نحب منى؟؟؟؟طبعا.....بس

ده رايك يا مراد و الكل لازم يحترمه ..

امير

mourad higazy كتب:: يا جماعة طبعا انا بحترم الاستاذة منى وطبعا البرنامج بعده ابعد الشر
مش هيمشى وهيفشل
لكن انا عندى مبدأ
انا انا عمرى ما اتعلق بأى شخص اذا كان هوة اصلا ما يعرفنيش ولا عمرو سمع عنى

انا احترمو فقط لكن ما اتعلقش بية
ولو ساب البرنامج ما انمش ولا اكل ولا اشرب

لكن انا معنديش كمية الحب اللى جواكو ليها ومتفرقش معايا تسيب البرنامج او تمشى لان عدم رؤيتها فى التلفزيون مش نهاية العالم

معلش انا دايما صريح واللى فى قلبى على لسانى
وكمان انا عندى مبدا زى ما قال الرسول(يحشر المرء مع من احب)
والله اعلم الشخص اللى انتو بتحبوة دة داخل فين فى الاخرة

يا ريت كلامى ميكونش زعل حد فيكو
لكن كمية الحب اللى جواكو لمنى الشاذلى
انا معرفش دى حاجة تفرح ولا تحزن
ياريت كل واحد يراجع نفسو كويس
---------------------------------------------------------------- والسلام عليكم

لكل واحد رايه الخاص ويحترم طبعا بس عايزاك يااخي الفاضل تفهم معنى الحديث في حاجة اسمها العلم الاسنباط يعني نستنبط ونستخرج المعاني وعموما منى مهياش الانسان الفاجر او الفاسق-بعيد عنها وعنكم-عشان نفكر بالشكل ده وطبعا بنرحب ونحييك على صراحتك ووالله طريقتك دي هي الافضل بان الواحد مش لازم يتعلق بناس عرفهم من بعيد وحبهم بس المشاعر دي بايد ربنا وحده منقدرش نتحكم فيها ومتنساش ان النبي-صلى الله عليه وسلم-كان بيقول-اللهم هذه قسمتي فيما املك فلاتؤاخذني في مالااملك-لما كان بيميل لااحدى زوجاته-رضي الله عنهن-من غير الاخرى
نورتنا ونتمنى انك تكون تتابع معانا ديما زادك الله ايمانا وثباتا

السلام عليكم، Smile

نونة كتب:: اهلا بزين العابدين لا يااخي الكريم كلماتك مش حتطير ولاحاجة وطبعا لازم تقولنا رايك
شكرا لكلامك ومرورك وعايزين نعرف بقية كلامك

بارك الله فيك أختي الكريمة نونة..و وفاء بالوعد و العهد لقد كتبت ردا متواضعا في قسم مناقشات الأعضاء أسميته: "العاشرة مساء...في الميزان"...

عضو صاعد الدولــة : تاريخ التسجيل : 24/07/2007

معلش يا نونة هوة حضرتك فهمتى الكلام ازاى

انا لاقلت انها فاسقة ولا فاجرة ولا اى كلام من دة
لكن بالعكس انا قلت انا انا بحترمها جدا ومعتقدش انى هحترم حد فاسق او فاجر
لكن معنديش كمية الحب اللى جواكو ليها
هوة دة قصدى بس
----------------------------------------------والسلام عليكم

عارفة والله مقصدتش انك قلت لكن قصدت اوضحلك الحديث الشريف عن مين بيقول -يحشر المرء مع من يحب-عشان يعني بس ابين مقصد الحديث مش اكثر

امبارح لا كان احد المتصلين بيتكلم وجاب اسم الاستاذ عمرو شكل مدام منى تغير لما هو بيقول اسم الاستاذ عمرو!!!!!!!!!!!!!!!!

من اسباب التعلق الزائد كمان ممكن الشخص اللي متعلقين بي يقول او يتصرف تصرف يضايق ممكن تكون حاجة بسيطة لكن بسبب التعلق ممكن يتصدم فيه ودي حاجة مجربة.....

