ماذا تتوقع ؟؟؟؟ وما تعقيبك!!!!

بعد اعلان اللجنه العليا للأنتخابات تاجيل الاعلان عن نتيجه جوله الاعاده من انتخابات الرئاسه المصريه بين كلا من الدكتور محمد مرسى والفريق احمد شفيق ...... ماذا تتوقع عند أعلان النتيجه ؟؟؟
هل فوز الدكتور محمد مرسى أم فوز الفريق أحمد شفيق ام ألغاء النتيجه كامله ..؟؟

وما تعقيبك على هذه الصور ... الجيش الثانى الميدانى ينتشر فى الشوارع بأكملها وأستدعاء الأحتياطى وزياده عدد القوى الموجوده فى الشارع ألى الضعف خاصه فى القاهره والأسكندريه..وانتشار موسع بالطريق الزراعى ... وأنتشار مكثف بطريق المحور والعربات تحمل "الجيش والشعب أيد واحده"

ماذا تتوقع ؟؟؟؟ وما تعقيبك!!!! 598470_477996248880884_1730991832_n

ماذا تتوقع ؟؟؟؟ وما تعقيبك!!!! 550454_319596004793085_1334872358_n

اعتقد لو الاخوان ما وافقوش على الاعلان الدستورى المكمل و فى الغالب ده اللى هيحصل يبقى هيعلنوا شفيق فائز و ساعتها يبقى ربنا يستر ع البلد

استاذة فرحة هما الاخوان بس اللي رافضين الاعلان الدستوري دي مصر كلها رفضاه
ممكن عدد قليل جدا هو اللي معاه بحجة الاستقرار و .......و..........و
..............................
اعتقد ان الاخوان اصح في موضوع النتايج ولو في صناديق اتشالت فا هيبقي الطرفين خسرنين
بس يارب ميجبوش اللي مرسي اعلي فيهم ويشلوها ربنا يستر
وكمان قضاه من اجل مصر اعلنت اكيد مش هتبقي مع الاخوان وقناة الحياة اللي كانت بتجيب
من اللجنة العامة علشان كانت متأخرة فا اعتقد ان شاء الله مرسي هو الرئيس
مع بعض الاختلاف البسيط في الارقام وربنا يستر من المجلس العسكري

تمااااام كلامك يا مروة

ما اختلفناش و الله

بس معنى كلامى ان فى الغالب المجلس العسكرى لو هيتفاوض بخصوص الاعلان المكمل هيتفاوض مع الاخوان مش مع مصر كلها .. و الاخوان جربوا يتفقوا مع المجلس العسكرى قبل كده و خسروا فمش هيكرروها تانى غير ان الاعلان المكمل ما لوش معنى غير ان مرسى يبقى مجرد ديكور

للاسف هى مسرحية بس الشعب خلاص فهم و طهق ... تأجيل نتايج الانتخابات معناه ان فى نية للتزوير .. تبقى مصيبة لو اعلنوا شفيق فائز لأن النتايج واضحة و زى ما قلتى مش الاخوان بس اللى اعلنوها لا جهات مستقلة و اهمها قضاة من اجل مصر

ربنا يستر و يكتب الخير لمصر

أشكرك يا شيماء انتى و مروة .. و يا رب اللى جاى يبقى احسن

اها تمام
حتي تقريبا محمد البلتاجي قال لو في تفاوضات مع الاخوان
التفاوضات دي تبقي علي الهوا علشان الشعب يعرف كل حاجة
ربنا يستر وشكرا لحضرتك Smile

اساسا اكتر حاجة بتعجبنى فى الاخوان ان عندهم ارادة رهيبة نفسى بس يبقى ده فى صالح مصر على طول و على أساس أخلاق الإسلام فعلا

اتفضلوا .. محاضر الفرز الاصلية بيخزقوا بيها عنين اى حد لسه عنده نية للتزوير

https://www.youtube.com/watch?v=o2Pc8lCZJxQ

" تحليل شخصى "

على مدار اليومين السابقين كان هناك جس نبض للشارع بتسريب بعض الأخبار التى

تفيد أن شفيق هو الرئيس وأنه هو المتقدم [ودا شغل مخــــــــــــــــــــابرات بإمتياز]

إذا ما وُجد أن الشارع رافض لهذا ، وكل المؤشــــــــرات تفيد بهذا ، فيكون البديل فى

المفاوضات السريه بين العسكر والإخوان على قبول الإعــــــلان الدستورى فى مقابل

مرسى رئيس وأعتقد ان العسكر من الممكن أن يكـــــــــــــونوا من المرونه بمكان بأن

يوافقوا على عمل إستفتاء على شرعيه مجلس الشعب بالإضــــــــافه إلى مرسى رئيس

الحته الأخيرة دى لسه مفيش إعلان عنها ، بس لو حصلت أعتقد الإخــــــوان هيوافقوا !

