ماذا تفعل لو ؟؟؟

ماذا تفعل لو؟؟؟؟؟؟؟
موضوع جديد مختلف

هيبقى فيه مواقف مختلفه ممكن تبقى مواقف حصلت لحد فينا بس كان موقف صعب ونشوف رأى بعض هنعمل ايه لو كنا مكان بعض
وممكن تبقى مواقف محصلتش بس نتخيل لو حصلت هيكون رد فعلنا ايه
وممكن تبقى فانتزيا خيال يعنى ونتخيل لو حصلت هنعمل ايه
ايه رأيكوا؟؟؟؟؟؟
بس الموضوع ده عايز مشاركه جماعيه عشان يبقى احلى ويبقى فيه متعه

اول موقف هيبقى موقف مش لذيذ بس ممكن يحصل وهو نتخيل ان فى يوم واحنا بكتب فى الsearch موقع العاشره مساء نلاقى طلعلنا موقع للعاشره غير موقعنا والموقع ده موقع رسمى من البرنامج

الموقع ده فى احتمالين الاول: انه يكون موقع عادى بيتابع البرنامج واخباره وحلقاته قريب منا يعنى
والتانى:ان منى الشاذلى هتبقى موجوده فى الموقع كل فتره مع الناس

اولا:هيبقى احساسكوا ايه؟؟؟؟
ثانيا:هتعملوا ايه فى الحالتين اللى كتبتهم فوق ورد فعلكوا هيبقى ايه من الموقع الجديد والقديم؟؟؟؟

فكرة الموضوع جميلة وجديدة .
فى الموقف الاول :انه يكون موقع عادى بيتابع البرنامج واخباره وحلقاته؟ مفيش مانع أشوفه لكن أكيد مش هيكون أحسن من موقعنا لان هذا الموقع به ثروة ضخمة من الحلقات القديمة و الحديثة و الصور و المتابعة اليومية على الحلقات وغيرها من الاقسام و به جهد رائع من المشرفين ليس له مثيل .

فى الموقف الثانى : ان منى الشاذلى هتبقى موجوده فى الموقع كل فتره مع الناس ؟ طبعا لو هتبقى موجوده فى الموقع بتاعنا ده هكون سعيدة جدا بس .......يا ريت .

بسرعة البرق هعمل عضوية في الموقع الرسمى و الميعاد اللى هتكون منى الشاذلى في الموقع هبقى موجودة قبليه بخمس ساعات مستنياها.
أما بقى انه يبقى زى موقعنا، ما اعتقدش، هيبقى قدامه كتير.
انا عرفت فى الموقع دة أناس لم و لن أجد مثلهم قط فى أى مكان آخر.

موضوع جامد موت يا رنا، دى أكيد بركة الامتحانات اللى خلصت.

لن اهتز ان حدث بل عنصر المنافسة هيغير كتير

واكيد اي مكان قائم علي حب وتقدير البرنامج هيكون فيه ناس محترمة وهأعمل علي انا نتحد معا

حلوة موضوعك يا رنا

هو الموضوع في حد ذاته جديد ولذيد وبأشكرك عليه ، بس انا باختلف شويه مع دنيا وايات ، لأن لو انا مكانهم لا هأعمل عضويه فيه ولا هأحاول أتحد معاهم ، لأن المفروض إن هم اللي يحاولو يتحدو معنا ، لأن موقعنا غني وقوي بأعضاؤه وموضوعاته الكتير ، والحلقات الكتير اللي موجوده ، وكمان حالة الحب والود اللي موجوده بين الأعضاء في الموقع بتاعنا صعب يقدرو يعملوها في موقعهم ، عشان كده موقعنا هيبقى أنجح من موقعهم بكتير ، والفرق هيبقى واضح قوي لصالحنا ، وكفايه ان هم مش هيبقى عندهم أيات ولا دنيا وده يفرق كتير قوي

مرسيه يا جماعه ليكوا كلكوا روز ودينا وايات واسلام

بس محدش فيكوا قال احساسه هيبقى ايه
يعنى انا عن نفسى هتضايق جدا وهقول كان من الاولى يحولوا موقعنا لموقع رسمى ويكملوا معانا
بس هعمل ايه بقى؟؟؟ لو كان موقع عادى زينا اكيد انتمائى وحبى هيكون للموقع القديم وعمرى ما اسيبه
لو كان منى الشاذلى بتعدى هعمل زيكوا واشترك وادخل لما منى الشاذلى تيجى بس عمرى عمرى عمرى ما هسيب موقعنا بالناس اللى فيه

انا غيور جدا علي منتدانا .. في اول الامر حاتضايق جدا و بعدين حاتقبل الامر و لكن لن اذهب الي هناك لان احساسي اننا الاصل بالتاكيد .. و سوف تقوم منافسه رهيبه بيننا في كل المواضيع الخاصه بالعاشرة مساءا و بمني الشاذلي .. و بكل تاكيد سنكسب في هذه المنافسه الشريفه لان لدينا اعضاء و مشرفين علي درجة عاليه من التفوق و الاجادة و التحدي ..

