ليه كده يامصريين

السلام عليكم ورحمة الله وبركاته
اعتذر من البداية اذا كان كلامي قد يزعج البعض
واتمنى من الجميع ان يجعل الله امام عينيه
ويجيب عن هذا السؤال
الا يستحق من كان يحمل اسم رئيس جمهورية مصر العربية لمدة 30 عام
وهو كان ومازال على رأس الجيش المصري وخدم هذا البلد لسنوات طويلة

ان يترك في منزله تحت اقامة جبرية ؟؟

لماذا السجن المؤبد و البهذلة
وهو رجل طاعن في السن ومريض
اقسم بالله اني بكيت عندما رفض ان يدخل سجن طره
ليه كده يا مصريين
الراجل كان عنده عشـــم كبير بشعبه المصري
هو ده الي بيوجع القلب الراجل مش مصدق
انا متأكدة ان مبارك بتاريخة المعروف وشخصيته الاصيلة استحالة يطلب ضرب الشباب المصري في الميدان
صحيح ان هناك اخطاء في حكمه في سنواته الاخيرة ولكنه ليس دموي استحالة يقتل شعبه

صراحة المفروض الي يتحاكم هم قيادات الامن والشرطة والداخلية
بسبب المبالغة في ضرب المتظاهرين
كان الافضل هو وضع الرجل في منزله تحت الاقامة الجبرية وترك ابنائه في السجن لمدة من الزمن
مع العقاب الشديد لجميع القوات الامن او الشرطة الي شاركت وخططت لقتل المصريين
ياجماعة الرسول الكريم عفى عن قريش بكلمة واحدة
من نحن امام الرسول عليه الصلاة والسلام حتى لا نعفو ونغفر

يا استاذة صفية إن من كان يحمل اسم "رئيس جمهورية مصر العربية " لمدة 30 سنة .. صحيح خدم البلد لكنه ايضا استباح و أهان و قتل و عذب و أفقر و استذل

صحيح هو طاعن فى السن .. لكن فى عصره شاخ شباب فى غير آوان شيخوختهم .. من الهم و البطالة و الفقر و الخوف

صحيج رفض أن يدخل سجن طره و بكى و انهار .. لكن أطباء و مستشفى مجهزة كانوا فى استقباله ..فى حين أن فى عهده من كان يبكى لم يكن باستقباله سوى جلسات كهرباء و ركل بالأحذية و ضرب بالهراوات و ضباط و مجندين تخصصهم كان فى السب و التعذيب

صحيح له تاريخ معروف .. لكن لم يكن بعد أن تولى الرئاسة فى خدمة بلده .. صحيح له شخصيه أصيلة .. لكنها كانت أصيلة لغير المصريين

صحيح كانت له أخطاء فى حكمه .. لكنها كانت أخطاء قاتلة لكل فجر يمكن أن يخرج من رحم مصر .. لم تكن مجرد أخطاء و لم تكن مجرد سرقات

صحيح كان المفترض أن تحاكم قيادات الداخلية .. لكنها أساسا كانت تنفذ سياسات مبارك طيلة فترة حكمه

أستاذة صفية ليس ذنب أهالى الشهداء و يس ذنب المصابيين أن قاتلهم شيخ طاعن فى السن .. ليس ذنب مصر أن مبارك لم تستعطفه شيخوخته على زهورها و شبابها و أجمل ما فيها

صحيح رسول الله صلى الله عليه و سلم عفا عن قريش .. لكن فى الإسلام قاعدة "و لكم فى القصاص حياة يا أولى الألباب"
و أبا بكر و هو من هو قال "إن أخطأت فقومونى " و قيل أن عمر رضى الله عنه هو من قالها فرد عليه فرد من المسلمين قائلا "سنقومك بسيوفنا" فبكى الفاروق و حمد الله أن من المسلمين من قال ذلك و من سيعينه على نفسه .. الإسلام عدل كله و خير كله .. و ليس من العدل أبدا أن من قتل و استباح يوضع تحت الإقامة الجبرية و فقط .. ليس من العدل أبدا أن ينكل بمصر طيلة ثلاثون عاما و ينهب خيرها و يخوف أهلها و تستباح دماء مخالفين نظامه الفاشل .. ثم يوضع تحت الإقامة الجبرية

