أبسط طريقة لرد الجميل الى صوت الحق( منى الشاذلى)

طرأت على بالى فكرة نستطيع بها ان نرد الجميل لتلك السيدة العظيمة التى تحملت من اجل مشاهديها
الكثير من التهديدات والضرائب والخوف على أقرب الناس اليها وهى باختصار

(ان يجرى احد أعضاء المنتدى اتصالا هاتفيا بالبرنامج مع أول حلقة تطل علينا فيها الاستاذة مني الشاذلي
بأسم المنتدى منتدى العاشرة مساء يبلغها فيه مدى حبنا اليها وتأييدنا لها فهى تقصر فى حق نفسها كثيرا
وترفض ان يشكرها احد او يمدحها فهى كما قالتها تخشى الغرور ولكن كما أتصل بها احد المشاهدين
وأثنى عليها فحاولت مقاطعته فأجابها هذا حق مكفول للمتصل وجب علينا ان نؤيدها فهى قليلة الدخول على المنتدى
واستخداما للنت بصفة عامة وأعتقد بأنها ستكون رسالة شديدة اللهجة الى كل من تسول له نفسه وحاول الاقتراب منها
وأن يكون هذا الشخص هو رئيس المنتدى أو احد المشرفين أو بأختيار من الاعضاء داخل المنتدى...........


هذا ليس أقتراح ولكنه طلب أرجو تثبيته فى هذا القسم كى ينال كم مشاهدة أكبر

منتظر أرائكم

فكرة حلوة

بس اتمنا انها تكون بشكل عام مش عشان الكلام الي قالته البشاير

الفكرة اننا معاها في موقفها

طيب ياجماعة متيجى نبدأ التنفيذ والتنسيق انا قولت الفكرة وانتوا كادارة تنسقوا ده واحنا تحت أمركوا بس محتاجين سرعة فى الاداء ومن غير بشاير ولا حاجة طبعا الفكرة دى على بالى من زمان والوقت مناسب دلوقتى مستنى رأيكم عشان الفكرة دى بجد تستحق التنفيذ ونشوف كمان هنرشح مين

انا عن نفسي هبدأ اتصل من السبت

طيب كويس أوى بس ماتيجى نتفق هنقول أيه فيها عشان تخرج فى أبهى صورة من الجانب اللغوى والثقافى وأفضل طريقة كى يحترمنا المشاهدين ويثنوا علينا ده منتدى منى عاوزين نشوف شبابه ولا أيه الكلام وخلاص حضرتك قررتى يا أستاذة أيات انك هتكونى ممثلة المنتدى
فى المكالمة ولا أيه

كويس أوى أوى أوى بس هطلب من كل واحد أنه يكتب رد ويكون فيه الصيغة اللى هو هيتكلم بيها وفى الاخر نكون وجهة نظر ونحدد افضل طريقة

كويس أوى أوى أوى بس هطلب من كل واحد أنه يكتب رد ويكون فيه الصيغة اللى هو هيتكلم بيها وفى الاخر نكون وجهة نظر ونحدد افضل طريقة

أنا أرشح أ/ أبو أسامة لكتابة صيغة الرسالة

احنا مش على أختيار طيب ياريت يتفضل يكتب صيغة وكلنا نكتب وفى الاخر ننتقى ياريت

يادنيا انا ممكن اكتب بس مش عاوز افرض حاجة معينة عشان محدش يقول عشان هو صاحب الاقتراح

أوك ماشى ياستى ولنفترض الصيغة التالية
(التحية أولا )
أستاذة منى الشاذلى طبعا هتسأل عن اسم المتصل اى واحد طبعا يقول أسمه وبعد كده
يقول انا بتكلم بأسم منتدى العاشرة مساء وفى رسالة انا مكلف بأنى أبلغها لحضرتك يامدام منى
يعنى عشان نزيل عنها الحرج لاننا زى محنا عارفين هى مش بتحب المدح ونقولها ان أحنا كموقع العاشرة مساء بنأييدك فى كل كلمة وحرف حضرتك قولتيه احنا فخوريين بيكى أوى وبنحبك جدا وحتى الخبر الغير صحيح اللى قريناه فى احدى الجرائد وواضح انه صحفى عاوز يتشهر على أسم حضرتك الكريم بس أحنا مش هنديله الفرصة أو حتى نذكر اسم الجريدة تحية اليكى ياسيدتى الفاضلة ربنا يوفقك ويثبتك على الحق يارب وفى الاخر ليا طلب صغير فهى طبعا هتقول اتفضل
تقولها المنتدى محتاج منك لنظرة فى حاجات هتعجبك أوى عارفين ان حضرتك مش بتستخدمى النت كتير ولكن من حقنا عليكى لاننا بنحبك انك تعبرينا بس ..............

ده أسلوب بس لو حاولت تقاطع اى حد بيتكلم فأقترح يقولها
(ده حق مكفول للمتصل وانا ببلغ رسالة ودى أمانة حضرتك استحملتى كتير وواجهتى كتير تهديدات ومخاطر نحن نعلمها جيدا ووجب علينا ولو تكريم صغير وصوت حق لازم يكمل مشواره
حضرتك فعلا سن.دريلا الاعلام بجد وأ كلام تانى يعنى على النسق ده................

انا ابتديت الاسلوب ومطلوب منكم تعلقوا و تكملوا بصيغ تانية

أنا لم أرى منى الشذلي يا إخوان من قبل العيد

شوفو يا إخوان ، أنا من الجزائر و أححبت صراحة الأستاذة لأنها بمئة رجل مصري غاضهم الأمر ، و لا أستطيع الإتصال لغلاء الكلفة ، لكن هاهي فكرتي لإسترداد الأستاذة على القناة و معززة مكرمة :

و الله فكرة لتكون قوية و فعالة جدا أرى الآتي :
1. في قناتي دريم 1 و دريم 2 ، و على أي حصة و ليس العاشرة فقط ، يقوم أي شخص منكم في مصر الإتصال و القول بجملة واحد بعد التسليم "عوزين منى الشاذلي ، القناة بدونها أصبحت مقفرة ... أو أي شيء قصير لا يقطع نسترجع به هذا صوت الحق على شاشة عم فيها الباطل و الوسواس و طم "
2. لو طلب منا بإسم من تطالبون بهذا ، نرد "بإسم منتدى العاشرة مساءا"

نكون قد إسترددنا الأستاذة أولا على القناة ، ثم نكون إن سمح لنا بمواصلة الحديث بشهر المنتدى و إستضافة الأستاذة و التواصل معها

ما رأيكم ؟

محدش رد يعنى

البرنامج بكره ياجماعة اتمنى اشوف اتصالات مشرفة لنا كمنتدى وللاستاذة منى كى تفخر بنا وبمنتداها وبأعضائه

استاذة ايات قالت انا هحاول يوم السبت أتمنى اشوف أسمك بكره منور الشاشة

البرنامج بكره ياجماعة اتمنى اشوف اتصالات مشرفة لنا كمنتدى وللاستاذة منى كى تفخر بنا وبمنتداها وبأعضائه

استاذة ايات قالت انا هحاول يوم السبت أتمنى اشوف أسمك بكره منور الشاشة

و الله يا جماعة شوفو الصيغة المناسبة و انا معاكو قلبا و قالب