اخوتى الاحباء
الموضوع اكبر واخطر من كده او من اللى انتم شايفينو او بتتخيلوه مليون مرة
فيه كلمة لازم كل مصرى يكتبها ويلزقها قدامه على الحائط عشان ماينساهاش لحظة ويخلى باله انه ما يساعدش انها تحصل
الكلمة هى : دولة اسرائيل الكبرى من الفرات االى النيل
ودى من اهم اركان الدين اليهودى او عند الصهاينة بالذات
يعنى زى ما انتم عندكم اركان الدين الصوم والصلاة والحج ...
عندهمكل يهودى لازم يساهم فى الموضوع ده بأى طريقة ... ولما تكون مصر قوية بيبقى حلمهم ده بعيد اوى .. بس مش حيتلاشى .. يعنى بيعملوا تحضير لو عند احفادهم مثلا .. لما لما مصر تتكسر الحلم ده بيصحى ويقوى
والحلم ده بيتحقق عن طريق مشروع زى مشروع المستوطنات فى اسرائل .. بس على كبير اوى
طبعا فيه منكم ناس بيعروفا يعنى ايه المستوطنات دى وناس بيسمعوا الكلمة بس ,, واسمحوا لى اشرحها للى ما يعرفش غير اسمها
اليهود اول ما احتلوا فلسطين كانوا اقلية .. اقللية فى العدد واقلية فى الاماكن اللى محتلينها من فلسطين وعشان يزودوا عددهم ويزودوا المساحات اللى محتلينها من فلسطين اخترعوا حكاية المستوطنات .. يعنى بيحتلوا حتة زى عندنا حلوان مثلا ويطردوا منها سكانها .. بعدين يبتدوا يبنوا فيها بيون جميلة وكل بيت بحديقة حلوة وحواليله حتة ارض من اللى سرقوها .. بعدين بروحوا ليهم مندوبين فى اوروبا وامريكا بيدورا على الصايعين والبلطجية والحرامية وممكن مساجين واحد عليه فاضل خمس سنين يقولوا نديك عفو وتروحوا اسرائيل وتاخد بيت وحتة ارض ببلاش وسلاح لو حد من الفلسطينين ضايقك اقتله كانه صرصار يعنى ماحدش حا يكلمك .. وطبعا بالشكل ده زاد عدد سكان اسرائيل .. واوروبا وامريكا على قلبهم زى العسل انهم بيتخلصوا من اليهود العواطلية والبلطجية يعنى اليهود اللى مالهمش لازمة وبيعملوا مشاكل .. لأن فيه يهود مليونيرات وعندهم مصانع ودول حاجة تانية
المهم ان المشروع الصهيونى هو احتلال مصر وفوق لحدنهر الفرات .. ويلموا كل اليهود المشردين فى العالم كله .. والفرات تقريبا بقى جاهز والفضل فوق لتنظيم القاعدة اللى بيعمل كل يوم تفجيرات عشان الدولة ماتقومش .. والمهم مصر .. واحنا فى الوضع الحالى .. تقدر تقول مفيش دولة .. او ان كل واحد عمال كل يوم يدور على طريقة عشان يكسر بيها حتة من الدولة ... يعنى مثلا ايه دخل موضوع النادى المصرى فى ان الالتراس بتاعو عايزين يوقفوا كل المصانع اللى ف بورسعيد ويوقفوا قناة السويس .. عير كل يوم السكك الحديدوالطرق الرئيسية بتتقطع فى كذا مكان ؟؟ واضراب سواقين هيئة النقل العالم عشان زيادة الاجور وهم مش متخيلين ان الاوضاع اللى بتتأخر كل يوم ممكن بعد شهرين الاجور اللى مش عاجباهم دى مش حايلاقوها اصلالما الدولة تلفس ... اسرائيل النهاردة لو قررت تهجم على مصر ؟؟؟ البلطجية المنتشرين فى كل حتة ممكن اسرائيل تضرب مصر من الخارج وهم يضربوا مصر من الداخل .. وفلول النظام فرصتهم لتخريب مصر كلية ..
بإختصار زمان كنا بننتصر عشان الجيش بيبقى على الجبهة والشعب كلو راجل واحد وراه حتى الحرامية كانوا فى الحرب بيبطلوا سرقة
لكن النهاردة فيه ملايين كل واحد منهم بيساهم يسلك الطريق عشان اسرائيل تدخل تلاقى بلد متخربة من كل حاجة
وجرس الاندار بيدق ولا حد هنا .. يعنى اقل حاجة امبارح هيئة الاسعاف قالوا ان عربيات الاسعاف متعطلة مش لاقيين بنزين .. يعنى لو حادثة ولا حالة حرجة ماتطلبوش الاسعاف سيبوا المريض او المصاب ربنا يتولاه ..
والسؤال الغبى : هل فعلا مقدر لإسرائيل او حظها حلو انها تحتل مصر ( ولو احتلتها وهى متخربة كده حاتحتلها الى الابد )
وفيه حاجة تانية تدل على ان اسرائيل حظها كان حلو خلال ال 60 سنة الماضية : انها دولة صغيرة محطوطة زى الشوكة فى وسط الوطن العربى المكون من 16 دولة ومحاوطينها من 3 اتجاهات يعنى زى الساندويتش كان ممكن قلعوها لو اتحدوا فى يوم .. لكن حظها حلو ان حكام ال 16 دولة
عمرهم ما اتحدوا وده اللى بيخل اسرائيل تطمع اكتر ..
والاخطر دلوقتى ان ناس مش بتشوف حال البلد الاول ولكن عمابين يجروا شكل امريكا وعايزن يطردوا السفارة الاسرائيلية .. حادتين ممكن يخلوا اسرائيل تعتبرهم اعلان حرب وهم عليهم الباقى
مع اطيب تحياتى
النوع
موضوع: اصحوا يامصريين 
السبت مارس 24, 2012 11:10 pm
