حد فاكر القصيده دي مش عارف بس انا جائت في فكري بمجرد لما حصلت حادثه اسيوط ايوه صلاح جاهين كتبها لما اسرائيل ضربت مدرسه بحر البقر سنه 1970 كتب صلاح جاهين هذه القصيده و لو قراتموها و عدلت حاجه بسيطه هتلاقوها هي حادث اسيوط انا هعيد كتابه القصيده و انتم عليكم التعديل
الدرس انتهي لموا الكراريس ** بالدم اللي علي ورقهم سـال
في قصـر الامم المتــحده ** في مسـابقه لرسـوم الاطـفال
ايه رايك في البقع الحمـرا ** يا ضمير العالم يا عزيزي
دي لطفله مصريه وسمرا ** كانت من اشـطر تلاميذي
دمها راسم زهره ** راسم رايـه ثوره ** راسم وجه مؤامره
راسم خلق جباره ** راسم نـار ** راسم عار ** ع الصهيونيه والاستعمار ** والدنيا اللي عليهم صابره
وساكته علي فعل الاباليس.. الدرس انتـهي لموا الكراريس ..
ايه راي رجـال الفكر الحر ** في الفكره دي المنقوشه بالدم
من طفل فقير مولود في المر ** لكن كان حلو ضحوك الفـم
دم الطـفل الفـلاح ** راسم شمس الصباح ** راسم شـجره تفاح
في جناين الاصلاح ** راسم تمساح بالف جناح
في دنيا مليانه بالاشبـاح ** لكنـها قلـبها مرتــاح
وساكته علي فعل الاباليس .. الدرس انتـهي لموا الكراريس …
ايه رايك يا شعب يا عربي ** ايه رايك يا شعب الاحـرار
دم الاطـفال جايلك يحـبي ** يقول انتـقموا من الاشـرار
ويسيل ع الاوراق ** يتهجي الاسـماء ** ويطـالب الابـاء ** بالثـار للابـناء
ويرسم سيف ** يهد الزيـف ** ويلمع لمعه شمـس الصيف ** في دنيا فيها النور بقي طيف
وساكته علي فعل الاباليـس .. الدرس انتهي لموا الكراريس.
النوع
موضوع: حد فاكر قصيد صلاح جاهين ( الدرس انتهي لموا الكراريس ) 
الإثنين نوفمبر 19, 2012 3:06 am