فى كل الأحوال تقبلى يا استاذة صفية كامل ودى و احترامى

حفظ الله مصر و كل بلادنا

أستاذه صفيه الأول حمد الله بالسلامه ويارب دايما معانا

أما بالنسبه لمبارك فبنسبه كبيره جدا هيخرج أفراج صحى

أنما لو هنكلم عن المبدأ نفسه مبدأ الحكم بالمأبد على رئيس جمهوريه سابق فلا بقى معلش يا استاذتنا الراجل ده أهان الشعب الكتير وقتل فى عهده سيد بلال وخالد سعيد وغيرهم وعذب فى السجون العديد من المساجين السياسين فقط لأنهم رفضوا التوريث فى عهد ذلك الرجل يا استاذه صفيه صدر الغاز لأسرائيل بواحد دولار فى حين أن الشعب كان يتقاتل على اسطوانه الغاز فى عهده قتل المصريين بعضهم البعض للحصول على الرغيف العيش وفى الأخر تكتشف انها كانت ازمه مصطنعه فقط لألهاء الشعب عن قضيه التوريث فى عهد اصبح المصريين فى الخارج بلا قيمه وبلا كرامه وأتهانوا بكل الطرق القذره وللأسف فى دول عربيه كمان فى عهده كان المصرى بيمشى فى الشارع يلف حولين نفسه لأنه منتظر ان العسكرى هيقبض عليه فى اى وقت مبارك كره المصريين فى بعض خلى كل واحد يقول يلا نفسى عشان يعيش المصرى الى كان بيشوف اخوه المصرى بينزف فىا لشارع كان بيخاف يخده المستشفى لأحسن البيه الظابط يقول أنتى الى خبطوا الى أن وصلنا الى 25 يناير وقتل المتظاهريين عمدا وبمعرفته .................. عزرا استاذه صفه هذا الحكم أقل بكثير من الحكم العادل

أستاذه صفيه هوا دا رأيك صحيح وانتي حره فيه
بس أنا إستفزني في كلامك اخر فقره
يا أستاذه زي مافيه وإن تعفو وتصفحوا
برده فيه ولكم في القصاص حياه يا أولي الألباب
بلاش والنبي نسوغ لرأينا بمقتطعات من الدين تظهر ر جانب وتخفي جوانب
أقسم بالله لو حضرتك مش هقول مكان أم أحد الشهداء لأ مكان أمي لما كانوا بيستدعوني لأمن الدوله وأنا في الكليه ما كان هيكون دا رأيك !
كفايه أوي الرعب والقلق اللي هيا كانت بتعيشه
دا لو كانيا قتلوني كان يبقي أهون عليها من قلقها
وقوع البلاء هلا إنتظاره
لو أنا هسامح في حقي مش هسامح في حق أمي اللي كانت بتموت من القلق
مش هسامح ودا حقي محدش وقدر يقوللي إنق كدا ظالم
ملحوظه :
أنا ضربت لك مثال بأمي لأن اللي كانت بتعاني منه شي لا يكاد يذكر جنب جرائم كانت بتحصل ، أنا يعتبر ماشفتش حاجه قياسا بغيري
دا أنا كنت متدلع
الوقائع تشيب كها الرؤوس أنا بس ضربت لك مثال بحاجه لا تدكر
أ/صفن ربنا ما يكتب عليكي إنك تجربي الظلم واكعجز عن رده
لو كان لبدأ معاقبه المذنب قاسي مكنش ربنا شرع الحساب لبشر يول القيامه لإن طاعتنا لش بتنفعه ومعصيتنا مش بتضره
لا باك بقي بلن تضرز بذنوب هؤلاء ؟
حاجه كلان العفو صحوح من شيم الكرام لكنه لا يملكه إكا الأقوياء
الضعفاء لا يملكون العفو ، هم مجبين عليه
لما نبقي قادرين ع العفو نبقي نفكر فيه
أطيب المني،،،

أعتذر عن كثره الأخطاء الكتابيه لإن أنا بكتب من ع الموبايل

بكل تأكيد شئ مؤثر ....... و لكن ...

