كل ما أحاول أبعد أرجع تانى

فى كل مره أحاول أبعد عن التفكير فى سياسة بلدنا و أوضاعها السيئه

لكى لا أصاب بالضغط اجد نفسى راجع تانى و أكتب و أتغم من اللى بيحصل
هى تركيا ولا ايران أحسن مننا فى أيه علشان يكون ليهم المواقف دى مع الغرب و أسرائيل و أحنا لأ ............
أيه المشكله يكون لينا قرار حاسم وواضح تجاه أسرائيل . خايفين من أيه ؟؟؟؟؟؟؟؟؟؟؟
ــــ من قطع المعونه ؟؟؟؟؟ هنموت من الجوع ؟؟؟؟
ولا الحراميه اللى فى النظام هتتأثر نسبتهم شويه ؟؟
ــــ من حرب مع أسرائيل على رأى البعض ..؟؟؟ أستحاله تقوم حرب لان أسرائيل مش
هتفتح على نفسها جبهتين .. ولان النظام المصرى بالوضع الحالى
(مع الفرض أنه أتخذ موقف صامد ضد أسرائيل )
أفيد لهم من أى وضع تانى ..
ـــ من مجاراة الشعب فى غضبه ودى تبقى فتح باب أرضاء الشعب ومش هنعرف
نقفل الباب ده تانى يفتح النظام على نفسه باب الويل ؟؟؟؟؟؟؟؟؟؟؟؟؟؟؟
ــــ من أيه خايفين يا نظام خانع خاضع ذليل
انتو عارفين لو أخذنا موقف هتكون أيه النتيجه ؟؟؟؟؟؟؟
ــــــــ هيكسب النظام تعاطف الناس و ممكن نعيد التفكير و نتعشم خير فى التغيير
( تغيير الافكار وليس الاشخاص )
ـــــــ هنجبر أسرائيل و الغرب على مراعاة رأينا و تفادى ردود أفعالنا
ـــــــ هنساوم على مصالحنا من منطلق قوة ( ولو ظاهريه جوفاء )
و أخيرا ـــــ هنخفف من وطأة تخاذلنا مع الله لم يسألنا عملنا أيه علشان فلسطين
( الشعب المسلم والقدس )

مش غريبه أن السفن تكون جايه من الغرب علشان تكسر الحصار و أحنا
أهل الشرق المسلمين مشاركين فى الحصار
مش غريبه أن أردوغان يقطع زيارته للبرازيل ويرجع تركيا علشان
يقود موقف بلده كزعيم حقيقى لبلد حقيقى
و أحنا زعيمنا الجسور فى باريس مش عايز يرجع للحر و الهواء الفاسد ؟
مش غريبه أننا ساكتين على قهرنا و ظلمنا و أستعبادنا ؟؟؟
حسبى الله ونعم الوكيل فى نظام أفلس من الكرامة و النخوه
فى نظام أدمن الضعف و ال............
حسبى الله فى كل من يملك أن يساعد فى نصرة الحق ولم يفعل
حسبى الله ونعم الوكيل

كلنا كدة يا استاذ عبدالله

بس لازم نفكر بلعقل الموضوع اكبر من الكلام

احنا بنتكلم بدون علم وبدون فهم لمجرى الامور

انا معاك اننا بنتكلم من المنظور الاخوى والكرامة والشهامة

بس التصريحات والقرارات السياسية محتاجة باع كبير من التفكير

اشكر على هذا الشعور الطيب الى بجد احييك عليه

تقبل مرورى

الله يفتح عليك يا أستاذ / عبد الله
كلام جميل ومشاعر تحترم وأنا أختلف مع سامح فى تعليقه ، لأن كل المطلوب يا أستاذ سامح
إن سعادة رئيس الدولة يظهر الإحترام بإبداء الإهتمام بحدث بهذا الحجم وهذه الفداحة
ويفعل أى شىء ليحفظ به ماء وجوهنا وحرارة دمائنا مادام عاجزا عن فعل شىء حقيقى لرفع المأساه
وربنا يرحمنا من هذا النظام والله الموت أشرف من حياة الذل والهوان
شكرا جزيلا يا أستاذ / عبد الله

زائر

أؤيدكلام الأستاذطلعت وكاتب الموضوع لابدمن الحفاظ على ماتبقى من كرامتنا نحن المصريين
أصوال العرب فهاجر مصرية كما قال السادات وهم من ينتسبون إلينا فكيف لنا أنا نحيا بدون كرامة
ضائعة المعونة إللى بياخدها زعماء الدولة ولم تصل ليد محتاج أو مهمش عايش على قوت يومه
ممارزقه الله وباعدين ياسامح إحنا مابنقولش نحارب عشان ندى لقيادات الدولة العذرفى ذلك
أحنا بنقول نساند أشقائنا كفاية مايحدث بالأقصى ولم يهتز لنا جفن بلامغالطة لأنفسنا

انا أؤيد فكرة واحدة
حكامنا يحكموا ما لا يملكون لذلك يجب ان يفعلوا الاول ما في صالح الملاك وليس الطامعين في الاملاك

شكرا استاذ عبد الله علي الطرح الحي

أستاذ سامح المصرى

اولا أنا سعيد جدا بمشاركتك ... ولكن
أختلف معك وسوف أبين لك نقطه واحده
أننا ضعنا سياسيا و بسبب الكلام عن أن السياسه تحتاج الى تفكير واى مواقف مختلفه
وهذا من وجهة نظرى تخاذل وضعف عن أتخاذ أى قرار

السيد الجميل أ / طلعت الحداد
أولا سعيد برؤية مشاركتك وكنت أنتظرها
ام ثانيا ماذا تنتظر من رجل فى غيبوبه ؟؟ من أنسان أدمن الذل والهوان

السيد الفاضل / ممدوح
شكرا لرأيك الجميل
و طبعا المعونه دى بيدفع ثمنها الشعب المصرى مرتين
المره الاولى من كرامتنا لاننا لا نملك معارضة مانحيها لنا
المره الثانيه من ثروات البلد التى تعطى لمانحيها لنا مجانا مثل صفقة الغاز وخلافه

سيدة المنتدى الجميله / أيـــــــــــــــــــــات
شكرا جدا لمرورك الجميل
و أحب أن أقول أن حكامنا أضعف من أن يحكموا أهوائهم
فكيف يحكمون شعوبهم
حسبنا الله ونعم الوكيل فيهم

» أرجع لحد قدر يمد ايده عليا
» هات تانى ودنك