عندما يعتبرونك شخص منتهى الصلاحية

عندما يعتبرونك شخص منتهى الصلاحية

ليس بالضروره أن يعآملوُك مُعاملة البضائِع فيختموا على ظهرك تـآريخ إنتهآئِك وصلآحيتك لديهُم !
فقـد لآيتسـع وقتهم لإحترامك ومنحك أهميـة البضـآئـع !

لكِـن ..

هُنآلِك مؤشرآت تصدرمنهُم إليكْ .. تؤكـِد أن امـرك لديهُم قد .......إنتهى .

و مِنهـآ ..

المُؤشِر الأول ~*~

أن يكـونـوآ أول الاهتمامات لديك .. وتكُون آخـر الإهتمـآمـآت لديهُـم ..

أن تُنآديهُم عِند إختنآقك .. فـلآ يجيبصوتك .. سوى صوتـك ! ..

أن تحرص على إخترآع الفـرح من اجلهُـم .. ويحرصــون على إخترآع الحـزن من أجلـك ..

أن تعلمهُم : الفـرح والكبريـآء : والشمـوخ .. ويعلموك : البكآء والذلْ والإنكسـآر !

أن يتنـآولوآ لحمكمـع اعدآئـك في غيبـآبك بـشهيّـه ! .. فـلآ يردعهُم إحسآس ولآتمنعُهمعِشره.

~*~المُؤشِر الثآني ~*~

أن ينتهكـُوآ سِتـرحكـآيـة جميلـه .. كُنت نصفهُـم الآخـر بـِهـآ

أن يدركوآ إن صوتهُـم كالماء إليـك .. ويتعمدون أن يقتلـوك عطشـاً !

أن تمرّك منآسبـآتهُمالخـآصـه بفـرح الطفولـه .. وتمرهُم منآسبـآتك الخآصـه مـرور الكِرام .

أن تنـآم رسـآئلـك الهآمـه في بريدهُم .. حتىـ تختنِق بـغِبـآر الهجـروالإهمـآل.

أن يتعمـدون نحــرك بأنبـآء حكـآيآتهُم الجديده .. ويكثروآ مِن سـرد التفاصيل عليكْ .

أن يتبآهوُآبجنونِك ! بـهُم .. ثُم يبصقوآ في ظهرك بـمِقدآر مـاإبتسموآ في وجهِك !

~*~المُؤشِر الثآلث ~*~

أن تُرسل لهُم رسآله مُتحدياًكبريآئِك ! .. فيتأخر الرد .. وقـد لآيصل أبـداً.

أن لاتتحدّث معالآخرين إلاّ عنهُـم .. وأن يتحدثوآ مع الآخرين عن كُل الأشيـآء إلا أنت .

أن تحدثُهم عن الحُب .. والحلم .. والخيآل .. ويحدثونك عن الإخـوه .. والوآقـع .. والنصيب .

أن تشرح لهـُم عذآبك في غيآبهِم .. ويشرحوآ لـكمُغآمرآتهُم في غيبـآبـك !

أن تحفـظ غيآبهُم .. وينتهكوآ غيآبك أنتصـون كرآمتهُم .. ويهدروآ كرآمتـك .

أن لا يُعآدلهُم لديكَ شيء !

.. ويفُوقـك لديهُم .. كُلْ شيء .

امنية
حمدالله على سلامتك كنت فين يابنتي ؟؟؟؟؟اي الغيبة الطويلة دي

ادا انا عايزه اعرف مين اللي ممكن يعمل كده يا أمنيه ؟؟؟
بجد ايه كمية الشر اللي ممكن يكون في حد فيعمل التصرفات دي او حتى بعضها!؟؟؟
انا لو مكان حد حصل فيه كده بجد انا ممكن يجرالي حاجه من الزعل!!
بس ساعتها هكون انا اللي غلطانه اني عرفت ناس زي دي ولا الغلطه فمين بالظبط!!!؟؟؟؟
موضوع مؤلم جدا يا أمنيه بتمنى ميكونش بيعبر عن زعل جواكي او اي حاجه كده...

