أحيانا الأزمه تصنع ضحكه

احبائى
زمان يوسف وهبى قال كلمة مشهورة : ما الدنيا إلا مسرح كبير

وانا اقول : دلوقتى اصبحت سيرك كبير ( اوى )
مع اطيب تحياتى

شكرا أستاذ عادل

ههههههههههههههههههههههههه هموت من الضحك

أحيانا الأزمه تصنع ضحكه - صفحة 3 557831_435635236470944_427498167_n

يا احبائى
فيه كلمة بجد عايز اقولها للى ممكن يثقوا فى كلامى
انا عشت معظم عمرى مع الفنانين العمالقة الكبار بتوع زمن الفن الجميل وبالطبع واحد بيشتغل فى الفن فى ارقى مستوى اكيد بيبقى لو معارف كتير واصحاب كتير من كبار الصحفيين والاعلاميين
المشكلة انتم شايفين صورة ممكن ماتعجبكمش بس هى دى الحقيقة
يعنى بتحسوا انهم بيتلونوا
المشكلة ان الاعلامى لو معارض لشيماء خفاجة ( معلش استلف اسمك عشان انتى بنتى واقدر عليكى )
لو يوم الاربعاء طلع فيكى كل العبر وكل القطط الفاطسة لو يوم الخميس انتى بقيتى رئيسة الجمهورية
لو مناخيرك كانت مش عاجباه اول حاجة يقول احلى حاجة فيكى مناخيرك .. اما كده واما يستقيل ويقعد فى البيت او يسرح بعربية بطاطا
اما 10 % من الصحفيين والاعلاميين اللى بياخدوا موقف يعنى مايغيرش موقفه طول عمره .. دول بيكتبوا او بيتكلموا بس بيقضوا معظم حياتهم اما فى السجون او يتمنعوا من الكتابة او الظهور على الشاشات
وشغلة الصحافة والاعلام دى الفرق بينها وبين اى شغلة تانية ايه ؟ لو انت دكتور وعندك عيادة امراض نسا مثلا ... مين كان الرئيس او الحزب الحاكم مش حاتفرق معاك .. لكن مشكلة دول انهم لازم يبقى لهم موقف محدد عشان ياكلوا عيش اما مع او ضد مفيش بين البينين
وبعدين اقول لكم حاجة بس خليها سر بينى وبينكم ... فيه اعلاميين كانوا بيموتوا فى مبارك .. دول كان الطبيعى انهم بعد الثورة يعتبروا من الفلول اللى انتم مش طايقين سيرتهم يعنى بتقولوا اعوذ بالله اول ما نقول الف ...... قبل ما اقول ال لول ... وبعد الثورة ركبوا الموجة ورجعوا فوق زى ماكانوا
اكيد دلوقتى لازم برضه يبقوا فوق .. اصل فوق ده دافى فى الشتا ... وربيع فى عز الحر
اما المطربين كل مطرب كبير بيجى لو اوامر من فوق غنى كذا .... يعنى مثلا ام كلثوم وعبد الوهاب كان لازم يغنوا بالأمر للملك فاروق وإلا كنا مش حا يبقى فيه ام كلثوم وعبد الوهااب دلوقتى .. وبعد الثورة كان لازم يغنوا للثورة .. الحاجة الاخطر لو رجال الثورة عايزين يقولوا للشعب حاجة كانوا بيفضلوا يجيبوا مؤلفين الاغانى يكتبوا اللى هم عايزين يوصلوه ويخلوا عبد الحليم وام كلثوم يغنوه لأن الغنا بيوصل اكتر من القرارات والخطب مليون مرة .... وغنوا احلى اغانى لعبد الناصر ,,, ولما جه السادات حصلت حركة ان اللى معاه منعوا كل اغنية او نشيد فيهم اسم عبد الناصر
وكانت خسارة رهيبة للفن ساعتها لأن الاعمال دى كانت تحف فنية لاتقدر بقيمة ... ومع ذلك غنوا للسادات ... ولما جه مبارك رجعوا اغانى عبد الناصر تانى وغنوا برضو لمبارك .. ولو الاخوة السلفيين الاعزاء ما اصروش على الغاء الفن والكورة .. حاتطلع اناشيد تمجد مرسى
مع اطيب تحياتى

جميل اوي ياشوشو تسلمي وخصوصا بتاعت صابرين
اتفرجت علي جزء من الحلقة وكلوا طالع يقول احمد شفيق والمجلس العسكري ومعظمهم بيقولوا كلام
ياعني مصطفي كامل طلع مع مصطفي بكري بيعيط علشان مش عارف يودي الولاد النادي
ههههههههههههه متعرفوش مش في مليونية بكرة الساعة 6 عند قبر الرئيس السادات يدعو لها عكاشة
لحل مجلس الشوري وتايد احمد شفيق وتايد الاعلان الدستوري المكمل

............................................................