والنتيجـــــه :

الإخوان = رئيس منقوص الصلاحيات + حكومه + مجلس شعب

العسكر = خروج آمن + وضع خاص للقوات المسلحه(منهم فيهم محدش له دعوه) +

دستور يضمن لهم الوضع الخاص

القراءه السطحيه للى بيحصل دلوقتى تقول إن دا تجهيز لإعـــلان شفيق رئيس ، بس أنا تقديرى

إنهم مش بالغباء ده ، لإن الدنيا هتولع ضدهم وبمطلب واحد هو رحيلهم غير مأسوف عليهم !!!

ملحوظه : فى هذة الثـــــــــــــــــــــــــــــــــــــــــورة إكتشفت أن الغباء جند من جنود الله !!!

لكن أنا أعتقد إن ده كان جس نبض وأعتقد إنهم لقوا إن الـــــرد هيكون عنيف فهما هيكملوا اللعبه

والناس تقول دول هيعلنوا شفيق رئيس والإخوان هيعتصمـــــــوا فى الميدان علشان تأخير إعلان

النتيجه ، والدنيا تتشحن علشان خاطر النتيجه ، وهوب يجوا يوم الأحــــــــد يعلنوا مرسى الرئيس

ويعملوا له إحتفاليه كبيييييييييييييييييييييره وكمان يأدوا له التحيه العسكريه ويبقى لسان حالهم بيقول

عرفتوا إنكم كنتم ظـــــــالمين ، إحنا عمرنا ما هنغير إراده الشعب أبداً ، إحنا عاوزين مصلحه البلد

ويطلع بقى كام واحد من نخب السلطه يسوق للإعلان الدستورى وإنه لمصلحــــــه الجيش علشان

يبقى قوى ، لازم العسكر يحكمـــــــوا بعض ، وهوا الرئيس المدنى يعرف ايه عن العسكريه ؟؟؟

ويسترسل ...

الجيش كان بيمارس سياسه ودى مش بتاعته وأنا مـــــــــــوافق على ده ، السياسه للمدنيين ، لكن

العسكريه ؟؟؟ ، مينفعش يا جماعه ، إسرائيل ع الحدود ، لازم العسكــــــــــر يحكموا بعض ، هما

أدرى بالعسكريه ، السياسه للمدنيين والقوات المسلحه للجيش والعسكــــــــــــريين ، دا شغلهم !!!!

ويقوم رامى حته كمان إنه علشـــان يبقى فيه توزيع للسلطه ولا يسيطر تيار واحد على كل السلطه

دى الثورة أساســــاً علشان كدا ! ( يقصد الإخوان بالطبع ) ، وممكن كمان وقتها يطلعوا المرسى

مخدمش فى الجيش أصــــــلاً يعنى ميعرفش حاجه عن العسكريه ، يبقى إزاى يعين المشير ؟!!!!!!!

ثم يتابع ....

هما سابوا السياسه للمدنيين وقالوا من الأول ده مش شغلنا ، الناس وعدت ووفت بوعدها ، وهتعمل

إستفتاء على مجلس الشعب أهوه والإخوان كمان هينسحبوا من الميدان ، وتوته توته خلصت الحدوته

اللى فوق ده سينــــاريو محتمل وغير محتمل ، بس أنا أعتقد إنه ممكن يحصل كله او أجــــــــزاء منه

اللهم أيدنا برعايتك وأنصرنا بجندك الفعال ، اللهم إجعل الغبــــاء فى صالحنا ياااااااااااااااااااااااااااارب