و لو مني الشاذلي راحت موقعهم و نحن لا .. بالتاكيد الجميع هنا سيستميت في جذب مني الشاذلي الي منتدانا بكافة الطرق الممكنه و غير الممكنه ..

و اخيرا .. و اقولها باعلي صوت و بدون اي مجامله .. لا يمكن ان تتكرر انسانه مثل ايااااات مره اخري حتي ينجح هذا الموقع المنافس علينا .. اللي معاه انسانه مثل ايااااات لا يخاف من المنافسه .. اياااااات معجزه لن تتكرر في اي منتدي اخر ..

اشكرك يا رنا جدا جدا علي هذا الموضوع الجديد .. الف شكر ..

الله يخليكي يا رنا

ويكرمك يا استاذ امير

ويخليك يا استاذ اسلام

احلي حاجة اني شوفت حماسكم وغيرتكم علي بيتنا الثاني

lol!

والله يا أيات ده بقى بيتنا الأول

استاذ امير كلامك جمييييييييييل جدااااااااا ومن الاخر فعلا كلنا بنحس نفس احساسك للمنتدى وايات الجميله ربنا يخليها لينا ويخليكوا كلكوا

بس تخيلوا بجد لو حصل هيبقى فى اثاره ومنافسه جااااااااامده جدااااااااا
اسلام عندك حق الواحد مبيعرفش يعدى عليه يوم من غير ما يعدى على الموقع يعنى عندى الوصله بايظه بعدى من التليفون وما ادراكوا ما التليفون بطئ وبيقطع بس كله يهون عشان المنتدى

أيوة يا رنا، انا مصدقاكى جدا علشان انا جربت نت التليفون كتير و كل مرة يفنش الرصيد، يصفر، و برضه ما بحرمش.

تحياتي:

سأبقى في منتدانا الغالي جدا على قلوبنا جميعا بمن فيه
ولن أذهب لأي منتدى آخر
شكرا للفاضلة رنا

السلام عليكم،

ألف تحية و شكر يا أختي الفاضلة رنا..

اول موقف هيبقى موقف مش لذيذ بس ممكن يحصل وهو نتخيل ان فى يوم واحنا بكتب فى الsearch موقع العاشره مساء نلاقى طلعلنا موقع للعاشره غير موقعنا

أمر طبيعي و عادي..نحن في عالم "الإنترنت" و ليس في جزيرة معزولة و أحباء البرنامج كثر و الحمد لله..

والموقع ده موقع رسمى من البرنامج

هنا وقفة..يقفها البرنامج نفسه و معدوه. و قد تكون وقفة، بعد طول انتظار أو تأخر، حسب رأي المتواضع..كما للبرنامج سيدته الإعلامية القديرة منى الشاذلي، فمديرة المنتدى "الرسمي"، و بكل فخر، السيدة آيات السيد.

الموقع ده فى احتمالين الاول: انه يكون موقع عادى بيتابع البرنامج واخباره وحلقاته قريب منا يعنى

"بردو عادي"..

والتانى:ان منى الشاذلى هتبقى موجوده فى الموقع كل فتره مع الناس

وقفة أخرى..ليكن، لكن!، أرجو أن لا تحرم الإعلامية القديرة، هذا المنتدى الطيب، من تواجدها.

اولا:هيبقى احساسكوا ايه؟؟؟؟

فخور بهذا المنتدى الطيب و الأحبة الأعضاء..

ثانيا:هتعملوا ايه فى الحالتين اللى كتبتهم فوق ورد فعلكوا هيبقى ايه من الموقع الجديد والقديم؟؟؟؟

في حالة "منتدى عادي": أرقب عنوانه و سمته و كلماته و عطر الدار و أخبار الأخيار..و "بس".

في حالة "منتدى رسمي": أجعل توقيعي رابط منتدانا الطيب و بالبنط العريض..و أعلق رسالة من كلمتين: "منتدى العاشرة مساء..مع آيات السيد".

بعد هذا التطواف و التجوال..أعود إلى بيتي (هذا المنتدى الطيب) و أنعم بصحبة أحبة و إخوة.

