هل تغير العاشرة مساء ..ام التغير كان في الديكور فقط؟؟!!!

أكد محمد خضر، مدير الإنتاج في القناة، أن التطويرالذي كان بعد رمضان بالنسية للتطوير الجديد لشكل البرنامج لم يخل بطبيعة البرنامج، بل حافظ علي ملامحه الأساسية، لذا لم يتغير لوجو البرنامج ولا الموسيقي المصاحبة أو التتر، فهي من العلامات المميزة له، وإن تغير الديكور بالكامل، ورصدت القناة مبلغا ضخما لهذا التغيير،

وقال: «التطوير طال أيضا مضمون البرنامج، فقد تم (الاتفاق علي تصوير حلقات منه خارج مصر والاهتمام أكثر بالقضايا العربية والدولية)». وأضاف: «رغم التطوير فإن (لوك) مني الشاذلي لن يتغير، لأنه الأنسب لها ولطبيعة البرنامج، كما أن جزءا كبيرا من نجاح (العاشرة مساء) وارتباط الجمهور به يرجع إلي أداء مني ومظهرها الملتزم».


ايه رايكم في الكلام ده ..........................

هل فعلا انتوا شايفين ان التغير كان فقط في الديكور؟؟

شايفين ان البرنامج لسه هو هو ؟؟؟

والحلقات الي خارج مصر ......هتخليه يحافظ علي سمته الاساسية وهي احوال الشارع المصري؟؟


مع ارق تحياتي ايات

الادارة

انا لسه بصراحه محستش بتغير في البرنامج بس اقول الحق البرنامج بقي فيه تغير ولكن للأسواء للاسف

في الحقيقه يا ايات انا لما باتفرج علي البرنامج تركيزي الاساسي مع الملكه مني الشاذلي و كلامها و كلام ضيوفها ..علشان كده مش قادر احكم علي الديكور قوي .. لكن انا كل يوم لما اشاهد العاشره با حس ان كل حاجه جديده .. مش عارف يمكن انا باحب البرنامج اكتر من العادي ..مش عارف ...و اهدي هذه الباقه للملكه ..

امير

معاك حق ياشادي انا حاسة ان البرنامج مش زاي الاول خالص

بس انتوا فهمتوني غلط

انا مش بسال رايك ايه في الديكور

انا سؤالي انتوا شايفين فعلا من يوميها ان البرنامج اتغير فقط شكليلا

ولا التغير كان فعلي يعني اتغير البرنامج في موضوعاته وحلقاته

ولا لسه هو هو العاشرة مساء الي نعرفه

............................


مع ارق تحياتي ايات

الادارة

برنامج العاشره هذا العام امتداد للعام السابق و لكن الملكه مني الشاذلي متجدده يوميا ..و مانقدرش نقول انه السنه دي اختلف عن العام الماضي ...

امير

البرنامج هوة هوة مفيش تغير غير فى الديكور

لكن المضمون زى ماهوة وكل حاجة هى هى
--------------------------------------------------------والسلام عليكم

.

أنا اتكلمت في موضوع التطوير قبل كده هو البرنامج تقدم في شكله يعني ديكوره واتأخر في مضمونه مبقاش زي الأول ، فين منى الشاذلي اللي كانت تمسك رغيف العيش وتقول مستحيل ده العيش اللي احنا بنأكله ، فين منى الشاذلي ساعة العبارة فين منى الشاذلي زي حلقة كمال الشاذلي

واحد صاحبي بيقولي البرامج دي أفلست ، المفروض تبقى يوم في الأسبوع ن قلتله يا خوفي بعد كده تقولي لو اتعملت يوم في الأسبوع وتقولي برضه أفلست ساعتها تبقى يوم في الشهر ثم يوم في السنة ثم يوم منى الشاذلي في برنامج تاني ثم يوم منى الشاذلي في محطة تانية ثم يوم احنا في منتدى تاني

البرنامج الناجح هو ممكن يكون زي المنحنى يوم فوق ويوم تحت لكن مش تحت قوي ومش تحت على طول يبقى القلب ابتدى يقف

.

هي الحقيقة مرة لكن السكوت أمر

أنا ملاحظة برده ان البرنامج أصبح بيزداد سوءا ومبقاش زي الاول خالص

وأحلى ما في البرنامج صراحة منى الشاذلي بس احنا حبناها من نجاحها في

البرنامج وياريت تكون دي فترة وتعدي

ويرجع العاشرة مساءا كما اعتدنا عليه

صح يانور ..كلامك ده جاب من الاخر

يارب يرجع زاي ما عودنا

..............................................


مع ارق تحياتي ايات

الادارة

صح يا جماعة انا حاسة ان البرنامج لم يتطور الافي الديكور عادي هو هو بس انا شايفة انة فعلا اهتز بداية من الاجازة اللي رجعوا منها بعد رمضان الماضي انا حاسة ان العيب بقي في الاعداد الاعداد اهتز مابقاش الاعداد الجاد بتاع العاشرة حاسة ان فريق الاعداد نام مع ان الاسماء هي هي لم يحدث فيها تغييييييييييييير خالص بس مش عارفة كسل او اية اللة واعلم لكن مما لا شك فية ان العيب عيب اعدااااااد مش حاجة تاني وبعدين انا مضايقة ةمن زمان من موضوع الفقرة الواحدة اللي بتبقي في البرنامج حاسة انها ممكن تؤدي الي الملل والرتابة معظم الايام بقت فقرة واحدة مع اني زمان كان بتبقي كل حلقة فقرتين اتنين
الشيء الوحيد الذي لم يتغير في البرنامج ومحافظ علي جماهيريتة الا الان هي السندريلا مني الشاذلي اللي دخلت قلب الصغير قبل الكبير واللي لم يتغير فيها اي شيء هي هي طريقة الحوار الجميلة ونفس خفة الدم المعهودة ولو انها اليومين اللي فاتوا مش عارفة كنت حاساها مضايقة من حاجة ما كانت عيناها كدة زي ما يكون فيها حزن ودبلانة وماكنتش بتهزر زي عادتها بس بتهيقلي هي رجعت زي الازل بداية من يوم الاربعاء في حلقة محفوظ عبد الرحمن كانت بتهزر وبتضحك
يعني المشكلة مشكلة مواضيع مش مشكلة حوا لان اسلوب الحوار لم يتغير لسة وسوف يظل بنفس المستوي طالما هناك مني الشاذلي لكن المشكلة في رايي مشكلة اعداد

.

يا رب يا جنة

انا كمان الاسبوعين اللي فاتوا كنت حاسة انها مش طبيعية اوي بس بتهيقلي بقيت احسن من اول الاسبوع دة من امبارح يعني
كمان انا اتفق مع سارة المشكلة مش مشكلة اسلوب لكن موضوع

karamaxi كتب:

السلام عليكم,
انا اول مشاركة ليا فى هذا المنتدى الممتع
اولا احب اشكر من قاموا بفكرة هذا المنتدى و احيي جميع الاعضاء
على فكرة انا لاحظت انكوا بتتكلموا فى موضوع شاغل عدد كبير من محبى البرنامج
و اتمنى الكلام اللى فى المقال اللى فى اللينك دة مش صحيح

http://www.elfagr.org/TestAjaxNews.aspx?nwsId=8249&secid=2361

انا شايف ان المقال ده فعلا منطقي جدا

الديكور تغير لكن البرنامج زى ما هو بس الديكور زمان كان احسن