منتدى المتمردين

يا حكومة نايمة على ودانك
إصحى وصحيلنا القفوات
عندى كلام يصلح شانك
يا حكومة من دون الحكومات
فيه منتدى من برنامج
قال إيه هيحصل فيه انتخابات
هيفتحوا عنين النايم
وهيعملوا فيها إنقلابات
العاشرة باين بالليل
وحكومة تحت العشرينات
والشعب ورياسته شقايق
عواجيزه وللا ولاد وبنات
بتدير أمورهم أمورة
فى حسنها و أخلاقها آيات
ورقيقة زى العصفورة
وعسكرى عند الأزمات
قراراته دايما بالشورى
ولافيه لاحبس ولا إعتقالات
ولو زعل واحد فيهم
مش قصدى على إيمان بالذات
هتشوف حبايب حواليهم
ما تقولشى ولا حتى الإخوات
كلمة عتاب بتصفيهم
وكل واحد له هفوات
لاأصلهم وللا ماضيهم
ولاينكروا العشرة ف لحظات
************
إتعلمى يا حكومة الزور
معنى الشرف ونظافة الإيد
عملتى بيتك من بنور
وبتضربينا بقبضة حديد
تعالى شوفى بنات الحور
فى منتدانا أحلى بريد
لكل جبار أو مغرور
فاكرنا عنده خدم وعبيد
هييجى يوم والدايرة تدور
وهيبقى واحد م المطاريد
ومن هنا هيشع النور
و كلنا هنروح فى حديد
*************
مع تحياتى/ طلعت الحداد

أ / طلعت شكرا لك على هذه الكلمات العطره فعلا منتدانا هو فخر للجميع بافكار اعضاؤه وحرية ارائهم وحرص المسئولين والمشرفين به على ذلك منتدانا ياسيدى ولد من رحم مصر والمصريين وهو دليل على ان اصحاب الفكر فى مصر كثيرين وانها مليئة بمن هم قادرين على قيادة فكرها وتصحيح مفاهيمها وعودتها الى طريق اضلته منذ زمن بعيد شكرا لك سيدى على كلماتك الجميله دائما متمنيا لك دوام التوفيق ولمنتدانا التقدم المستمر

يا حج طلعت فيه أية بس
حتودينا والله الحبس
عمال تشهر ليه في الناس
مات خليها ف سرك و خلاص
أنتا شيفنا بنأكل لحمة
عايز الحبس يكون في عتس
شادد حيلك ضابط نفسك
جاى وجيبلى معاك البوكس
قال أية بيقول الساعة عشرة
وكمان بيقولك فى الليل
ناقص كمان تكتب دريم
والموقع أسمة عشقها
وكمان بتقولي على أيات
دى رقيقة وزى وعصفورة
وعسكري عند الأزمات
وكمان بتقولي انتخابات
شكلك عايز تفتح لينا المعتقلات
يا حج طلعت يستر بيتك
والبيت كمان الى جنب بيتك
أقثم بالله انا حبيتك
نفسى أجيلك بكرة فى بيتك
وكمان أبوسك من خدك
تقبل مرورى

تحياتى

هههههههههههههههههههههههههههههه
مفيش زعل ولا حاجه ربنا ما يجيب زعل
أنا موجودة أهو ممشيتش شكرا يا أستاذ طلعت .

استاذ / طلعت .. سامح .. اشكركم جدا لانكم امتعتونا بشعركم اللذيذ ..

ماحدش هيتعلق غيري والله انا عارفه هههههههههههههههههههههههههههههههههههههههههههههههههه

شكرا جزيلا أستاذ أحمد سعد على أسلوبك اللميز وشرفت بمرورك،،شكرا يا سموحة على كلامك الجميل وشعرك الرائع وأنا كمان بحبك جدا يا سامح لأنك بسيط وتلقائى،،شكرا يا إيمان على مرورك ونورتى المنتدى والموضوع وكل الدنيا،،شكرا أخى أستاذ أمير على مرورك الراسى وكلامك الجميل،،شكرا آيات على مرورك طبعا بتشرفى وإن كان على الحبس ما أعتقدش الكلام ماعادش بيفرق معاهم،،شكرا للجميع0