امنيه كنتى فين

موضوعاتك متميزه قوى قوى قوى وجميله جدا جدا جدا

اشكرك

زائر

الأنسة /أمنية
حمدالله على السلامة موضوع شيق كعادتك أستمتعت كثيرآ من تصفحه لكى الشكرصغيرتى العزيزة
وأرجو ألا تحرمينا من تواجدك الدائم وموضوعاتك المحترمة

موضوع صعب اوى يا امنيه يارب ميكونش فى ناس كده
حمدلله على السلامه يا امنيه يا جميله وحشتينا جدااااااا

نونه :: الله يسلمك... انا مايحرمنيش منكم غير حاجه واحده بسسسس
النت ..الى مجننى وكل شوية يفصل ده
بس بجد انتوا وحشتوووووونى اوى
شكرا جدا يا استاذة نونة على مرور حضرتك فى موضوعى المتواضع
Smile

يمنى :: للاسف يا يمنى ..الموضوع ده انا اخترتوا بالتحديد..علشان بيعبر
عن جزء من الالم الى جوايا
هو ممكن ما يكنش اصدهم يعملوا كل الحاجات ده..بس سعات احنا ممكن نجرح انسان
جرح كبيير ولو بكلمة صغيرة..وسعتها احنا مش هنعرف
اتجرح ولا لا
بس هما فعلا ما عندهمش قلب الناس الى بتعمل كده
شكرا جدا يا يمنى على مرورك الجميل ده
Smile

مريم فاروق :: الله يخليكى ده بس من زوقك الجميل
شكرا ليكى يا مريم على مرورك
Smile

ممدوح :: استاذ ممدوح الله يسلمك
اشكرك جدا على كلمات حضرتك الجميله ده
Smile

رنا :: الله يسلمك...انتوا وحشتونى اكتر
للاسف اى انسان ماشى فى حاله دلوقتى اصبح منتهى الصلاحية
وللاسف..فى كتير من الناس الى ممكن تعمل كده
شكرا جدا لمرورك يا رنا
Smile

الجميله امنيه

حمد الله على السلامه
انتى ياحبيبتى لسه ورده ورقك رقيق وحساس واى نقطة ندى تقيله شويه تتعبها لكن صدقينى لما حتكبرى وتبقى عجوزه ذى حالتنا كده حتكونى اخذتى مناعه واطعمتى ومش حتتأثرى بأى حاجه وبكل حاجه ذى دلوقتى

الله يسلمك يا استاذة عزة
كنت...ورده مفتحة
بس خلاص ...اصبحت..ورده زابله.لا ينظر اليها احد الا عندما يقطعها من جزورها
ليلقيها فى سلة المهملاااااااات او لينظف بها كعب حزاااءه

العجوز العجوز مش الى فى سنكوا يا استاذه عزة
انتوا لسه شباااب..ربنا يبارك فى عمركوا
العجوز هو الى يعجز فى طفولتوا او فى شبابه
زى حلاتى

شكرا جدا لحضرتك يا استاذة عزة على مرورك الجميل
هقول يا ماما عزة بقى بعد كده

ليه يا امنيه الكلام ده بعد الشر عنك
انتى لسه صغيره اوى على كده صدقينى مهما حصل معاكى من مواقف مش كويسه مش معناه انو خلاص لأ بالعكس دى خبره ليكى وتعرفى منها مين الكويس ومين الوحش
متخديش كل حاجه على اعصابك ومتكبريش اى موقف بيحصل الحياه مواقف كتير خلى كل موقف ياخد حجمه مش اكتر