كلام حضرتك يا استاذ عادل كله علي دماغي بس عندي اعتراض علي اخر جزء
الغاء الفن والكورة مين قال ان الفن هيتلغي في حريات بس برضه في حدود
صحيح بعض السلفين متشددين بس مش لدرجة الغاء الفن ما السلفين بيعملوا اغاني وبتبقي حلوة
بس المشكلة في الموسيقي ماعدا الدوف وبالنسبة للكورة "الرسول صلي الله عليه وسلم قال
روحوا عن انفسكم ساعة بعد ساعة" ياعني برضه مينفعش تبيقي كل حياتنا كورة لا في وقت شغل وقت كورة
الدنيا مش متشددة اوي كدا زي ما حضرتك شايف

تصدق أنت طيب أوي ياريس

هما صحيح مش سياسة بس عجبوني
أحيانا الأزمه تصنع ضحكه - صفحة 3 Scaled.php?server=690&filename=13430859775640

أحيانا الأزمه تصنع ضحكه - صفحة 3 Scaled.php?server=690&filename=31536135106330163770721

العزيزة مروة
انا يشكرك على الابتسامات الجميلة اللى بتقدميها لنا واللى بنحتاجها الايام دى

ليه تعليق على البحر بيضحك ونا نازلة اتدلع املا القلل
عندنا فى مصر النهر بيبقى اسمو باللغة الدارجة البحر
يعنى احنا فى بلدنا فيه بحر اسمو بحر يوسف او لبحر اليوسفى وهو نهر بس بنسميه بحر
وعادة البحر لما واحدة حلوة نازلة تدلع تملا القلل البحر بيتبسط وبيضحك ولو واحدة وحشة بيبقى نفسو يقول لها روحى املى من الترعة
والقلل دى كانت زمان حاجة جميلة اوى يعنى المية بتاعتها احلى من مية التلاجة 100 مرة
وكانت امهاتنا تحط القلل فى صينية على الشباك عشان الهوا يسقع القلل والصينية بيبقى فيها شوية مية دايما بيحطوا فيها ليمون تلاقى الليمون كان بيعيش وقت طويل طازه ومش بينشف

سيد درويشكان زمان عامل اغنية اسمها
مليحة اوى القلل القناوى ... جميلة اوى القلل القناوى قرب وخد لك قلتين وطبعا عشان التطور والتحديث انا خليتها
مليحة اوى تلاجة كريازى ... جميلة اوى تلاجة كريازى ... قرب وخد لك تلاجتين
واشمعنى تلاجة كريازى ؟؟؟؟ اصلى لسه مشترى تلاجة كريازى جديدة نو فروست بس بعد ما وصلت البيت اكتشفت انهم حرامية وعايز انزل اتخانق معاهم
انا لما جيت اشترى التلاجة شفت الكتالوج ... بصراحة اللى عجبنى الكتالوج مش التلاجة نفسها
لن الكتالوج متصور التلاجة ومحطوط فيها ديك رومى محمر ومليانة جبن ومشروبات وفواكه وحاجة تفتح النفس
تصوروا التلاجة تيجى البيت افتحها الاقيها فاضية ؟؟؟ بالزمة مش حرامية ؟؟؟ وحيروحوا جهنم وبئس المصير
وحانزل لهم بالذوق الاول ولو الذوق مانفعش معاهم مايجوش غير بالعين الحمرا
حانزل شارع الشواربى واشترى حزام ناسف مستورد اصلهم حايبقوا الموضة الموسم الجاى وافجر نفسى فيهم
وكل ماحد يضايقنى حاروح نازل شارع الشواربى واشترى حزام ناسف جديد وكل مرة حشترى حزام لونه مختلف ادلع نفسى يعنى عشان يمشى مع لون القميص

[img]

