نحب منى؟؟؟؟طبعا.....بس

السلام عليكم ورحمة الله

انا شفت ردود الفعل لما سمعنا ان ممكن منى حبيبتنا تسيب شغلها كمذيعة وتروح لشغل تاني
شفت القلق واللي زعلان وانا زيكم والله بس كنت عايزة اقول ياجماعة في حكمة بتقول(دوام الحال من المحال)اعتقد مفهوم معناها احنا نحب منى اه ونتابعها بس بلاش نتعلق
ايوه بلاش تعلق بالشخص معين لانه اذا كان موجود دلوقتي بكره محدش عارف ممكن يكون في اي
الدنيا مبتبقاش على حال واحد واحنا رغم كل حبنا لمنى اكيد نتمنى لها كل سعادة وخير سواء شفناها او كانت بعيدة
-لاتعشق الغرباء لانهم دوما على ترحال-

رغم كل ده برضه يعز علينا العاشره منغير مدام منى

كلامك صحيح يا نونه بس علشان احنا اخدنا علي برنامج العاشره و فيه مني الشاذلي و

ماحدش يتخيل البرنامج من غيرها ساعتها لازم البرنامج يتوقف و ده فعلا حيحصل لو لقدر الله

سابت البرنامج ..

امير

شادي وا.امير
شكرا لمروركم وتفاعلكم
اكيد يامستر مقدرش اصلا اشوف البرنامج من غير ماهي فيه
بس بقول لازم نعود نفسنا اننا منتعلقش اوي بيها ربنا ميحرمنا منها ابدا

استاذ امير:عارفة والله الاحساس ده لما واحد يتعود على حد ويحبه وبعدين فجاءة ميلاقوش حاجة صعبة جدا عشان كده بنحاول نخلي في بالنا ان اللي موجود بينا النهاردة ممكن يمشي بكرى دي حال الحياة

ياجماعة عايزة اقولكم ان الاستاذ عمرو مثلا كان ديما ولحد دلوقتي بيقول مش عايزكم تتعلقوا بي بس تعلقوا بالفكرة والرسالة
بلاش تتعلقوا بالشخص ذاته قد متتعلقوا بفكرته ورسالته لانه لو موجود النهاردة ممكن يغيب بعدها
ولان لما واحد يتعلق بشخص حيكون فراقه ممكن يسبب له تعب كبير جدا
عشان كده خلينا نحب منى وكل الناس الجميلة اللي زيها بس نحاول منتعلقش بيهم
وربنا يحفظها لنا

اتوقع فشل زريع للبرنامج بعد منى الشاذلى
ونجاح ساحق لبرنامجها التالى
مع انى اعتقد انها اشاعة

كلامك صح يا نونه طبعا ... هو فيه اعز من الاب و الام و بيروحوا و الدنيا بتمشي ..

امير

اوكية يا نونة كلام صح بس بصراحة صعب اننا نطبقة وعارفة ان انا ممكن اتعب لو مني بعد الشر يا بب سابت العاشرة او مش سابت العاشرة سابت مهنة الاذاعة عشان لو راحت برنامج تاني اكيد هشوفة بس اعمل اية في نفسي بحب مني ومش قادرة امنع نفسي او اني اتخيل اني مش هشوفها
بقول بلاض اقدر البلاء قبل وقوعة واتصور في يوم انها ممكن تسيب البرنامج
ان شاء اللة اليوم امشؤوم دة مش يجي ابدا خالص
بس علي فكرة يا نونة مني بالنسبة لي مش مذيعة ولا حد انا معجبة بي لا دي اختي بجد انا بعتبرها اختي الكبيرة وطبعا مش هقول ماما لانها اصغر ومش ينفع اكبرها كدة بس بجد انا بشوفها اختي بجد ومش اقل من كدة خالص فمش ممكن مش هابقي متعلقة باختي ولا اية

لا يا نونة والله الحاجة الوحيدة الى بتصبر الواحد على الى هو فيه انه بيتفرج على البرنامج ويدخل المنتدى بجد مش عارفة لو حاجة تنقص منهم ممكن يحصلى ايه مش قادرة اتخيل خالص والله

صح يا اية ول انا ممكن اتخيل حياتي بدون العاشرة ومني

عارفة يا سارة لما بكون مضايقة فى وقت مفهوش حلقة بفتح الارب تيوب اشوف حلقة وبعدين ارتاح شى غريب جدا صح

طب واللة العظيم انا كمان اكون راجعة من كايتي مضايقة والدكاترة مزهقني وعندي مليون حاجة ارفاني ومزهقاني و عندي ابحاث ومذاكرة متلتلة ولما اقعد اتغفرج علي مني واشوف ضحكتها اللي زي السكر واللة برتاح واحس كاني مفيش حاجة وادخل انام وانسي كل المصايب و اصحي الصيح عادي ولما بيكون يوم خميس والواحد زهقان اما ادخل انام او اتفرج علي حلقة عندي علي الكمبيوتر او علي الاراب تيوب زي ما انتي قولتي

يا رب فعلا ما يحرمنا منها يا رب يا رب امين

عضو صاعد الدولــة : تاريخ التسجيل : 24/07/2007

والله اكتر حاجة هاتزعلنى لو سابت البرنامج ان المنتدى دة هايتفركش

ومش يهمنى منى خالص تسيب الابرنامج تقعد مش مهم
المهم اعضاء المنتدى

----------------------- والسلام عليكم

لا حرام عليك يا مراد ازاي بقي اذا كان مني هي الليلمتنا وجمعتنا
ازاي بقي
طبعا احنا كلنا حابين المنتدي ولمتنا بس اصلا مني هي الاصل و هي السبب في لمتنا ازاي بقي مش نزعل لو يابت البرنامج
وبعدين ان شاء اللة اليوم دة مش ياتي ابدا ونفضل مع بعض بحس و باسم مني