بالظبط يا رنا انا كمان كنت عايزه اقول لأمنيه نفس الكلام
ليه يا أمنيه مستسلمه للأحباط ده كده ؟؟
صدقيني ده احسن وقت يبقى عندك فيه روح التحدي و الاصرار انك تعيشي حياه حلوه تتعلمي فيها من الحلو و كمان الوحش
بجد بلاش تركزي مع اي حاجه مش كويسه تحصلك و تعتبريها موضوع كبير اوي او انو مش هيخلص..بالعكس مفيش حاجه بتفضل على حالها و مفيش اي مشكله او زعل ما بنتهيش
كلنا مرينا بظروف صعبه و كل واحد شاف من وجة نظره قد ايه هيه كبيره و صعبه الظروف دي لكن في الاخر الحال بيتغير و احنا كمان بنتغير معاه
اللي كنا بنشوفه و احنا صغيرين كبير دلوقتي بنشوفه صغير اوي و تافه
يا أمنيه يا حبيبتي اوي تخلّي اي مشكله مهما كنتي شيفاها كبيره تعمل فيكي كده و دايما خلّي عندك حد اكبر منك يكون عنده خبره بالحياه و تكوني بترتاحي في الكلام معاه تحكيلو عن اللي مزعلك على طول عشان يكون واقف جنبك و يساعدك و طبعا طبعا اعتمدي اولا و اخيرا على ربنا و دايما الجأيله هتلاقي نفسك احسن بكتير على طول
متزعليش نفسك يا قمر و ربنا يديكي السعاده و راحة البال Smile

ياااااااااااااااااااااه يا أمنيه

لسه بدري على الكلام الكبير ده
عيشي حياتك بكل ما فيها وافرحي على قد ما تستطيعي
ومتشيليش هم
فالمستقبل أمامك طويل بإذن الله
من هم في سنك عليهم ان يكونوا في أسعد حال وميشيلوش للدنيا هم
وأهمس ( سنكم ده هو بداية رحلة طويله وانتم مازلتم في بداية الطريق)
تمنياتي لكم بحياة سعيده

أولا حمدلله على السلامة يا أمنية

بس زى مكل الناس قالت

انا زيك فى يوم حسيت كده فعلا والله بس قررت أنى أتجنب الناس دى

ولما عرفوا أنى تجاهلتهم كلهم بدون أستثناء بقوا هما اللى بيتحايلوا عليا ومش بتطلع ليه

وكبرت علينا ومش عارف أيه

صدقينى أنتى شخص جميل أوى ورقيق وحساس

بس أكبر قلم توجهيه لهم ويعرفوا قيمتك بجد هو البعد عنهم ومن فرط رقتك بتقولى مش يقصدوا

بس نصحيتى ليكى من شخص فى يوم شعر بده بس بجد أنا عملت الصح

لأن كان فى ناس كتير أوى صحاب ومعايا أصحاب لكن فى جزء أنا أستبعدته

وأصبح فى حياتى مجرد محطة نعدى عليها مش نقف فيها

حتى لو كنا بنعتبرهم أعز أصحابنا بكره تعرفى كده

لسا كتير هتشوفى وتقابلى فى مدرستك وبعد كده كليتك فعلا يا أمنية الخبرة والنضج

بيعلموا الإنسان كتير وزى ما يمنى قالت على ما أعتقد

حاجات بنحس بيها كبيرة ولما نكبر بنحس بتفاهتها

ولا يهمك ياست البنات وأنسى اللى ينساك

تحياتى

العزيزه امنيه

انتى عارفه ايه المشكله ياحبيبتى
المشكله ان الشباب بيكونوا لسه ميعرفوش غير لونين فقط فى التعامل مع الناس
الابيض والاسود وميعرفوش ان بين هذين اللونين درجات كثيره وعندما يصدموا بتلك الدرجات تحدث عندهم تلك الهزه ومع تكرار تلك الهزات يحدث تطعيم للشاب ويأخذ حصانه فلا يهتز بعد ذلك ولكن تلك طبيعة الامور هناك الاشخاص الجيدون وهناك الغير جيدون وعلينا التعامل
والاهم علينا ايضا ان نكون اقوياء ولاتؤثر فينا تلك الاشياء و ( الضربه التى لاتقتلنى تقوينى )
صدقينى ياعزيزتى بعد سنوات انا واثقه تماما ان حديثك سيختلف وستقولى ما اقوله انا الان لشباب سيمرون بنفس تلك الانفعالات
وتذكرى دائما اننا يجب ان نكون اقوياء ولانترك انفسنا لانفعالاتنا حتى لاتتعطل عقولنا وتعجز عن التفكير فى احوالنا وخططنا لحياتنا
اتمنى لكى ياعزيزتى حياه سعيده ونفس متوازنه آمنه مطمئنه

