة ان قومة الاستيعاب هتبقي أكبر
هاكتب الاستمارة يوم الاحد ان شاء الله
ارجوكم فيدوني مش عارفة اعمل ايه واسفة علي الازعاج

الاخت العزيزة مروة
احنا قلنا ايه ؟ اهم شىء نشغل مخنا وتعالى اقول لك مثل بسيط
لو انتى واصداءك او العئلة رحتم مطعم والجرسون قدم لكم قائمة الطعام كل واحد بيختار الاصناف اللى بيحبها مش كده ؟
الغريب انك ممكن تكونى بتموتى فى صنف وحد من اللى معاكى مش بيحب الصنف ده
وانتى طالما عندك حرية الاختيار بدون ضغط من اهلك اللى معاكى فى البيت
انتى بسرعة حطى كل المواد قدامك واختارى الاقرب الى قلبك
احنا عندنا فى مصر عيب فى نظام التعليم بمعنى ان فيه قسم علمى وقسم ادبى
ممكن واحد نفسو يطلع دكتور فبيختار القسم العلمى بس فيه مشكلة ان القسم العلمى فيه بجوار الاحياء او التاريخ الطبيعى كيميا وفيزيا .. دول حلوين للى نفسو يطلع دكتور لكن مع المواد دى مجموعة مواد فى الرياضيات يعنى جبر ومثلثات وهندسة فرغية وميكانيكا وهو ممكن بيكون بيحب الاحياء والكيميا والفيزيا ومش بيحب الرياضيات لكن بيشربهم غصب عنه ولازم يجيب فيهم الدرجات النهائية لأن كلية الطب مشحاتقبل اقل من 99 % مجموع كلى وده طبعا بييجى من الدرجات النهائية فى جميع المواد .. والعكس ممكن واحد عاسز هدسة وبموت فى الرياضيات ,, يحس ان الكيماء والاحياء والفيزيامفروضين علبه غصب عنو .. فى الدول المتقدمة عشان الطالب يطلع دكتور او مهندس عبقرى بتبقى المواد متنسقة بحيث يبقى تركيز على اللى هو بيحبو واللى مش بيحبو بيبقى حاجة كمالة عدد يعنى شوية رياضيات من باب العلم بالشىء
اما مشكلة الادبى واقول لك بصراحة ( طبعا انا ثضيت 30 سنة من عمرى فى وزارة التربية والتعليم يعنى شفت بعينى ماحدش قالى )
99% من اللى بيدخلوا ادبى مش حباً فى الآداب ولكن كرها فى العلوم والواحد % هم اللى بيبقى فعلا ميولهم ادبية يعنى بيقروا او بيكتبوا شعر مثلا
ومن هنا انتى تحددى ميولك ايه زى ما تقعدى فى مطعم ونفسك تاكلى ايه .. ومادة التاريخ دى لذيذة جدا للعلم لو تاخديها بشوية حب وتاخديها على انها قصة مش انها شربة ؟؟
واقول لك على حاجة تانية .. فيه حاجات ببقى صعبة جدا جدا لكن اللى بيحبها اوى بيتفوق فيها
يعنى عندنا فى الموسيقى مثلا .. العود اسهل 100 مرة من الكمنجة .. لكن اللى بيحب الكمنجة اوى اوى بيتفوق فيها لأنو بيحتاج تدريب اكتر من العود 100 مرة واللى بيحبها بيبقى التعب والمجهود على قلبه زى العسل
طبعا انا قلت لك وجهة نظر .. حتى لو ماعجبتكيش فكرى فيها كويس ...
واقول لك حاجة ثانوية فى الموضوع ... انتى مثلا ( مثلا يعنى ) لو فيهمسلسل تركى بتحبيه اوى وتنتظريه كل يوم بشغف .. لو فيه مذاكرة مادة انتى بتحبيها اوى .. حاتسيبى المسلسل وتقعدى تذاكرى المادة دى على اساس ان المسلسل مش حايطير وقدامك الصيف طويل تقدرى تشوفيه ع النت
مش كده ولا ايه ؟ وآسف للإطالة مع اطيب تحياتى

الجدول مش ثابت يا مروه وممكن يحصل فيه تغير من وجهه نظرى تاريخ فى تالته أفضل لأنه تقيل وهيبقى معاه جولوجيا وعلم نفس اوأجتماع على حسب اختيارك فهتبقى كده أسهل ومش هيبقى فيه كمان رياضيات فكده أسهل خالص خالص أنما لو فى تانيه هيبقى الموضوع أصعب شويه لأن معاه رياضيات دى وجهت نظرى بس يعنى استشيرى اكثر من حد ربما حد يكون ليه وجهت نظر تانيه

كلام حضرتك صح يا استاذ عادل
انا فعلا والله دخلاها من غير ضغوط خالص
وياريت والله النظام في مصر يبقي زي بره انا مبحبش الكمياء ولا الفيزياء ياعني افهم وكل حاجة واطبق
لكن مش حابهم
بس انا حاسة انه افضل تاريخ في ثالثة وكمان زي ماشيماء قالت مثلا لو خت
علم نفس وجولوجيا في تانية جمب الرياضة والعربي والانجليزي الدنيا هتمشي شوية
والنتيجة الي حد ما هتبقي احسن من اني اخد تاريخ في تانية جمب كل دا

بصي يامروه كلام الاستاذ عادل منطقي جدا و كلام شيماء و اقعي جدا و كلامي انا انك تسيبك من التعليم خالص و تتجوزي و تقعدي في البيت يعني الي اتعلموا عملوا ايه هههههههه بهزر طبعا انا رأي تاخذي كلام شيماء محمل الجد فهي اقرب واحده مرت بهذه التجربه و شيماء عاقله جدا و بتوزن الامور بالميزان الصحيح و انا اثق في فكرها جدا و الله الموفق

بقي كدا تقولي اعد في البيت واتجوز ماشي للاسف مش هقدر اقول حاجة بس اكيد مش ههون علي حضرتك

والله انا بفكر في كدا برضه ربنا يستر بقي انا خايفة اصلا من الموضوع ومن السنة اللي جاية واللي بعدها
ربنا يستر Neutral

توكلى على الله يا مروه وخدى تاريخ فى تالته واستاذ روثمان اشكرك جدا أنتى أستاذنا كلنا طبعا

اتوكلي علي الله يامروه و الي تخافي منه مبيجيش احسن منه و ربنا يوفقكك باذن الله بس برضه انا عند رأي الجواز احسن فتاريخه معروف ( اسود ) و حساباته ( معقده ) ونتائجه اكيده ( عيال هطلع عنيك ) هههههههه Evil or Very Mad

بصى ياقمر ........... حتشوفى المواد الطويله الاجبارى زى التاريخ والجيلوجيا وغلم النفس او المنطق والفلسفه واوعى تجمعى بينهم الثلاثه وخصوصا التاريخ والجيلوجيا لانهم طوال شويتين بعد كده مفيش مشاكل وربنا ينجحك ويوفقك ولو انى فى النهايه مع رأى استاذ روثمان واوكلى على الله ههههههههه

حاضر هختار بقي وامري الي الله
يارب يا استاذ روثمان يارب نفسي بجد اعدي السنتين دول باي طريقة
بس برضه مش ههون عليك ولا علي طنط عزة صح
وشكرا ليكم بجد واسفة تعبتكم معايا Smile

» اعمل عبيط
» ممكن تقولولي رايكم في الصور بجد
» د. شرف.. ممكن تبوس الواوا؟
» ممكن حد يتواصل معايا
» لما راس قصيده تطير فى وش واحد ما تعرفوش ...ايه ممكن يحصل؟