رباعيات صلاح جاهين

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!

- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!

وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!

رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

لو عندك رباعية بتحبها قولها وقولنا كمان ايه من الرباعيات دول لمست قلبك بجد

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

موضوع رائع يا ايات انا بحب اقرى الرباعيات جدا وعندى كتاب رباعيات صلاح جاهين بجد رائع مع انو احيانا بيبقى فيه كلام غريب شويه

من الرباعيات اللى بحبها :

مع ان كل الخلق من اصل طين
وكلهم بينزلوا مغمضين
بعد الدقائق والشهور والسنين
تلاقى ناس اشرار وناس طيبين
عجبى!!

يا طير يا عالى فى السما طظ فيك
ما تفتكرش ربنا مصطفيك
برضك بتاكل الدود وللطين تعود
تمص فيه يا حلو.. ويمص فيك
عجبى!!
شكرا يا ايات على الموضوع الرائع

مرسية اوي يا رنا علي ردك

وعايزة اقولك انا لما بضايقك ساعات بفتح رباعياته فعلا جميلة جدا وانا بحب دي اوي

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!

الله الله الله
شىء جميل أن يتذوق الناس الشعر
فهم من يصنعون الشعراء
شكرا آيات على الموضوع الراااااااااااااااائع جدا
صلاح جاهين، من أجمل الشعراء إللى بحبهم
وهو مدرستى إللى بحب الإنتماء إليها
شكرا لكم جميعا0

الاستاذ / صلاح جاهين امتع العالم باشعاره وهو من اعظم الشعراء واجلهم وذو قيمة كبيرة وله مكانة فى القلوب اشكرك استاذتى / ايات على هذه الاشعار المتميزه والشكر موصول للجميع وموفقة دائما مع خالص تحياتى

بجد الف شكر يا استاذه ايات على الموضوع الجميل ده
انا كنت بدور على الرباعيات دى وكنت لسه والله هعمل عليه بحث اشكرك واشر الاستاذه رنا

صلاح جاهين .. كم هو رائع .. و الاروع عدم نسيانه .. الف شكر يا ايااات ..

الف شكر للجميع ..فعلا صلاح جاهين موجود وباقي في قلوب الملايين بره وجوه مصر

أنا كمان بحب صلاح جاهين جدا

شكرا يا ايات .

من الرباعيات اللى بحبها

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحورأعدي بحر ألاقي غيره اتحفر
عجبي !!!

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!

السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!

يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!

.. دي مزكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!

انا الذي عمري اشتياق في اشتيـــاق
و قطر داخل في محطة الـــــــــفراق
قصدت نبع السم وشربت ســـــــــم
من كتر شوقي وعشمي في التريـــاق
عجبي !!!

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!

يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

مرسية يا ايمان علي الرباعيات حلوين جدا

صلاح جاهين عم الكل
اول مرة كنت اتعرف علية
كان من خلال ذات الحضور المعجز ايناس جوهر لما كانت بتقول

غمض عنيك وامشى بخفة ودلع
الدنيا هى الشابة وانت الجدع
تشوف رشاقة خطوتك تعبدك
لكن انت لو بصيت لرجليك تقع
وعجبى

شكرا يا ايات

الله على الجنة رايقة وجميلة
وحضن الحبايب فى قلبى خميلة
مابين منتدانا وكل إللى فيه
وبينى وبينهم معانى نبيلة
************
جاهين لما يحضر بتحضر معاه
معانى البساطة وسلطان وجاه
ياليلى وياعينى وعجبى وآه
وآيات ومنة بناته الأصيلة
*************
جابولنا ف إيديهم حاجات من زمان
ولا ألف ليلة وكان ياما كان
جاهين جاى معاهم بكل إمتنان
يهون علينا الليالى الطويلة
*************
طلعت الحداد
*************
والله يا جماعة فعلا حاسس إنى فى الجنة
بوجودى معاكم,,شكرا على هذا الفيض
من النقاء والطهر والجمال0

الله عليك يا استاذ طلعت ألف شكر .........

