على باب سفارة كندا

من اجمل ما سمعت من الشاعر على سلامة

على باب سفارة كندا

حتى ابليس هاجر

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

[/center]

عنده حق أبليس يطفش

أذا كان اللى بيحصل عندنا أصبح أكبر من طموحاته لم بدأ رسالته فى الافساد
عنده حق أبليس يطفش
ينتظر لم يصاب بالسرطان او الفشل الكلوى أو الكبدى ؟؟؟؟؟؟؟
ينتظر لم يتحرق دمه ويطق من الغيظ لاننا سبقناه وتفوقنا عليه فى تخصصه

أكيد عنده حق

شكرا أيمان

ههههههههه .. حلوة قوى ..

الف شكر يا ايمان ...

استاذ عبد الله , أستاذ امير
شكرا لكما على مروكم الكريم .

عندك حق فى كل كلامك

الاستاذ على سلامة شاعر فنان ودمة خفيف

اشكرك يا استاذة ايمان على الاختيار الموفق

تقبلى تحياتى

شكرا يا استاذ سامح على مرورك الكريم

» من المخطىء الحقيقى فى احداث سفارة الصهاينه وما هى التداعيات
» متابعة و صور و فيديو حلقة السبت 15 يونيو 2013 . منى الشاذلى : توقعنا أن يغلق الرئيس سفارة إسرائيل وليس سوريا و كاد يعلن الحرب على متظاهري 30 يونيو و نسى أن