دايما كلماتك جميلة يا استاذ طلعت
وبرضة فى الاخر ايات اللى هاتتعلق
ههههههههههههههههه

احسن رد شفتة فى المنتدى من يوم ما شفتة هوا رد الاستاذ أيمان(هههههههههههههههههههههههههههههه
مفيش زعل ولا حاجه ربنا ما يجيب زعل
أنا موجودة أهو ممشيتش) اسعدتينى بدحكتك واسعدتينى وبقولك انك موجودة ومش هتسيبينا

ونا بقول وهقول والناس كلها كمان هتقول

خروج ايمان من المنتدى باطل

قولو معيا يا اهل المنتدى

منورة يا مدام هند،أنا أدين لكم بأى كلمات أو معانى جميلة فأنتم مصدر إلهامها وروعتها،
طبعا يا سامح تعليق إيمان لازم يبقى أجمل تعليق، لحد إنت ما قلت خروج إيمان من المنتدى باطل،خليتنى صحيت البيت من الضحك الله يجازيك،
شكرا يا سامح و دايما منور0

هههههههههههههههههههه

شكرا للحاج طلعت شاعرنا الكبير على هذه القصيدة الجميله
والشكر موصول لسموحه ابن بلدي الغالي على تعليقه بقصيدة عفوية وجميله
وبأقوله نورت مصر من أيام وتقابلنا ولكني لم أكن متواجد بالمنتدى منذ فتره نظرا لظروف خارجه عن إرادتي (مشاكل متواصلة في شبكة النت اللي أنا مشترك بها )
وأهمس للفاضلة إيمان التي تسعدنا وما زالت كل صباح بأخبارها المحلية والعالمية قائلا (وجودك يسعدنا جدا فأنت معلم من معالم منتدانا )
وأتذكر مدى الترحيب من جميع الأعضاء بعودتكم ومجهودات الأميرة آيات في ذلك إذ جعلت الخلفية الكاملة لمنتدانا كلها ورود وترحاب بعودتكم
لكم جميعا كل الحب

أهلا حبيبنا أ/ أبو أسامة الغالى،الحمد لله على سلامتك،فين الغيبة دى،نورت المنتدى والموضوع والدنيا كلها0

ياسلام عليك يا ا.طلعت ايه الجمال ده هو ده الكلام "بس اعملوا حسابكم وقت الجد ما اعرفكوش ههههههههههههههههههههه"
ويا سلام عليك كمان يا ا.سامح هو ده الكلام

زائر

أ طلعت أشكرك علي هذه الكلمات الوجيزة ولكن لامتي هنتكلم وبس عايزين نعمل حاجه قبل فوات الاوان وربنا المستعان

زائر

أ/احمد سعد جاء في ردك علي الكلمات الجميلة التي كتبها أستاذنا طلعت الحداد
أ / طلعت شكرا لك على هذه الكلمات العطره فعلا منتدانا هو فخر للجميع بافكار اعضاؤه وحرية ارائهم وحرص المسئولين والمشرفين به على ذلك منتدانا ياسيدى ولد من رحم مصر والمصريين وهو دليل على ان اصحاب الفكر فى مصر كثيرين وانها مليئة بمن هم قادرين على قيادة فكرها وتصحيح مفاهيمها وعودتها الى طريق اضلته منذ زمن بعيد شكرا لك سيدى على كلماتك الجميله دائما متمنيا لك دوام التوفيق ولمنتدانا التقدم المستمر
هذه الحرية في أبداء الراي هي التي أقصدها في تناولي موضوع سؤال وبرلمنيات شكرا لك

ايه الحلاوه والجمال ده بجد الواحد سعيد انه يكون وسط المجموعه الجميله دى
استاذ طلعت ما اروعك اتعبت من يكتب بعدك
استاذ سامح جميل منك ردك الشعرى ده
بجد يارب دايما يكون المنتدى منور بيكم وبأرائكم

بارك الله فيك أخى الفاضل د0حداد،بل نحن من يشرف بوجودك بيننا ،تقبل تحيتى0

» كل سنه وكل المصرين بوجه عام وأعضاء منتدى الاعلاميه منى الشاذلى بوجه خاص بخير....شم الفسيخ جه