الدنيا صندوق دنيا .. دور بعــــد دور
الدكة هي .. و هي كل الديكـــــــــور
يمشي اللي شاف ويسيب لغيره مكان
كان عربجي أو كان امبراطــــــــور عجبى !!! ايه اللى خدته من مرور السنين يا قلبى الا دمعتك والأنيــــــــــن بتئن وتفرح وترجـــــــع تحــــن مع ان مش كل البشر فرحانين ... عجبى !!! عجبي على العجب العجيب العجاب. لما الحقيقة تطل بعد احتجاب. و تروق و تحلا وفجأة تصبح مفيش. كمثل طراطيش بحر ياما خد و جاب. عجبى !!! ازاي شبـابنـا يقـوم ويـاخـد دوره. من غيـر صـراخ يئذيه ويجـرح زوره. يـا هلترى أحسـن لـه يقعـد سـاكت. أو ينتـرك ولـو خـرج عـن طـوره؟ ... عجبى !!! علم اللوع اضخم كتـــــــــاب في الأرض. بس اللي يغلط فيه يجيـــــــــبــه الأرض. أما الصراحة فأمرها ســـــــــــــــــاهل. لكن لا تجلب المال و لا تصون العرض ... عجبى !!! يـومـى علـى الله تنتهـى وتـغيب الشـمس . وتعـود تانـى يوم لهاليب زى الحياة . مأسـاه . ومن كتـرهـا ب قـى لا انتهاءهـا وابتداءهـا عجيب ... عجبى !!! نظرت في الملكوت كتير وانشغلت. وبكل كلمةْ ( ليه ؟ ) و ( عشانيه ) سألت. اسأَل سؤال .. الرد يرجع سؤال. واخرج وحيرتي أشد مما دخلت ... عجبى !!! هات يا زمان و هات كمان يا زمان غير بسمة الشجعان مامني يــــبان هو اللي داق الفرحة يوم ثورتـــــه يقدر يعود و لا ثانية للأحــــــزان ؟ ... عجبى !!! "عبثا بقول واقرا في سورة عبس ما تلومش حد ان ابتسم او عبس في ناس تقول الهزل يطلع جد وناس تقول الجد يطلع عبث

عجبى !!!

فوق تحت . ورا قدام . يمين شمـــال.

في الجو . تحت الميه . أو في الرمال.

طلب الكمال يحرم علي الممـــــــــكن.

و الممكنات دول محرومين م الكمال ...

عجبى !!!

قالوا السياسة مهلكة بشكل عام

و بحورها خشنة مش ريش نعام

غوص فيها تلقى الغرقانين كلهم

شايلين غنايم و الخفيف اللى عام ...

عجبى !!!

يا عندليب ما تخافش من غنوتك.

قول شكوتك و احكي علي بلوتك.

الغنوه مش ح تموتك إنمــــــــــا.

كتم الغنا هو اللي ح يموتــــــــك ...

عجبى !!!

قالوا الشقيق بيمص دم الشقيق

والناس ما هياش ناس بحق وحقيق

قلبي رميته وجبت غيره حجر

داب الحجر ... ورجعت قلب رقيق

عجبى !!!

حبيت .. لكن حب من غير حنان.

وصاحبت لكن صُحبه ما لهاش أمان.

رحت لحكيم واكتر لقيت بلوتي.

إن اللي جوّه القلب مش ع اللسان ...

عجبى !!!

انا كل يوم أسمع ........ فلان عذبوه.

أسرح في بغداد و الجزاير واتوه.

ما أعجبش م اللي يطيق بجسمه العذاب.

و اعجب من اللي يطيق يعذب أخوه ...

عجبى !!!

لا تجبر الإنسان ولا تخيّره.

يكفيه ما فيه من عقل بيحيّره.

اللي النهارده بيطلبه ويشتهيه.

هو اللي بكره ح يشتهي يغيّره.

عجبى !!!

سلام سلام .. سلام سلام .. سلام

كلام كلام .. كلام كلام .. كلام

هز الورق يا صحبى كدهوه

يطلع كلام سلام . وسلام كلام

عجبى !!!

عجبي على العجب العجيب العجاب.

لما الحقيقة تطل بعد احتجاب.

و تروق و تحلا وفجأة تصبح مفيش.

كمثل طراطيش بحر ياما خد و جاب.

الله يا ايمان بجد رباعيات جميله جدا
اشكرك جدا

اشكرك يا ايات على الموضوع

شكرا يا امنيه على المتابعه .

يا كل كلمة للعجب في قامــــــــــــوس

انسكلوبيديا لسان العرب أو لا لاروس

تعالوا نجدة . ده لسه في عصـــــرنا

الشمس و البحر العريض بالفـــلوس

عجبي !!!!