أحيانا الأزمه تصنع ضحكه - صفحة 3 624563588

[/img]
[img] أحيانا الأزمه تصنع ضحكه - صفحة 3 228711563

[/img]

صح يا عمو كلامك ياعني مثلا في المنطقة بتاعتنا النيل قريب وكدا بس مطلق عليه البحر
معرفش ليه

ههههههههههههههههههههه
عسل جامدين والنعمة يازوزو وخصوصا الاولي

اه ما انا ضحتك لما شوفتها بردوه

وعلى فكرة
برضو ممكن الواحدة تنزل تدلع تملا القلل من البحر المالح بتاع اسكندرية بس مش عشان الشرب

ممكن تكون عايزة تعمل مخلل بس خايبة مش لسه حاتجيب مية وتحط فيها ملح وتظبط الملح ببيضة عشان الملح يطلع مظبوط
يعنى تجيب المية من البحر وتحط فيها الخيار مباشرة
وبس يعنى لو تبعت لبى شوية خيار مخلل اكون ممنون جدا
وكمان الزيتون المخلل بموت فيه

هههههههههههههه
خلاص ماما تعمله وابعت طبق من دا وطبق من دا بس كدا

اشكرك يا مروة وتسلم ايدك وتسلم ايد ماما
وبالمرة لو طبق لفت طبعا يبقى ايه .......

ولو رحت برنامج من سيربح المليون لجورج قرداحى وسألنى سؤال فى المخلل ماعرفتوش وحبيت اتصل بصديق ممكن اتصل بيكم ؟

ورمضان كريم

وفيه سؤال هو غبى شوية بس نفسى اسأل وعلى المخلل برضو عشان مانخرجش عن الموضوع
بلاحظ ان كل محلات البقالة بتحط بره المحل فى الشارع كميات رهيبة من جميع انواع المخللات والسؤال مش ده يخلى الواحد يعطش اوى اكتر وهو صايم بالذات فى الحر الشديد ده ؟
يعنى انا اعرف ان احبائى المسلمين بيتسحروا فول عشان الفول بيعيش شوية فى المعدة وزبادى عشان الزبادى بيعمل عملية ترطيب مع الفول
طب الطرشى ده ايه ؟

مع اطيب تحياتى

ههههههههه ده بقي علشان لازم نعمل بيه مزاج هههههههههه اما الفول علشان يعيش زي ما حضرتك قولت والزبادي بيطري الشعب المصري طول عمره صاحب الغرائب حتي في رمضان بيأكل المخلل علشان يعرف العالم كله انه ادها وادوو يعني أنا أعرف اخ كريم بيتسحر مخلل وجبنه قديمة مع دون ذكر أسماء ههههههههه أكيد أتفهمت ههههههه[/b ] [b]ربنا معاه

بس كدا ياعمو وفي كمان ليمون وفلفل من ايد تيتا ربنا يديها الصحة يارب
ملوش حل اصلا مدقتدش زيه في حياتي

هو فعلا المخلل بيعطش بس عادي ياعني مبتفرقش معانا والله ههههههههههههه

بيقولك ايه
أحيانا الأزمه تصنع ضحكه - صفحة 3 Scaled.php?server=194&filename=47992916884454657365327

هههههههههههههههههههه
حصلت معايا قبل كدا وانا صغيرة دخلت غسلتها وحسيت انه مش ريحة المعجون
وبعدين اكتشفت الحقيقة المرة انه معجون حلاقة

ههههههههههههه حصل خيريامروة حطيتي خمس خمسات بعدها Very Happy

هههههههههههههههههه
ايه خمس خمسات دا ؟؟؟؟؟؟؟؟

ازمة الكهرباء

أحيانا الأزمه تصنع ضحكه - صفحة 3 13441920102

[URL="http://www.qzal.net"][/URL]

أحيانا الأزمه تصنع ضحكه - صفحة 3 13441920101

[URL="http://www.qzal.net"][/URL]