مش عارفة اشكركم ازاي على تفاعلكم ومروركم الجميل ده
بس انا عايزة اقولكم اني بحبكم في الله كلكم وخلتوني احب منى ومصر اكثر واكثر ربنا يجمعنا على خير ديما

كل الكلام اللي قولتوه انا مجرباه وعارفاه والله

وياجنة ياحبيبتي طبعا كلنا متعلقين بمنى ده انا حلقة مبارح استمتعت بها جدا وزي ماقالت ايه وسارة خرجتني من همومي المتلتلة بمجرد مابشوفها برتاح جدا هي وكل اللي اتعلقت بيهم بس ياجنة اللي قال مقولة-من كان يعبد محمدا-ده سيدنا ابوبكر ياروحي..وعلى فكرة مين سامر ده ؟؟؟؟؟؟

وانا والله مش مقدرة البلاء قبل وقوعه وربنا يبعد عننا كل بلاء يارب وميحرمنا من كل اللي بنحبهم[/color
[color=darkblue]
مراد ياخوية اي اللي بتقوله ده لو سمحت البرنامج لا مش بس البرنامج القناة كلها ملهاش اي لازمة من غير القمر منى-طبعا نحترم رايك-بس عايزين نوضحلك ان البرنامج لو في غير مدام منى مكنش نجح كده,مظنش

اشكركم كلكم على ارائكم الجميلة متعرفوش انتم خلتوني احب منى اكثر والبرنامج بقيت بستمتع بي اكثر عشان عارفة انكم بتشوفوا ولما بشوف حلقة بعقد افكر في اللي حنتناقش بي
بحبكم جدا ربنا يحفظكم ويبارك فيكم

مبارح منى كانت منطلقة وجميلة ومرحة ودمعت لما اتكلمت مع العم عبدالرحمن-ربنا يشفيه-شفتها وهي بتحاول تخبي دموعها وهي بتتكلم معاه وحسيت قد ايه بتعتز بالراجل ده
ربنا يعطيه العافية والصحة ويخلينا منى ولايحرمنا منها ابدا

فعلا يا نونه دي احلي فقره حركت مشاعري امبارح ..

امير

يارب امين
دعاء جميل ياجنة
مبارح وانا بتفرج على مدام منى ببصلها قلت في نفسي-اي الحلاوة دي انت ليه حلوة اوي كده-هههه ماشاءالله ربنا يحرسها من كل عين

يا رب يحرسها من كل عين
تاتش ووووووووود يا جماعة علي مني
امين ربنا يحرس مني لينا لينا ولكل اللي بيحيوها

بجد يا نونه انا بحس فى موضوعاتك انك طيبه جدا جدا جدا
وبالنسبهللعاشره
خدوا الكلمه دى من الفرعون
لا عاشره بدون منى
ولا منى بدون عاشره

شكرا يااخ احمد على كلامك
واكيد لادريم بلا منى مش بس العاشرة مساءا القناة كلها مش حتسوى حاجة من غيرها

السلام عليكم، Smile

alfer3on كتب:: ب...
لا عاشره بدون منى
ولا منى بدون عاشره

أصدقكم، لقد ترددت أن أكتب شيئا أو رأيا، أخشى أن تذروه الرياح أو يتوقف الجميع عن متابعة النقاش... Exclamation

أقدر و أحترم الأخت الكريمة نونة و طرحها للموضوع...

أولا، ما شاء الله لا قوة إلا بالله على السيدة منى و طاقات مصر الحبيبة التي لا تنفد..

كلمات أخي أحمد مقتضبة لكني أراها معبرة...

أوافقه تماما على "لا عاشرة بدون منى"، لكن!

لا أوافقه البتة، دون عصبية عمياء و لا بكماء و لا خرساء Smile

، على: "لا منى بدون عاشرة"...لماذا؟...إن شاء الله سأجيب في رسالة قادمة، ربما، إذا ثبتت هته الحروف و الكلمات في مهب النسيان أو عدم الإكتراث..

أخوكم زين العابدين.

اهلا بزين العابدين لا يااخي الكريم كلماتك مش حتطير ولاحاجة وطبعا لازم تقولنا رايك
شكرا لكلامك ومرورك وعايزين نعرف بقية كلامك

عضو صاعد الدولــة : تاريخ التسجيل : 24/07/2007

يا جماعة طبعا انا بحترم الاستاذة منى وطبعا البرنامج بعده ابعد الشر
مش هيمشى وهيفشل
لكن انا عندى مبدأ
انا انا عمرى ما اتعلق بأى شخص اذا كان هوة اصلا ما يعرفنيش ولا عمرو سمع عنى

انا احترمو فقط لكن ما اتعلقش بية
ولو ساب البرنامج ما انمش ولا اكل ولا اشرب

لكن انا معنديش كمية الحب اللى جواكو ليها ومتفرقش معايا تسيب البرنامج او تمشى لان عدم رؤيتها فى التلفزيون مش نهاية العالم

معلش انا دايما صريح واللى فى قلبى على لسانى
وكمان انا عندى مبدا زى ما قال الرسول(يحشر المرء مع من احب)
والله اعلم الشخص اللى انتو بتحبوة دة داخل فين فى الاخرة

يا ريت كلامى ميكونش زعل حد فيكو
لكن كمية الحب اللى جواكو لمنى الشاذلى
انا معرفش دى حاجة تفرح ولا تحزن
ياريت كل واحد يراجع نفسو كويس
---------------------------------------------------------------- والسلام عليكم

» طبعا احباب
» لمحبى منى الشاذلى وحسب!!!!!! طبعا المنتدى كله هيدخل