بصراحة لو حد عمل معايا كده هتصرف تصرف غير حضااري هههههههههههههههههههه

كعادتك متميزة يا امنية ونورتي بيتك من تاني عندما يعتبرونك شخص منتهى الصلاحية Icon_biggrin

مش عارفة اضحك عندما يعتبرونك شخص منتهى الصلاحية Icon_biggrin

ولا اعيط

..بعد كلامكم ده
بس انا هبتسم للحياه وامرى لله عندما يعتبرونك شخص منتهى الصلاحية Icon_smile

مش مهم اكون سعيده
المهم اسعد غيرى بابتسمتى ده
حتى لو كانوا مش عاملين ليا اى اهتمام

ملحوظة : انا كده كده ما عنديش اصدقاء
او اى حد كبير ممكن احكيلوا مشاكلى
يعنى صديقى الوحيد هو نفسى

رنا __ يمنى __ ا. ابو اسامه __ ا.محمود __ ا.عزة __ ايات

كلمكوا اثر فيا..بس تفتكروا هنفزوا ولا لا ؟؟؟
هحاول انفزوا..ان شاء الله
نورتوا

سلامو عليكو

والله يا امنيه ماهو كلام و خلاص او كلام مبالغ فيه بس بجد احنا هنا كلنا اصدقاء و اصحاب مع بعض كلنا معاكي و بنحبك جدا لأنك فعلا انسانه جميله و رقيقه جدا
لازم تتأكدي بجد ان اللي ماتبقاش صجبتك هي اللي خسرانه
و زي ما بيقولو كده "اللي ملوش كبير يدورله على كبير" انا عن نفسي مش باخد المثل ده بالمعنى الوحش و هو اني ادور على حد اخاف منه ..لا انا وخده كلمة "كبير" بمعنى حد احبه و أثق فيه و يكون قدوه و مرجع ليا في الافراح و الاحزان
على فكره مش عيب خالص ان يكون شخص معندوش اصدقاء العيب ان يكون عنده اصدقاء لكن _اللهم احفظنا_ اصدقاء سوء فتأكدي ان ربنا شايلك الخير و هيوقعك في اصدقاء يكونو لكي صحبه صالحه بيعاونوكي على الخير دايما "زي ما حصل معايا بالظبط" بس الموضوع محتاج صبر و ثقه في ربنا
حاجه كمان عايزه اقولهالك ان سعات ممكن تلاقي اصحاب عالنت هنا احسن بكتير من اللي بره و ده فعلا بدليل اني لقيت هنا اصحاب جامدين جدا و بحبهم اوي ده غير المنتدى نفسه بمواضيعه و نقاشاته غيرت فيا حاجات كتير جدا للأحسن و دايما بنسب فضل التغير الاجابي اللي فيا ده للمنتدى هنا
مش عايزه اكررها تاني يا أمنيه يا جميله احنا هنا كلنا اصحاااااااااااااابك و معاكي على طول ..انتي بس اندهي و هتلاقينا جنبك Smile

لا يا أمنية انا شايف أنك بجد شخص جميل جدا

خدى كلامنا وضعيه فى موضع التنفيذ صدقينى كلامنا كلنا صح وأنتى صح

مش محتاجة حزن دى الحكاية كلها عبارة عن شوية أيام يانعيشها بحلوها ونحاول نقلل حزنها