نونة انا بشكرك جدا على الموضوع ده لانى لاحظت انو يخصنى انا شخصيا
انا جت عليا فترة حسيت انى ادمنت البرنامج ولو حصل ان فى يوم متفرجتش عليه وشوفت الاستاذة منى بكون عصبية جدا ومضايقة حتى فى ايام الامتحانات تصوروا يعنى يبقا عندى امتحان بكرة فى الجامعة وانا قاعدة اتفرج على برنامج بيعد ساعتين ونص
بجد جه عليا وقت اضايقت من نفسى جدا وحسيت ان ده اوفر
عشان كده قررت انى اعد فترة منغير ما اتفرج على البرنامج ولو حتى يومين تلاتة كعقاب لنفسى يعنى
بس بجد انا حبيت الاستاذة منى فى الاول مش عشان جمالها ولا ضحكهافقط لاء انا كمان حبيت فيهاحبها لشغلها واتقانها فيه وحبها لكل واحد بيعمل بجد فى البلد دى
انا مانكرش انها علمتنى احب بلدى واعبر عن حبى لها
مانكرش انها علمتنى انى اشتغل فى مجال انا بحبه عشان اعرف اتقن شغلى زيها
مانكرش انها بهرتنى بثقافتها وعلمها الكبير وكمان انها حد متواضع جدااا
وحاجات تانيه كتيييييير و.............و.طبعا الكمال لله
عشان كده انا واثقة ان الاستاذة منى هتكون فرحانة جدددددددددا لو احنا اتعلقنا بالرسالة اللى هى بتقدمها وهى توعية الناس والتاثير فيهم وانهم يعرفوا حقهم ايه ويعملوا واجباتهم
يعنى من الاخر نتعلق بقيمة الاستاذة منى وهى قيمة كبيرة اكتر ما نتعلق بشخصها
وده راى المتواضع

شكرا ليك ياخوخة كلامك عبر عن اللي كنت عايزة اوصلوا لكم عشان انا جربت ازاي لما الواحد يتعلق بحد وبعدين ميلاقيش الشخص ده او يتاذى وينصدم فيه فحبيت انوه لكم عشان محدش يتاذى ويخلي في بالوا ان الشخص المتعلق بيه لو اليوم موجود يمكن بكرى يختلف معاه ويسيبوه
حقيقي كلامك جميل اشكرك

ربنا يخليكى يا نونة
حقيقى الكلام اللى قولته ده من قلبى وده من حبى للاستاذة منى ربنا يعلم هى اثرت فيا ازاى من اول المزيكا اللى كنت بسمعها _دلوقتى بسمع فيروز وانغام وامال ماهر _لغاية طريقتى فى التفكير وحتى احلامى واهدافى فى الحياة.......ربنا يكرمها ويجزيها خير عن كل حاجة حلوة عملتها وبتعملها..........................................خوخا

كمان يا نونة انا عايزة اقولك انا مش بنشترك فى حب الاستاذة منى الشاذلى بس لكن كمان فى حب واحترام الاستاذ عمرو خالد واكيد اللى فىالصورة معاه ده ابنه على ...صح...
انا افتكرلو جمله قالها مرة
انا الواحد المفروض انو يقيم الناس باعمالهم ككل يعنى لو انا بحب حد والحد ده عمل حاجة ضايقتنى ومش بحبه مزعلش منو واتصدم فيه حتى لو حاجة وحشة لان كل الناس ليها حاجات وحاجات يعنى نعمل توازن بين اعماله لو الخير اكبر يبقا كويس ولو الوحش اكتر يبقا مش كويس
عشان كده لو يوم الاستاذة منى عملت حاجة انا شايفة انها غلط مش هزعل اووووى واقول انى اتصدمت فيهالانى هفتكر لها حاجات كتييييييييييير حلوة
انا واثقة انكو كلكو عارفين الكلام ده اكتر منى بكتييييير بس انا بفكركو بيه ..........ليس الا..........................خوخا

خوخا حبيبتي كلامك جمييييييييييل
ايوه ياروحي ده علي اللي في الصورة
وبالنسبة للي قلتي انا زيك بحب الاستاذ عمرو -جدا-ومنى كمان هم اكثر اثنين بحبهم وتعلمت من الاستا عمرو انه كان يقول بلاش تتعلقوا بالشخص اتعلقوا برسالته وبالفكرة اللي بيقولها وذكرت الكلام ده في البداية

حقيقي ياخوخة بشكرك جدا لمرورك ومتابعتك ربنا يكرمك

احنا زعلانين ان الملاك ممكن تسيب العاشرة وتروح مكان تاني ممكن ما نقدرش نشوفها فيه تاني
انا ممكن يحصل ليا حاجة لو عدي يوم من غير ما اشوفها
وانا ما اعتقدش ان مني ممكن تعمل كده

ان شاءالله ميحصلش الا كل خير
اشكر مرورك واول مرة اتعرف بك..

الدولــة : تاريخ التسجيل : 25/06/2007

انا احب منى الشاذلي لا نها امرأة خلوقة ومحترمة ومثقفة وهي خير مثال للمرأة المصرية الواعية و لفتت النظر اليها في فترة قليلة و هي مثال رائع للنساء والفتيات الصغيرات لكنني غير متعلق بها ولا بالبرنامج بالرغم من اني اشاهده كل يوم ..

طيب شيء جميل لكن كل واحد وقدرته الخاصة وطبيعته
اشكر مرورك

» طبعا احباب
» لمحبى منى الشاذلى وحسب!!!!!! طبعا المنتدى كله هيدخل