ده رأى اللى أنا مقتنع بيه وأنت أيه رأيك ؟؟؟؟؟

بصراحه أنا إمبارح تابعت اللقاء اللى عملته الرقيقه مدام منى الشاذلى مع السقير الأمريكى
وبصراحه أنا لى رأى ممكن كتير منكم يعارضنى فيه
ورأى ده يتلخص فى كلمه واحده تصف حاله مادم منى
الــــــضـــــعـــــف
بصراحه أنا مكنتش مقتنع إطلاقا بأداء مدام منى فى الحلقه دى
وأنا هقول أسبابى
أولا الأسئله كانت جيده جدا ولا غبار عليها_مفيش إعتراض يعنى_
بس الضعف اللى أنا أقصده هو فى أسلوب الحوار نفسه
بمعنى مدام منى كانت بتسأل أسئله مهمه جدا وكان السفير الأمريكى بخبث شديد بيراوغ وبيهرب من الأسئله الحرجه خصوصا لو عن إسرائيل أو بيجاوب إجابات مبتوره
وللأسف مدام منى كنت حاسس أنها كانها بتسهل الموضوع ومبتضغطش عليه عشان تنتزع منه إجابات واضحه
أنا مقدرش أقول أن دى صدفه لأن مدام منى إعلاميه محترفه وتقدر تنتزع الإجابات لو كانت عايزه
بس أنا حاسيت أن مدام منى أول ما تحس أن السفير مش عايز يجاوب او بيجاوب اى إيجابه تروح ناقله لؤال تانى بشكل تلقائى
وده بان فى رأى لما مدام منى سألت عن البرنامج النووى الإيرانى والإسرائيلى
السفير جاوب عن إسرائيل بطريقه سطحيه وقال انها مش موقعه على معاهده منع الإنتشار النووى وكأن ده مبرر انها تمتلك أسلحه نوويه وعلى حد ما أذكر مدام منى مضغطتش عليه فى النقطه دى حالص
ده رأى ولو حد شايف أنى غلط ياريت يبعتلى[b]

.

شكرا على ردك يا جان وانا أحترم رأيك وأحترم مدام منى المتألقه بس برضه مصمم على رأى وقصدى أن المفروض انها تضغط عليه لغايه ما توصله لنقطه يا أما يعترف بالحقيقه وهى ان إسرائيل غلاطنه يا إما يفضل يكابر وبكده مدام منى تبقى أحرجته وكشفته
ولا انت رأيك أيه

.

.

يقصدك انتي يا جنة معلش اصل الانجلش بيلخبط شوية
بس انا رايي من رايك في الاجزاء اللي تابعتها بس في اجزاء قليلة وقعت مني و باذن اللة اشوفها علي الاراب تيوب

والله انا معاك يافرعون فى كلامك
بما انو دبلوماس كبير وباقالو 30سنة اكيد هيعرف يهرب من الاسئلة
ودة اللى هوة عملو
مفيش سؤال جاوب علية
انا مش عارف هى منى الشاذلى كانت قاصدة تمشى الحكاية كدة
ولا فى اية بالضبط
انا نفسى اتنرفزت لانها مش بتزنقو وهربوة من الاسئلة كان باين

ومن الاخر مطلعناش من الحلقة باى شيىء جديد
--------------------------------------------------------------- والسلام عليكم

معلش وبدون زعل الحوار كان اكبر من منى الشاذلى

من الاخر
------------------------------------ والسلام عليكم

لا يا حجازى
أنا مش معاك
مدام منى كانت قد الحوار
وهى دى المشكله
لو مذيعه مبتدأه كنا قلنا ماشى
بس مدام منى لو كانت عايزه تضغط كانت ضغطت على السفير بس انا حسيت أن مدام منى مش عايزه تضغط عليه
وهى دى المشكله الى كانت فى أداء مدام منى فى رأى
لأنها لو مش هتقدر كنت قلت ماشى
إنما مدام منى بخبرتها كانت تقدر تعصر السفير ده عصر لغايه أخر معلومه
بس مش ده اللى حصل

انا عجبتني الحلقه و اوافق علي كلام جنه 100 في 100 ...

امير

بصراحة انا معاك..انا لحظة ان في عدم التاكيد علي الاجابة للسؤال

يعني فعلا الاسئلة رائعة ومباشرة ..بس السفير كان يهرب والاستاذة مني

لحظة اكتر من مرة انها لم تصر علي الاجابة علي السؤال

.........................................

منا قلت كدة من الأول محدش صدقني ...
الراجل كان بيجاوب بدبلوماسية شديدة .....
وبعدين العربي المكسر بتاعه كان مبهت الحلقة شوية ...