ايه رائك فى الفاصل الاول

فى حاجه جديده نوعا ما فى العاشره مساء وهيه ان منى الشاذلى اول ما تبدأ واحنا كلنا قاعدين مستنين البرنامج من الساعه 10 بالظبط ولما يبدا الساعه 10 وعشره واحيانا وربع تقول خبر سريع مش بياخد اكتر من دقبقتين وبعدين فاصل ومش بيبقى البرنامج لحق اساسا Neutral

نفسى اعرف ايه الحكمه من الموضوع ده
انا عارفه ان دى مش قضيه عايزه نقاش بس دى حاجه بتضايقنى وبتضايق ناس كتير وبما ان احنا من متابعى برنامج العاشره مساء فمن حقنا لو فى حاجه مضيقانا نقولها صح Question

عايزه اعرف ارئكم فى الموضوع ده

عارفه ان فيه هيقولوا ان دى حاجه بسيطه ومش مستاهله نقف عندها
اكيد انا عارفه كده بس مش لو كان الفاصل بعد اول نص ساعه زى الاول مش احسن

[size=18]للفاضلة رنا:

موضوع الاعلان بعد عشر دقائق او أقل أو أكثر دي اللي بيحددها المخرج تبعا لعدد الاعلانات الموجوده عنده وعدد مرات إذاعتها أثناء الحلقة وده بيرجع إلى الاتفاقيات المبرمة بين الشركات المعلنة ومخرج البرنامج
مثل الصحافة تماما
بمعنى صفحة أولى بسعر
غلاف العدد بسعر
صفحة أخيرة بسعر
داخل العدد بسعر
وهكذا
اللي عاوز أقوله دي ناحية اقتصاديه ومنى لا دخل لها بها
تقبلوا تحياتي[/size]

عارفه يا استاذ ابو اسامه ان الاستاذه منى مالهاش علاقه بالاعلانات وان ده شغل الاخراج
قصدى انه مكنش كده لحد فتره قريبه كان عادى الفاصل بعد نص ساعه مش بعد 5 دقائق
يمكن اكون غلطانه بس دى وجهة نظرى

اه فعلا انا ملاحظة الموضوع دا بس مش بيحصل كل يوم احيانا اه واحيانا لا بس عادى الاعلانات مهمه جداااااااااا لنجاح البرنامج

ايوه صح هيكون بتقول تحياتي وايه الي هيكون معاهم النهارده في التقارير وبعدين الفاصل

بس يمكن عشان السبونسر اتغير بتاع الاعلانات فاتغير مواعيد الاعلانات وعرضها

بس زي ما ايه قالت هي الاعلانات مهمه

والمعدين والفريق ومني الشاذلي مالهمش صله بالشركة بتاعت الاعلانات دي بتكون مع القناة نفسها

اولا : طبعا من حقك انك تقولي علي كل اللي مضايقك وده من اهداف القسم يارنا

ثانيا : شوفي يا رنا فعلا انتي عندك حق بس ممكن توقفي مع نفسك وتقولي ليه اشمعن في برنامخ العاشرة مساء ؟؟؟
انا من رائي ان ده بسبب نجاح البرنامج صاحب الاعلان بيبقي اهم حاجة عنده الوقت اللي بيكون فيه المشاهد امام التلفزيون وطبعا ده بيحصل لما برنامج العاشرة بيكون شغال واعتقد انه مش مع العاشرة مساء بس لاء ده بيحصل مع باقي البرامج الهامة وبصراحة انا بستغل فترة الاعلانات في اني الف لفة صغيرة بين باقي القنوات ويارب ماتقولي دي خيانة هههههههه
اللي عاوز اقوله انه طبعا شئ ممل جدا انك تفضلي تتستني البرنامج

وشكرا لاضافتك

انتوا جيتوا علي الجرح يا جماعة انا بضايق من الاعلانات الكتير بس طبعا البرنامج وفريق عملة مش لية دعوة بيها دي حاجة تجارية بحتة بس هنعمل اية بقي ربنا يوفقهم و يزيدهم ويصبرنا احنا
ميرسي يا رنا

بصوا لو كانت الاعلانات دى فى صالح البرنامج خلااااااااااص بقى مفيش مفر من الانتظار فى الفواصل اللذيذه بتاعتنا
فينوس اكيد كلنا بنعمل كده فى الفاصل مش هنعد نترفج على اعلان شيفورليه الدبابه ونيدو ولافاش كى رى وجبنه كيرى وغيره مفيش خيانه ولا حاجه
وعلى راى ساره ربنا يوفقهم ويصبرنا احنا
شكرااااااااا ايه / ايات / مصطفى / ساره

» ماذا يقولون في موقع عمرو اديب عن مني الشاذلي بعد فوزها بلقاء ايمن نور ؟؟ و ما سر المكالمه التي اجرتها مني لعمرو اثناء الفاصل الاعلاني ؟؟..
» تقرير الرصد الاعلامي الاول .برنامج 90 دقيقه الاكثر تحيذا للوطني والطبعه الاولي الاكثر هجوما عليه
» تاريخ مصر(الجزء الاول)
» رسائل تحت الماء من جزائري الى سيدة المقام الاول منى الشاذلي
» النهاردة السبت 19 يولية 2009 في جريدة المصري اليوم .. العاشرة مساءا الاول و القاهرة اليوم الرابع في دراسة و استفتاء حول برامج التوك شو .. مبروووووووووك ...