10ahmedabdelaziz
عضو نشيط
 النوع : 
العمر : 36
Localisation : انني اؤمن بحقي في الحرية، وحق بلادي في الحياة، وهذا الايمان اقوى من كل سلاح، وحينما يقاتل المرء لكي يغتصب وينهب، قد يتوقف عن القتال اذا امتلأت جعبته، أو أنهكت قواه، ولكنه حين يحارب من أجل وطنه يمضي في حربه الى النهاية.
الدولــة : 
تاريخ التسجيل : 24/12/2010
 |  موضوع: عاجل| حبس عبد الله بدر سنة مع الشغل و20 ألف جنيه غرامة في قضية سب وقذف الفنانة إلهام شاهين  الإثنين ديسمبر 17, 2012 3:35 pm | |
| قضت محكمة جنح الزاوية الحمراء بحبس الشيخ عبد الله بدر أستاذ التفسير بجامعة الأزهر، سنة مع الشغل وتغريمه مبلغ 20 ألف جنيه، بتهمة سب وقذف الفنانة إلهام شاهين.
فيما استقبل أنصاره الحكم، بهتافات منددة بالقضاء، مرددين "الشعب يريد تطهير القضاءرابطالخبر | |
|
عادل صموئيل
كاتب مميز
النوع :
العمر : 74
تاريخ التسجيل : 28/07/2010
| | موضوع: رد: عاجل| حبس عبد الله بدر سنة مع الشغل و20 ألف جنيه غرامة في قضية سب وقذف الفنانة إلهام شاهين الأربعاء ديسمبر 19, 2012 11:03 am | |
|
احبائى
اولا احب اقول حاجة
مين فيكم شاف برنامج للشيخ متولى الشعراوى رحمه الله
ومين شاف برنامج للشيخ عبدالله بدر
ولازم نعمل مقارنة بين الاتنين
ثانيا مين اللى مفروض يظهر فى وسائل الاعلام ؟
يعنى اى مجتمع فى الدنيا بيبقى فيه طبقات دنيا وطبقات عليا
الطبقات الدنيا فى مصر احطها العربجية وبعدهم السوقة وتقعد تعدى لحد ما توصل فى الطبقات العليا لأساتذة الجامعة والدبلوماسيين
والمفروض ان المتعلم بيعلم الجاهل ... والمتعلمين من اهم وظائفهم هو تربية المجتمع على حسن الخلق وآداب الكلام والتعامل
بمعنى ان المتعلمين المفروض انهم يهذبوا العربجية ومش العكس , لأن لو حصل ان العربجية يفرضوا طريقة كلامهم على المتعلمين يبقى المجتمع انهار
ويبقى مفيش لزوم بقى للجامعات ولا للتعليم اصلا
بعدين اللى بيتكلموا فى وسائل الاعلام ... الميكروفون ده امانة لأن الناس بتتلعم منه
حتى الكاميرا دى امانة لأن الشباب بيتعلم من الللى بيشوفه يعنى لو طلع واحد فى التليفزيون ماعندوش ذوق فى اللبس فى اختار الالوان المتجانسة ممكن شباب كتير يقلدوه لأنهم بيعتبروا اللى بيطلع فى التليفزيون دول هم الخاصة اللى الواحد بيقلدهم
ولاحظت هنا فى الخبر زى ما شفت فى التليفزيون حاجتين فى منتهى الخطورة
اول حاجة ان انصار الشيخ هتفوا بتطهير القضاء عايز افهم يعنى ايه تطهير القضاء ؟ يعنى كل واحد لازم ياخد حكم على مزاجه ؟؟؟؟
يعنى القانون اللى المفروض بيحكم الناس نولع فيه ؟؟؟ ولو ولعنا فى القانون تانى يوم حتلاقى كل المحطات والجرائد نازلة شتيمة لأن السب والقذف له رادع
ولما الرادع ده يتشال كل واحد يعمل اللى فى نفسه
وامام الصحفيين وامام الكاميرات والنهارده غير زمان يعنى اللى بيصور ويسجل مش بس الصجفيين ولكن كل واحد ماسك فى ايده موبايل بيصور بمعنى ان ماحدش ينكر اللى قاله ده الموبايل اللى بيصور ويسجل تمنه بيبتدى من 100 جنيه
الشيخ عبد الله بدر مش يسكت ويحاول يصلح عشان الاستئناف ... لأ كرر اللى قاله تانى وزود عليه ... وده قانونا ممكن يتعمل له قضية قذف وسب تانية
وكان معاه من انصارة ستات قالوا حنروح بيت الهام شاهين ونقتلها ... وده كمان يعتبر شروع فى قتل يعاقب عليه القانون
ايه الحكاية هو خلاص القانون بقى جرنال قديم انتهت صلاحيته وبندوس عليه على الارض ؟
انا كل خوفى فى البلد اللى بتنهار دى على الاطفال اللى طالعين وشايفين الفوضى ... يعنى حايطلعوا فوضويين ماحدش يقدر يحكمهم بعدين
فى زمن بقى كل حاجة ماشية بالشقلوب .... الدولة بتنهار ... والانهيار ده مش حايدمر حياة ناس وناس لأ
الدمار حايحل على الكل الفقير والغنى والقوى قبل الضعيف
يعنى عندك مثلا غلاء الاسعار ولما توصل الاسعار للإنفلات وده بالطريقة دى جاى فى السكة قريب اوى
الفقراء حايتضرروا الاول لكن الاغنياء حيتضرروا اكتر بعد فترة قصيرة .. لو تعطلت مرافق الدولة يعنى تخيلوا مثلا الكهربا انقطعت خالص حاتعملوا ايه ؟
او المياه انقطعت ؟؟؟ او رغيف العيش اختفى ؟؟؟ مش بقول كلام يخوف ولكن ده النتيجة الطبيعية للى بيحصل دلوقتى مش كده ولا ايه ؟؟؟
| |
|