العين بالعين والسن بالسن والبادى اظلم

الأخت العزيزة الرائعة صفية
اولا حمد لله على سلامتك وياريت ماتغيبى علينا كتير
طبعا كلامك بيبين مشاعرك الجميلة المتدفقة ,,, بس المشكلة ان الناس مشحونة ضد حسنى مبارك شحنة وحشة اوى ... ونفسيا يعنى انا لو ممكن تسمحوا لى احلل الموضوع من الناحية النفسية
ان الشعب النهاردة واقصد بالشعب يعنى الناس اللى مش بتشترك فى المظاهرات او اللى بيتكلموا فى الفضائيات .. او الناس اللى ابتدوا يكسبوا من الثورة .. اقصد عامة الشعب اللى قاعدين فى البيوت بينتظروا فرج ربنا متخوفين من المصير المجهول اللى مصر رايحة له
يعنى بعد اكتر من سنة ونص ثورة والامور مازالت كلها متلخبطة والخسائر الفادحة كل يوم بتزيد والمصير المجهول القادم واللى ممكن يكون مخيف كل ده اعتقد انه بيكتر الكراهية لمبارك .. يعنى لو فاكرة ثورة 23 يوليو 1952 ... الناس صحيوا الصبح بدون اى شعور بأنه يوم غير عادى او اى مقدمات سمعوا البيان بتاع الثورة فى الإذاعة .. والدبابات حاصرت القصر الملكى وكل المناطق الحيوية ... وعلى الظهر كانت الامور اتضحت وان فيه ثورة والملك اتخلع والامور اتوضبت واستقرت .. ماحصلش لا شغب ولا قلق ولا رفض ولا تخريب ... يعنى الثورة ( او زى ماسموها انقلاب عسكرى ناجح ) حقق هدفه من اول يوم وتالت الانتصارات للثورة كل يوم .. وابتدأ يظهر كلام كتير عن الملك ( واللى كان محبوب من ناس كتير ) على انو طاغية وطلعوا عليه كل القطط الفاطسة ( ده تعبير مصرى بمعنى كل العيوب ) بس عارفة .. المصريين بمرور الوقت بعد شهريم مثلا كانوا نسيوا الملك وراح مطرح ماراح وربنا يسهل له ... لكن اى شخص لما يكون مضغوط وشايف قدامه شبورة وخطر قائم ولخبطة فى كل حاجة اكيد بيطلع كل كرهه او احاسيسه الوحشة على شخص
يعنى لو كانت الثورة نجحت وابلد اتعدلت بعد شهر مثلا كان اهالى الشهداء استعوضوا ربنا .. لكن لما مبارك خلاص راح طيب الشهداء اللى بعد كده بتوع كذا مذبحة مين اللى قتلهم ... بالطبع كل ده بيتجمع ويتحوش ... بس انا عايز اقول كلمة عايز اكتبها فى موضوع منفصل ان مبارك جانى ومجنى عليه فى نفس الوقت يعنى بنسبة خمسين وخمسين % .. يعنى اول خمس سنين فى عهد مبارك كانوا فى منتهى الجمال بس حصل حاجات خرجته عن المسار
طبعا كل الناس بيشتموا فيه وانا بقول كلمة حق انه كان جانى 50% ومجنى عليه 50% وحاكتب الموضوع بس لما اشوف رد فعل كلامى على الاعضاء ... يعنى انتى عارفة الردود بتبين وقع الكلام ممكن حد يشتمنى او ينتقدنى لأنهم مش طايقين يسمعوا سيرته .. وممكن حد عنده حب استطلاع يعرف انا عايز اقول ايه ... يعنى فى عهد مبارك ال 30 سنة حصلت فى البلد انجازات كبيرة جدا جدا من اهمها مترو الانفاق واللى بيكره مبارك اقول لو ماتركبش المترو واكرم لك تروح من حلوان للمرج مشى ,,, يعنى على الاقل مع كل عيوبه افتكر حسناته .. والمحور والطريق الدائرى
يعنى انتم عارفين لو انت عندك عربية الطريق الدائرى ده بيفر اد ايه وقت ... يعنى انت لو عند المطار وعايز تروح طريق اسكندرية الصحراوى قبل الطريق الدائى ده كنت تقعد اد ايه ؟؟؟ مش اقل من 3 ساعات دلوقتى فى ربع ساعة وحاجات تانية كتير ... يعنى انا كنت مدرس فى وزارة التربية والتعليم فى عهد مبارك جا لنا كادر المدرسين مرتين اول مرة مرتبات المدرسين زادت 50 % وتانى مرة زادت 150% .. يعنى المجموع 200% يعنى مبلغ لو بالزيادة العادية بتاعة 10% كل سنة كانت تحصل فى عشر سنين ... مشكلة مبارك كانت تكمن اولا فى سوزان مبارك وجشعها وثانيا انها تدخلت فى كل شىء يعنى خلت حواليه افسد حاشية فى مصر ... بس عشان برضو ارضى ضميرى مش كل الحاشية كانت زفت يعنى كان فيهم ناس كويسين لأن مش معقول مصر ام الدنيا حايبقى كل ولادها وحشين ... يعنى انت لو استعرضت كل الاسماء اللى كانت مع مبارك خلال ال 30 سنة حتلاقى شرفاء كتير اوى ... بس المشكلة ان الشرفاء كان صوتهم واطى ...
مع اطيب تحياتى

