تم نشره اليوم ..صاحبة مدونه تنشر الحديث الذي دار بينها و بين مني الشاذلي في حفل تسلمها للجائزه .. حديث جديد لم ينشر من قبل

تم نشره اليوم ..صاحبة مدونه تنشر الحديث الذي دار بينها و بين مني الشاذلي في حفل تسلمها للجائزه .. حديث جديد لم ينشر من قبل ..

المشهد ليل داخلى
نقابة الصحفيين
بتاريخ النهاردة
حفل توزيع جوائز مصطفى و على امين
هى
منى الشاذلى تجلس فى الصف الأمامى منتظرة تسلم جائزتها
و كل شوية تقوم و تتحرك و تسلم و تتلقى التهانى من الزملاء و الأحباب
أنا
قاعدة فى الصف اللى ورا اللى وراها
عينى ملاحقة كل تحركاتها
عايزة أسلم عليها و اقولها على حاجات كتير بس مترددة
الله ... أومال أنا جاية ليه؟؟؟
هى
بيضحك سنها و يخرب بيت دى ضحكة
انا هأستنى تبقى لوحدها شوية و أكلمها
اللحظة سنحت و قربت منها
كل جسمى بينتفض و قلبى بيدق
- مدام منى .... ممكن أسلم على حضرتك بعد إذنك ؟
- أيوه طبعا بس ... تدرك بذكاء انى مرتبكة ... بس براحة مخضوضة ليه ؟
بضحك لتخفف قليلا من توترى
- أنا موش صحفية و لا زميلة أنا مشاهدة عادية بس أنا جاية النهاردة عشانك أنتى بس
- يا حبيبتى متشكرة قوى
تربت على يدى بحنان
- أنا مرت بيا ظروف كدا و كنت منعزلة عن العالم خالص
و كان برنامجك هوه الوحيد الحاجة الوحيدة اللى بتحسسنى انى لسه عايشة فى الدنيا و عارفة إيه اللى بيحصل....
يغالبنى الدمع فأبكى
- لأ ... متعيطيش
تأخدنى فى حضنها و تضمنى بحنو شديد
- كفاية لحسن هعيط أنا كمان...
تطلق التحذير بلطف
- طب قوليلى انتى بتشتغلى إيه؟
- لأ حاليا أنا قاعدة فى البيت بس مفيش مشاكل دلوقتى أنا بس عاوزة أقولك أنى بحبك قوى قوى
و انتى اجمل بكتيير من ما بتظهرى فى التلفزيون شكلا و روحا و احلى من كل توقعاتى
و ربنا يوفقك يا رب
أنا هسيبك عشان تستلمى جايزتك و الف مبروك
- بصى أنا عاوزة نمرة تليفونك و هبقى أكلمك ...هه
أنسحب للخلف و أعود لمقعدى
يبدا الحفل و تصعد خفيفة الروح للمنصة لتتسلم الجائزة
و تهدى قيمتها المالية ذات العشرة الالاف جنيه لصالح
شراء قطعة أرض جامعة القاهرة الثانية
الجميع يصفق لها و للفتة الكريمة
بل أن الباقين يغارون منها و يتبرع بعضهم كما فعلت هى
بعد انتهاء الحفل كتبت لها ورقة بنمرتى و عنوان المدونة
أقترب منها و اعطيها الورقة على إستحياء
- الف الف مبروك و معلش أنى عيطت
- لأ متقوليش كدا موش عاوزة اقولك مقابلتك دى عملت إيه كان عندى النهاردة إحباط فظيع
- ليه بس ؟
- العادى أنتى عارفة الشغل ...
- على فكرة ...أنتى أكتر واحدة برنامجها غطى احداث المحلة بكل قوة و معملتيش زى البرامج التانية
الناس كلها عارفة دا و محدش يقولك غير كدا
- أنتى حد جميل قوى و ربنا يسعدك
-إنتى اللى أجمل قوى و ربنا يديكى و يزيدك وأسلم عليكى بقى
تحتضنى مرة آخرى و تودعنى
- شكرا على حضورك ... هابقى أكلمك ...
ياااااه
يا منى
و لو متكلمتيش خالص خالص
أنا موش عاوزة حاجة أكتر من أنى شفتك و سلمت عليكى و قولتلك على اللى فى قلبى
أنتى اجمل من أى وصف أقوله
عارفة أنا بكيت ليه لما شفتك ؟؟
عشان لما كنت فى المنفى الإجبارى مع يوسف
كنا كل ليلة نتفرج سوا على البرنامج و نقعد نتكلم أنا و هوه على الحاجات اللى حصلت النهاردة
و يقعد يسألنى فى الكلمات اللى موش فاهمها و أقعد أشرحله
لما شوفتك أفتكرت اللحظات دى

