بناتى العزيزات كلكم
ماتتخانقوش كل واحد حياخد دوره
يعنى ممكن نعمل تنظيم يعنى مثلا الطويل قدام والقصير ورا او العكس او نعمل كلو بامية
بس بجد الذ حاجة فى المنتدى ده لما بتتخانقوا بيبقى دمكم بجد زى العسل .. والجميع اكيد بيبتسم يعنى ابسامة حلوة مطبوبة اوى وسط الاحداث اللى بنعيشها
اما العزيزة مروة 30 سنة مش كتير يعنى كل ما اللى يسمع كلامك ويقرا مواضيعك ويديكى سن اكبر ده يبقى تاج فوق راسك
اما عن شم النسيم والفرق بينه وبين العيد الدينى .. ان العيد الدينى بيبقى لو مناسبة دينية يعنى مثلا عيد الاضحى المبارك .. له طقوس وهى الخروف والفتة والبمب والذى منه ... لكن الموضوع مش كده .. ولكن الرجوع الى القصة .. يعنى ايه الموضوع اللى حصل بين مين ومين وحصل ايه ونتعلم من القصة ايه والعبرة منها ونكسب دينيا ايه من تعلم الموضوع
لكن شم النسيم ده موضوع تانى .. يعنى من ايام قدماء المصريين كان اسمه عيد الربيع يعنى بتتفتح كل الزهور والطبيعة تبقى اجمل ما يكون والناس كلها على اختلاف عقائدها بتخرج تتفسح وتنبسط فى اليوم ده .. وطالما مش بيعملوا حاجة تغضب ربنا او بيسببوا اذى لحد ماحدش يقدر يقول عليهم حاجة ,, لكن زى ماقلنا فيه ناس متطرفين بيحبوا انهم يدخلوا كل حاجة فى الدين مش عشان هداية الناس ولكن عشان يقرفوا الناس , والاول يولا ع الحاجة بدعة وبعدين البدعة تكبر وتبقى حرام واآخر تبصى تلاقى انهم بيحرموا الناس من خمسين حاجة الدين ماحرمهمش اصلا .. يعنى ربنا لما خلق الانسان وانعم عليه بالحواس عشان يتمتع بالدنيا وخلق لو الدنيا اجمل ماتكون عشان يتمتع بيها .. يعنى تخيلى لما واحد يقول لك الخمور حرام ماشى لكن لما يقول شم النسيم حرام طب ازاى يعنى ؟
اما عن عيد الام .. انتى اكيد بتكرمى امك كل يوم يعنى تقولى لى كلمة حلوة تساعديها فى شغل البيت .. لكن يوم عيد الام ده مش بدعة ولكن يوم فى السنة بتفضى نفسك عشان تحتفلى بأمك وتجيبى لها هدية ,, يعنى ايه اللى خلاه بدعة ؟؟؟
يعنى مثلا انتى يوم عيد ميلادك بالنسبة ليكى بيساوى ايه ؟؟ لما اصدقاءك بيعاملوكى ان اليوم ده بتاعك ويجيبوا لك هدايا ويعملوا لك حفلة وتورتة والشمع .. المتطرفين بيقولوا عيد الميلاد ده بدعة يعنى فى السعودية مفيش اعياد ميلاد .. طيب نفسى افهم حرام ليه
شوية حاجات بيشغلوا الناس بيها وهدفهم انهم يضايقوهم ويخنقوهم على الفاضى
يعنى لما تشوفى اوروبا والدول المتقدمة .. تلاقيهم بيشتغلوا بمنتهى الذمة لكن بعد الشغل لازم المخ اللى تعب فى الشغل ده يستريح ويتروق
يعنى عندهم حاجة اسمها الويك اند بتبقى يومين لازم يتفسحوا فيهم ويخرجوا للطبيعة عان اول الاسلوع التالى يبقوا منتعشين
واهم حاجة عندهم تلاقى يمكن كل اسبوع عيد ولما تشوفى الاعياد دى ممكن تضحكى .. يعنى مثلا عيد اسمه عيد الكلاب
يعنى كل واحد عنده كلب يحميه يالشامبو ويعمل لو شعره فورمة تسريحة حلوة يعنى ويحط لو فيونكة ويتقابلوا كلهم فى حديقة عامة تبقى زى العمرض وكل واحد فرحان بكلبه .. والكلاب تلعب مع بعض وببيقى طبعا لأصحاب الكلاب يعنى مأكولات ومشويات وآيس كريم ناس بتحب تعيش حياتها مش بتحب تنكد على نفسها
مثلا عيد اسمهعيد التورتة ... تتلم كل ستات البلد وكل واحدة تعمل كيكة طويلة بعدين يحطوا كل الكيك جنب بعض ويزوقوه يبقى تورتة طولها مثلا واحد كيلو متر وسصوروها وكل بلد تعمل واحدة ويشوفوا مين اطول تورت والبلد تاخد جايزة وحاجات زى كده كتير ,, يعنى فى الشتا فى عز التلج بيعملوا تماثيل من التلج ... والاحتفالات دى زى ماقلت بتعمل متعة وسعادة وده بينعكس على الشغل يعنى الانسان لما بيبقى سعيد بيشتغل اكتر والآخر تشوفى التقدم اد ايه واحنا هنا مش عارفين نحل مشكلة الزبالة او المجارى
ييجى واحد يقول لك الصور فى البيت حرام .. يعنى انتى لو عدك صورة لمنظر طبيعى مثلا المنظر ده مين اللى خلقه ربنا ولا الشيطان ؟
والصورة بتعمل للأوضة بهجة يعنى لو حديقة تديكى الاحساس انك عايشة فى فيللا او على البحر نفسى افهم ايه حرام فى كده
اما الموضوع الاهم ... الزملاء او الناس اللى بتحكم ع الانسان انه مغرور ... فيه مثل بيقول : الطيور على اشكالها تقع
بمعنى المقفين بيحبوا يعقعدوا كتير مع المثقفين والهايفين بيحبوا يقعدوا مع الهايفين ... لأن اى حد لو غير نوعيته حايتخنق
بس مشكلة الهايفين انهم بيكونا اغبياء .. يعنى مش عارفين انتى مش بتحبى تقعدى معاهم ليه ... يعنى بيقولوا كلام فارغ وانتى حاتحسى بقرف ... وبعدين الانسان الناضج ممكن يكون عندو معارف كتير لكن الاصدقاء المقربين يستحسن انهم يكونا محدودين اوى .. يعنى انتى عندك فى الفصل مثلا 30 ينت .. كلهم صباح الخير صباح النور لكن المقربين اوى 2 او 3 بالكتير .. ودول انتى بتختاريهم بناء على حاجات كتير .. يعنى نفس الميول نفس الهوايات ممكن نفس درجة الشطارة , يعنى انتى وانا بكلمك ( والكلام للكل ) لو تحسى انك تحبى نبقى اصدقاء هنا فى المنتدى بناء على ان كلامى بيعجبك ويفيدك طبعا انا اتشرف بيكى وللعلم لو فى الحياة العامة انتى وشيماء وبنت العرب ساكنين قريب من بعض اكيد كنتم تبقوا اصدقاء اوى اوى لأن ميولكم متقاربة بس ممكن تعملوا عصابة وربنا يستر
يعنى ولا يهمك انتى اللى صح
مع اطيب تحياتى
النوع
موضوع: رد: الاحساس نعمة فهل انعم الله عليك بهذة الصفة ؟ 
الإثنين أبريل 16, 2012 9:08 pm
