بالعربي الجريح

لسان حال المصري المسكين ..
------------------------------------
عُض قلبي ولا تعض رغيفي ...
على فكره معتش يهمني يحكمني مرسي
أو تحكمني فيفي ..
على فكره ميهزنيش إني أكون مصري
ولا أروح الصين
عايز رغيف يسد جوعي ..
وفى المحطه نفسي الاقي بنزين !!!
نفسي احس فى البلد دي أمان ..
مش تبقي بلدنا فوضي ورئيسنا فى باكستان !!
اوقاات بحس بقهر وإن القصه عند .. !!
شعبه يموت من الفقر وحبيبنا رايح الهند !!
أنا أصلي مصري بسيط مفهمش فى التظييط ..
ولا بفهم فى الثورات والهرس والتشييط
لا بعرف اهاجم حد واموتوا من الخوف ..
ولا عندي أبدا حقد ولا ليا فى الملوتوف ..
عايش حياتي وقوتي فى يومي يكفيني
وبيتي من عير سقف وبرضوه يكفيني
مصري بجد صحيح لا حقوقي ولا ناشط
مهما تهيج الريح مكتوم أهه وساكت ..
لا ليا فى مظاهرات ..
ولا ليا فى اعتصامات ..
و لا افهم التسييس
ولا حتي الانتخابات ..
انا ليه فى خيالكوا رخيص ؟
لا عايز أبقي وزير ولا بحلم أبقي رئيس
لا هزاحم علشان كرسي ..
وبصلي وادعي لمرسي ..
لكن لما الاقي العدل خلاص مافي ..
يبقي معدتش فرقه يحكمني لو فيفي ..
انا بس طالب منكم اخوان وبني علمان
نفسي يمر اليل ماينمش أبني جعان .
---------------------------------------
تامر عزت 19/3/2013

الله ...الله الله ..

سعات كتيرة بحس ان اللهجة المصرية هي الوحيدة الي تقدر توصف الحال المصري , يعني لربما تعجز اللغة العربية نفسها عن وصف حالتنا بصدق وبراعه ..

جميييييله جداً جداً جداً

كلهـا من اول حرف لاخر حرف جميلة جميلة جميلة ..

» وطني الجريح بين الاغتيال السري و العلني
» بالعربي الفصيح...حته عراقي أصيل - أفضل موضوع لشهر يناير -