يا أما تنقضى حياتنا بلاش وهباء

وعلى كلامنا أضحكى ياستى وأنبسطى وأنا واثق أنه هيأثر فيكى لأننا بجد أصحاب

ودائم الإتفاق مع يمنى

بجد أنا لقيت هنا أصحاب بجد فى الموقع ناس بيحبوا بعض بجد بدون مصالح أو نفاق

كمان لقيت ناس تانية معايا فى الكلية جميلة أوى

ولعلمك أنا زيك صحابى مش كتير أه أعرف ناس كتير أوى

لكن لو تعرفى انا ليا صاحب واحد بس فى الكلية أنا وهو مع نفسنا كده

دماغنا واحدة فكرنا واحد وإحنا الأتنين بجد واحد وبنكمل بعض

صدقينى حاولى تشوفى الحياة بشكل أحسن هتلاقيها لوحدها بقت جميلة أوى

حد عاوز حاجة منى قبل ممشى

طيب متغور ياعم

ههههههههههههههه

ولا يهمك يا أمنية

لا يا امنيه مش متعودين عليكى كده انتى بجد انسانه جميله اوى عايزينك تبقى مبسوطه وسعيده مهما حصل تاكدى انك مش السبب فكل حاجه بتحصل معاكى كل واحد فينا مر بمراحل زى كده حس بالوحده والحيره والاكتئاب وغيره لكن لازم منستسلمش دورى حواليكى هتلاقى ناس كتير بتحبك وبتثق فيكى بس يمكن مستنين مبادره منك كل ده هيعدى صدقينى ولما تكبرى شويه هتفتكرى الوقت ده ومش بعيد تضحكى وهتلاقى حاجات كتير اتغيرت للاحسن حواليكى باذن الله
طب اضحك انا لما كنت قدك عرفت واحده وحبيتها بس يمكن قعدنا اول سنه عرفنا بعض فيها فاعدادى تقريبا بنتخانق كل يوم وخناقات بجد مش هزار ههههههههههه لدرجة انى خلاص فقدت الامل اننا نكمل لكن تعالى شوفينا دلوقتى اكتر من الاخوات بجد وبنكمل بعض فكل حاجه قصدى انك ممكن تفتكرى ان شخص معين مش كويس لكن مع الايام ممكن كل حاجه تتغير وتبقوا اكتر من الصحاب
كمان احنا هنا بجد كلنا عيله واحده مش كلام بجد دى الحقيقه انا عرفت ناس هنا عمرى ما كنت اتخيل انى اقابل زيهم واحبهم الحب ده وزى ما قالت يمنى انتى ممكن تلاقى صحاب عالنت كويسين جدا وهتحبيهم جدا وتحسى انك تعرفيهم من زمان وده مش كلام كده ده بجد وحصل معايا هنا
كلنا صحابك هنا يا امنيه ووقت ما تحبى تفضفضى صدقينى كلنا معاكى وجنبك يا احلى امنيه فى الدنيا عندما يعتبرونك شخص منتهى الصلاحية Herz

بالتاكيد انا بعتبركم كلكوا هنا اصدقاء ليا

وفعلا انا لقيت هنا اصحاب احسن بكتير من الى بره
زى ما بتقولى يا يمنى

بس انا كنت اقصد الناس الى برة

جميل ان الواحد يلاقى حد يشاركة فى كل حاجه يخرجوا مع بعض
فكرهم يكون واحد احلمهم تكون متشابهه.. زى ما بتقول يا استاذ محمود
بس ده للاسف انا بافتقده....

طبعا كلنا هنا عيله واحده . يا رنا...وده الى اكتشفته اول ما جيت الموقع هنا

هههههههه.. طيب انتوا كنتوا بتحبوا بعض يا رنا ..بس كانت بتحصل بينكوا خناقات
بتفتكروا بعدها انكوا هتتفرقوا..