أ/عادل
إسمح لي أختلف مع حضرتك جمله وتفصيلا
كل واحد له وجه نظر وهو حر فيها
أنا شايف إن مبارك ملوش أي إنجازات
أنا شايف إن هوا ممكن في جزء من تاريخه كان بيقوم بدوره كحاكم بشكل جيد وبناء عليه حصلت شويه حاجات كويسه في عهده زي اللي حضرتك ذكرتها ، حضرتك شايفها إنجازات أنا شايفها نتيجه طبيعيه ومنطقيه لأداء جيد لأي حاكم ، دا الطبيعي يعني ، أما الإنجازات فهي أشياء غير طبيعيه
من ناحيه أخري لو فرضنا إن دي إنجازات ، أنا لما أجي أحكم علي شخص ببص لحسناته ومساوئه فأيها غلب كان الشخص نسبا لها
فلو دي إنجازات فمساوئ الرجل أضعافها مش 50% (وجه نظري برضه )
علي الهامش بقي حضرتك ضربت مثال بزياده مرتب حضرتك 200%
عاوز أقول لحضرتك كل دول العالم لازم بتزيد فيها قيمه المرتبات نظرا لوجود التضخم ، مرتبك زاد 200% طب القوه الشرائيه للجنيه قلت بنسبه كام ؟
نسبه التضخم كام ؟
أطيب المني ،،،

الأخ العزيز محمد عبد الكريم
اشكرك على ردك بس احب اقول لك حاجة انا مش من جماعة آسفين يا ريس
وعارف طبعا مساوىء حكم مبارك ما له وماعليه
بس الموضوع بالذات اللى طرحته الاخت الفاضلة صفية بتاع اللحظة الراهنة يعنى الراجل فى غيبوبة مستمرة ومتبهدل صحيا .. وخلاص مش حايكمل يعنى ... يعنى عايزين ايه اكتر منو اتحكم عليه بالسجن المؤبد ؟؟؟
وبعدين فيه حاجة الحساب كله عند ربنا فوق يعنى اكيد الحساب هناك غير حساب الارض خالص يعنى مش بيتحاسب على الافعلا المباشرة فقط ولكن على النيات كمان وعلى حاجة اخطر ما بتتعملش هنا على الارض ... من اهم قيود الحساب عند ربنا التوابع بتاعة الاعمال ... يعنى على الارض مجرم بيرتكب جريما ما .. القانون بيحاسبه على الجريمة حسب نص القانون ... لكن ممكن الجريمة دى يكون ليها توابع يعنى تكون حربت كام بيت او دمرت حياة كذا انسان ... حساب فوق بيبقى على الجريمة وكل توابعها
انا بحترم حاجة فى مبارك صغيرة انو ماهربش زى زين العابدين بن على وكان زمانه دلوقتى فى السعودية هو واولاده وبيضحكوا علينا وبيتمتعوا بفلوسنا اللى نهبوها
انا بس بتضايق من مشاعر الناس ادموية اللى نفسهم يمسكوه فى ميدان التحرير ويدبحوه ويمثلوا بجثته لن اخلاقنا مش كده
انا نفسى مانتكلمش عن حسنى مبارك لأن الخبر الوحيد القريب جدا يمكن بكرا يمكن بعده : وفاة الرئيس السابق حسنى مبارك
ويكفى اكتر إذلال له سحب الرتبة العسكرية والنياشين منه يعنى مافيش اذلال لواحد عسكرى اكتر من كده
ويكفى انه دخل مزبلة التاريخ يعنى فاكر لما كانت كنت فى المدارس قريت ايه عن امجاد العظماء فى التاريخ لحد جمال عبد الناصر تخيل حايكتبوا ايه عن مبارك فى كتب التاريخ ولازم يكتبوا كلام زى الزفت
دلوقتى احنا لو بنفكر صح نمسك الحرامية الاصليين علاء وجمال وباقى العصابة انا لويسيبونى عليهم انا عادل صموئيل الغلبان لأجيب فلوس مصر اللى اتنهبت كلها على داير المليم والله العظيم انا بتكلم بجد
انا اقدر اخليهم يرجعوا فلوس مصر على داير المليم ... لأن مع الاسف كل اللى بيتكلموا ماحدش قال الحل اللى فى دماغى وهو للعلم حل مؤكد 100%
مع اطيب تحياتى

أنا قلت لحضرتك يا أ/ عادل إن دي وجهات نظر
بس هقول لحضرتك علي حاجه ، أنا دمي إتحرق لما قريت رد حضرتك !!!
عندي رد شافي علي كل حرف حضرتك كتبته بس مش هرد غير بجمله واحده بس :
ميصعبش عليك غالي يا أ/ عادل !

» اصحوا يامصريين
» عاوزين حسنى اتعلموا الاصاله يامصريين