موضوع جامد جدا يا رنا
معلش أنا رديت متاخر بس النت أمبارح كان بطىء
لو فى موقع تانى رسمى مش حيبقى زى موقعنا دى جهد
أربع سنوات وفيه ناس بتعمل مجهود جامد مش حذكر أسماء
علشان منساش حد بس فى ناس فى الموقع بتعمل مجهود خفى
ومش بتحب تذكر أسمها اى نعم هى بتنقطع غصب عنها علشان الأمتحانات
بس هى مش حابه تذكر أسمها وكفايه روح الأخوة اللى فى الموقع مش حتفرق
يعنى موقع رسمى أو غير رسمى وأنا عندى إحساس قوى إن الموقع حيبقى رسمى
قريبا إن شاء الله أيات محضره لنا مفاجأت أنا معرفش هى إيه بس إحساسى وإحساسى
عمره ما بيخيب وعندى إحساس برضه إن أستاذه منى الشاذلى حتبقى معانا قريبا
إن شاء الله لإن موقعنا ثرى مش بس بالصور والحلقات والأخبار والأقسام التانيه
لا ده فيه أعضاء كلهم أخوة ويجمعنا الأحترام وكل الود
وأخيرا أحب أشكر أيات اللى عملت لنا الموقع ده اللى جمع ناس صالحين
وحرجع واقول كفايه أسم الموقع
(الموقع الاول للمواطن الصالح العاشرة مساء والاعلامية مني الشاذلي الاصدق في مصر والعالم العربي )
شكرا يا رنا مره أخرى على موضوعك الجامد وإلى الأمام دائما .

شكرااااا يا استاذ ابو اسامه
استاذ زين شكراااااا على الاجابه الوافيه الجميله وعجبنى اوى فكره الرابط فى التوقيع كلنا هنعمل كده هههههههههه
ايمان عندك حق فى كل كلامك الموقع ده جهد اربع سنسن وناس كتير بتتعب عشانه عمره ما هيبقى زى اى موقع تانى وياااااااااارب احساسك يتحقق يا ايمى......

استاااااااااااااااااااذ زين انا يكفيني انه معايا استاذ ومعلم فاضل زي حضرتك

ايمان شكرا لكلامك الطيب

واستاذ اسلام البيت بيتك ههههههههههه

واحب اقول ان الموقع ده ثري بأعضاءه ولو في كلمة مدح في حقي تتقال يجب ان يقابلها 10000000 مليون كلمة مدح في حق الاعضاء والمشرفيين

تحيه لكم جميعا واستنوني عشان عايزة اقول لكم موقف بيمر عليا دلوقتي اليومين دول في حياتي وحابه تساعدوني اتعامل معه ازاي

قولى يا أيوته منتظرينك . Very Happy

؟؟؟؟؟؟؟؟؟

scratch

يلا يا ايات مستنينك وهنفكر معاكى اكيد

حلو اويييييي يا رنا الموضوع الجامد ده Very Happy

لو حصل الموقف ده اولا حتدايق ان فيه معدين و مراسلين من البرنامج عارفين ان فيه موقع للعاشره مساء مش ناقصه اي حاجه عشان يبقى رسمي و في الاخر يعملو موقع جديد و يبتدوه من الصفر عشان يخلوه رسمي
ثانيا عمري ما حسيب الموقع ده ابداا و روح لواحد تاني حتى لو عارفه ان التاني ده رسمي و تبع البرنامج
ثالثا حعمل عضويه مؤقته في الموقع الثاني عشان كل ما الاستاذه منى تدخل هناك افضل "ازن" عليها و اقنعها انها تزور موقعنا حتى ولو مش بشكل دائم زي الموقع التاني
بس كده بس انا بتمنى ان ده ميحصلش اصلا
شكراااااااااااااا يا رناااااااااااا
قولي يا ايات اللي عيزاه و احنا نفكر معاكي ان شاء الله

تمام يا يمنى كده فى اجماع ان احنا عمرنا ما هنسيب الموقع وهنشترك بس عشان نكلم منى الشاذلى

بس برضه زى ما قولتى محدش عايز ده يحصل اساسا
شكراااااااا يا يمنى ومبروك الاجازه

يلا يا ايات كلنا مستينك تقولى مش عايزه احط موقف تانى الا لما تقولى الموقف بتاعك

قبل المواقف التاليه احب ارد على الموقف الاول
"طبعا متأخر دايما"
طبعا مش هسيب موقعنا لسبب بسيط جدا ان احنا مش كده علشان منى الشاذلى وبس احنا كده بينا احنا وان كنا كلنا مجمعين على حب منى الشاذلى

ولو منى الشاذلى بنفسها كانت فى الموقع ده هأزعل جدا لانها لم تتخذ من موقعنا موقعا رسميا

ولا يهمك يا خالد ربنا معاك وشكرا على مرورك

» ماذا تفعل؟؟؟؟؟؟
» القائمة السوداء لـ "منافقي مصر" ضد ثورة شباب 25 يناير ( كاملة ) بالاسماء و بالصور و ماذا فعل و ماذا قال كل منهم . المطالبة بحرق سماح انور في ميدان التحرير
» ماذا يحدث في مصر ؟
» .. ماذا تنتظر مصر؟
» ماذا عن المعاكساااااااااااااااات ؟؟؟؟؟؟