العزيزة مروة والاخوة الاعزاء

طبعا شدنى اوى كلامك عن املخلل اللى يجنن اللى بتعمله تيتا ربنا يديها الصحة وطول العمر ونفسى اقول لك كلمة حاتدعى لى كتير اوى اوى بعدين
انا نفسى تروحى لتيتا وتخليها تعلمك ازاى بتعمل المخلل ده وهو حاجة سهلة جدا مش محتاجة تعب لن اهم واخطر حاجة فى المخلل البيتى انو صحى
يعنى المخلل اللى بيتباع فى المحلات ده ايش عرفك هو صحى ولا لأ يعنى احيانا بيكون خطر جدا جدا على الصحة
يعنى مثلا اقول لكم على حاجة انتم عارفين الخل اللى بنستعمله فى البيت ؟ بس لما تشتريه من انتاج شركة محترمة
الخل ده يا احيائى اصلا بيكون مركز اوى اوى واسمه حامض الخليك وده حاجة زى مية النار وبيتم تخفيفه اوى بنسبه محسوبة دوليا بحيث ان الخل اللى بنستعمله فى البيت ببيقى مثلا تركيز واحد %
الخطورة ان مصانه المخلل بيعملوا حاجة خطيرة عشان المخللات تستوى بسرعة بيحطوها فى الحامض ده على طول عشان تتهرى فى ثوانى بعدين بيغسلوها كتير هو الحامض بيتغسل من بره لكن اكيد جوا الحاجة مش حايتغسل كما ينبغى ... ومن اهم الامثلة على كده عربيات المخلل اللى بتشوفها فى الشوارع فى الاحياء الشعبية مجرد انك بتشمو مناخيرك بيحصل لها تشنج امال اللى بياكلو يحصل لو ايه ؟؟؟
ويا ريت تخلى تيتة تعلمك كام وصفة اكل حلوة من بتوع زمان اللى بينقرضوا لوقتى فى عصر التكنولوجيا والدليفرى
اما عن استرار انقطاع الكهربا وهى للعلم مقصودة يعنى لها اسباب مش عايز اقولها .. يعنى محطات الكهربا بتشتغل بالسولار ... والسولار فين ؟ بيدوه هدية للحبايب والشعب المصرى يولع .. وجه واحد عبقرى قال طيب ماتيجو نشغل المحطات بالمازوت قامت المحطات بعضها عطل طبعا
بشوف اعلانات التليفزيون واشوف يقول لك احدث غسالة تكنولوحيا وتكييف احدث تكنولوجيا وكلو كلو احدث تكنولوجيا طيب فين الكهربا اللى حانشغل بيها احدث تكنولوجيا ... يعنى المفروض انهم دلوقتى يعملوا اعلانات عن كلوبات بتاعة زمان او اللمبة الصاروخ ... او يعملوا خشب نولعو ونقعد حواليه بالليل زى زمان مااحنا بنرجع لورا
اما عن اللى استعمل مهجون الحلاقة بدل معجون الاسنان فى الضلمة
احكى لكم عن واحد انا عارفه عندو كلب بس كلب محترم كلب بيه يعنى
بيشترى للكلب علبة بولوبيف الكلاب ب 45 جنيه عملنا بأن بولوبيف البنى آدمين ب 15 جنيه
خو فى المطبخ حاطط علبة بولوبيف الكلب على الشمال وبولوبيف البنى آدمين على اليمين
وانقطع النور ..... وابتدت الضلمة .... ودخل المطبغ واخد عيش وطبعا فى الضلمة ماعرفش يمينه من شماله
اخد شوية بولوبيف وقال ايه الجمال ده ... البولوبيف احلو كده ليه ؟؟؟ واكل سندويتش تانى وهو بيعمل السندويتش التالت الكهربا رجعت
اكتشف انو كان بياكل من بولوبيف الكلب ..... ومن ساعتها بياكل بولوبيف الككلب عجبو اوى
ومن الناحية العملية بولوبيف البنى آدمين بيستوردوه ناس ماعندهمش ضمير يعنى ممكن يكون فاسد او منتهى تاريخ الصلاحية وبيلزقوا عليه تاريخ جديد لأن بيقولوا الشعب المصرى معدته تهضم الزلط
اما بولوبيف الكبلا ده بييجى من المانيا او سويسرا والكلاب دى عندهم حاجة غالية اوى يعنى بيخافوا على صحتهم اكتر مما الحكومة عندنا بتخاف على صحة البنى آدمين ... لذلك تلاقى الحاجة الوحيدة السليمة اللى فى مصر دلوقتى هى اكل الكلاب والقطط ... شفتم آخرتها ؟؟؟

هههههههههههههههههههههههههه

وكمان ياعمو مش مضمون النظافة
هههههههههههههه بس حلوة موضوع البولبويف دا

» المسخرة تصنع الميسرة ؟