الحكووووووومة تتخلى عن الأهلي

اللي فاهم إن الإهلي بينهار يبقى غلطان ... كل اللي حاصل إن الحكومة بتقرص ودن التراس أهلاوي اللي قارفهم و بيلعب ضدهم مع الإخوان عشان كدة قفلوا الحنفية اللي كانت بتخر الملايين على الأهلى و آخرهم 140 مليون حق رعاية برشلونة ( آسف الأهلي ) من وكالة حسن حمدي ( أقصد الأهرام للإعلان ) و هي برده مش الوكالة دي تبع الدولة و لا تبع الأهلي و حسن حمدي اللي بيحكم مصر أقصد كان بيحكم مصر و عزلوه مؤقتاً فأصبح مش عارف يرمم الفريق بلعيبه عليها الإيمه لحد ما تتفتح الحنفيه... و لحد ما تتفتح الحنفية مفيش حد يقولي أرضنا المحتلة في الجزيرة اللي كان اسمها جبلاية القرود أخبارها أيه هل خرج منها الإحتلال الأهلاوي و لا لسه مبلطج فيها؟... مش الأرض دي تابعة لمحافظة القاهرة و الدولة بتخسر مئات الملايين سنوياً بسبب احتلالها و لو رجعت للمحافظة ممكن تعملها نادي إجتماعي على الأقل واشتراكاتها تدخل للمحافظة اللي المفروض تصرف منها على خدمات المواطنين الغلابة اللي هما أنا... و لا تبيعها لمستثمرين بمليارات يمكن نقدر نصلح بيها المستشفيات للغلابة اللي هما أنا أو نرمم التعليم للغلابة اللي هما أنا و انتو.
يا بلد كلها حمرا.