احبائى
وسط الكلام الكتير اللى بيتقال ماحدش اخد باله من كذا حاجة
اول حاجة ان نتيجة الانتخابات المعترف بيها لازم تطلع من اللجنة العليا للإنتخابات شخصيا مش من اى جهة
يعنى لما كل مرشح يطلع انو هو اللى كسب ده اسمه استهبال
فيه حاجى اسمها الطعون على الانتخابات ودول 400 طعن ليه ماحدش بيجيب سيرتهم ؟
الطعون دى ممكن يكون فيها طعون هبلة يعنى مالهاش قيمة والقاضى او المستشار بيقرأ الطعن ويعلم عليه انه مش ذو قيمة ويركنه على جنب لكن ممكن يكون فيه طعون محتاجة فحص وتمحيص .. يعنى ممكن طعن من دول يطلب فحص اوراق الانتخاب ال حوالى 25 مليون ورقة ورقة بخبراء تزوير يعنى دى ممكن تاخد لها شهر .. ولو مرشح منهم اتمسك بحقه فيها .. يعنى لو حصل اى سبب يخلى القاضى او المستشار او النيابة تفتنع بإعادة الفرز والتدقيق يعنى ممكن النتيجة كمان ما تطلعش يوم الاحد
والخطورة فى الكلام اللى بيطلع يعنى امبرح النائب العمدة قال فى برنامج العشرة مساء ان ممكن بحور دم حاتحصل ... دم مين يعنى الشعب اللى مالوش ذنب ده دمه رخيص للدرجة دى ... وهل انتم توافقوا على بحور الدم دى ؟؟؟
فيه حاجة اخطر كتير ... انتم عارفين ان اسرائيل حلمها او من اهم العقائد عند الصاينة اقامة دولة اسرائيل الكبرى من الفرات الى النيل ... ومن ناحية الفرات البلاد كلها عمالة تتخرب .. حاتجهز يعنى ... المهم .... الى النيل ... سمعتوا عن الحشود الكتير اللى ابتدت تيجى على الحدود ؟؟؟
سمعتوا عن الاخوة الاشقاء من دولة شقيقة اللى دخلوا او حدعزمهم ومعاهم ابشع انواع الاسلحة مش عارف ليه ... سمعتم عن السلام الرهيب اللى كل يوم بيدخل البلد واللى بيتمسك بعضه لكن اكيد الجزء الاكبر مش بيتمسك ورايح لمين ؟؟؟
فيه حاجة فى استراتيجيات الحروب او الحروب الوقائية وهى انتهاز فرصة ان عدوك يبقى تعبان او منهك لأى سبب وتهجم عليه تكسره
واسرائيل بتستخدم كل الوسائل ومنها الوسائل القذرة واهمها التلكيك ... يعنى الاحتمال الكبير لإقامة الدولة الدينية فى مصر ممكن ياخدوه سبب يضربونا ... دولقتى لو ما فقناش اللحظة الذهبية اللى جايز ماتتكررش تانى لو البلد حالها اتصلح
جبهة داخلية ممزقة ... اقتصاد خربان والدولة على وشك الافلاس ... رغيف العيش ممكن يختفى زى السولار والبنزين والبوتاجاز ,,, واهمهم فى نظر اسرائيل الجيش المصرى ... اللى مش فى مكانه الطبيعى على الحدود .... يعنى الدبابات والمدرعات اللى فى الصور دى منظر يشرح قلب الاسرائيليين .... لأن كل دبابة من دول مكانها هناك على الجبهة ... وكل دبابة ليها تعامل مع اسرائيل ومع العدو الاسرائيلى
يعنى انا لو جطيت 100 دبابة وسط البلد معناها انى وسعت من قدام اسرائيل 100 دبابة
والسؤال المهم .... الدعوات اللى مش طايقة الجيش عايز اسألأ لو اسرائيل هجمت بكره ... هل الشعب حايقف ورا الجيش ولا حايقول نسيبهم يخلصونا منهم دول كاتمين على نفسنا بقالهم سنة ونص ... ونيش حياتنا من غيرهم او نعمل جيش جديد ؟؟؟

انا اتوقع بعد اللي المجلس العسكري قاله ان خلاص مرسي بالسلامة وشفيق رئيس جمهورية
والبلد هتخرب وتحديد صلاحيات الرئيس وحسبي الله ونعم الوكيل في دا مجلس عسكري
خربته البلد اكتر بس علي فكرة محدش هيسكت والله لو دا حصل ماحدش هيسكت خلاص
وبيقولوا احترام الشرعية ههههههههههه عجبتني احنا اللي المفروض نحترم الشرعية
ولا مين ايه دا اوووووووووووووووووووف

أولا بشكركم كلكم
ثانيا انا متفقه معاكوا كلكم لأن تقريبا الأفكار كلها متقاربه
أنا شايفه ان كان فيه مفاوضات مع الأخوان اما القبول بحل مجلس الشعب والدستور المكمل وفى الحاله دى النتيجه هتطلع لصالح مرسى ولو رفض الأخوان النتيجه تتطلع لصالح شفيق بأى حجه هما يخترعوها وكله بالقانون
من وجهه نظرى وعلى الرغم من أنى اعلم ان الأخوان وقعوا فى خيه الأتفاق مع المجلس العسكرى قبل كده اكثر من مره ألا أنى أرى أنهم لن يتفقوا معهم تلك المره لانها مش فى مصلحتهم .

» القائمة السوداء لـ "منافقي مصر" ضد ثورة شباب 25 يناير ( كاملة ) بالاسماء و بالصور و ماذا فعل و ماذا قال كل منهم . المطالبة بحرق سماح انور في ميدان التحرير
» الحظر الجوى على ليبيا تؤيدة ........ام تعارضة...وماذا تتوقع
» ماذا تفعل؟؟؟؟؟؟
» ماذا عن المعاكساااااااااااااااات ؟؟؟؟؟؟
» ماذا تفعل لو ؟؟؟