الموج تلول تهبط وتطلع تلــــــــــــول

يا بحر خدني الشط صاحبك ملـــــــول

و الا بلاش الشط ح اعمل به أيـــــــه

ده ريحته طحلب مهري و ام الخلــول

عجبي !!!

ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك

عجبي !!

أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!

الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!

إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!

اوقات أفوق و يحل عني غبــــــــــايا

واشعر كأني فهمت كل الخبايـــــــــــا

و افتح شفايفي علشــــــان اقول الدرر

ما أقولش غير حبة غزل في الصبايــــا

عجبي !!!

عيني رأت مخلوق في غاية البشاعة

أنا قلت له لما تأملته ساعـــــــــــــة

اللذه و الموت علموك اللــــــــــزج

و انا علموني الفلسفة و الشجاعــة

عجبي!!

غطس وقب الموج نهود بمبي

من ألف جيل جمالات ما تعلم بي

يا قلبي عيب دول امهاتنا القدام

أستغفر الله العظيم ربـــــــــــــي

عجبي !!

علقت في المسمار قناع مهزلة

ومعاه قناع مأساة بحزنه ابتـــلا

بصيت لقيتهم يشبهوا بعضهـــم

واهو ده العجب يا ولاد و الا فلا

عجبي !!

ظهر المسيح الحي علي سفح ربـــــــــوة

و نزل بهالة الضي و قعد في قهـــــــــوة

بصوا .. تعالوا .. قالوا خليه في حالــــــــه

الناس في حالهم يا بني .. مالهمش دعوة

عجبي !!!

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!

يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!

مركب ورق من نفخة تتطـــــــــوح

ركبتها و الكل بيــــــــــــــــلوح

سوحت فيها اتنين و خمسين سنــــه

للآن ..... و لا بتغرق و لا تـــــروح

عجبي!!

عالجسر فت الصبح تحت الضباب

بين اللي لسه بينغرس و اللي طاب

ما اهتز قلبي لنبت طالع جديـــــــد

قد اللي ماشي .. وتحت باطه كتاب

عجبي !!

يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!

قاعدة قناني الخمر ساكتة و ساهية

مع ابن آدم في الشبه متناهيـــــــــــة

مفيش كده روقان في لحظة تشوفهم

و بعدها بلحظه يودوا في داهيــــــه

عجبي !!!

حتة محارة وجدتها في يوم لقيـة

قالت لي شوف كيف الطبيعة شقية

نظرت للكهف اللي فيها و لقيــــت

إن الطبيعة كمان لا أخلاقيــــــــــة

عجبي !!!!

بلياتشو قال إيه بس فايدة فنونــــي ؟

و تلات وقق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبوني زاد عن جنوني

عجبي !!!

نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طعب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي!!

وسط الحطام اتفرجوا يا أنـــــــــام

تمثال ملك . و مبوله م الرخــــــام

لتنين نحتهم نفس أسطي الحجــــر

و كانوا ذات يوم كتلتين لسه خــام

عجبي !

عيد و العيال اتنططوا ع القبـــــــور

لعبوا استغمايه .. و لعبوا بابــــــور

و باللونات و نايلونات شفتشـــــــي

و الحزن ح يروح فين جنب السرور

عجبي !!

أنا قلبي كورة و الفراودة أكــــــــــم

ياما اتنطح و انشاط و ياما اتعكـــــم

و اقول له كله ح ينتهي في المعـــاد

يقول بساعتك ؟ و الا بساعة الحكم ؟

عجبي !!!

الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!

أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي !!!

يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!

زائر

ألأميرة أيات الجيد يختار الجيد
موضوع رائع وصلاح جاهين عم الشعراء وله مررسة وأجيال شكرا ريسة الموقع

أ/رنا
ربنا سبحانه وتعالى فضل بنى أدم وسائر المخلوقات أراكى تشبهيه بالحمار أيه ع الحميربالموضوع
وما أظنش صلاح جاهين أنه كتب فى زرايب قبل كدا عموما شكرأ ع تشبيهك فكلنا بنو أدم

» حد فاكر قصيد صلاح جاهين ( الدرس انتهي لموا الكراريس )
» احنا اسفين يا صلاح
» مأساة الحلاج -صلاح عبد الصبور
» خالد صلاح يكتب.. "كلمة واحدة": ماذا نتعلم من منى الشاذلى ويسرى فودة؟
» خالد صلاح يكتب .. " كلمة واحدة ": ماذا نتعلم من منى الشاذلى و يسرى فودة ؟