اللى كنا فيها قريبين من بعض قوى
و كان عشان خاطرى بيشاركنىالفرجة على برنامج للكبار فقط
زى ما بشاركه الفرجة على الكارتون
اتمنيت يكون معايا و يشوفك بنفسه
كان هيفرح قوى و هوه بيسلم عليكى
انتى بجمالك و خفة روحك دى
خليتنى أستحضر الشعور دا فى ثانية
و مبقتش قادرة أسيطر على دموعى
دى دموع فرحة لقا حد بيتحبيه قوى و اول مرة تكونى قريبة منه كدا
و كمان تلاقيه بيضم قلبك بدفا بدون سابق معرفة
و يفكرك بحد بتحبه أكتر من روحك
و ساكن روحك
روح قلب ماما
أنتى يا منى عليكى حنية قلب تخلى الحجر ينطق
كنت بحبك من اول حلقة شوفتك فيها
و دلوقتى بحبك أكتر و اكتر
و فيه شاعر زمان قال حاجة
مينفعش تتقال إلا ليكى انتى و بس
يا خفيف الروح قلباً و روحا و طيناً
لولا أنك من أهل نوح لما ركبت السفينة

امير

حديث اكثر من رائع ..

انا اللي بجد واللة العظيم عيطت دلوقتي
انا بكتب ودموعي نازلة بجد يا جماعة
اية دة
نفسي اشوفها بجد
انا ممكن يجرالي اكتر من كدة
بجد انا مجربة دموع الفرحة دي بجد امبارح لما مني اخذت الجايزة لقيت نفسي من كتر الفرحة دمعت بجد
انا لما اشوفها هقولها احضنك وبس مش عايزة اكتر من كدة يا مني
ودموعي دي مش هاعرف اتكلم اصلا
يا بختها بجد يا بختها
مش عارفة اقول كل اللي جوايا بس بجد انا دموعي وانا بقرا مش عارفة امسكها
يا رب مامي ماتجيش دلوقتي عشان ماتقلقش عليا
انا وانا بكلم مني معرفش اعمل اية ممكن معرفش اتكلم دموعة بس
ميرسي لحضرتك علي الكلام الجميل ولو اني عيطت بس الكلام كان شديد اووووووووووووووووووووووووي

الله الله عليكي يا ساره .. كلك مشاعر الله عليكي ده انا لما قريت كلامك حسيت اني حادمع

.. انا فعلا اتاثرت قوي بكلام الانسه اللي كاتبه الكلام ده صادقه في مشاعرها زيك تمام

يا ساره ...

امير

يا ة انا نسيت اية مني هي الحنية كلها طبعا بسكوتة قلب خصاية
بجد نفسي احضنها
نستيت اقول الف بعد الشر عليكي يا قمر من كل احباط بعد الشر عليكي يا مني ان شاء اللة يا اللي يجيكي عليكي مش هيكسب ابدا
يا جماعة كلنا لازم ندعي ليها عشان ربنا يوفقها ويبعد عنها اي احباط او شر او ظلم

دي بس اكيد مدام لان عندها ولد اسمة يوسف

اه صح يا ساره .. هي مدام ..

يارب اعمي اي واحد يكون السبب في اي حاجه وحشه لمني الشاذلي ...

امير

ياااااااااااااااااااااااااااااه ايه ده والله وانا بقرا الكلام فعلا بتحس انه طالع من القلب للقلب كده على طول وفعلا اتأثرت جدا جدا جدا جدا والله فعلا انسانه رائعه ايه الجمال والتواضع ده كله يا جماعه مفيش في الدنيا حد كده تانى غير منى بس هي منى واحده بس والله صدقونى اللى بالشكل والمشاعر والاخلاق ديه كلها فعلا رائعه ويارب يبعد عنها الاحباط دايما و يبعد عنها الناس اللى بتدايقها ياااارب

وفعلا انا ندمان جدا جدا جدا لانى كنت ناوى اروح حفل توزيع جوايز بتاع مجله برضه قبل كده ومرحتش انا بعد كده ابقي اسمع بقي ان في اي جايزه تانيه و هتلاقيني هكون من الصبح هناك ومش مهم اي حاجه فعلا لانى واثق انى مش هتكسف