بس فى حالتى انا..كل اما اعرف واحده واحبها افتكر انها بتحبنى
بس تطلع فى الاخر..عرفتنى علشان مصلحه تهمها

" مافيش حب صالح ..كله بتاع مصالح "

..بس بجد انتوا اصدقاء ما تتعوضوش حتى لو ما كنتش شفتكوا قبل كده
المهم انى سمعت كلامكوا الطيب..ونيتكوا الصافيه

يمنى ..ا.محمود.. رنا
اشكركم جدا على اهتمامكم بالموضوع
واتمنى ما اكنش طولت عليكم او دايقتكم Surprised

ابدا يا أمنيه احنا مش مضايقين خالص بالعكس اكيد احنا سعداء اننا كسبناكي قصديقه جميله من خلال الحوار ده
كلمه اخيره لكي "متستعجليش"
انا متأكده ان رنا و محمود بردو سعداء بصداقتك جدا Smile

بدون أدنى شك أستاذة يمنى

ربنا يعلم قد أيه الواحد بيحبكوا كلكوا زى أخواته وأكتر

كمان بشكل خاص لأنى معنديش أخوات بنات

ومعاكوا لقيت أجمل أخوات بجد

أمنية

مفيش صاحب صالح كله بتاع مصالح

الولاد بيكتبوها على التوك توك

هههههههههههههههههه

تحياتى

زائر

الغالية/أمنية
أستاذ/محمود
الحياة مليئة بحلوها ومرها وكثير ماتقابلين فى حياتك وسأخبرك بسرهام فى شخصيتك
أنتى ياأمنية سنك 14سنة ربنا يسعدك ويطول فى عمرك ولكن ما ألحظه إنك بتتحدثى
أكبر من سنك بمراحل وأكيد شخصيتك دية بتظهر مع أصداقك وزملائك فى الدراسة
وأكيدأنتى حدمميزفى فصلك الدراسى وثقافتك هذة هى محور الختلاف بينك وبين زملائك
وده بيسبب نوع من الغيرة بينكنا فى المدرسة لأن أغلب زميلاتك أكيد لن يهتموا بماتهتمى به
ياعنى عايشين فترة طفولتهن ونضجوهن مهتمين بأشياء أخرى غير وعكس ما تهتمى أنتى
وباعدين لاذم الأنسان يفرق بين الزمالة فى الدراسة أو العمل وبين كلمة صداقة
فالصداقة تأتى من مفهوم الصدق والصديق من يصدقك القول ولابد أن يكون مرأة واضحة لصديقه
يرى فيها عيوبه قبل مميزاته ولكن كلمة صداقة بدأت تتوارى ولكن لم تختفى بعد هى عملة نادرة الوجود ولكن موجودة فى الحياة ولكن إذا دقننا النظر فى مر العصور هناك من القصص والحكايات
التى تؤكد أن الصديق جرحه يؤلم أكثر من جرح النسان العادى لأنك لم تتوقع منه مافعله بك من جرح أو مقلب أو موقف ما يمر علينا كلآ حسب موقعه وسنه
لوتتذكرون فيلم أدهم الشرقاوى فأول من أوقع بأدهم هو صديقه بدران أو مغورى حسب شخصية الظهور فى الفيلم
وهناك دعاء مأثور عن الرسول ص اللهم أكفينى شر أصدقائي أما أعدائي فأنا كفيلآ بهم
وهذا لأن الصديق يعلم كل كبيرة وصغيرة عن صديقه يعرف نقاط الضعف قبل القوة فتكون ضربته بمقتل تؤلم وتوجع وتجرح
وهناك نوعان من الأشخاص أولهما سوى الشخصية يتعامل مع الناس بحسن النية إلى أن يثبتوا سؤ نيتهم
وثانيهما معقد التركيب لما مر به من تجارب قاسية فيتعامل مع الأخرين بسؤ النية إلى أن يثبتوا حسن نيتهم ياعنى كما يقال بالمثل العامى الدارج التدوال إللى أتلسع من الشربة ينفخ فى الزبادى
أو إللى إتلدغ من الثعبان يخاف من الحبل
ولكن مع كل ما شهدناه من قسوة الأصدقاء فالحياة كما أبلغتكم مليئة بالحلو والمر
وكما علمنا رسولنا الكريم ص الخير فى وأمتى ليوم الدين
ولكن لابدوألا نتسرع فى إنتقاء الصدقات ولانتسرع فى الحكم على الأخرين بالصالح أو الطالح
والصديق كما يقال الله يخليكى ياشدة عشان بتعرف الصديق من عدمه
أرجوكى ياأمنية أن تنظرى بمرأة شفافة فى حياتك أنتى لسة صغيرة أخشى عليكى أن تتعودى على هذة الشخصية فمن شاب على شئ شاب عليه وليس معنى أن قابلك شخص ما متسم بالمصالح والشخصية الوصولية والأنتهازية أن نعمم ذلك فى حكمنا على الأخرين
أستاذ/محمود
الفئة التى تتحدث عنها فئة ضالة يعرفون بعض عشان سيجارة محشوة عشان مشكلة يريدوا أن يتجمعوا ليفتكوا بشخص ما وباعدين لو هتتحدث عما يكتب كلفتات على السيارات النقل والتكاسى
والتوك توك يقال صاحبك من بختك
ونعرف أن المرئ على دين خليله فلينظر أحدكم إلى من يخالل أى يصادق
أرجوياأمنية أن أكون أسهمت فى إيضاح أشياء هامة لشخصك المحترم
عشان بجد أنتى حد عزيزومهم لدى فى المنتدى وذلك لحكمى على تركيب وتكوين شخصيتك نتيجة ما أقرأه بين طيات سطور موضوعاتك الهامة ولكن أنصحك أن تتعاملى مع أصدقائك ليس بتكوين شخصيتك الجادة ولكن تعاملى مع كل شخصية منهن حسب شخصيته هو أو هى ياعنى تعاملى مع كل واحد ولونه دون أن تتأثرى بهن بل عليكى التأثير فيهن هكذا هيا الحياة عزيزتى تأتى بالفرح والحزن ونحمد الله فى الضراء قبل السراء فخيرنا إذا ما أصابته مصيبة قال أنا لله وأنا أليه راجعون
ولاإله إلا الله إنى كنت من الظالمين أعتذر عن الطالة بس بجد أنا بحبك وبحترمك صغيرتى العزيزة