الدولــة : تاريخ التسجيل : 12/12/2007

مقدرش اقول غير ان مدام منى حد جميل قوووووووووووووووووووووووووووووى

انا كمان يا جنة قريت الموضوع اكتر من مرتين
وكل ما اقراة احس اني عايزة اعيط

كل الحروف الى اتعلمتها طول حياتى مش عارفة اكون منهم كلمة واحدة تقدر تعلق على الكلام المليان احاسيس ومشاعر بس كل الى اقدر اقوله ربنا يخليها لنا ويا بخت البنت الجميلة الى وصلتلها احساسنا كلنا بيها مش عارفة ايه كميه المشاعر الى انا حساسها دلوقتى فرح ودموع وحب وتمنى وحاجات كتيرة دى الى قدرت احددها انا قرات 10مرات بجد شكرا يا استاذ امير حقيقى اسعدتنا بجد ربنا يخليك مرسى جداااااااااااااااااااااااااااااااااااااااااااا

عضو صاعد الدولــة : تاريخ التسجيل : 24/07/2007

والله الواحد مش عارف يقول اية ولا عارف يتكلم خالص

وانتو قولتو كل اللى المفروض يتقال
----------------------------------------------------------- والسلام عليكم

الدولــة : تاريخ التسجيل : 29/07/2007

كلام كبير

عشان خطري يا استاذ امير لو ليا غلاوة عندك اديني لينك المدونة

والله انا بعيت انا وبكتب .....مش قادرة اقولكوا الكلام ده جميل اوي وانا بقرا

اتصور المشهد في خيالي وكانني فيه .....

.............................

.......................................

مش لاقيه كلام تاني................

يااااه شعورنا كله واحد زي بعض نفس الاحساس حسيناه كلنا ... فعلا مافيش غير مني

الشاذلي واحده فقط مافيش غيرها ...

المدونه اسمها روح قلب ماما .. اسمها جميل قوي .. واقراوا الردود و ردوا عليها في

مدونتها علشان تحس انها اسعدت ناس كتير بكتابتها هذا المشهد الجميل ...

http://ro7albmama.blogspot.com/2008/04/blog-post_13.html

امير

ياااااااااااااااااااااااة احساس حلو وبجد دمعت

the_iron_girl

شكرا علي احساسك المرهف الذي يدل علي مدي نقاء معدنك ..

امير

ربنا يكرمك يا منى يارب ..............الانسانة دى هى اللى بنشوفها على الشاشة .......هى بقلبها الحنين ودمعتها القريبة بتفاعلها مع هموم الناس...بجد اكتر من رائعة وربنا يبعد عنها الاحباط .......ويزيل جرح صاحبة المدونة الى انا مش فاهماه ....بس ربنا يسعد كل الناس

تحياتي:
مشهد معبر مليء بالأحاسيس والمشاعر ،يتدفق حبا متبادل ،نقلته صاحبته بعفوية صادقة
شكرا للأستاذ / أمير الذي يتحفنا بكل جديد وجميل
لكم كل الحب

الف شكر ليك يا استاذ عبد الهادي ...

امير

بجد بجد مقالة حلوة اوى يا بختك وربنا يخلى لنا منى اختنا وامنا وبنتنا ويحفظها من كل مكروه او سوء

المقاله بجد حلووووووه قوووى ومليئه بالاحاسيس والمشاعر وبجد انا اتمنيت ان أقابل الاستاذه منى الشاذلى بس مش عارفه لو هقابلها هقول لها ايه بس اللى ممكن اقوله انى معجبه بها كثييييييييييييرا.ويبخت اللى قابلتها .

» شاهد فيديو جديد ..تجميع عن اجمل تعبيرات وجه مني الشاذلي خلال الحلقات.. علي اليو تيوب ... جديد جديد جديد ..
» دعاء سلطان في حديث إلى " العرب اليوم" : لا أغار من منى الشاذلي و ليس لأنني عملت معها فأصبحت أغير منها و ليس هناك أحد فوق النقد ..
» اليوم في جريدة الرايه ..صباح جديد .. فلدينا مثلا منى الشاذلي على دريم 2 تحقق نجاحاً واسعاً بملابسها المحتشمة. .
» اليوم .. في صحيفة المصري اليوم .. الحديث عن اهمية لقاء الدكتور / محمد البرادعي لبرنامج العاشرة مساء بقناة دريم، الذى تقدمه الإعلامية البارزة منى الشاذلى ..
» "اليوم السابع" ينشر قصيدة عبد الرحمن الأبنودى لثوار التحرير "الميدان" بخط يده ..