تحية خاصة ليمنى ورنا لنضوج عقولهن وجمال الحديث الممتع فى تدوين نصائحنا
كما أتقدم للخبيرالأنسانى الأستاذ /أبو اسامة والسيدة الفاضلة /عزة لنصائحهم الخالصة

ضايقيتينا ايه يا امنيه عيب عليكى متقوليش كده
احنا سعداء بالحوار ده ويارب نكون قدرنا نخفف عنك شويه
وسعداء كمان بيكى كصيدقه لينا يا منمن عندما يعتبرونك شخص منتهى الصلاحية Icon_biggrin

أستاذ ممدوح أنا لم أقصد أخدهم كقدوة أو ماشابه لكن فقط من باب الدعابة

وسيادتك تعلم كم لا أطيق هؤلاء الخارجين عن إطار الأدب

لكن لعلم حضرتك فى ناس كتير أوى بتشتغل فى المهن دى ومحترمة جدا

أنا أعرف طلبة جامعيين والله بيشتغلوا كده ومش مهم أنه يكتب أيه

فى النهاية دى حرية

فى حد ممكن يكتب كده

وحد تانى مثلا يكتب إذا هانت الكرامة فلا داعى للحياة

وهكذا

ولكن متفق هؤلاء ليسوا قدوة ولكن فقط من باب الدعابة يعنى مش أكتر

أمنية وجهة نظر أستاذ ممدوح صح هو ده فرق الخبرة أكيد

بجد ممكن تكونى مميزة عنهم وهما مش فاهمين ده أو بيغيروا

انا شخصيا عاوز عروسة وكويس أنتى 14 يعنى ههههههههههههههه

أنتى من أجمل ماتعرفت فى المنتدى أخت فاضلة ومحترمة ويشرفنى التعرف عليهم

كلنا هنا أنا ورنا ويمنى وأستاذ ممدوح كلنا أخوات وإن تفاوتت الأعمار

تحياتى

» عندما تكون الانانية صحية
» عندما تحن الى نفسك....
» عندما نظرت فى قلوبهم.....!!
» عندما تكلم القط
» عندما تحدث الحكيم إلي الله